利星火鍋海鮮小炒

營業中

休息中

同左d friend一齊去左深水埗利星食小食炒，地方有2層夠哂大！食左個黄金棒棒蝦，濃郁既咸蛋黄醬汁緊緻地將鮮蝦從從包圍！什至有滿瀉既感覺！用料夠哂多，味道非常惹味香口~送飯一流！蝦肉完全索哂味，太正了！椒鹽鮮魷表面炸到香脆甘香，鮮魷新鮮！爽口彈牙有咬口~88蚊呢個價錢食到呢個質數絕對抵食！份量又夠哂多。碧綠炒龍躉球，龍躉塊大大塊，鮮味十足完全全魚腥味！龍躉塊肉質堅實不鬆軟，旁邊既西蘭花亦好好味，夠哂清新爽口~再加d蠔油調味仲好味。香脆燒腩仔例牌，份量又係夠哂多~皮薄香脆，肥瘦均衡！食落唔會乾爭爭！好食。

禮拜六同班男仔friend ,行咗高登商場之後,一大夥兒就去咗附近嘅利星酒家度食飯，做一個男人嘅浪漫，哈哈每人都點左唔同嘅菜式，食完之後，我就覺得有幾樣餸特別好食，首選就係黃金蝦，黃金蝦一來到臺，個賣相非常之正，用支竹籤吉住每個蝦身，排得靚靚上碟，非常特別，黃金蝦炸到金黃色，一咬落後，鹹蛋香味四溢，蝦既肉質非常之彈牙，雖然炸野但吾覺太油膩再食一個砵仔蠔，砵仔蠔就搵個石鍋盛載，外面包咗錫紙，一切開錫紙，砵仔蠔嘅醬汁味道四溢，非常之香，一道菜大約有5至6隻蠔，蠔身好大 ，咬落口好juicy, 肉質非常之滑，好吸引再食咗個龍蝦 糯米飯,龍蝦伊麵就食得多，店長介紹咗龍蝦糯米飯，咁就試一試啦 ， 龍蝦肉質幾q彈， 佢嘅醬汁索曬落糯米飯上，糯米飯加蝦米調味咬口非常之煙靭，好食

岩岩過完聖誕節，我們三個為食之友又係時候出來聚一聚。因為我早前在報紙看見深水埗這間利星，介紹這裡的招牌菜「黃金棒棒蝦」，令我留下很深刻的印象，於是便建議一起來個「遲到的聖誕聚會」。利星火鍋海鮮小炒位於深水埗黃金商場對面，睇完電腦產品後過來吃個晚餐，亦都相當方便啊。門口養了許多生猛的海鮮。這裡曾經有不少明星明人等光顧過呢。店舖的老闆相當好客，我們深知眼闊肚窄，餐牌很多選擇，真的花多眼亂，於是老闆推介了幾款招牌菜。首先上菜的是鐵板火焰蟶子王 (蘇格蘭)，先給我們示範最令人沸騰的一刻，就係火燒炒蟶子！一上碟，店員就在鐵板上點火，熊熊烈火頓時升到天花板，場面非常壯觀！可惜我部電話突然死機錄唔到，咁就無得回味震撼時刻... 當我重新開機後，蟶子的滾煙仍然不斷冒起，看起來仍然相當沸騰。待了一會，終於可以起筷了，蟶子既大隻，肉質又彈牙，和香濃的豉椒和紅辣椒炒埋一起，相當惹味。什錦煙肉大盆花菜 - 煎到金黃色的白西蘭花，味道爽口，加埋火噴噴的辣椒和蒽吊下味，仲有好耐無見的臘腸、蝦乾和，味道非常香濃惹味。平時最憎食西蘭花既我，呢次都食到停唔到口呀~原來臘腸都很脂香油溢，唔會乾爭爭，咬落去都覺得好 jui

新年後跟好友相約食開年飯當然要選比較中式的餐廳!所以我們選擇了這間位置方便的利星火鍋海鮮小炒~深水埗地鐵站D2出口一出往右手邊看就可以看到招牌了~因為，我們一行6人所以可以叫很多小菜來試~# P.S. 註明【時價】的價錢一律均為本人惠顧當天的時價，因此僅供大家參考而已首先，由於天氣寒冷所以叫了老火靚湯~足料又夠味的《杏汁燉豬肺湯》$188還有以下幾樣小菜：《招牌麗香卷》 $86簡單說味道跟竽頭卷一樣喔~《冰梅欖角骨》 $88味道酸酸甜甜的很開胃，配飯一流《什錦煙肉大盆花菜》 $88值得推介，雖然味道有一點點咸~但這道菜有很多配料而且很入味!特別是那個椰菜花，食下去要軟硬度剛好很不容易，而且還很入味呢!海鮮方面只點了2樣~《鐵板火焰蟶子皇》 時價 (當日為$68/隻)即場表演，如果沒有準備好真的會嚇一跳!燒過後的蟶子更加看味十足~最後一定是這個主角《三蔥炒蟹蒸糯米飯》 時價 (當日為$588)超足料，而且超級多蟹膏呀!原本看圖片就很吸引~雖然是有點貴啦~但看完實物後真的覺得很值得一試啦!要是來這裡吃飯的話，請一嘗這個糯米飯啦~很推介喔^^

今年開年飯係街食，晤想家人辛苦。近來鼎爺效應，多人留意左。今次黎到深水埗意間利星小炒，位置近地鐵站方便。餐牌用彩色圖畫列印，已經十分吸引。當中會有必食推介。海皇一品菜，有蟹籽放左菠菜上配上海皇羹味道鮮味，配搭不錯。功夫菜，洗魚腸何奇麻煩，所以係街食到都會叫。食材簡單，但雞蛋陳皮魚腸十分夾，大人小朋友食到停晤到口。冰梅骨，味道酸甜開胃，不錯。意道小炒最出名就係意個火焰聖子，待應會即場做出火焰效果，效果震撼。聖子皇，十分大隻厚肉鮮甜，一定要一試。最後必食就係意個羔蟹糯米飯，超大隻羔蟹十分多羔多肉，蟹既鮮甜味，混入糯米飯，惹味非常，絕對要一試^_^

平時去開深水埗都係來來去去嗰幾間，今晩就試吓新舖。大大個星形招牌門口仲有好多明星相，應該唔差啦，樓上樓下都坐滿人。我地六個人點咗個杏汁豬肺燉湯，足料冇味精，好味！再黎兩個必食推介火燒聖子同埋羔蟹糯米飯，買相靚啖啖羔加埋啲糯米飯呢，我食咗兩大碗呀。其他推介有冰梅骨，飛天芥蘭，荔芋卷，我地個個棒住個肚走呀！仲有好多款式未試，下次一定再食過！

平日同屋企人食飯通常食中菜，因為有大有細，最近朋友介紹深水埗利星，於是一行6人去試下，發現水準不錯；首先，飲番個「杏汁豬肺湯」，材料十足，一口氣飲了2碗！再食個「醉三俠」，有雞腳鴨腎同鴨舌，十分入味，酒味濃郁！炸大腸就冇咩肥膏，炸得恰到好處；不得不介紹「冰梅骨」，淡淡肉又酸酸甜甜，十分醒胃！之後，再黎招牌「火燒蟶子」，賣相同味道都一流，夠肥美！最後，就點左「飛天芥蘭煲」同「炒蟹糯米飯」（必食），蟹膏超多，非常惹味！整體十分滿意的一餐！

這頓晚餐有3味菜我特別喜歡吃。最先上的乳豬皮脆肉滑，上枱時還帶點餘溫。跟著的是風沙茄子，即酥炸茄子，需然頗辣，但我也禁不住吃了2件，😋因為炸得滿鬆脆，哈哈。最後一碟是我至愛的火焰聖子，聖子夠熱又有肉，size適中，最緊要係夠汁而肉質唔硬。整體上這菜館食物好，我們叫了八款菜式，其餘菜式都有水準，餐館環境衛生，裝修新淨，招呼也好，出菜也快，不用等，也沒漏單，交通方便，就在地鉄出口旁邊，下次我也會帶朋友來再幫襯😀

聽朋友話好每年媽媽生日到利星興祝 今天初七人日的也來興個生吧！ 一路以為吃火鍋的人很多 原來小炒才是賣點 街坊小炒 當然食D平日屋企整個D啦 蒜蓉粉絲蒸鮮魷 唔好以為好易整 有D店 粉絲只會係有蒜蓉嘅地方先會有味 要做到平均多蒜蓉香 而且鮮尤嫩滑 唔係易事 鐵板蟶子 真係嚇左我一跳 我無諗過會係我面前著火架 依種上菜方式真係好呃like 淋酒點火炸一聲 蟶子唔會因為咁變得太熟 入口仲留有一絲絲酒香 脆炸豬大腸 這個沒什麼特別 配上正常的甜酸汁 可以一讚的是沒有其也小炒店那麼肥 而且放久了依然很脆口 冰梅欖角骨 我平日不愛吃排骨 因為怕豬味 但這個骨真的不得不試 酸甜醒胃 忍不住叫了個飯 豬肉肥瘦適中帶脆口 我勁推。。。冰梅欖角骨 另一必袋推介必定係黃金蝦 平時食黃金蝦只會係蝦殼包住蛋黃 裡面D蝦肉完全唔會有蛋香 利星的就正囉 開邊蝦除了蝦殼有蛋黃 連蝦肉都滿滿咸蛋黃真係無得輸 雖然食完3高不過真係一食愛上 明爐燒鵝 皮很脆 鐵板麻婆豆腐蝦 豆腐好滑蝦也很爽 不過除左係鐵板上之外就真係太平凡了 胡椒豬肚大蜆湯 這個真係好抵食 D蜆鬼死咁大 D湯好濃係奶白色的 飲完渾身

年三十晚，人人叫收爐的時候，我還在工作中，八點幾才放工，感覺不好受，但年尾流流，最重要問題解決，不過，可能你已經吃食飯，我今晚再和家人吃過年尾的收爐飯。 不過，呢餐唔係年三十晚食，係早左好多晚食。 我們媽媽那邊的家都不是正常的時間做節，一係好早一係好遲，好似今年做冬都冇食到，為了盡早食團年飯，早點約，完全唔需要煩。 家住西九，我們通常都是在深水埗長沙灣荔枝角等吃飯，今晚選擇了舅父說非常不錯的利星小炒。 六個人，大舅父和婆婆沒有來，叫菜自然可以新奇一點。 八點來到全院滿座，我相信這類的品質一定不會錯到那裡，西九龍附近就是最多這些小炒的地方，最適合一班人來吃，價錢又不貴。 坐底便叫你足料的招牌杏汁燩豬肺，湯頭甜到不行，足料事實放在你面前，不像其他地方例湯會好油，呢度完全係好似屋企煲一樣，家的感覺好濃厚。 先來個招牌炭燒燒鵝，全部都燒得皮脆肉嫩，那陣陣絲絲點點的炭燒香，還有那肥美的燒鵝肉，打開了我們的胃口。 黃金棒棒蝦，說穿了就是黃金蝦，不過換上另一個衣裳，就是新鮮感，就如夫妻間買的情趣內衣，喚起了大家內心的慾望，棒棒蝦較大隻，黃金蛋黃味濃又香。 冰梅㰖角骨，以冰梅醬炒腩骨，那個甜酸

深水埗，平時去黃金就多，一係就Ｘ記小炒皇，今次同阿媽就去試另一間街坊食店，利星火鍋海鮮小炒。咪睇字面有火鍋就諗住係平時個Ｄ打邊爐，實情去到10圍有9圍都係食小炒。訂左枱，去到就可以即時入座，望望餐牌，樣樣都想試，最後揀左：炸爆你大腸（脆炸豬大腸）酥脆可口，本身好怕尿味，但食落全無怪味，o趙到索索聲蒜蓉粉絲蒸鮮魷勁多蒜，夠哂香，鍾意食蒜蓉既絶對唔可以錯過胡椒豬肚大蜆湯老鍊咁大煲，我地6個人食大家都可以添飲，除左蜆，仲有Ｃ堪，不過嫌Ｃ堪有少少砂鐵板蟶子上菜方式好有驚喜，係你面前淋Ｄ酒係鐵板，跟住點火，咋一聲，全枱退後3尺，蟶子爽，有o趙口，放火後既蟶子生熟剛好，入口仲有好香既酒味冰梅骨酸酸甜甜好開胃，餸飯一流黃金蝦必食推介，每隻蝦都俾蛋黃包住，3高之選明爐燒鵝味度正常，但唔係特別突出，下次可以點其他 鐵板麻婆豆腐蝦睇個名好似好勁，實情。。。咪又係家常小菜鐵板上，啖啖溫情囉（笑聲笑聲滿載温馨～～～）

又到了一個月一次的派花生聚會，派得花生當然係揀食中菜，仲要揀有咁熱鬧（嘈）得咁熱鬧先係正路！其實，我都好喜歡食西餐的，但係講句野大聲點都會俾人眼超超的時候，不如安心做麻甩小寶寶，同我嘈爆佢～哈！今次我地揀左深水步的利星火鍋海鮮小炒，聽到深水步好似好毒男咁，其實只要你有用電腦都會落黃金高登商場睇野，一點都不毒，而且深水步好多好野食又有氣氛。店員介紹 招牌鐵板火焰蟶子皇，話相機食先最o岩！上台會淋上高濃酒製作火焰效果。我地以為只是細火，誰知是熊熊大火，火焰足以把蟶子包圍著，嘩嘩聲！貼心的店員提醒要盡快享用，因為鐵板是熱的再拍的話蟶子口感會老肉質變韌。蟶子皇比手掌還要大隻，用豉椒快炒加酒香，少少辣好惹味！（時價，當晚應是$68/隻）什錦煙肉大盆花菜 $88都是店員介紹的，用一個平時中盆菜的盆上桌，用辣椒爆過的白椰菜好香口，少少辣，堆到好似小山丘咁，加上蝦乾煙肉蔥段更顯咸香，賣相同味道都好吸引！黃金棒棒蝦 $168每一碟有八件，排列成一個太陽花的圖案，開左殼的蝦用竹籤串好，方便拿著進食。炸蝦面層舖上了適量的鹹蛋黃，味道鹹香可口，有點似黃金蝦，但這個已開殼更易食。乾隆生菜包 $108這個我覺得麻

今次同屋企提早做節食飯，選左中菜。^_^一家人食比較適合^_^門口擺放好多明星合照，真係紅星洪照^_^餐牌清楚有食物相及介紹，讚^_^冰角㰖角骨味道酸甜開胃^_^沒想到欖角與冰梅醬配搭相合拍。招牌鐵板火焰蟶子皇，即場淋上高濃酒製作火焰效果。豉椒蒜蓉汁，味道惹味帶少許辣，十分惹味。^_^蟶子皇肉質厚爽口又鮮甜^_^絕對必食懷舊砵仔焗魚腸^_^近來時興懷舊菜，因為製作複雜廢時，可以係街食到絕對要食啦^_^表面有焦香層，下層軟，不同層次的感覺。海皇一品菜，蔬菜與海鮮的結合，味道有驚喜，鮮甜味美^_^。炒蟹蒸糯米飯^_^絕對必叫味道非常惹味又帶鮮甜，十分多蟹羔，糯米飯有咬口^_^第一次食就愛上^_^

深水埗放工食咩好?最中意食小炒，呢間位於福華街，平日都幾多人行，但我又未試過，咁就同左朋友去試啦小食叫左滷味拼盤，樣樣都好入味，同埋好少地方有鴨舌食，都幾唔錯。FIRE!!!!估唔到蟶子可以咁樣食，派頭大，個個睇呢個都好激動，燒完仲好大味好香。個蟶子勁多肉勁大條，好有口咬又香口，唔錯。烤鮮魷，都好大碟，而且唔多炸粉，原隻大大條，非常新鱗又1D都唔粉!菜都煲上，最勁係佢上到黎先比你睇倒落個熱煲度，真係熱辣辣，仲有蝦同蝦乾，個味都幾濃，菜又嫩，我中意呢個炒飯勁啦，叫有錢佬粉飯呀!個份量完全勁多啦，我地3個女仔都只係食左一半，料又好足，飯又非常乾身，掂呀最後仲有個鯉魚貴花糕，個造型已經非常可愛，味道唔太甜，都唔錯~

利星小炒做得如此出色, 道道菜都新鮮精心烹調, 必定成為我與挈友談天說地的另一飯堂。值得推介! 黃金蝦上咸蛋黃極盡惹味, 如為鮮蝦披上黃金衣,炸得連殼都脆卜卜，佐飯一流。冰梅欖角骨甜酸度適中, 完全靠冰梅的酸甜味帶出豬肉鮮味, 豬肉用料上乘半肥瘦適中, 必食推介。蒜蓉粉絲蒸鮮尤看似平平無奇, 越簡單菜色越能試出利星誠意, 鮮尤好新鮮,蒸既火喉剛剛好, 尤魚幼嫩鮮甜，不消一會兒便清碟。脆炸大腸配甜酸汁, 送酒一流, 大腸清潔得好徹底, 外皮脆得像吃薯片一樣。胡椒大蜆煲, 胡椒蜆湯熬得像鮮奶一樣, 濃郁到不得了！喝完即時暖和身體, 用上如排山倒海般份量的大蜆, 真材實料!火焰鐵板蟶子, 只有在利星才吃到, 將半熟蟶子放在熱燙的鐵板上, 滋滋聲不斷, 再由伙記淋上美酒, “逢”一聲將蟶子燙得剛剛熟, 視覺味覺之終極享受, 現在仍回味當中!