利星火鍋海鮮小炒

營業中

休息中

4個女仔約去深水埗搵好嘢食，朋友力推呢間，我一直以為係打邊爐，去到先知原來係食小菜😅 餐廳鋪面唔係好大，但係環境好乾淨，我哋四個人坐圓枱，好闊落，叫多幾碟野食都唔怕🤭招牌芋香卷 ⭐️⭐️⭐️⭐️朋友係為咗芋香卷嚟呢度，不斷推介我地一定要試！大大舊芋頭表面炸到脆卜卜，沾上隨碟嘅酸甜汁，咬落粉粉地但又好香口，鍾意食芋頭一定要試吓👍🏻乾隆生菜包 ⭐️⭐️⭐️⭐️⭐️食法同泰式生菜包一樣，入面嘅肉係豬肉，最驚喜係加入大量蟹籽，食嘅時候脆卜卜，令到口感多咗層次！招牌杏汁墩豬肺 ⭐️⭐️⭐️⭐️電話訂位嘅時候問我地駛唔駛訂豬肺湯，見佢咁力推所以梗係要試吓啦！杏汁味好濃好重，豬肺洗得好乾淨無內臟味，鍾意飲豬肺湯嘅一定唔可以錯過～ 冰梅欖角骨 ⭐️⭐️⭐️⭐️⭐️每次食中餐都會揀一道「骨」，今次揀咗餐廳推薦嘅冰梅欖角骨，話梅味食落好特別，酸酸甜甜好啱送飯，份量唔少但我地都清晒👍🏻 飛天芥蘭煲 ⭐️⭐️⭐️⭐️⭐️芥蘭煲好正呀！好鍾意上枱時嘅沙沙聲，雖然係飛天但絕對唔會太辣，醬汁濃郁，芥蘭亦軟硬適中，五星好評✨椒鹽九肚魚 ⭐️⭐️⭐️喺九肚魚同魷魚之間掙扎咗好耐，最後揀咗九肚魚😁 九肚魚好滑，脆漿唔會太厚，外脆內滑好好食～

3月17日細仔仔及其女友，選擇咗在呢間KOL，肥C9紅姐主埸，請靚媽食生日飯，當晚此店安排一張貼牆細圓枱，給揾食肥華一行四人坐，面對呢個安排，肥華當然不滿，而此店亦容許肥華，另行選擇四人位座，可借揾匀此店楼下舖面，其他四人枱位置，唔喺有泠氣機滴水問題，就喺在坐位旁擺放什物及有蚊滋飛蟲陪客食飯，在咁嘅情況吓，肥華一家衹好接受，開頭不滿意嘅嗰大半張圓枱。食物方面，此店名物， 鐵板火焰聖子王 ，冰梅欖角骨， 招牌麗香卷，都冇令人失望有A+評語，至於個杏汁燉豬肺湯，雖然非常足料，但飲唔到有杏汁味，而且湯頭清淡，要另行加鹽嚟飲，先有味道，呢嗰湯俾嗰B分評級，亦無不可 其他兩味，椒鹽珍珠骨同埋酒醉三俠，都喺味道平平貨色，同獲C級成績。綜觀此店，食物質素及員工待客，服務態度都喺OK，但店内環境則唔會，再吸引到，揾食肥華，再去光顧嘞！

訂位嘅時候已經預訂咗杏汁白費湯，開頭都驚飲唔晒，因為我哋只有六個人，不過原來佢有細size所以就有口福，非常足料，啲湯渣多到嚇死你，又多豬肺，個湯煲得好靚。琵琶豆腐味道都唔錯，個汁落咗落去又唔會令到個豆腐林晒。生炒排骨就正常火星，不過都算大碟嘅。雞蛋焗魚腸聽講係必食嘅，洗得乾淨，冇苦味，魚腸都算多，邪惡啲都值得嘅。等齊人嘅時候侍應哥哥問我哋要唔要預留燒鵝，咁我哋就要咗一份例牌，真係好食喎，皮脆肉滑，而且又唔會好肥。美中不足嘅係原先想食肉絲炒麵，因為呢個聽講又係必食嘅，可惜侍應哥哥話冇晒麵叫我哋改做米粉得唔得，一心諗住係肉絲炒米粉，點知嚟咗碗湯米粉加條菜，呢件事我哋都覺得好搞笑。

依家食市已經食過好多次晚飯, 之前食物好食員工服務態度都好, 但係今次做節第一次帶家人嚟食, 可能唔夠人手疑似老闆親自落場, 就係敗北趕客之作, 一度食飯一度不停聽到佢嗌破喉嚨咁叫好滋擾😏, 同埋你可唔可以對客人禮貌D呢？我哋係嚟消費唔係畀你大聲呼喝😠, 其實其他員工係可以正正常常地運作, 佢一個搞到個氣氛好似打仗咁嘈, 始終係室內唔係大排檔困住啲聲音好刺耳, 反而疑似老闆你把聲令到其他員工更加緊張更加混亂, 希望你留意下否則真係好趕客😏今次食物都保持正常水準, 一心帶家人嚟試, 但係比疑似老闆你嘅服務態度嚇窒佢哋, 唔知以為嚟咗大檔, 你想留住啲員工同食客, 我諗要改善下你嘅態度😑PS: 10大人+ 3小朋友消費差不多$3000, 如果疑似老闆的你要set 最底消費每位$500(包括小朋友, 其實食左甘多次晚飯都未試過甘聽過🥴你嘅位置喺深水埗wor🤦), 麻煩下次訂枱時講聲不要在客人背後竊竊私語好冇禮貌, 如果我要食海鮮我會選擇去西貢或者流浮山食會有更多選擇😌其實其他員工係有禮貌但係你就🤦....你嘅豪邁嘅語氣唔係嗰個識欣賞🤭

老實講，這次嚟到這間食肆，真係一頓開心嘅美食之旅！第一口嗌落去嘅酸辣湯，味道鮮美得滯，湯底夠哂味，辣度啱啱好，微微嘅酸香刺激到味蕾，話你知呢次飯局開始得好！再嘆一啖炸得脆口嘅春卷，入口唔油膩，裡面嘅餡料都新鮮，啖啖肉感，幾得意！我超級鍾意佢嗰份外酥內軟嘅口感。至於臘味炒飯嘅話，每粒米都分晒開，食落去香口得嚟唔覺得膩，好正！當然都少不免要點個甜品，近排好出名嘅豆腐花味道幾好，咀嚼嗰刻真係滑到冇朋友，加埋啲糖水，甜度剛剛好，統統嘅細節都顯示到廚師嘅用心。總而言之，呢度嘅食物質素高，服務態度好，冇得輸啦！大家快啲嚟試試吖！ 👍😉👌

呢間酒家又抵食又好食，碟碟餸都好大碟，而且仲係有裝修唔係up up dup dup嗰D貨式真係無敵嘅飯聚地點。1) 菜乾雞腳豬肺湯呢個湯Book位時已預訂，夠火喉兼夠晒足料，上面呢碟湯渣只係三分之一左右，所以個湯真係好甜，D豬肺洗得好乾淨，我地7個人每人都飲到2碗幾。2) 雞蛋焗魚腸魚腸無乜鯹味又唔苦，感覺都通得幾乾淨，魚腸份量就少咗D所以影響咗個香味。3) 菠蘿咕嚕肉呢味就正正常常，個汁唔會太酸。3) 蒜頭火腩大鱔煲呢個又係好大鍋，熱辣辣，好香，不過D火腩太肥同埋無乜鱔。4) 椒鹽鮮魷唯一好處係夠脆口，魷魚都夠彈性，不過睇個樣就唔似係鮮魷，雪藏貨黎講算煮得唔錯。5) 鐵板煎魚卜呢個夠晒香，不過又係魚卜嘅數量太少。6) 酥炸生蠔唔好睇佢黑黑地，其實炸得好好食，好鬆脆，D蠔都好肥美。7) 肉絲炒麵呢個炒麵真係好有誠意，從未試過個汁同個麵分開上，大廚真高明，我地可以Keep住食到脆卜卜嘅炒麵，好掂。8)桂花糕估唔到有甜品送，呢餐真係食得開心。

家庭飯局初嚐利星没有失望。利星在深水埗站B出口一出便看到，交通算很便利👍一行七人被安排坐樓上一張大枱坐得很舒適。吃整頓飯留意到各位服務員都有笑容，而且反應很快，在今時今日嘅服務行業中算是很難得了。我們點的餸菜中重頭戲就是這裏的鎭店之寶豬肺湯，我們點了大的，結果吃/喝一點不剩！其次也點了：燒鵝小炒王焗魚腸炆魚鳔醉鴨舌豬耳以上菜式都很美味，不過當中有些略為多味精吃後很口渴希望店家可以注意。最後店家還送了魚形的桂花糕，意想不到的好吃。

呢日約咗老朋友食飯，近排成日都去打卡餐廳，反而真正好食嘅就好少，所以特別揀咗呢一間地道小炒，好多款菜式賣相都好吸引，我同朋友合埋眼係咁點係咁點，點到老細走出嚟同我哋講話 ：你哋得兩個，唔好再點啦，食唔曬㗎！🤣🤣打頭陣先食咗一個 火焰蟶子皇，佢係用鐵板上嘅豉椒蟶子皇，然後加咗一啲酒精，喺上面點起烘烘火焰，好夠氣勢，好夠鑊氣，頭盤就叫咗芥末牛柳粒，同埋鴨舌，非常醒胃。主菜方面，叫咗一個百花豆腐，好似孔雀開屏咁，賣相好靚。跟住叫咗一個石鍋莧菜，我本身就唔係太鍾意食莧菜，但係估唔到佢用石鍋煮，再加埋其他配料配菜，味道好吸引。另外又叫咗一個魚腸蒸蛋，記得細個嘅時候，老豆間唔中都有食呢一味 ，但近年就好少食，好有懷舊感覺 ，成餐飯兩個人喺度亂咁嗌都唔使一千蚊，整體嚟講味道都非常之唔錯，老闆又好 Nice，值得推介。

泡椒豬腳🐷係冰鎮泡椒豬腳凍凍地🧊滿滿的骨膠原口感爽彈👏🏻唔肥膩浸過泡椒辣辣地🌶️係必食開胃菜撈起有海蜇、豬耳同豬肚海蜇爽脆😽豬肚唔韌、軟淋而不失咬口份量好大🫣食極都仲有加埋辣醬油🧉好過癮👅砵仔焗魚腸 $98份量好大🤰🏻魚腸都好大條無腥臭味💯口感粉粉地蛋嫩滑🍳好足料幾好食✅咕嚕雞球 $103雞球係冰鮮雞件咕嚕汁酸甜適中🍯🍋十分開胃🤩咬落啖啖肉會食唔停口😻馳名鎮江骨 $103瘦多肥少👌🏻聞落醋味突出但食落無咩酸味🍋因為要吐骨🦴無啖啖肉黎得滿足🙊胡椒味菜大蜆湯 $185有大蜆、豬肚、粉絲、菜芯、味菜等配料🍲啖湯濃郁而不失清甜食完咁多濃味菜式哩個湯可以清新味蕾🥗無咁heavy👍🏻招牌三蔥桶蠔煲 $208桶蠔肥美🦪無腥味炸完都保持到鮮嫩juicy質感💦回味雞煲 $178味道濃郁🥘辣味同麻感平衡得恰到好處雞件唔多🐣唔係好抵食雜錦大盤花菜 $108花菜爽脆🥦有臘腸、腩肉片、蝦乾🦐等吊味臘腸仲要係靚臘腸唔肥、有肉既口感好惹味😋整體而言，哩間小菜館食物份量足料味道唔差✅價錢都唔算貴💸菜式眾多仲有甜品(桂花杞子糕)送無限時⏱️十分適合朋友、家庭聚餐邊食邊傾計一流值得一試📝

一直都想試呢間 YouTube，kOL嫣紅姐，譽為主場向其頻道捧場客，極力推薦的食店，3月18日揾食肥華要陪靚媽，到深水埗購物，就因利乘便到訪紅姐呢個主場，先講三個點心，個炸雲吞較正，但欠熱度外，味道都算OK，而個灌湯餃，外觀極不討好，係唔好睇但可以食嘅級别食物，至於個一口香麻籮蔔餅則是，災難级劣食，肥華，靚媽各試食一啖後，便放棄此食品，因覺得係飲咗一匙羹油，入口嘅感覺，最後個漁香茄子炆米，粉量超多味道尚可，好食唔到佢，又唔講得難食，而今餐肥華和靚媽，覺得最好味嘅食物，就係個碗送嘅，例湯❗️

之前就很想去試試的一家店，沒想到味道真的非常好吃。確實每一道菜份量大，而且晚上人多。我們點了三個菜，小炒皇真的是我的最愛，有蝦乾，腰果相得益彰。豉油蝦很新鮮，也很入味。梅子排骨酸酸甜甜，如果說相對不那麼喜歡的，就是這道，因為有點硬

超大盒三絲炒瀨而家想食三絲炒瀨真系好難，就算老酒家都吾一定有，一系要你食米粉或者檬粉。系Google search到哩間，又近地鐵站，openrice 食評又好，梗系第一時間去食啦，吾系老店話執就執啦。2點半左右去到，裡面都差不多坐滿，外面等外賣都有兩個客，厲害啊！內在環境乾淨，外面魚缸都好清澈。等左大概7,8分鐘就有啦，摟上手真系重手啊！希望吾系有粉無肉啦。三絲炒瀨（$40）5分- 比5分其中一個因素系已經好難搵到- 有好多叉燒，雞絲等，- 瀨粉都炒得吾錯，味道比較淡口，乾炒牛河（$40）3分- 一樣超大盒- 牛肉又大塊又多，有小小根，最大問題系用太多疏打粉去醃，食完兩個小時都覺得幾”拿”口，吾系咁足料真系會比2分。- 粉亦無黐埋。味道比較淡口優點- 超大盒，應該起碼有其他茶餐廳1.6盒- 快手- 性價比好高改善點- 收錢大哥無戴口罩

讚1 第一次黎，小菜係幾好，酸辣頭盤相當開胃，杏汁白肺湯好足料，夠杏味，燒鵝皮脆，肉都夠鬆佬，整體幾樣嘢都好2 服務相當好，以一間深水埗小炒店，侍應醒目到不得了，笑容滿面彈1 黃金蝦既蝦肉唔太爽

好耐冇來深水埗食地道小炒，兩年冇來呢度，水準依舊。杏汁豬肺湯，一定要提早預訂，冇預訂實冇得飲。成煲湯，渣多過湯，非常足料，除左基本湯料既豬肺，南北杏，白菜外，仲用左金華火腿來調味。椒鹽鮮魷，呢類小炒飯店，實冇得輸，岩晒餸啤酒。#利星火鍋海鮮小炒 #深水埗 #深水埗美食 #舊區的味道 #杏汁豬肺湯 #椒鹽鮮魷 #菠蘿生炒骨 #涼瓜肉鬆煎蛋 #疫情下的日常

一班老友食飯當然要食小菜，朋友介紹去利星，當然要試下！當晚叫既多數都係下酒菜！好出色！本身對炸物唔太喜愛，但炸茄子、煎小棠菜，呢2款好有驚喜！脆卜卜既外層，入面係香軟有汁！炸物👍🏼👍🏼👍🏼