和拉麵

營業中

休息中

嚟到大埔想食拉麵，十居其九都會嚟呢一間和拉麵，因為覺得佢價錢合理，湯底亦幾啱我口味😆本身佢拉麵款都算多，不過有一部分都賣哂🤣都係食返最普通嘅～男朋友叫咗豚骨原味拉麵 ($78)，呢一間嘅豚骨味超濃，但又唔會過鹹，我覺得拿捏得啱啱好👍🏻而且唔會有油膩感～麵條都相當彈牙😋我就叫咗辛辣拉麵 ($83)😋以我食咁多次辣味拉麵，呢個都算幾辣，但佢唔係辣粉嗰款死辣，都幾香～小食叫咗章魚小丸子 ($32)～我覺得以餐廳嚟講都算合格，唔會好軟爛嗰款，都係正正常常～呢間拉麵店我都encore咗好多次，性價比不錯☺️

其實大埔不嬲多食店，但係拉麵店反而少之又少。呢間拉麵位置係一條巷仔入邊，所以稱為隱世小店亦不為過。叫左個豚肉拉麵黎食，雖然個湯偏鹹，但係個麵嘅質感非常好。下次會再返黎幫襯！

大埔運頭街短短一條窄巷，收埋咁多好野食，淨係拉麵店都已經有2間。今次試嘅呢間同樣係金黃💛良心小店，門口大大塊牌寫住醫護半價，呢排佢地真係捱得好辛苦🥺多謝你繼續撐住佢地，撐住香港人💪🏼平日嘅午餐時間黎到，等左10分鐘左右就有枱，仲要有午市套餐畀我哋order，86蚊有拉麵有小食有飲品，唔洗選擇就最好😉🍜豚骨原味拉麵 午市套餐 $➑➏拉麵店主要賣三款拉麵，最common 嘅就係豚骨原味拉麵。豬骨湯極濃，食食下飲哂成碗湯咁濟。拉麵揀左硬身少少，等佢唔會越浸走腍。一碗有兩片燒香嘅薄叉燒，同埋半隻糖心蛋、木耳絲、荀絲等等，全部都岩我口味。餃子無影到相，但就真係好好食，做到皮脆內軟，真係食過番尋味！章魚小丸子同樣燒到外面香口脆卜卜，2款小食都一樣高度評價👍🏻🥰八十幾蚊一個拉麵套餐仲有汽水同小食仲要咁好味，唔係唔撐下呀？📍 和拉麵 大埔運頭街20-26號廣安大廈地下J號舖

疫情得午市，選左呢間試下佢既拉麵，平時經過都見有人排隊。因唔食辣怕熱氣叫左個豬骨叉燒拉麵和幾款小食😊👍🏻值我讚係熱辣辣。豬骨叉燒拉麵，湯底濃郁，麵質硬度選左普通，麵陣牙，流心蛋好香，叉燒入味唔硬，唔使幾分鍾食曬。雞泡魚乾：夠厚肉，入味，燒得岩岩好，出面薄黏牙，食都停唔到口。😋海晢：有自己再調味過，爽口，偏酸。八爪魚丸：大大粒，熱辣辣，唔會厚皮，一粒入面都有大大粒八爪魚，唔會流。😋👍🏻

今次為大家介紹位於大埔舊墟的一間隱世拉麵店 – 和拉麵。店內的豚骨拉麵有三種湯底可供選擇，包括：原味、辛辣和味噌。另外，蔥和蒜的份量以及拉麵的軟硬度也可以自行調配。而我們點了一碗豚骨原味拉麵，一碗味噌拉麵。兩碗拉麵的湯都十分香濃，但又不會太鹹。店舖選用了幼身的拉麵，更加掛湯，口感一流。可惜是小編沒有注意是幼麵，個人十分偏愛粗麵口感，久違了的幼麵口感。晚市時段沒有午時時段的拉麵+小食+飲品套餐優惠，但我們也單點了一份唐揚炸雞塊和一瓶千里烏龍茶。每件炸雞都分量十足，沒有多餘的炸粉，外皮脆，裏面的雞肉軟嫩。而烏龍茶也十分驚豔，那個回甘的味道真的很特別，推薦各位試試。

喜歡吃拉麵，大角咀、荃灣都有不錯的拉麵店，今次試吓入大埔呢間朋友介紹嘅拉麵店，果然無介紹錯， 雖然未係一流水準，但算係不錯的。點了辛辣拉麵(中辣)及餃子。 湯底可選香滑或加錢選特濃；麵亦可選軟硬度。中辣是可接受的辣度， 辣度普通，但若不太嗜辣者，還是建議選小辣；湯底豬骨味不太濃，亦不會死鹹，易入口；拉麵是幼麵，烹調時間控制得好，不會太腍，口感不錯；叉燒亦如傳統日式叉燒，外圍一圈肥肉，有少少油膩。餃子得4隻，比坊間一般有5隻或6隻，數量較少，但味道搭夠，都幾好食。

去大埔開會，成日聽人講話大埔好多平靚正嘅好嘢食，本來滿懷期望。睇openrice呢間拉麵店好多好評，只得7個嬲嬲，好多時仲要等位，見未多人就走咗入去。有lunch set，即係任何拉麵加8蚊，多一份小食同一罐汽水，因為唔飲汽水，所以我同同事只嗌咗拉麵。78蚊碗講真唔算好平，一幻喺海港城都係88……而且坐得舒服好多，又有海景……睇到有評論話呢間鋪頭座位寬敞，唔知嗰位仁兄係咪比較細粒呢……講返碗面，個湯底嘅味ok，但唔夠熱，啲麵條正常，但分量好細，女仔都未必夠飽。問題嚟喇，啲叉燒真係不敢恭維，豬毛都未燒乾淨，而且好肥，肥到食唔到。真係唔知啲好評從何而來，個人認為食嘢就簡單啲，好就好，唔好就唔好，唔係睇間鋪頭嘅意識形態，人哋小店有良知，咁唔該寫食評都要有返啲良知！

經一位日本朋友介紹,話大埔有間食拉麵唔錯,追問之下原來係一間叫和嘅拉麵店.鋪位唔大,而且位置都唔係大街,有種隱世嘅感覺,裝修都唔錯,枱都係乾淨嘅雖然係LUNCH TIME,但都仲有一個位比我入去食,最後都唔洗等.我叫左個豚骨拉麵,湯底濃,麵係幼麵,麵質都相當爽滑,叉燒亦做得幾鬆化幾香,流心蛋更加是入味,熟度剛剛好係一間有誠意嘅拉麵店,價錢方面同一般拉麵店差不多,都係大約$80-100左右絕對會再返黎再食多次

大埔其實有好多好野食，今次就黎試下和拉麵，店舖裝修好日式，坐位寬躺，2個人都比4人位坐，絕對唔要客人將就。店員的安排都好細心，見隔離位有小朋友，特別安排高凳同加高坐墊比佢，非常有心。主要有三款拉麵。豚骨原味拉麵$75豬骨味湯底又香又滑，唔會太濃或太咸，拉麵軟硬度適中，配搭得相當好。叉燒比較薄身，不過燒得好香口，肥瘦適中，食落唔覺肥。糖心蛋就正常發揮啦。味噌原味拉麵$80我老公試咗味增拉麵，味噌湯底反而更突出，令d拉麵識落冇一啖都更香濃，材料就同豬骨味湯底嘅拉麵一樣。枱面有辣芽菜，香辣味配落個麵度超級一流❤️好多時食拉麵，一係太濃，一係太鹹，呢間都係我食過最好味嘅其中一間，有機會再黎試食其他款拉麵。

和拉麵好多人食，我哋都排咗半個鐘店舖嘅面積唔算太大，但係裝飾十分日式，好似去咗一轉日本食拉麵咁😍我叫咗豚骨拉麵，湯底一啲都唔油膩，豬骨香味撲鼻，唔會好滯日式叉燒十分有驚喜，脂肪同豬肉層層分明，啖啖肉，唔似坊間嘅拉麵叉燒成舊肥膏咁，食完唔會覺得好肥，食落口仲有啲煙燻嘅香味🤤配料都算多，有筍，木耳絲，紫菜同埋有半熟蛋，包你一定食得飽😍Lunch set 仲包埋兩隻餃子或章魚小丸子，仲有嘢飲添，真係好抵食唯一美中不足嘅嘢係，我揀咗麵底口感硬啲，但仍然麵底淥得比較淋，可能佢本身選用嘅麵都比較軟身不過overall嚟講，係一間值得一試嘅拉麵餐廳，大家可以支持下小店🥰

心目中排名第一嘅大埔黃店亦都係心目中香港No.1 嘅拉麵店香港嘅日式拉麵店何其多，但偏偏有質素嘅實在少之有少。但係呢間係我唯一一間不停翻啅嘅拉麵店我偏好豚骨湯底，呢度嘅湯底一直keep 到水準，濃度適中，少油得黎又夠熱糖心蛋睇相都知吸引啱啱好做到蛋白全熟蛋黃流心叉燒亦都係誠意之作，唔係求其切幾塊肉仔嗰啲拉麵店比得上麵條亦到做到偏硬嘅效果閒日仲可以叫lunch set ， 一個拉麵+小食+汽水 80蚊，絕對抵食章魚丸同餃子正常水準，值得一提佢每枱都會放一罐辣芽菜，爽口得黎辣度啱啱好每次都起碼食佢兩三撮

呢間拉麵店係大埔都幾出名，我終於去左食！估唔到2點幾去到都要等位，不過好快就有位～餐廳座位比較少，如果唔想等位就要早d去啦。————————❦ 味噌拉麵 $80每款湯底都有得揀香滑/特濃，我揀左香滑，已經幾濃味，但係一d都唔膩！叫親味噌都好驚會中伏鹹到痴線，但呢款有嗰個濃稠度而keep到唔會太重口味🤩-拉麵本身係幼身直麵，揀左偏硬嘅麵質，真係好彈牙好好食！叉燒肥瘦適中，炙燒過仲更加香！不過美中不足嘅係就算點左特盛蔥量都係得好少，可以多d就好啦🥺評分：🌕🌕🌕🌕🌗-❦ 豚骨原味拉麵 $75 特濃湯底 +$8朋友既豚骨湯底真係超濃豚骨味，完全feel到煮到有膠質個口感。我本人就鍾意味噌多d，不過呢款都係好好味。評分：🌕🌕🌕🌕🌘-呢到嘅拉麵都算係我食過最好食嘅幾間，估唔到小店都咁出色，會再去食下其他味道嘅拉麵😍

好耐冇食拉麵喇！堅持正宗日本博多系豚骨拉麵－和拉麵嘅豚骨湯底分香滑同特濃兩種，第一次食就揀咗基本嘅香滑版，湯頭味道濃而不膩；我偏好硬身嘅直麵，幼身嘅麵條掛上湯汁，啖啖都好滋味；叉燒經炙燒幾香口，溏心蛋唔係好香醬油味嗰種但係效果剛剛好～店員推介鍾意食辣嘅可以試下佢地嘅辣芽菜，加落拉麵或者就咁食都得，真係好好味冇介紹錯，唔小心清咗大半兜🙈依度嘅日式小食定價都唔貴，食埋個野菜煎餅同煎餃子就好滿足喇☺️

今次好好彩唔洗排隊就食到啦,叫左個辛辣拉麵(中辣)加日式煎餃子.但係最中意食就係佢地放係枱上面有個銀色既器皿裝住既辣芽菜 ,中意食辣既你一定會中意食,有小小辛辣味再加埋芽菜既爽口真係一流呀.而麵既湯底唔係得陣死辣味而係香香濃濃.餃子正常水平.最值得一提既係店員服務非常好.有講有笑不停為你加水,以禮待人(唔係咁多鋪頭做到)

-{黃店💛大埔濃郁豬骨拉麵🍜}終於食拉麵啦！屋企近近地拉麵選擇唔多 今次就去大埔墟呢一間食久違嘅拉麵😆🤤原味豚骨湯套餐🤤 ($80)麵係幼身麵 普通麵身啱啱好😍兩塊薄叉燒有燒過 食落好香肥肉好有油脂香 有啲唔夠喉😂隻溏心蛋好流心🥰好香蛋味但唔腥 食得出少少醬油味~湯底方面好香豬骨湯😍食落唔味精我都飲左好多😂朋友嗌左濃郁湯底係好食啲嘅👀👖褲評: 8.3/10🤤餃子🤤 (跟餐)普通煎餃子但唔油 料唔多嘅😌但皮都算脆👖褲評: 5.5/10🤤章魚小丸子🤤 (跟餐)睇落d木魚fing下fing下好吸引😙但食落係有椰菜同麵粉多🥲食唔倒章魚粒😕嗌餃子穩陣啲👖褲評: 4/10見倒其他人都嗌😚另外餐廳用送揮春同兩粒糖嘅 服務都好好🥺當日去到2點都仲要排隊真係好受歡迎 星期二至五嘅80蚊套餐包小食同汽水真係好抵😍性價比: 8.5/10服務: 8.8/10環境: 8/10🚩和拉麵🚩地址: 大埔運頭街20-26號廣安大廈地下J號舖