和拉麵

營業中

休息中

大埔黃店之選💛良心小店😚因為店舖空間有限 所以2點幾食lunch都要等!不過係值得等架😍 唔想等亦可以外賣自取有九折! 職員服務好好!👍🏻豚骨原味拉麵午市套餐🍜 $80太肚餓食左隻溏心蛋先記得影相🤣 湯底好香好入味 但又唔會覺得好重味精味 如果你鍾意食濃味啲仲可以轉特濃湯底 🥣 拉麵揀左硬麵真係好有咬口 唔會煮過龍 配上爽口嘅木耳同筍 一試難忘🤤午市套餐仲配小食同飲品✌🏻炸餃子個皮炸得好香好脆 個餡好足料 好好食😋

食材優質 廚師精心發辦！今日開完會，什麼精力都耗盡，真係要找好東西食，來填補心靈。為個人衛生，餐廳門口和洗手間外都設有消毒搓手機供客人消毒，好貼心！一入到去唔洗等好耐，立即為我們送上野飲透心涼一下，成間舖格局都係乾淨企理，師傅店員有禮貌拉麵我就咁就試返最基本既今日想介紹下佢D小食！好正！睇相啦！！好正呀半熟溏心蛋出色，無得輸。叉燒夠肥，未夠入口既溶，餃子煎得微焦， 而且熱辣辣肉質豐富好耐冇食 依然保留到水準 值得讚賞！值得大家一試！食左咁多年 依然保留到水準 值得讚賞！區內有間咁正嘅拉麵，其實真係唔想話比人知呀！

估唔到係大埔一個巷仔有咁多野食舖😂因為呢間拉麵都幾出名所以黎試下，去食晚餐前面都幾多人等🤔我地各嗌佐個豚骨原味拉麵，俾女仔食份量都足夠，男仔可能就麻麻😂但都幾好味！等咁耐都幾值得💕舖頭啲職員都幾nice，會經常主動幫你加水，水係檸檬水黎，覺得油可以解膩🍜埋單既時候嗌住佐我地，我以為係唔記得攞找錢😂原來係諗住俾我地粒檸檬茶糖都幾細心😍係冬日為顧客準備少少既野令人覺得幾暖心☺️下次會想再黎試下其他！

冇諗過大埔都有一間咁出色既拉麵小店!! 因為今次同小朋友一齊食, 我點左普通既豬骨湯拉麵加底, 冇加辣, 湯底好得, 冇味精, 濃郁豬骨味, 而叉燒夠晒份量, 灸燒岩岩好, 唔知係咪老闆知我有小朋友, 送左隻溫泉蛋同紫菜比我, 岩晒小朋友食。一碗麵加底, 我同小朋友都食唔晒, 份量真係好足, 夠晒飽, 埋單都係$87, 下次可以再幫襯!  

平時無乜機會黎到呢頭,今日同朋友行過決定要入黎試一試舖頭係巷仔入面,舖頭細細,座位唔多,要乖乖係門外面等位啦今日有啲肚餓,立即開啓兩個胃,一個拉麵胃一個小食胃叫左一個豚骨拉麵同埋幾個小食,拉麵份量OK唔會太少,配菜都好多,仲有一樽辣芽菜可以加黎食,爽口好味溏心蛋超好食!厚燒玉子都好好味,小丸子即叫即製熱辣辣,鰻魚醬汁同鰻超夾,燒得好靚價錢親民,性價比高.有機會一定再黎最重要要講,店員真係非常非常有禮貌!!

已經有一年左右無係openrice打食評。最近見和拉麵都幾出名。位置係運頭街，其實個地點都有d難搵既。咁難得去呢間熱店就想試多d唔同既野食，所以就去左大埔墟呢間和拉麵食左3樣食物。小食就點左煎餃，厚燒玉子燒（玉子燒配上好香既木魚絲再加有沙津醬好開胃） 拉麵方面，我就簡左食豚骨原味拉麵 ，湯底方面有濃味同香滑湯底簡。而我簡左香滑湯底，湯好味唔油膩。 食完埋單後仲送粒糖比客人食。不過 ，有咩野覺得唔好就係佢比個個水飲左一啖有d怪。所以唯一要彈既係佢比個杯水，可能我自己飲唔慣掛。

因為傾pj 而踏入大埔呢個平時好少黎嘅地區。朋友提議黎呢間黃店拉麵。Lunch set比較化算。$80 包拉麵+小食+飲品，原價一碗拉麵都$75。叫咗辛辣湯底，小辣。鍾意食辣嘅朋友起碼要叫中辣，因為小辣係完全唔辣。拉麵比較幼身，個人口味感得煮得太淋。糖心蛋有流心效果，正！有兩大片叉燒，正正常常。驚喜嘅地方係店員好好人咁特登推介我哋食佢哋自己炒嘅辣芽菜，可以係個格枱面上嘅罐到添。芽菜好爽口，係個不錯嘅配料。結果最後我哋五個人食晒成罐。拉麵不過不失，你話特登嚟食就不喇，

位於運頭街的和拉麵，店舖裝修十分和風，中午到達的時候門口已經有大約二至三人排隊，今天和同事叫了叉燒味增拉麵，章魚小丸子還有蔬菜天婦羅，拉麵湯底濃厚，湯，麵都可以自選，熱辣辣非常好食牆上還有每日限定拉麵，雖然店舖不太大，但店員十分有禮貌

等去日本等到頸都長埋，唯有食個拉麵止止渴先。大埔其實都有幾間人氣拉麵店，但今次特登揀呢間良心小店，以表支持💪。估唔到小店唔止職員有禮貎、價錢平民、食物質素仲唔錯添，值得推介!!星期六lunch時間1:30黎到，剛好有位唔駛等。餐廳細細，座位大概20個，由於坐卡位，唔覺得迫，不過張櫈太淋太矮，坐得好唔舒服😹。同朋友兩個都點左豚骨原味拉麵，另外加兩款小食。日式煎餃子($28)特登點比朋友食，應該係包裝野，味道正正常常，皮薄肉少(日式餃子特色)，煎到幾靚仔。章魚小丸子($28)呢個我同朋友都讚不絕口!!雖然唔正宗，但我就係中意呢個外層整到焦脆，丸子心偏實、粉漿較多既口感😋。性價比比餃子高好多!!豚骨原味拉麵($75)多蔥、蒜味湯底揀左普通，所以唔會好黏口，但又好有豚骨味，飲落又唔會太鹹，仲帶少少蒜味，唔錯🤤。拉麵只有幼麵，揀左硬口感，岩我心水。全餐最令我驚喜既就係呢兩塊叉燒!!😯雖然肥，但切得幾薄，食落唔會覺得成舊豬油放入口；由於帶皮，所以咬落有少許韌性；入口先有焦香，之後就會食到濃郁既豚肉味，正!!🤤午市時間免加一，人均大約一百蚊，我地兩個都食到好滿足，非常推薦呢間既經濟又美味既日式小店比

大埔出名黃店多，所以我和友人就趁星期六周末，到「和拉麵」這黃店搵食。「和拉麵」位處大埔小街，對非大埔人而言確實要花些時間找。行呀行，找呀找，看到一塊寫著「香港人反抗！」的粉筆版時，就知道找對地方了。小店主打三款拉麵，你可以因應個人喜好揀選湯底、麵硬度、以及要不要蔥及蒜。最後，我揀了豚骨原味拉麵（$75），再加半隻日本溏心蛋（$6），另多點一份章魚小丸子（$28）開心sharing。拉麵是幼麵，豚肉跟其他拉麵店的比較，肥肉較多，屬半肥瘦，非常易滑入口。自己試過煮溏心蛋，但失敗，所以能嘆到外暖內冷、真正溏心的溏心蛋時，立即為這拉麵加分！章魚小丸子即叫即整，一咬，嘩！熱到辣親舌頭！28元六粒，章魚粒大小適中，好味！由於外面有不少食客排隊，我們吃罷後立即賣單，給黃店「和拉麵」多做幾轉生意，加油！

和拉麵位於一條小巷入面，位置都幾隱世😂。舖頭細細，裝修好日式，真係有種去咗日本食拉麵嘅感覺。叫咗豚骨原味拉麵，奶白色嘅湯底，香滑又唔肥膩，飲晒都唔會口渴。麵要咗普通硬度，我覺得啱啱好，夠彈牙。蔥揀咗大盛，上枱時真心好多👏🏻，碗麵本身已經跟咗半隻溏心蛋，拉麵配溏心蛋確係一絕！.最出色嘅就係嗰兩塊叉燒，肥瘦均匀，厚度適中，唔會太薄。經過火槍輕輕火炙過，食落有少少焦香味，十分香口。.埋單嘅時候會送你一粒蜜蜂糖，係兒時回憶呀！.美味指數：4⃣/5抵食指數：3⃣/5再食機率：80%

咁啱朋友黎大埔，佢又想食日本野，就黎左呢間舖頭食晚餐。湯底選擇唔算好多，我哋好快就決定左食咩。我哋叫左豚骨拉麵(加錢升左做特濃豬骨湯)、辛辣拉麵(小辣)、芝士玉子燒。特濃豚骨拉麵：湯底真係好濃，好香好濃既豬骨味，麵質幾好，咬落煙韌。叉燒睇得出有燒過，望落好似好肥，但係食落唔會膩。辛辣拉麵(小辣)：對於唔算好食得辣既我黎講佢有d辣，叉燒同豬骨拉麵既一樣，望落肥但係唔膩。芝士玉子燒：幾香幾好食，芝士味濃，有拉絲既效果。上面既木魚都好香。三十蚊唔駛有三件，算係抵食。店內位置頗闊，幾好坐。有幾多食客叫左龍蝦拉麵，幾多一家大細黎幫襯。價錢唔貴幾抵食，拉麵高質好食。

同朋友四圍去搵嘢食，見到呢間餐廳雖然喺條靜靜地嘅街度，但都坐滿曬應該品質有保證。除咗拉麵，仲有好多小食同沙律選擇，仲有生蠔食，真係估你唔到。第一次食就食佢最招牌嘅豚骨原味拉麵($75)蔥揀咗大盛，上枱時滿碗蔥真係好開心。加咗紫菜($5) 由原本一塊變咗四塊。朋友加咗半隻日本溏心蛋($6)，之後先發現原本個麵都已經有半隻。叉燒用火槍燒過，所以特別香口又唔會太薄。湯底唔會太咸，食完無口渴感覺。溏心蛋無鹵過，如果有埋味就肯定加好多分。喺facebook或ig打卡仲有九折優惠，夠曬實惠。

一直以來都想開始寫食評，除了分享外，亦想為自己保留記憶，可是總係的唔起心肝但近來，驚覺愈來愈多小店消失了，再檢視一下自己既消費pattern，的確幫襯大商場食店比例較多，主要因為方便吧。就係因為咁，我決心扭轉一下個比例，要多D支持小店，而我既開始就獻比「和拉麵」吧 。因為很多時星期六下午都會和友人到大埔，而「和拉麵」既位置真係幾山旮旯，唔係咁易搵到。即使入左呢條小巷，都可能被地理位置較好既拉麵店吸引左而錯失左更好既和拉麵。呢度主要有三種拉麵，包括「豚骨原味」﹑「辛辣」同「味噌」，而我就選擇左原味，就可以加錢要濃湯同一般拉麵店相同，都有得選擇湯底(普通/濃湯)、蒜、大盛蔥(多與少) 和拉麵既硬度。特濃湯底係正既，口感有D黏充滿膠質，但絕對濃而不膩。通常好多渣既拉麵湯底都會飲完覺得好口渴，但呢個真係唔會。而呢碗拉麵最出色既地方就係兩塊燒叉燒，真係燒得好香，經過輕輕火炙，你係feel到有少少焦香味。另外店員推介我地一定要試佢地自家炒製的辣芽菜，好食到停唔到口！正~另外我地都叫左兩樣小食 - 吉列廣島蠔 同煙肉芝士大菇。 吉列蠔係好食既，炸完都仲會好Juicy，而且都算唔夠細隻。相比之下，煙肉

#大埔美食#樂食人生平價日本拉麵。和拉麵1.辛辣拉麵 (中辣) $80-湯底偏清淡帶豬骨香味，但好飲-辣度接近譚仔 x 小辣-麵條掛湯能力頗高-叉燒碟前用火炙過，非常好食好香口2.日式章魚小丸子 ($28/6粒)-香脆唔油膩-醬汁唔會過多，味道唔會過濃-飽肚抵食推介口水指數🤤：3.5/5*記住記住如果IG或Facebook即場打卡再出post，可以全單九折，仲要免加一，好抵玩！！地址：大埔運頭街20-26 號廣安大廈地下J號舖