#中環美食 #辣食人生 1.麻辣瘋狂缽缽雞 $238/60串 (2人份量) -難得嚟到呢一間標榜最正宗嘅四川菜，冇理由唔試吓近年全中國都非常熱門嘅「缽缽雞」 -缽缽雞即係將各種與雞相關嘅食材，用長竹纖串起，再浸於非常鮮味、維持於室了溫嘅麻辣湯汁 -呢度竹纖只會用一次，欠環保但較衛生。如果在中國內地食，一般都會重用竹纖，或者會用金屬製鐵枝串起食材 -60串中有30串為素菜，30串為肉類，老闆建議先食素，後食肉，因為肉類較需要時間吸湯，如果素菜浸太耐味道亦會偏咸 -葷串推介：蓮藕、土豆片、雲耳、枝竹等較易吸湯食材 -肉串推介：雞腳皮、雞腳筋、雞肉粒、牛柏葉、魷魚 2.瘋狂燒白麵 $78 跟一杯飲品 -四川小面必食推介，燒白亦即是炆五花肉，配上看似梅菜嘅黑色四川牙菜，非常入味香腍，肥而不膩，每日限售15碗 -湯底我哋揀咗「紅湯」，但味道同砵砵雞嘅湯汁截然不同，小麵湯底明顯更多層次、更複雜，麻、香、辣、咸等多種味道互相交融，絕非平時街邊食麻煩米線嘅味道 -麵掛湯能力極強，不過湯底真係好油，飲唔到好多 😂 3.辣油的迷思 我同朋友都係愛辣之人，所有菜式都要求大辣，結果大家都覺得辣度一般，略有失望。不過店主後來解釋，原來四川菜精髓在於辣油嘅香味而非辣味，因此辣度不如坊間嘅特辣米線。 另外四川菜雖然好油，但由於佢地嘅辣油用植物煉成，油身質地較輕，容易排出體外，即使沾上衣物都容易清洗，因此食完咁多辣野都唔怕肥，當然食得多都唔健康！

豪食高質火鍋。淥鼎記 #觀塘美食 #辣食人生 #任食火鍋 高質的一餐任食火鍋！ 最正既係無限時！我地食左2個半鐘😛🤤🤤捧住個肚走😆 佢上菜有次序既 前菜〉刺身〉雞煲（可refill）〉火鍋〉甜品 1.雞煲 可選辣度的，我地揀左中辣，不過就覺得普通辣度，不過好入味💕最驚喜係最後啲豬皮煮到勁入味又辣辣的🤤 2.火鍋（酸菜麻辣鍋） 一開頭食係唔辣既，有啲失望.....但！食食下就勁開胃又辣辣地，推介🤤放啲魚片落去就係食緊酸菜魚🤤🤤啲火鍋料又好多選擇，感覺都好新鮮💕 3.甜品係好睇唔好食，打完卡走就ok😂噴曬煙真係好吸睛😏 電話同OpenRice 訂座都有88折，覺得物超所值😛 口水指數🤤：4/5 地址：淥鼎記 (觀塘) 觀塘觀塘道414號壹亞太中心8樓

朋友介紹過天水圍有間川菜幾好食🌶就即刻去試吓👍🏻去到叫咗三樣餸，分別係例牌手撕雞🐥蒜泥白肉🐷例牌雞煲🍲

先講份量三樣餸價錢同份量成正比，兩個人食叫例牌就啱啱好👍🏻手撕雞嘅雞肉好嫩滑超有口感😆蒜泥白肉個醬汁同埋配料真係一流超好味唔會太咸但夠曬入味又會保留返白肉味係度😍😍下次大家一定要試😋

平時出去食飯食雞煲無返四五個人都食唔晒😣但係佢哋有個例牌雞煲啱晒兩個人食😎


雞煲嘅味唔會太重味精味令人食唔停🤤


成餐飯兩個人叫埋嘢飲都係食咗150左右🤩唔怪之咁多人話又抵食又好味啦😋一個字正👍🏻


🍽海南小廚 川菜館
📍天水圍新北江商場一樓D5鋪

#筲箕灣 #樂食人生 . 1.兩餸車仔麵 (阿婆豬扒X沙薑手撕雞) $30 -沙薑手撕雞絕對絕對係必點之選，每一口都有極濃烈嘅沙薑味，而且份量好多，不過味道有點過濃，往往會令到個湯底充滿沙薑，係唯一缺點，但相信熱愛重口味嘅朋友都會愛上 -阿婆豬扒即係炸豬扒，味道入味但不能稱得上為特別，勝在份量夠多 -湯底一定要揀「雲腿清湯」，好香濃嘅火腿香味，而且感覺唔重味精 . 2.黑白芝麻土匪雞翼 $28 -孜然粉味夠重夠濃 -雞翼沾滿黑白芝麻先再炸，令雞翼更加脆口 -雞翼都幾大隻，兩個人share食就岩岩好啦! . 小結: 抵食，高質，唔食會後悔，講完! . 口水指數: 4.5 / 5 . 九哥車仔麵 地址: 筲箕灣東大街4-10號地下3A號舖 .

日式意粉比牛扒更好吃？。The Cow Boy House #大埔美食 #樂食人生 1.阿美利堅牛扒配蕃茄炒意粉 $60 -阿美利堅即是America的中文譯音，換言之即是美式煎牛扒，牛扒比較簿身，牛油甘香不算太重 -日式蕃茄蒜香意粉味道好出眾👏🏼意粉口感煙韌，蕃茄及蒜蓉味濃厚，坦白講比牛扒更好味！ -配菜燒得好香口，亦保留到蔬菜鮮甜，不過比同意粉一樣都比較油膩 2.柚香滑蛋鰻魚丼 $58 -醬汁帶點點柚子清香，滑蛋處理得宜，不過鰻魚似乎係下價貨色，好韌而且無鰻魚軟軟棉棉嘅感覺，令人頗失望... 小結: 價錢在大埔區而言略貴，不過環境夠曬企理，店內裝飾充滿日式格調，晚市主打吉烈牛扒，希望有機會試試~ 口水指數:3.5/5 The Cowboy House 地址: 大埔東昌街2號地舖 電話: 65338818

超級足料花膠雞湯。大笪地火鍋 #旺角美食 #樂食人生 #港式火鍋 友人推介的花膠雞鍋，果然冇介紹錯！啲花膠食極都仲有咁，足料入味冇落餘多既味精，湯底鮮甜飲唔停🤤飲曬唔怕， refill都係足料雞湯😍 我地落左一籃菜食，成個湯底更鮮甜，真係唔飲曬對唔住自己！ 啲火鍋料就不過不失，佢唔係任食既，但一碟既份量都多，兩人埋單食左7百多蚊，已經好飽好飽，不過男仔食相信岩岩好啦！！ 口水指數🤤：4/5 地址：彌敦道613號飛達商業大廈 3/F

老乾媽嘅美味。可可店(西灣河分店) #西灣河美食 #樂食人生 1.老乾媽豆卜蒸豬頸肉$40 -老乾媽辣椒醬源自於貴州，由花生、辣椒、花椒、菜籽油、蒜等多種材料製成，近年熱潮直捲香港，唔少港人都會托內地親友帶幾樽來港 -由於辣椒醬味道偏濃，直接配粉麵飯或者過濃，而呢間特式茶餐廳配上豆卜、豬頸肉蒸，令辣椒醬味道更特出，一試難忘 -配白飯一碗，抵食! 2.生炒雞絲飯 $38 -雞絲份量好多，唔會只有大量飯 -炒飯夠乾身，絕對係粒粒分明，而且唔會油膩，幾好食! 小結: 店舖原來有兩層，因為家人嫌下層太多人太逼，店員主動安排我地坐2根，空間寬敞，又有電視睇(不是TVB)，值得一讚! 地址: 西灣河筲箕灣道156號地下 電話: 27907090

1.吉列炸牛扒 $188 -今次終於試到啦😆去日本旅行成日都見到推介，但聽人地講係好睇唔好食既...不過呢間又令我有意外驚喜wo😍！ 份牛扒本身只係炸到一成熟，然後係要靠個爐煎熟佢既。 -個人覺得煎到佢微金黃色食就最好味啦🤤 -扒個質量都錯架，煎得熟亦都唔會韌，喜歡全熟牛排既朋友可以試下😚 . 2. 五成熟頂級板腱牛扒 $215 -5cm 厚嘅板腱牛扒確實夠晒足料 -由於正好有燒爐提供，我地故意要求煮至五成熟，再由自己控制返個生熟程度，而我個人認為八成熟係最突出到牛肉香味 -因為牛扒嘅脂肪分佈非常均勻，煮至八成熟剛好將所有脂肪溶解，每當油脂於口腔內爆發時，係食牛扒最高享受 -另外白飯一定要加分，好少日本餐廳會配上大量惹味「日式飯素」，有雞蛋粒及魚乾碎，令平平無奇嘅珍珠米，增添另一番風味 . 3. 柚子梳打 $35 -中規中舉，甜度適中幾解渴 . 小結: 食物質素相當高，惟定價至確實略高，不過店舖位於中環旺區亦合乎預期。唯一不滿係，餐廳裝修太過現代化，似酒吧多於日式牛扒店，或者想迎合中環酒吧街之風味~ . 口水指數: 4.5/5

挪威嘅魚蛋會係咩味道？ Norway House #旺角美食 #樂食人生 #街頭美食 芝士挪威魚蛋 (三文魚、鱈魚) $25/6粒 -超多芝士，店員即時用火槍將芝士燒至熔岩流，極惹味邪惡 -三文魚魚蛋：肉質比較鬆散，但三文魚味的確好重，不論味覺同口感都好特別，高度推介！！！ -鱈魚魚蛋：味道比較一般，口感偏「粉」 小結： 店內仲有好多特式fusion挪威三文魚美食，例如金沙三文魚腩、椒鹽味、麻婆豆味等等，可惜人流唔算多，希望會多啲人黎試！

大埔隱世邪惡西餐。Route 83
#大埔美食 #樂食人生 #route83taipo . 1.脆皮德國鹹豬手配薯蓉 ($168 跟餐) -筆者曾於德國居住半年以上，可謂半個德國燒豬手(Schweinshaxe)食評家。此小店烹調的豬手絕不馬虎，豬皮烤得非常香脆，皮下脂肪燒至半溶效果，混合漲力十足的骨膠，齒頰留香。 -食豬手易生油膩感，配上德國傳統酸菜(Sauerkraut)獨得酸味馬上成天作之合，即使不愛酸菜之人亦難以抗拒。 -更值得留意是，此店更配上紅菜頭酸菜及香甜酸瓜，令筆者享受多層酸味衝擊。整份豬手份量十足，晚餐而言明顯有點罪惡感。 2.熔溶芝士醬牛肉漢堡 配 即炸薯條 $88 -容許我刻意用「隱世邪惡」形容店家，皆因這道「拉絲」漢堡正是某知名《X假期》所力捧的名菜之一 -芝士醬份量確實驚人，惟芝士質素令我相當保留，味道正是超市賣的廉價片裝芝士，不過牛肉倒是挻Juicy -薯條有半點失望，口感類似英式偏軟身的炸薯，薯條內仍然保留大量水份，而非像比利時極之鬆脆的薯條口感，或許正是各花入各眼 . 小結： 以一間西餐小店而言，食物質素確實完全超水準，環境尚算整潔，適合與親朋好友，渡過一個消閑晚上 . 推介指數😍：4/5分