和拉麵

營業中

休息中

服務： 好有禮貌服務細心環境： 座位舒服清潔食物： 選擇蠻多，味道美味價錢： 抵食貼地***蒲燒鰻魚***辛辣豚肉拉麵$80，辛辣香多於辣！一碗麵基本已有荀絲+木耳絲+豚肉+溫泉蛋+蔥+蒜，多加配料亦可！！！***豚骨原味拉麵$75，拉麵彈牙，湯底香濃，麵質軟硬度可自選，蔥蒜亦可隨喜好不要或加多減小！！！***章魚小丸子$28，粉薄裏面既章魚餡飽滿！！！***蘆荀豚肉卷$48，必食推介！！！一啖食落口，口感豐富！！！***日式煎餃子$28***日式厚燒芝士玉子$28，芝士配玉子真係絕配，好味到唔夠喉想叫多碟！！！***芝麻雞亦$28***酥炸多春魚$28，燒得好靚，好香口！！！***和風冬雞軟骨$38，好香口好有咬口！！！

依間拉麵店，地方細細，座位坐得舒服，服務員好有禮又好笑容，今時今日咁既服務真係值得一讚！！！“依到除左主打拉麵，小食都有好多選擇！！！“原味豚肉拉麵，湯底清甜！！！“麵軟硬度選了軟的，個人超喜歡，軟得黎仍彈牙！！！“燒鰻魚，燒得好靚，鰻魚口感滑嫩軟綿，個燒汁甜甜地同條鰻魚好夾！！！“辛辣味豚肉拉麵，份量十足，配料有齊荀.木耳絲.溏心蛋.紫菜！！！“豚肉做到微微燶，迫出了油香！！“豚肉，肥廋平均，肥廋兩樣都品嘗到，肉質嫩而不靭！！！“依到既拉麵可以自選麵既軟硬度，湯既濃度，重有蔥蒜喜好，好貼心亦都同日本地道拉麵做法一樣，可以好仔細咁選擇喜好，做出黎碗拉麵更合個人口味，依點好好！！！“依樽野每枱都會有一樽，就咁望以為係荀絲，食落口先知係芽菜，辣辣地幾野味，放落碗拉麵到食幾夾！！！

因為工作培訓關係而要走入大埔，一個對我來說又遠又陌生的地方。香港也有陌生的地方！？係呀！的確好幾年沒有踏足.....難得來到，當然乘機亂咁行，周圍行，發現不少地方已改變了。一個人食乜好？就被搶眼的巨大紅燈籠和幾個黃燈籠吸引了，原來是間拉麵小店。內裏裝潢平實，骨子企理，設有幾張二至四人枱，而最入便是拉麵師傅的工作區。半開放式，見到有個小孩專注地望著師傅工作，仲話「好型」！翻閱餐牌，拉麵有三款既定的口味和一款期間限定，還有一些追加配料、小食、炸物和天婦羅。*********************在點單紙畫上要求，揀了碗豚骨原味拉麵（$75）要香滑湯底、蒜、大盛蔥和普通硬度的拉麵。待一會，熱辣辣的拉麵就上枱，內有兩片豚肉叉燒、半隻糖心蛋、紫菜、大量滿有蔥香的蔥花、爽口的木耳絲 和荀條，配料算豐富。揀了香滑湯底，湯身色澤較清澈，但味道香而不膩，入口順喉，更討我喜歡。幼身的拉麵 烹調時間剛好，條條分明，挺有嚼勁，普通的軟硬度既不會糊口，亦不失咬口，剛好合我心水，入口順滑。很喜歡磨些甘香的芝麻 和配些自家炒製的辣芽菜，又爽口又香辣，仲越食越火辣，好滋味！兩片叉燒 肥膏瘦肉雙間，加上經過輕輕火炙，

在一條小巷裏的拉麵店，鋪面不大，但有點點日本風情。這間餐廳主打拉麵！但係都有好多款小食，晚上重有天婦羅供應！重有幾款日本生啤飲，唔食拉麵的話，飲啤酒食小食都唔錯！好似居酒屋咁食法。我選擇左味噌口味，還加$8要特濃湯底。基本配料都有，紫菜、木耳、竹筍、半隻糖心旦，還有叉燒。湯底加左特濃，湯好厚身，味道都好足夠！掛湯力好好！叉燒係真正既半肥瘦！亦都燒得好香！呢碗拉麵既配菜本身係無芽菜既原來師父同自家方法預先炒熟左芽菜放係枱面供客人自己加落拉麵好好食！辣辣地的！好有心機！午市有得加錢加小食成為套餐好抵食！得另外再order左一個炸雞，雞肉都係自家醃製，味道唔會好似平時食開咁一色既味道！即叫即炸！香脆多汁！食飽重有甜品送！雖然係一粒小小既糖，不過都好開心！

呢兩日天氣咁凍，好想去食碗熱騰騰嘅拉麵🍜經過大埔墟，見到小巷內有間拉麵店，就決定坐低試一試。呢度嘅Lunch set 真係好抵食，一碗拉麵加小食加汽水都係$80。呢度主推係豚骨湯，當然要試試原味嘅日本博多豚骨拉麵🍜，小食就配餃子🥟。豬骨湯底係奶白色的，先呷一啖湯，好香濃呢！叉燒值得一讚，非常有質素，肥瘦均勻，燒得又香口又juicy，真係very good。餃子外皮香口，餡都幾足料。另外，店員介紹我地試試枱面上自家製嘅辣炒芽菜，香香辣辣送麵食好正，唔覺唔覺都添咗好多食完成個人暖番哂，好滿足總體來說，呢間係一間有質素嘅拉麵小店，下次會再黎試埋其他湯底

基和朋友好愛吃日本拉麵! 那日和友人在大埔遇上了一間小店，真有驚為天人之感。友人住大埔，我地大家都是拉麵痴，特別相約來試，全因我們都愛博多拉麵!小店很隱閉，開在小巷，看來不是連鎖大店，我揀了叉燒拉麵，少辛辣的香滑湯底要蒜和蔥，友人跟我一樣，但湯底要大辛辣，我的湯底入口順滑，湯頭很濃鮮，但不會油㵉㵉，少少稠的，很有豚骨的味道，辣味少辣，很香，叉燒火灸過，半肥瘦有油香又滑，肉味佳，溏心蛋真好吃，蛋味濃，流心狀，加上尚好的木耳絲，筍絲，蒜和蔥香，還有幼身，彈牙又的掛湯的博多拉麵，整體配合得天衣無縫，我們吃到雪雪聲，特別滿足，溫暖。至於小吃也十分有驚喜，煎餃子， 海蜇，還有芝士玉子燒(有溶了的芝士!)，都很好吃。基評分: *味道(基基基基基)**外貌*(基基基基)*抵食(基基基基)**服務(基基基基)*最後基言:味道好過屋企樓下的拉麵店，這家是很難想像會有如此窩心的出品，加油!

懷念日本工作既我，返左香港都一段時間，每次食拉麵都好想搵返日本既味道，今日終於比我遇上入到去已經充滿濃濃既豚骨湯味，就連佈置，海報等都充斥住和風，最細心既係店主為客人預備既荳芽菜！都幾多選擇豚骨原味拉麵 $75叉燒肉愈瘦就愈難制作，呢度既係厚切👍，仲要有3塊，正。味道帶火炙過既甘香，提升左肉既鮮味，係肉質緊左小小。最期待呢隻半熟蛋，真係非常，非常之好味呢位師父除了用心製作之餘，手藝相當不錯，蛋味香濃就連蛋心都吸收左醬油既味道，而且做到蛋汁清而蛋熟，蛋黃就似金黃既琥珀一樣，推薦💪見到menu既章魚小丸子好似好正，叫左一客試，黎到竟然同圖既一樣，$28 大大粒，圓碌碌，仲有6粒，超抵丸上灑滿紫菜絲，木魚同醬汁，未食已經流口水😀 饀料好豐富，外脆內軟，冬天食非常適合，因為放左一陣入面仍然熱呼呼的感覺好似係大阪食既章魚燒一樣「和拉麵」令我重拾回到過去既感覺，好難得既一間心機小店，由店外至內，食物，店員亦相當細心，不停為人客加水同細心，離開時仲有2粒兒時經常食既蜂蜜檸檬糖❤真心希望更多人珍惜呢類型小店💪

工作轉左黎大埔後真係好開心，因為呢區出名多好野食，今日同事推介左我過黎呢間小店試下小店雖然位於橫街內，但一望入去就好容易搵到，因為充滿濃厚日本風就連店內既擺設都置身當地咁呢度主打以豚骨熬制既3款拉麵，另再因應個人喜好「加料」~簡單又自由👍好辣既我, 揀左辛辣拉麵（小辣）$80要讚下湯底，真係好香，濃度亦十分高，令我忍唔住想飲晒佢，唔講真係以為自己去左日本😂义燒火炙過更帶出肉味，略為帶乾，但味道唔錯流心蛋好正，好滑，甘香蛋汁又無蛋本身既「蘇」味，蛋心部分煮既時間岩岩好令蛋心完全做到流心效果👍 讚！ 小店提供自家制既辣芽菜，大愛小妹身在日本時，有部分既拉麵店都有呢種配料比客人加到拉麵度，香港不是太多地方會有架！非常有Heart!香港食左咁多拉麵，係呢一間最令人回味日本既味道！和風野菜薄餅木魚條鋪滿厚厚既薄餅上，木魚滿滿的好似消失的薄餅一樣，連埋特制既薄餅汁，木魚味道獨特，唔似出面既普通木魚，而特制既汁淋上薄餅上，混合特盛既野菜，一啲都唔簡單，如果味道方面可以更特出薄餅果種味，會更好！

放工太肚餓，係大埔搵野食，一落巴士就落大雨，匆匆忙忙穿左入對面街。成條街唔太多食肆揀，見到呢間日式拉麵店，睇評價都唔錯，就入左去試下啦舖頭唔算好大，播住日文歌，令人感覺幾放鬆拉麵有三種口味，小食都幾多選擇。雖然得一個人，但係我好餓呀，叫左一個豚骨原味拉麵同埋餃子釀雞翼拉麵嚟喇，陣豬骨香味撲鼻而嚟，我加左$8要特濃湯底，果然好香濃喎！睇下個湯幾濃我個人特別中意濃厚嘅湯，食落感覺係充滿豬骨嘅精華，正！流心蛋時間岩岩好，夠滑夠嫩，而且蛋黃都係好香，一啖就比我食曬！麵嘅硬度我個人prefer較硬，夠彈牙。望住出面落緊雨，可以食到一個碗咁好味熱辣辣嘅拉麵真係好幸福呀配埋杯有淡淡檸檬味嘅冰水，超級滿足呀！店員服務態度好好，介紹左呢個老闆自製嘅辣芽菜，配麵食都幾夾～仲有我至愛嘅餃子釀雞翼呀，佢出面炸到脆卜卜，但入面仲係好juicy其實呢間小店真係幾高質，大埔真係好多好野食架！但可能因為位置有d入啦，所以都唔算多人行入嚟幫襯，太可惜喇

餐廳裝修上十分有日本氣息而且播上為人熟悉嘅日本音樂 好多都係有廣東話版嘅歌 牆上亦貼上好多畫 十分溫馨今次叫咗個原味豚肉拉麵另外再加左濃味湯底濃郁富有膠質 飲落香醇 叉燒切完之後又再燒過所以口感上比起出面嘅叉燒更加香口 肥瘦均勻 而個蛋係啱啱好嘅糖心蛋 最鐘意拉麵食糖心蛋🤤另外因為唔夠喉所以叫咗個香脆多春魚多春魚食落一啲都唔腥 肉質亦唔會疏散係較肥美多春魚 喺調味方面帶出到多春魚嘅鮮味亦唔會過鹹 配上檸檬汁令到多春魚嘅味道提升🥰

逢星期五都要喺大埔做野 其實有埔真係有好多餐廳選擇今日黎到運頭街嘅拉麵鋪叫咗辛辣 硬麵多蔥叉燒 厚薄適中 啲荀唔會有咋 蛋亦係完美嘅煻心蛋冇諗過一間大埔嘅平民小店會咁出色講返個湯底 佢同平時食開嘅辛辣唔同 佢唔會有一層好厚嘅油 另外個湯嘅亦比較水 但唔係稀!你食完唔會好覺得好油膩 香而不膩而個麵底係正宗博多拉麵嘅細麵 我揀咗硬 食到咁上下麵浸住都會過軟!再加埋佢個辣芽菜同啲麵一齊食 個口感層次另外再叫咗個雞軟骨個炸物真係好出色!! 香脆可口外表炸漿唔會太厚 食落好juicy 一啲都唔乾 非常有口感!亦唔會太咸隻沙律醬係BB牌個隻沙律醬!!襯炸物 一流

大埔其實好多好野食。經過呢度，今晚就食拉麵。吸引之處：1. 餐廳雖然細，但整齊，有日式拉麵舖feel。拉麵舖黎講算係好有氣氛。拉麵舖放住日本既經典歌，一入黎就感受到清新既日本氣氛，好舒服。2. 價錢合理，唔似市中心賣到好高價，好實惠既價錢。3. 可以選擇盡量和返自己口味。包括湯底濃度，拉麵軟硬度，蒜同蔥既份量等等。仲可以追加配料加送。4. 湯底豚味夠濃，而且夠熱。拉麵揀左硬，拉麵彈牙，仲索曬湯底陣濃濃既豚骨味。5. 加左芝麻，湯底味道更香。6. 師傅自己整既芽菜，味道少辣，加落拉麵，越食就越落好多。因為味道同拉麵好夾。食左好多芽菜，整得好。7. 溫泉蛋中間流心，好合口味。8. 呢間整叉燒真係整得好味。叉燒出邊燒到少少黑色，叉燒味道更加突出。叉燒既脂肪燒到少少乾身但又有脂肪。叉燒整到有自己特別既香味。好食到追加左叉燒。整體黎講，有自己特色既拉麵。值得再食。

大埔墟有好多不同的餐廳，各有特色，亦各有捧場客，而我非常喜歡食拉麵，今次就去左呢間喺大埔幾出名既日式拉麵餐廳。一入餐廳就知道我一定冇揀錯，裝潢同日本地道拉麵店差不多，而且除了拉麵，仲有好多其他日式料理，有炒飯、小丸子、串燒等等，好多選擇，而且所有食物賣相相當靚，好想點哂個menu~~濃豬骨湯拉麵個湯底冇得頂，非常好味，個湯底味道好啱，濃得黎唔會太咸又唔會唔夠味，好鍾意佢個瘦叉燒，好有咬口，好煙靭，除咗痩叉燒之外，仲有其他配料，例如：紫菜同木耳，紫菜好香，浸落湯底到索晒啲湯底再食好好味，木耳又好爽口，拉麵亦都好彈牙同埋拉麵可以掛係湯底味道好夠日式餃子餃子餡料非常豐富，一咬，有好多肉汁，加埋沾上餃子汁，味道更加好。完全估唔到大埔有間咁好食既日本餐廳，最驚喜係除左拉麵之外，仲有其他食物，仲要係非常好食，必定要再去食。

通常住個區都唔覺有咩好食，今次搵到間隱蔽嘅拉麵黎個女子會。餐廳好有日本嘅風味，播住經典嘅日文歌，好似去咗日本咁🙈餐廳有三種湯底的拉麵選擇，我同朋友揀咗味噌同豬骨湯底，另外一款係辛辣味，落單要填紙仔，按自己需要選擇麵嘅軟硬度、湯嘅濃淡度、要唔要蒜或蔥，另外可以追加配料。店員好細心地提醒拉麵本身附送咗半隻溏心蛋，隻蛋真係幾好食😋好少地方有得食味噌拉麵，有我一定叫！好濃郁啊個湯底，唔會好咸，但無食開重口味嘅可以試豬骨湯底，清清地，無咁”漏”。兩個拉麵都有兩塊叉燒，叉燒爽口唔太乾，燒起黎有一份焦香味，重點係唔肥，唔會阻住我食個麵。店員上拉麵時有特別介紹配菜微辣芽菜，加入拉麵會帶岀拉麵另一個味道，一定要加入去試下。另外有叫芝士玉子燒，唔係好食得到有芝士味，但玉子燒上塗上蛋黃醬再加埋木魚絲，帶岀玉子燒更和風嘅味道。好似欠缺咗蔬菜喎，叫咗野菜天婦羅減低食拉麵嘅罪悪感🤣。呢個天婦羅最特別係有紫薯同秋葵，兩樣都係健康食物，紫薯食落唔太甜但有淡淡嘅香味，好有驚喜👍🏻另外佢有附上蘿蔔蓉放在天婦羅的醬汁上，食個陣唔會好油。

新界有不少日本拉麵🍜店，更有不少是岀名，每天都有人在排隊的，我當然是不愛排隊的人士，所以去了一間很隱世的真正拉麵店，日本人對拉麵的烹調方法很講究，所以無論去哪一間都會十分好吃，而我今天選擇了和拉麵🍜我選擇了一個豚骨原味拉麵和一碟煎餃子，廬筍豚肉卷。豚骨原味拉麵，當店員一上枱，在肉眼上看沒有什麼特別，但原來味道十分令人驚喜，叉燒是師傅自己醃製的，更帶有日本風味，醃製的方法是日本的做法，很獨特，而菜類是很新鮮的，那個溫泉玉子非常流心，令人有一種開胃的感覺。至於拉麵的湯底，湯底是豚骨做的，飲得出師傅是很用心地用了十多個鐘頭烹調，而湯底也沒有味精，因為就算整碗飲完，都不會口渴，而且大有很濃烈的豬骨味，湯料很豐富，又不會很浠，有結結的口感！再配上少量豚肉，令味道更岀色！拉麵的麵身是粗的，很彈牙，有口感，是在日本空運過來的！小食方面的煎餃子，這個也很特別，因為外皮煎得脆，在內真的餡料充滿肉汁，感覺都是物超所值的，麵粉不會過多，大家不妨值得一試！至於廬筍豚肉卷，入口豚肉滑溜，肉汁滲透入廬筍裡面，廬筍清香及口感爽，非常新鮮。