和拉麵

營業中

休息中

今日同朋友上完深圳，返到大埔墟已經夜晚九點幾，行下行下，就去左一條有好多日本野既街到，我地就比呢間拉麵店吸引住。佢外面既裝修就好似日本既拉麵店，而入面既地方細細，可以睇到師傅整拉麵，好溫馨既感覺啊！睇下餐單，裡面有幾款拉麵，可以按自己既喜好黎到選唔同既麵、湯底、蒜、蔥等等！仲有好多唔同既小食！點完菜之後，侍應拎左樽芽菜比我地，話一陣可以加落麵到食！我叫左碗黑蒜油拌麵。黑蒜油味勁濃郁，配菜有兩塊燒到好香既叉燒、蛋、黑木耳等等。仲跟埋碗麵鼓湯。朋友就叫左碗味噌拉麵，配料同黑蒜油拉麵一樣，麵既口感彈牙，湯底濃郁，好味道！除左拉麵，我地仲叫左其他小食，包括汁燒雞骨腸，呢個小食幾特別，我都係第一次食！仲有呢個厚燒芝士玉子，正！

今日約左朋友喺大埔踩單車，諗住先食左個Lunch 先。結果係租單車附近既小巷發現了一間掛住日本紅色大燈籠，同幾個細燈籠既拉麵店。因為俾啲燈籠吸引到，感覺呢間拉麵店幾日式所以就入左去試試。鋪入面貼左好多小朋友既畫作，唔知係咪老闆仔女既畫作呢?呢間拉麵店既拉麵款式唔算好多，有普通價亦有貴價，任君選擇。而因為今日係平日，呢間拉麵店做緊午市優惠，買一碗拉麵加$5就可以揀一款小食同汽水!都幾抵食喎!我同朋友分別揀左味噌拉麵同豚肉拉麵，再各配1款小食-煎餃子同小丸子。拉麵只係湯唔同，入面既配菜其實都係一樣既。自己亦可以自己添加芽菜。店員同我地講原來D芽菜係佢地自家每日新鮮炒製，絕不隔夜，咁緊係要試下啦!芽菜既爽脆，食落都幾開胃。我食既味噌拉麵味道真係香滑微濃，一啖湯一啖麵，唔會覺得好鹹，感覺啱啱好。大大件既豚肉有微燻既味道，而今次既拉麵都係揀左普通硬度，軟硬度適中，帶點微彈牙。豚骨湯底顏色比起味噌湯相對較淡，所以都唔難分辨。豚骨湯底俾我感覺係濃得黎帶點清。拉麵既其中一個精髓係蛋，呢間既溏心蛋做到半凝結狀態，微流蛋汁，正!小食方面，餃子係煎菜餃，而小丸子入面就有菜粒同少許既章魚粒。汽水方面揀左可樂同

口痕痕想食拉麵, 頓時記得大埔廣福道入面小巷有, 素來支持小店的我立即去朝聖.主打揀個拉麵先, 招牌豚骨湯底實無得輸, 湯底香滑,麵質彈牙兼軟硬度適中, 肉厚而不腻, 加少少師父特製香辣炒芽菜, 更加惹味非常! 大推芽菜呀! 另外配料亦都好足, 睇落雖然唔係好大碗, 但我一個人係爭d食唔哂! 為食既我, 又點會淨係食個拉麵咁dry呀, 即係點多個八爪魚波波, 28蚊有6舊又幾抵食喎!!而且仲要係多醬多紫菜,岩哂我呀! 波波新鮮滾熱辣,做到外脆內軟, Yummy呀!佢仲有辛辣同埋味噌兩個口味,期待下次再試其他拉麵!!

有晚食飽飯諗住去買豆腐花食既時候，見到對面馬路掛住左Ｄ紅燈籠，大大隻字寫住豚骨，勁吸晴。心裹已默默決定要搵日去試下。咁岩今晚又做無飯家庭，天氣又凍凍地，頓時諗起紅燈籠，一於去試下先！入到時，裝修唔算好突出好豪華，但就有種小店好親切既感覺，好溫馨。黎到梗係要試下佢最signature既豚骨原味拉麵 ，嗒真D個原味。仲叫左個 openrice好多人大力推介既厚燒芝士玉子，咁就夠哂飽啦。豚骨原味拉麵厚切叉燒有兩執，溏心蛋，紫菜再加其他配料，成件事好豐富呀！食拉麵第一野梗係要飲佢個湯啦，唔算好濃，但就係岩岩好既感覺，令人想一飲再飲。叉燒火炙過更有味道，而且夠厚有口感。溏心蛋亦係一大highlight，半熟不熟的感覺令人一再回味!厚燒芝士玉子$28蚊三粒，夠足料不欺場。滿滿芝士混左係蛋入面，一咬就有爆的感覺，而且表面燒過，更添一陣蛋香味，絕對係必點推介。食完拉麵走出舖頭，雖然大風，但係成個人就有好暖暖的感覺。

鋪頭細細間，拉麵可以自選軟硬到，配料份量等等。我同一位朋友一齊叫左豚骨原味拉麵加麵底（＋$10），份量多好多，lunch加$5可以配埋2隻餃子或者3粒章魚小丸子同汽水，我地加配左餃子。仲叫左一D小食 章魚小丸子，紫芋甘栗薯餅，浦燒鰻魚。另外，枱面有師傅自己炒嘅芽菜，帶少少辣味，同拉麵一齊食d味幾夾。我好鐘意佢地嘅溏心蛋，好均勻，而拉麵嘅豚肉食落爽口。加配嘅餃子質素中間以上，雖然唔係好夠脆，不過個餡都唔錯。章魚小丸子，不會只有粉，每粒都有章魚，而且好夠熱。我覺得紫芋甘栗薯餅唔配醬更好食，本身紫芋甘栗薯餅有淡淡香味，但食到醬嘅時候，搶左d原味。浦燒鰻魚唔算特別貴，賣相，味道我都覺得唔錯，隻汁有少少偏咸。但同行朋友就覺得有D腥。整體不錯！

今次係第2次去食和拉麵，因為之前食過好正，所以想食多次，而今次都冇失望，仍然保持水準叫左一個lunch set，麵加底，加多隻溏心蛋，3樣小食豚骨原味拉麵，兩大塊豚肉，好香燒的味道，肥肉較少，肉唔韌我地加左底，諗住係加少少，點知好似加左一個麵餅咁 勁大份量麵條軟硬度揀左普通，但出尼偏軟配餃子，餃子都大隻，肉餡都多，餃皮唔硬章魚小丸子6大粒，質地偏軟，應該粉漿太多，章魚都算大粒，唔硬唔韌蒲燒鰻魚份量大，有6大件鰻魚本身唔太鍾意食鰻魚，因為成日覺得佢好腥，雖然e個都有腥味，但腥味唔重，可接受怕腥的朋友可以加子疆或醃蘿蔔一齊食，咁樣會舒服d紫芋甘栗薯餅，外脆內溶，炸皮唔厚，放左一陣個皮都仲脆每張枱都會有一個師傅自炒的辣芽菜，唔錯嫁 值得一試

去左呢間細細地嘅日式拉麵店，環境唔錯。叫左Lunch set 豚骨原味拉麵，set運埋一款小食，配左3粒章魚小丸子。仲叫埋紫芋甘栗薯餅，薯餅幾香，夠脆。拉麵份量足，味道都唔錯！幾好。

大埔不嬲都多好野食～尼排好想食拉麵就試下和拉麵🍜一入到尼見到廚房上面貼左好多畫，睇得出係啲小朋友畫嘅就覺得好cute貼溫馨呀今次試下味噌湯底，揀左硬嘅拉麵，因為自己都鍾意有口感啲。有人教過我睇拉麵好唔好要睇佢一上塊紫菜係咪仲挺呢，同埋有無煙，咁而佢兩樣野都做到！🥰🥰我好鍾意佢個湯底！！！唔鹹但係會令你好想繼續食，濃度好岩！而佢個叉燒係炭燒過，一聞就已經好香！口感都好，份量都夠！叫左個芝士玉子，玉子有燒過嘅香味，亦都好滑，真心好耐無食過咁滑嘅玉子燒，如果個芝士味再濃啲啲就更好🤣佢都有一個自己整嘅芽菜，係好香嘅辣味，鍾意食辣嘅人一定要試下呀再叫左一個秋葵天婦羅，好欣賞佢炸到岩岩好，唔會overcook哂，都好脆！

今日尼到大埔試下和拉麵，店面唔係好大，但係食物就出人意料地非常值得推介！主要有三款拉麵🍜我今次就叫左豚骨原味拉麵，加左半隻溏心蛋一尼到，賣相都好吸引，我特別鍾意佢嘅蛋，非常滑，有水準！我覺得個湯底唔需要特濃都已經好香，亦都唔係味精味，唔會話食完係咁想飲水。另外我都叫左個紫薯栗子餅，炸得脆得尼，又唔係燶，而入面嘅栗子粒都係好有口感好香！$28， 尼個價錢尼講性價比都算幾高！值得一提嘅，佢嘅員工都好主動同好醒目，久不久就會過尼幫手斟水，同埋係真材實料嘅檸檬水，唔係個啲就咁擺塊檸檬，一啲都無檸檬味嘅水。另外雖然唔算好大間，但係佢都有男女toilet係入面，而且都係乾乾淨淨架，尼個都係有啲surprise

好開心，年初四有舖頭開，仲可以搵到咁特色嘅拉麵店，很有去日本見到的的居酒屋風味。門面裝修好有日式風味，擺兩張凳畀你等位有得坐，職員招呼很周到，很有禮。點菜紙很簡單，因為就是這三款拉麵做主食，只需要選擇是原味豬骨湯拉麵$75，還是辛辣味$80、味噌湯味$80。再選擇自己喜歡的麵質硬度，還有可以加錢自選配料，其實本來拉麵已包含木耳絲、蔥、筍片、溏心蛋半隻和紫菜一片。開放式廚房，見到廚師都很落力，因為客人多，做個不停。點的菜都是現場即製，所以拉麵要等一會才有得食。由於很肚餓的關係，先來兩個小食充飢。芝麻雞翼$28。一碟有兩隻，炸得非常香脆哦！芝麻好多，食落好香口，皮脆但不厚粉，雞肉仍然保留有肉汁，很滑，口感非常好！感覺雞翼很新鮮呢，作為香口小食不錯。章魚小丸子，一碟有六粒，$28。一咬下去，超好吃！平時在街上吃的章魚小丸子，比較軟身和濕身。呢度竟然可以燒得外層有脆口感覺，夠硬而且夠乾身，裏面沒有粉漿狀，一粒章魚肉在裏面，越食越香口，煙韌口感好過癮，而且有日式照燒汁，加上紫菜和木耳絲是絕配，很好吃。豚骨原味拉麵$75,配料很豐富，鋪滿整碗拉麵，最開心見到有半隻溏心蛋。流動的蛋黃很邪惡！食落好香

收工和朋友去大埔食嘢，由於年初四，仲有好多食肆未開，見到呢間和拉麵，等三張枱，就決定食呢間啦。雖然鋪頭細細，但裝修充滿和風居酒屋感覺。裏面座無虛席，睇來幾受街坊歡迎。餐牌主食就是拉麵，有三款：原味、辣味和味噌。 可以在點餐紙上，畫上你喜歡麵的硬度、蒜蓉多少等等配料選擇，可以加錢配其他拉麵配料。小食選擇很多，有天婦羅炸物，還有其他的小吃，我們也點兩個小吃助興。芝麻雞翼$28, 一碟兩件，連埋雞翼尖，真係炸得好脆，芝麻味夠香，裏面嘅雞翼肉質新鮮，外脆內滑，而且咬開有肉汁，好鮮甜，好味！雞翼尖炸到連骨都食埋，又無燶，好正！章魚小丸子$28,一碟有六粒，價錢唔貴，但夠飽肚，而且估唔到佢燒得幾好，外層脆脆地，裏面夠乾身，唔會水流流，一粒章魚肉在裏面，食落又香，加上照燒汁同埋紫菜、木魚絲，愈食愈香口。呢個下次還要再嚟食呢！辛辣豚肉拉麵$80，選了中辣， 去了還有紫菜、木耳絲、蔥、筍片和半隻溏心蛋。豚肉大大片，用炭爐烤過，形成微焦在表面，好香！豬肉新鮮，因為我點了中辣的湯底，沾了辣味，吃得更惹味。糖心蛋的蛋黃還在流動，蛋白也有一點流心，味道夠香，沒加特別的調味，已經好好食。朋友點的豬骨湯豚肉拉麵$7

住大埔真係唔愁食飯問題，今次就去試呢間好評既拉麵店，呢個係大埔既群組好多人都讚好食，就算打去都只係可以話盡量留位。鄰近大埔墟鐵路站的和拉麵，因為有正宗日式湯底而引來各方食客，常常滿座！入面係日本居酒屋既格局，除左有拉麵台之外都有一啲幾人既座位，成間店都好木系好日本，入面貼滿左好多唔同既廣告。一共分左幾隻和拉麵，今次揀左豚骨原味拉麵（$75)，濃濃湯底加上左好多唔同既配料，上面鋪埋蔥花粒，未食已經香噴噴呀。例牌飲一啖湯底先，豚骨嘅拉麵湯底，真心叫咗一下。試一啖湯頭，正呀濃得來仍然有鮮嘅味道，刺激好味。還有配菜叉燒，肥瘦適中又軟滑。由於當日太餓，我就加左竹筍，就更豐富了！仲有日本糖心蛋、叉燒，全部都好有水準，我全部一掃清。

從人來人往，熙熙攘攘的大埔墟街市及熟食中心來到『和拉麵』只不過係短短2、3分鐘時間，但已經係來到一個充满寧靜及平和的世界。淨係睇呢張相，你會不知不覺以為自己來到日本，處身於某個小巷仔的日式小店，哈哈，幾有想像力。入到來，待應熱情哋用日文打招呯：いらしゃいませ，跟住好快递上杯溫水，及餐牌，並且會介紹今日有咩推介，態度殷勤有禮，值得一讚。湯底就有三種選擇，分別係原味，辛辣及味噌。午餐超抵吃，一set 80蚊起。我今日係1個人吃，叫咗個味噌豚骨拉麵+章魚小丸子+可樂，湯底由香滑轉特濃加8蚊，香滑湯底都要由上等豚骨熬制十個鐘而成，而特濃更誇張，用了比香滑湯底更多的上等豚骨，材料及時間熬制。濃而香的湯底同埋拉麵，令你犹如置身日本博多……流心蛋章魚小丸子未上枱已經傳來陣陣香味，好大的誘惑。埋單唔使一百蚊，好满足。

今日嚟咗區內有名氣嘅拉麵店。餐廳裝修有吧枱坐， 有生啤和特色嘅酒類飲品， 這間店在大埔已經開了一段日子，主要是來吃拉麵的。裏面的裝修非常特別，當你進入後，像身處於日本的居酒屋一樣。廚房是開放式的，上面掛住紅色的布。拉麵店嚟講呢間拉麵店食物選擇都算多， 例如有玉子燒，大阪燒，章魚丸， 沙律，炸物等等。拉麵有三種味道可以選擇。除此之外也可以選擇麵條的款式，麵的軟硬度，有沒有蔥蒜，配料要追加叉燒定日本糖心蛋以及加麵底也可以選擇！我點左碗味噌拉麵， 配料已經有叉燒及半隻糖心蛋，豬骨味濃， 鍾意食蔥蒜嘅朋友一定要試。另外有追加左麵底及半隻糖心蛋，拉麵， 分量夠多， 夠彈牙夠入味， 個湯底都食得出有豬骨湯味， 個拉麵質感都好好， 隻糖心蛋簡直一流。整體嚟講，以佢嘅價錢同質素都算成正比拉麵唔係出面啲行貨，如果想食拉麵應該會第一時間諗起呢度。

大埔依條街好多野食，今次揀食拉麵，呢間正評都好多，試下佢有幾堅先。入到去先知原來有好多食物種類揀，唔係得拉麵！黎得當然試碗麵啦，店內環境都舒服似日本拉麵店，裝修簡約但有和風。味噌拉麵呢碗拉麵一上枱嘅時候已經聞到好香嘅味噌味同埋豬骨味，即時流晒口水。食麵之前試左一啖湯，濃得嚟又鮮甜，越飲越想飲！只於d叉燒食落肉味更濃，就算浸左係湯入面好耐，佢嘅肉味仲係好突出，無可能俾其他嘢遮到。湯底夠豬骨濃湯味，配料算幾多，又可以選擇麵既軟硬度。而個麵底呢亦都夠咬口，煮得啱啱好，掛住d湯襯熱食，可能太肚餓，完全係一啖接一啖食，結果係15分鐘入面清晒成碗麵。叉燒比較出色，肥瘦適。隻蛋熟度剛剛好，下次再試佢其他湯底！