利星火鍋海鮮小炒

營業中

休息中

N年前去過增輝後已經好耐無喺深水埗區食晚飯小菜。近期最旺場原來係呢間！樓上樓下兩層環境算乾淨企理，餐牌上有不少特式小菜。菜乾豬肺湯—近年飲到的多數是杏汁，甚少飲到這款最舊式的。飲落肉同菜味道比例平衡有老火湯感覺不過呢款同要預訂。胡椒蝦—胡椒味聞就頗濃，食就不太入味！乾隆生菜包—食味係ok,但再切細碎D口感會好得多。蜜汁鱔球-完全同時食嘅唔同，鱔肉本身唔彈唔脆！口感全靠外層炸漿。調味偏甜到似食緊西多士咁！燒鵝-一般般。窩貼小棠菜-超厚一層彈牙蝦膠。火餡蟶子-大大隻有筷子咁長都算肥大肉厚，鐵板上淋酒點火。僅僅熟有少少酒香味，正！唔怪得七點鐘已嗌咪沽清！呢間店樓上樓下都好旺場！仲見到有張坐十八個人大檯，平時想開飯訂定位留定想食嘅餸穩陣。

難得新年大家唔使返工，一於聚埋一齊聯誼下，所以我哋選一啲良心食肆 去幫襯支持一下佢哋， 因為呢間食店好多時節日都會派飯畀公公婆婆做善事，就去佢到尋食吓先但呢間店太多好嘢食，所以只選左某些來試，其他下次先再試過風生水起之撈起，呢個涼拌係芫茜雞絲燻蹄海蜇麻油撈埋一齊，芫茜淡淡清香、雞絲燻蹄啖啖肉、海蜇好爽，寓意新一年撈到風生水起招牌麗香卷，炸得好鬆脆既香芋卷招牌炭燒鵝皇，熱辣辣上檯，皮脆肉嫩蟹白黃金花，呢個餸超正，蛋白好滑，薄脆好脆而且可以當碟用來載蛋白和蛋黃，蛋黃好creamy，蛋白和蛋黃可以用來撈飯食三蔥炒龍蝦，蒽索左汁好好味，龍蝦彈牙爽囗清蒸老鼠斑，蒸得剛剛好，唔鞋好滑蒜香雞，蒜蓉好好味，雞肉嫩招牌鐵板火焰蟶子王，將蟶子燒一燒更加嘢味，而且有表演睇太極鴛鴦骨，冇記錯一半係甜酸骨一半係蒜香骨，兩種唔同味道，一種腍腍地甜甜酸酸，一種就脆得來好嘢味千層豆腐，刀工犀利，片片都薄而滑橫財就手，即係髮菜豬手，豬手係冇骨德國鹹豬手，鹹鹹地腍腍地利星炒飯，飯炒得粒粒都好乾身，而且入晒味，加左芫茜食落冇噤肥膩薑汁糕，食落好軟滑，薑汁味剛剛好真係冇選錯地方，下次可以再試過

約左兩個朋友食飯，但諗唔到食咩，上OPENRICE睇下中心點深水埗冇有咩好食，就睇到呢間好多好評。由於早兩天已經訂左枱，所以唔需要等就有枱。三個人叫左五個餸：- 龍蝦糯米飯 （$488) 好惹味- 炸大腸，夠脆口- 椒鹽九肚魚，炸得好好味，唔似出面一般的厚粉，粉薄脆口，椒鹽香-金銀蛋波菜，好足料-欖角骨（唔記得全名），冇咩特別overall係好味，仲冇好多野都想試，但人少試唔到，下次會再試。三人每人一食左唔駛四百蚊，抵食夾大件。讚！

聽朋友講呢間好食，於是一行5人聚舊就揀呢間試下，果然無介紹錯，堅好食！因為預先經open rice訂枱，所以有一客魚腸小食送，其實份量都幾大，唔算係小食。我就麻麻地魚腸，但朋友都好鐘意食。我地叫左三蔥炒龍蝦配糯米飯，雜錦大盤花菜，黃金棒棒蝦，羊腩煲。餐廳話啱啱返左啲新鮮海蝦，$88@，成隻手掌咁大，唔係成日有，我地即刻話要每人一隻試下，的確又大隻又新鮮，超好食！極力推介！大盆花菜份量十足，味道不錯。龍蝦配糯米飯，羊腩煲都好食，份量多，都好有水準。每人$300，又有海鮮，又有羊腩食，仲飲埋啤酒，價錢都合理。見餐牌都有好多其他野食，好吸引，下次要搵一大班人再食過。

表妹生日 一行5人到利星小炒地點好方便，真係出港鐵站行一分鐘倒就到唔記得左呢個咩名堂，係炸得好酥脆同香口0既銀魚仔，腰果，蝦乾。勁好食，停唔到口干扁茄粒花竹蝦新鮮大大隻0既花竹蝦，配上酸酸甜甜0既蕃茄，非常好0既配搭，好開胃蒜子上湯油墨菜清清地食個上湯菜，然後就係今日重點海龍皇窩巴 海龍皇窩巴，係海鮮味濃郁0既上湯，加上大大隻鮮味羔蟹，同埋海味。上枱時成個煲上，等佢煮滾後，店員會黎幫手加助料：魚翅，蝦乾，乾搖柱，等等放埋落去滾，跟手放埋窩巴落去焗一焗。滿晒羔0既蟹蓋海味助料窩巴呢個海龍皇窩巴好大鍋，又好味到不得了，濃郁0既海產味加上新鮮大蟹，鮮上加鮮。加上窩巴0既香味，一流。落窩巴去焗時，可以留起小小窩巴後下，咁食時就有脆口0既感覺避風塘脆皮釀鮑魚呢度的菜式有些幾新穎，睇得出有誠意做好食物送0既甜品，唔知叫咩名，外脆內軟，炸過但唔油膩，甜度適中，正勁滿足0既一餐，已經plan緊下次再黎

深水埗有不少港式小菜館, 各有特色. 這間就在地鐵站出口旁邊, 非常方便. 食物有水準, 小炒夠鑊氣, 碟頭亦夠大, 環境不算逼, 為聚餐的好地方, 惟價格比同類菜館略貴少許. 一行七人點了八個菜:冰梅欖角骨 - 欖角味道較梅味重, 份量十足.炸大腸 - 炸功不錯, 炸得乾身唔油. 大腸不太肥, 合我口味.椒鹽雞軟骨 - 炸得香脆不太油, 送酒一流.飛天芥蘭煲 - 上桌時把芥蘭和海蝦放入鐵鍋兜炒, 還配有蝦干, 非常惹味.三葱炒龍蝦配糯米飯 - 波士頓龍蝦唔算多肉, 但炒得入味. 糯米飯軟硬剛好, 吸收龍蝦精華幾好食.砵仔焗魚腸 - 用匯豐信用卡送嘅. 面頭的雞蛋焗得焦香, 鋪上油炸鬼加添口感, 雞蛋和魚腸很配, 加上少許陳皮味令魚腸不太腥.鐵板蝦仁麻婆豆腐 - 鐵板上桌時還冒著大煙, 很夠熱, 味道適中不太辣, 送飯一流.椒鹽九肚魚 - 炸得香脆不太油, 九肚魚嫩滑唔多骨.

深水埗想揾好野食，話難唔難話易唔易，因細佬生日又唔想食普通野，好彩老公介紹呢間餐館，入到去餐館見到店內的相片，才記起老細是誰，大家可能都未必記得無線之前做十兄弟飛天五是誰，他原來是這餐館的老闆。我們坐下後便點了“杏汁燉豬肺湯“、“ 冰梅欖角骨“、“ 芥茉牛柳粒“、“ 海鮮大全糯米飯“、“ 招牌鐵板火焰聖子皇“、“一柱擎天“。當然首先嚟個豬肺燉湯先，真的要用四字形容“滋味濃郁“值得一讚， 第一道餸上場“ 一柱擎天“， 真是物如其名地上枱，不單是樣子特別，連菜都非常鮮嫩, " 冰梅欖角骨" 都非常惹味， 主角出場了， 就是“招牌鐵板火焰聖子皇“， 點解叫主角因為有得食有得睇， 出場時會用酒灑上鐵板上起了紅紅的火滔， 好配合個菜名呀！至於“ 芥茉牛柳粒"味道適中，風味獨特! 壓軸主菜出場就係“ 海鮮大全糯米飯“，用油炸過的蟹放落飯上蒸， 有另一番風味， 可算是色香味俱全! 一頓豐盛嘅晚餐後， 還送上精美鯉魚形的桂花杞子糕， 最後配上的甜品，香與甜互相交融貫通，確實是味蕾的最大滿足， 餐桌上的享受可劃上完美的句號。

海鮮、中菜係奶奶既至愛，叔仔星期日要係長沙灣D2擺檔，所以老公就search呢間海鮮菜館做定位！Book咗20:00，19:40去到緊係要等。原來都幾多人幫襯！20:00入場，叫咗兩支大啤降降溫先，之後柯打咗酸甜脆口話梅骨肥帶子炒芥蘭苗香口椒鹽鮮魷火艷聖子皇鮮甜肉厚斑球蒸籠仔飯飯後送杞子桂花糕做甜點唔係誇張，每一味都好好味，仲要都幾大碟頭，三五知己去食下海鮮小菜，喝返幾杯真係舒服！我哋最終係叫咗6支大啤，5個人加埋都係$1500有找，真係化算！唔好意思冇乜影到相⋯⋯

估唔到，下午飲茶，點心超好味。。。2個人叫左鳳爪，蒸蘿蔔糕，鵪鶉蛋燒賣。。。。樣樣都好好味。每樣點心，又傳統又好味。。。。。。。幾個阿姐打點哂整個樓面。總之一定要黎試

今天有朋友生日，於是我們來到利星吃一頓晚餐，這裡大家都方便就腳。利星感覺有點像大排檔，但裝潢比較光鮮乾淨。翻開菜牌，圖文並茂，有很多很多推介的菜式，花多眼亂。掙扎10多分鐘，我們總算決定了要吃什麼。先來一個鐵板火焰聖子。我們要了一人一隻，都不算太大隻。侍應把鐵板端上枱，我們當然想讓電話先吃啦，但侍應就有點面露不悅了。。。然後侍應就點火了，場面真的非常震撼這鐵板聖子是用鼓椒蒜蓉炒的，味道香濃惹味，肉質爽口彈牙，的確是必吃之選再來就是椒鹽鮮魷，這個好味又非常抵吃，一大碟才＄88，而且鮮魷肉質軟熟易咬，不會像在吃橡皮擦一樣我們還點了燒腩仔肉，$118一大碟！燒腩仔的皮又薄又脆，雖然不至於肥瘦分明，但也隱約看見是五層的燒肉，吃起上來味道不會過鹹，肉質爽口結實另外，我們通過Openric訂坐，餐廳還會送一個小食。所謂小食，其實一點也不小，是一整砵焗魚腸魚腸非常足料，而且沒有太多腥味，我個人來說是覺得不錯的；但原來只有我一人吃魚腸，同行的友人都接受不了魚腸的味道和口感如果餐廳方面可以彈性處理，提供幾款小食讓乘客選擇就比較好了，可以避免浪費最後一道菜是大蜆煲這大蜆煲分量十足，而且除了蜆肉以外，還有很

放工約埋一大班人 除左火鍋雞煲放題呢類 都可以試下打冷😂 今次約左成班朋友去左呢到食～都叫左唔少野食！呢到就主打海鮮既 啲海鮮都好新鮮～但非海鮮類都做得幾出色 一大班人可以叫多啲試多啲～ 最推介當然係佢主打既海鮮類啦價錢都唔算貴 而且每道菜都好足料既～款式都好多 同朋友都揀左一陣先落到單～呢碟炒蝦勁正～啲醬汁好惹味👍🏻👍🏻而且啲蝦都好新鮮～我地成班9個人都可以分到一人一隻 分量都ok本身麵中意食呢一種既面 所以特別中意食～3絲分別係冬菇 瘦肉同9菜黎既 另外叫左呢碟上湯雜菜～呢碟不得了 最中意！ 啲海螺都算大粒 個汁先係重點 少少spicy 加埋啲香葉好惹味呀😍另外呢3道都好正～實在太多啦 所以一大班人黎食係好好多 可以叫多啲野食試哂佢

今次一行9個同事一齊黎深水埗食好西！ 呢間野係我地有位同事既食堂！佢成日黎呢度食！至於我呢個深水埗人一直未黎過！今次終於試左！我最鍾意係個蟹糯米飯！超入味同好食！另外個竽頭dish 都好好食！ 又係我既至愛其他野食都好食！唔算貴！一起會再黎幫襯！下次訂8點！Nice Chinese in sham shiu po !!! Many big table in the restaurant! P.S. 唔好book 6:30pm, 如果唔係佢會一定會係咁趕你走

店的位置因指示清晰，很容易找到，衛生也很好，服務員招呼細心又週到，這晚聚會大家都覺得很滿意，還再約下次再去呢！因為只有7個人，所以叫的餸菜都不算多，但整體味道都非常好食，除了黑椒鐵板豬手仔，味道略咸，最好味金沙蝦串、欖菜梅子骨及麻辣炆牛腩，麻辣味剛剛好。在openrice 訂位，食店還送上一份小食呢！

在多餐廳多票的投票下，一大班人最後選擇了利星為我們今晚的餐廳。一大班人食飯，又點可以唔啤啤佢。鐵板火焰蟶子王 (蘇格蘭)，利星的招牌菜之一，嘅吸睛，又好味。蟶子會用鐵板上枱，然後職員會把高濃度的酒淋在鐵板上，紅紅的火焰就在鐵板上升起，之後就當然時相機先決，不過影還影，職員溫馨提示要快點吃，不然蟶子就會老。待火焰差不多熄滅時，我們便一起舉筷，嘩！！大大隻蟶子，口感彈牙，配上豉椒和頗濃的酒味，既突特、又難忘。炸芝士丸，職員介紹的一道菜，都28蚊一粒，但大家也選擇要與他見面。廚師用面包絲把芝士丸隱藏起來，面包絲炸得香脆，加上芝士丸很彈牙，再配上丸中的芝士是由兩種芝士混合而成，呢度菜值得推薦。冰梅㰖角骨，是一道很開胃的餸菜，以冰梅醬製作，味道酸酸甜甜，很開胃的一道菜。什錦煙肉大盆花菜，全晚最驚喜的一道菜，椰菜花配上煙肉、臘腸和蝦干會係點？？答案係好好食呀！！因為煙肉和臘腸獨特的油脂香，在製作的過程時，已慢慢的入侵了椰菜花，令到每件椰菜花都香口。蒜香雞，蒜頭怪的我，不論生蒜熟蒜都喜歡，在沒人反對的情況下，任性地點下此道菜。上枱時，朋友才醒覺為何如此多生蒜。雞肉很嫩滑，配上大量的蒜香，味道很正。其

早期的小炒店是大牌檔入舖後形成，後來厨師儲蓄一定本錢後，會開舖炒撚手小菜，現在第三代形式是友好合資，以搞生意為目的。街坊式小飯店多如茶餐廳，台灣稱為快炒店。每區都有幾間好的小炒皇。容記關門後，深水埔應是此店稱皇。代表第三代小炒形式佔主流。此店極近港鐵站D2出口，各區炒友可以一試。宜聯群結黨，10至12人才佳，因此店似第一代小炒，碟頭很大，如香煎美極蝦賣168元，每人分享一隻，只需十多元，可嚐遍8至9樣小炒。其次，菜牌比酒樓更精美，款式多，看餐牌也需10分鐘。主要分三類：第一類是海鮮類，我點選了椒盬九肚魚，因人少都可以輕易清碟。火熱酥脆，少咸少辣，內濕外乾。第二類是爆炒類，有菜有肉，我點選了少有供應的乾隆皇生菜包。相傳是乾隆皇下江南的名菜，以生菜剪成荷包形狀，厨師快炒豬肉粒和疏菜粒，此店加上蟹子，賣相豔麗。賣點是手工，古法是用鴿崧，有生財荷包的吉祥寓意。生菜清涼爽口，雜錦粒子夠火熱，夏天吃更佳。第三類是懷舊菜，此店強調有砵仔焗魚腸。由於用了openrice訂檯，贈送了此菜式。等了半時才焗好，撲鼻的果皮味道，砵仔灼熱，表面焦濃。超級古老的菜式，以胡椒粉和芫荽去除魚腸腥臭。