半路咖啡

營業中

休息中

之前看過食評的照片，覺得十分吸引，想試很久。今日路經旺角，就特意前往。來來回回的找了好幾遍，在五金行和機電行的盡處一轉角，就是這咖啡的位置。咖啡店和別的咖啡店不一様，陳設一如兩旁的五金店。破落的水泥牆，配上舊木傢俬，牆上懸著鐵絲網和舊曰貿易行牌扁，售賣的卻是時尚的意式咖啡和西式旦糕，真是相映成趣。玫瑰鮮奶咖啡$45+$3這玫瑰鮮奶咖啡用舊式花瓷杯配五金港式碟子，滿有港式情懷。鮮奶咖啡拉花十分美！表面還漂著玫瑰，很浪漫呀！咖啡泡沫幼細，口感幼滑，帶有咖啡陣陣甘香，又透出玫瑰的甜香，不錯吧！唯份量比較小，有少少吊胃口的感覺。伯爵茶$42這伯爵茶其實是茶包冲的。伯爵茶入口冰涼，茶味濃而帶微微的甘，十分消暑。Chocolate hazelnut cake$40這朱古力榛子旦糕賣相不錯。旦糕底層是朱古力海綿旦糕，中層是朱古力榛果慕絲，面層是軟滑的牛奶朱古力。這旦糕質地軟滑creamy, 有著濃濃的朱古力味，味道甜美，嗜朱古力的必定喜歡。估唔到在五金電機行中，有一間別緻特式咖啡店，坐下呷一口咖啡，停下來，慢活一個下午。

成世揸車都未行過入去，欣賞揾舖嗰個。獨特風格，懷舊味道，店員友善，任坐都得。叫了 Flat White and Dirty, 好飲過好多文青咖啡店，再叫了兩件 cake, 入貨的，但口感好歐洲味，合女孩了偏多，咖啡味比較淺，奶味較濃，但坐得好捨意，好舒服，。欣賞店內的 recycled wood, chair ,枱........最正係舊招牌依舊保留，味道不是重點，人既情懷才是重點（本人認為），杯碟亦係重點，價錢好令人接受

呢間出名嘅Cafe開咗幾間分店☕️ 以前去過上環嗰間 個感覺真係唔錯 佢哋最有特色係 vintage杯碟😛 去完覺得上環好過旺角🤭 旺角位置唔太就腳 喺旺角同奧運中間( ･᷄ὢ･᷅ ) 感覺比較普通唔會想回頭🤥裝修行舊香港風 連收銀都係用特別嘅方法😆🤟🏻❣️Latte $38拉花幾靚 咖啡香濃☕️ 但係隻杯冇咗個特色！有啲失望🥺碟就換咗做工業風 貼合返呢間嘅主題🗿❣️Dirty $42唔知點解好快就冇咗個漸層效果😂❣️ Apple tart ~$50感覺雪得比較耐有啲硬😂 但d蘋果都幾好食😌 撻係似酥皮 冇牛油味🤥

雖然好近‪上環店‬但一直未有機會到訪，早幾日係‪旺角揾同路人咖啡店‬先發現佢地已經係九龍落腳，隱身喺唐樓之中。一到門口，寫住「堅強貿易行」嘅招牌就映入眼簾，小店以懷舊做主調，避免顯得同店外嘅風景格格不入，唔少擺設都係本港歷史嘅印證。原本只淨返室外位置，但烈日當空我地就決定繼續等冷氣位，過左陣店員就搬張櫈當枱，喺門口加個位比我地，好友善。☕️Dirty一上枱嘅狀態係下圖咁，擺左5分鐘就有上圖好靚嘅漸層，佢地用嘅豆無咩果酸，咖啡香唔係好濃重果種，我就幾鍾意層crema，同埋唔知係咪轉左oat milk嘅關係，飲落好順喉。 ☕️Silver Tips White朋友唔飲得咖啡就叫左銀毫白茶，用佢地嘅標誌瓷杯呈上，聞落好清香，味道淡雅醇和，唔錯。

早期已經被呢間咖啡店「萬壽無疆」瓷杯☕️深深吸引住，奈何地點喺上環，遲遲未有機會到訪。最近終於開到九龍！點可以唔去！！🤎.特登揀左一個平日下午茶時間，以為可以避開人群慢慢享受寧靜空間⏳，誰不知⋯太天真🙃。.幸好富有香港情懷嘅店舖裝修📺📽🕰📻大大加分，無礙原來嘆咖啡嘅心情。呢間位於唐樓地舖嘅咖啡店，成功走入社區，同附近五金舖🔧🔨竟然冇違和感。無論係白瓷杯、銻碟定係各樣裝飾，「隨便拍一拍都好美」📸！.叫左杯 HOT LATTE (HK$38)配燕麥奶 (+$3)，坐喺小巷裡慢慢享受🪑⋯⋯仍然想去上環本店睇下，可能會有另一番感受。

半路咖啡原址喺上環～早前發現佢喺旺角都開咗分店所以係某一日嘅下午同朋友去咗朝聖～.旺角分店嘅室內設計同上環嗰間一樣行呢個懷舊香港風😍所以當日去到都見到好多女士喺度打卡🤭🤭.我叫左杯latte 朋友就叫左mocha 咖啡來講呢不過不失啦唔算好出眾但未去到難飲🙈🙈.值得一讚嘅係Cafe嘅員工服務態度好唔錯態度好親切☺️☺️.我哋嗰日係平日下午去但係人流都幾多建議如果想去影靚相嘅朋友記住早啲去排隊啦～

話說局長有日行去大角咀經過見到一間裝修好特別嘅Cafe叫做半路咖啡就決定去試吓佢有幾咁特別佢好多舊香港嘅物件擺咗喺舖頭做裝飾例如舊時成日見到嘅座地鐵風扇一啲好傳統嘅招牌同埋一啲好舊式嘅擺設都令人回想起80年代嘅香港我就嗌左一杯Dirty咖啡都幾香 但係果味唔夠突出可能佢哋嘅選到都係揀啲比較焦香味重既豆又或者可能係因為我飲dirty所以啲奶味這晒啲果味另外仲叫咗個檸檬撻 酸酸甜甜幾開胃幾好食坐喺度吹下風飲下咖啡傾吓計咁又一個下午真係chill as f

呢間本身喺港島線有嘅咖啡店，終於開到嚟九龍啦，佢都覺得佢哋嘅曲面設計好有趣，係半開放式嘅，好彩依家天氣仲未係好熱，我同朋友就選擇咗坐半戶外嘅位置。因為我哋去嗰陣都係新開，所以好多人都等緊位，如果想打架嘅朋友仔，我建議就平日飛繁忙時間去啦，就可以趁冇人影多啲靚相。至於飲品方面，我哋就揀咗Dirty同埋 Flat White首先講吓Dirty, 睇到佢哋嘅呢呀都做得好好唔會做唔到奶同咖啡混合埋一齊，你飲嗰陣會首先飲到好幼滑嘅espresso之後再飲到底下嘅凍鮮奶。至於FLat white方面， 拉花都尚算唔錯，拉到打得幾滑幾細緻。佢哋用嘅咖啡豆呢度都幾balance， 前中後嘅味道都唔錯，太少少果香之餘仲會有少少堅果嘅味道。

由半路咖啡係上環開左之後，🐷🐷一直都念念不忘好想試一次，直至如今開左嚟旺角，🐷🐷終於可以一訪人氣咖啡店😙😙😙🤘🏻。———————————————————— ·舔舔脷指數 : 🐽🐽🐽🐽🐽🐽🐽🐽🐽(9/10)抵食指數:🐽🐽🐽🐽🐽🐽🐽(7/10)————————————————————半路咖啡係鬧區裡比較靜🍃既地方，周圍都係五金舖。設計係懷舊風。進入左個店鋪，好似所有事都平靜落嚟。好多人都帶左本書📚嚟休息，平時三五知己👩‍👧‍👯‍♀️亦可以尼傾吓閒偈。裡面裝修都睇得出花咗心思，有好多打卡📸熱點，唯一不滿就係外面街邊坐位沒有風扇🌬，靠既係自然風。Americano 美式☕️咖啡($42)果味比較重，較酸，中意酸味重既朋友可以一試。Mocha 朱古力🍫咖啡( $48)飲完會覺得似Latte 多過似Mocha，唔知係咪比錯咗比🐷🐷，入口香咖啡，值得一試。AppleTart🍎 ($40)🐷🐷喜歡食個蘋果撻，咬落有粒粒蘋果肉，重肉桂粉味，焦糖好香，不太甜，啱啱好。Lemon Tart🍋 ($40)有檸檬味，但好酸，喜好甜味既人唔太適合，🐷🐷就唔太喜歡，但個撻底好食，好實。

對於半路咖啡我最有印象係上環店用充滿香港特色嘅「萬壽無疆」杯裝住唔同嘅咖啡中西合璧 玩味十足Bookmark左好耐但竟然一路都冇去到點知佢而家一開開到有4間分店何文田都開埋我先去左旺角店我都知道近排旺角店都仲好多人去所以我已經特登揀平日5點幾去但都差唔多爆哂我好好彩唔洗等坐到最後一張枱店內擺設繼續行香港懷舊風掛住紅底白字嘅「堅強貿易行」大招牌玻璃又貼滿發泡膠價錢牌望住呢個懷舊景揀左杯Flat White 同要左件Chocolate Mousse Cake 慢慢感受呢個舊香港情懷一早聽聞咖啡唔錯果然冇令我失望雖然充滿懷舊擺設佢座位環境都好舒服

網絡上瘋傳一輪halfway coffee，睇見無論飲品到食物，甚至裝潢都超吸晴；bookmark左一段時間終於有機會去一次💛平日嘅下晝去，好好彩唔洗等位就入到去。亦好好彩響入面撞到舊同事，我一個人去都有人陪我傾下計。🙈Flat White咖啡味好夠香，奶泡打得好企身，飲左好耐都仲keep到拉花個圖案。朱古力慕絲一啲都唔甜亦唔會好漏、底部有薄脆，襯埋咖啡一流！——————————————響halfway coffee同舊同事傾計，講返以前嘅事，發現原來轉眼已經係8-9年前嘅事。半路咖啡，走到半路⋯

🐻同男友每次走到香港既不同角落，都會顯得非常雀躍，就好似去旅行一樣，搵到意想不到既地方就會好滿足 ☺️ 由繁華既旺角市區慢慢走，走到一個無咁多人既唐樓民居小地方，竟然無意中搵到尼一間係上環很有名既咖啡店 ☕️屹立係唐樓下，內裡充滿HK Style，而且充滿個性既設計，吸引左🐻同男友坐低抖一抖飲啖咖啡食番件甜品🤤 今次就order左Latte、Mocha同埋檸檬撻🍋 推介/ 意見‼️✨檸檬撻係是日4款甜品之一，撻面仲有少少檸檬皮，食落酸酸甜甜，非常清新，🐻超級推介☺️✨旺角店用上白底印花杯，盛載住香濃咖啡，杯底仲有防燙銻碟，實用又型格 😎✨🐻其實好少飲咖啡，但今次難得黎到就試一試佢，奶泡滑溜，咖啡香濃，寫意咁坐低傾談，係無得輸既 😌價錢‼️$38 Hot Latte $42 Hot Mocha$40檸檬撻

總係覺得港島區嘅悠閑九龍區係永遠都體驗唔到，同一間Cafe，都會有唔同嘅感覺，不過唯獨是呢一間可能同選址有啲關係港島區嘅半路咖啡我有去過，響上環摩羅街附近賣嘅係古董懷舊鋪，二手野，識得欣賞嘅人會當佢哋係寶，咖啡店正正開響佢哋隔離，切合佢哋凝聚一股為懷舊風，我就相當欣賞喇，縱然好似要坐係街邊樓梯口，好似貼錢買難受，不過我又唔係咁睇喎，如果換轉係平日去，重多一份清靜同悠閑添。今次去開油尖旺區，突然間醒起半路咖啡响呢度落戶另一間舖，於是就去神秘探索 一下。一路行經過上海街，附近亦都係賣一d懷舊嘅嘢同五金配件工業風舖頭，見約咗朋友食lunch未夠鐘就偷咗半個鐘去感受一下知我因為係星期五平日人流唔多我仲可以影返幾張靚相添而坐嘅位置更加唔使同人迫又唔使坐門口。舖入面嘅擺設更加唔使我多講啦，睇相已經一目了然，係遺憾我預就走啦下次我得太少時間喺嗰度，匆匆飲完杯咖啡就要走，下次仲想試吓佢件Apple tart 今次要左杯flat white, 舖頭所用嘅杯亦都係一大特色，隻隻都唔同，外賣嘅萬壽無疆杯更加不得了。而杯咖啡嘅味道呢⋯坦白講我唔係識飲之人，只係識分好唔好飲啱唔啱自己飲，今次絕對收貨啦，仲要有靚

First time at thus coffee shop... The music is goid and their staffs are very nice too. I xan feel their passion in serving good coffee. We tried chocolate mousse cake and it taste very good. Love their logo...the design is talking about Coffee and memories. Their square card looks like a floppy Disk 💾 that means memories.... Will go again for sure 📍🤗

☕️終於一訪呢間人氣咖啡😗佢嘅Piccolo比起平時飲開嘅大杯少少同佢隻杯真係好靚😍仲要枱枱嘅杯都唔一樣，好有心思！而佢嘅Dirty嘅層次相對就無咁出，2杯都比較重果味，帶少少酸！☺️佢件cake一上到嚟，我個反應係：「😨嘩！咁似棺材嘅？🤫」同埋真係好甜，甜品大過朱古力味好多！但都值得去坐吓，打下卡！😆外賣杯好靚呀！😍