八不·壽喜燒

營業中

休息中

壽喜燒套餐❣️ 「肉香の追求」和牛封門柳賣相：🐧🐧🐧🐧🐧味道：🐧🐧🐧🐧🐧職員會協助準備壽喜燒，包括用牛脂搽勻鍋面，再落洋蔥煎煮燒香，之後會建議客人壽喜燒最佳食法，十分有心。封門柳肥瘦剛剛好，油花均勻，肉質鬆軟腍身，牛味極濃極香，加入壽喜燒汁煎煮，鮮甜無比，再蘸上蛋漿一起食，又滑又嫩的口感令人回味無窮。🐧❣️套餐包含野菜拼盤和日本蛋一隻❣️🐧❣️跟餐可加錢配搭日本葛絲、稻庭烏冬等麵食😋 食落能極致感受壽喜燒汁和牛肉的精華，非常卓越👍🤩 吉列車海老賣相：🐧🐧🐧🐧🐧味道：🐧🐧🐧🐧🐧海老蝦超級巨型，蝦身比手掌還要長🤩 原條海老連殼新鮮即炸，散發著迷人的炸香氣味，非常邪惡。食落外層炸粉酥脆不油，內裡蝦肉彈牙鮮美，非常高質。環境：🐧🐧🐧🐧🐧餐廳採用清新和式風格設計，以木系裝橫作主體，燈光明亮舒適，當中納入了浮世繪、木牌等經典日系元素，裝修典雅又美觀，打卡一流。🐧❣️餐廳採用QR code 自助下單❣️🐧❤️結語：壽喜燒口味地道又正宗，出色誠意推薦👍

Happy Friday 辛苦了一週，的確要對自己好一點🎉突然好掛住日本，但又飛唔到，超想食壽喜燒😍太子有間壽喜燒店，裝修非常日本風！上齊所有菜式後，侍應幫手開爐，先用牛脂肪同京葱燒好個鍋，再倒入壽喜燒汁，之後我哋就可以慢慢煮啦😊😊⭐️頂級 • 黑安格斯 • 牛小排肉質好靚👍🏻雪花分布均勻，好香牛味！壽喜燒汁偏甜，唔會死鹹，好好食🥹🥹⭐️美國黑豚肉100g豬肉味重，就算有少少肥，口感都好彈牙，肉質好！⭐️日本葛絲 & 稻庭烏冬煮晒啲肉之後，加入高湯，葛絲同烏冬一齊煮！完全 將精華索晒入去，好正🤤🤤⭐️吉列千層豚入面加入芝士，炸粉又不厚，絕對係用心之作👍🏻👍🏻⭐️胡蔴赤面(冷)呢個有意外驚喜，整得好好食，天氣咁熱，食得好涼快，而且赤面好爽，唔會一餅野咁👍🏻👍🏻推介！

人氣滿滿二人餐- ＂日全穀飼·黑安格斯小排150g 澳洲M9+全血和牛100g 野菜盤 吉列西班牙豬扒 日本雞蛋全血和牛嘅和牛肉汁均勻極其濃厚。煮法都係用佢哋設定好嘅燒汁同肥牛粒油。點過日本雞蛋後一啖咬落去，和牛汁爆出嚟嗰下，非常難忘，感動🥹。黑安格斯小排同樣味道可口。可見到斑點雪花紋，證明肥牛部位非常高級正料。野菜盤蔬菜新鮮，湯底清甜，唔膩唔鹹，不需憂慮嘌呤。吉列西班牙豬扒疊搭一起的口感享受夠曬特別，炸粉乾脆唔厚。總括：供港極少嘅全血*和牛。我都係人生第一次食。絕對要試嚇八不·壽喜燒入貨嘅和牛包你冇後悔。煮法湯汁亦都預設好，健康得嚟好食之選。正👍。*備注：全血是指每隻和牛對上4代都是由純種的公牛和母牛配種而成，相當罕有，保證血統優良。 飼養期長達4年，自由放牧和草飼令牛隻的肉質更佳，和2年飼養期的日本和牛比較，可以吃得出更濃郁的肉味，營養亦更為豐富。

好耐無食過壽喜燒啦，於是同媽媽嚟到喺太子嘅八不·壽喜燒，餐廳離地鐵站行五分鐘左右，非常方便。店內嘅空間唔算多，不過佈置充滿日本嘅格調，店內都擺放咗充滿日本文化嘅工藝品。上菜之後，店員會先簡單講解步驟，可以先肉後菜，根據自己嘅口味，加入壽喜燒汁同清湯，咁就唔使擔心太濃太淡啦。✨「肉香の追求」和牛封門柳壽喜燒套餐包括一份野菜拼盤、日本雞蛋同埋和牛封門柳。野菜拼盤份量都好大份，有娃娃菜、南瓜、豆腐、金菇、粉絲同洋蔥等等，新鮮抵食。而和牛封門柳肉味香濃，口感柔軟，煮好之後仲可以加上蛋汁，令到肉質更加滑嫩順口。✨吉列廣島蠔赤麵大大碗嘅赤麵湯味較濃加上肉質鮮嫩嘅吉列蠔，帶有濃郁嘅海鮮味道，外皮酥脆香口，點埋醬食好正呀😋✨日本青絲海蜇青絲海蜇味道清新，有青瓜絲、海蜇同櫻花蝦，海蜇肉身較薄，口感爽脆，配埋青瓜絲，開胃又健康。

之前睇社交平台介紹已經想嚟，可惜上次無訂到位去到已經爆場食唔到，今次預早經Openrice book定位終於可以試到。今次可能黃雨所以唔算好爆，仲有兩張吉枱淨。介紹話呢間主打嘅係關東風壽喜燒，即係係先用牛脂、壽喜燒醬汁同埋洋蔥燒熱隻鑊，先再煎香牛肉，咁樣牛肉就吸收哂食材嘅味道，再加雞蛋黃一齊食味道就更濃。食完和牛加清湯仲可以打邊爐食埋個蔬菜盤。怕唔夠飽可以追加烏冬。吉列西班牙豬扒啱啱炸起所以熱辣辣，外皮炸得幾香脆，點芥末沙律醬去食都幾開胃。兩個人比較細食嘅人最後再加埋胡麻冷麵夠哂飽，埋單五百幾個人覺得價錢合理。

去唔到日本都想食壽喜燒🥹好彩俾我搵到呢間喺太子嘅壽喜燒專門店，價錢都唔係好貴～日式木系裝潢，牆上浮世繪和風壁畫好有特色，仲周圍都搵到貓咪擺設✨日本A5黑毛和牛餐（$368）黑毛和牛係佐賀西冷，一碟有成10塊左右脂肪分佈好靚，厚薄適中店員會先爆香京蔥，再落少少壽喜汁去煮牛肉入口即溶，醬汁甜甜地，點埋蛋漿嚟食，大滿足～野菜拼盤跟餐付上，種類好豐富：豆腐、娃娃菜、白菜仔、南瓜、金菇、日本蒟蒻麵全部都係好索湯汁嘅材料，特別係蒟蒻麵，佢比粉絲更彈牙掛汁✨八不嫰牛蕎麥麵（$98）有三款湯底可以選擇，揀咗日式沙嗲湯唔辣的～香濃沙嗲味👍🏻好食有昆布、櫻花蝦、蟹柳、油豆腐安格斯牛肉熟度啱啱好

日本A5黑毛和牛（$368）套餐包咗A5佐賀和牛（135g）🐮，一隻日本雞蛋和野菜拼盤一份，拼盤都幾豐富，有娃娃菜、冬菇、南瓜🎃、豆腐和日本葛絲，葛絲口感有啲處薯粉都幾特別～牛肉好香牛脂味，但又未去到入口即溶，仍然食到肉肉嘅口感👍🏻🤍安格斯板腱（$168）同樣都係一個套餐，牛板腱相對抵食啲，冇咁肥，但係都係好柔軟嘅～稻庭烏冬（$28）神戶100%蘋果汁（$16）神戶100%橙汁（$16）整體嚟講，小店食物質素不錯，壽喜燒汁都調配得啱啱好，唔會淡味，亦不會太甜👍🏻店員都比較熱情，見到啲汁用晒會幫手refill～～雞髀建議大家嚟食嘅話可以一開始關西燒，然之後關東燒👍🏻超正!!呢間小店推薦俾大家🤤🤍

店內外的裝修都係日本風，入面係海浪的浮世繪，好靚，仲有好多貓貓嘅裝飾品！新淨企理，座位都非常舒適～🔹日本A5黑毛和牛壽喜燒（$368）店員會幫手開爐，先用牛脂開鍋，再加入大蔥、洋蔥爆香，以及講解唔同醬汁的分別，自己去調節清湯同壽喜燒汁的比例～先醬煎牛肉，後湯煮野菜。而且已包埋日本生雞蛋，和牛沾蛋汁令口感更嫩滑，令味道昇華～店員亦會溫馨提醒腸胃唔好嘅就唔好食生蛋啦～🔹另外單點一份吉列炸蠔（$78）炸粉薄，十分酥脆，蠔肉亦鮮甜大隻，呢個價錢亦十分抵食！🔹野菜盤（跟餐）有豆腐、南瓜、香菇、紅蘿蔔片、娃娃菜、金菇、小棠菜及冬粉，食完蔬菜最後加冬粉，所有食材索晒湯汁好好味😋⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8.5/10服務： 8/10環境： 8/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

朋友推薦了依間親民價壽喜燒專門店。餐廳除了有壽喜燒套餐，亦有面類、小食、炸物、刺身等。肉香之追求 和牛封門柳套餐包括和牛封門柳一碟，野菜拼盤和日本雞蛋。店員會先在鍋裏抹上牛脂，然後加入洋蔥和大蔥爆香，再倒進壽喜燒醬油，然後便可將牛柳放進鍋裏。和牛封門柳肉味濃郁，肉質較為結實，帶點嚼勁，但不會韌。壽喜燒少不了生雞蛋，將煮熟了的牛沾上蛋液吃，味道更有層次。最後可將清湯倒入鍋裏並加入野菜，野菜拼盤包括：白菜、高麗菜、南瓜、冬菇、金菇、豆腐和粉絲。若果喜歡濃味的人，可再加入壽喜燒醬油，自行調節味道，我就把剩下的蛋液也倒進鍋裏，煮至入味的蔬菜味道鮮甜。日式酒煮蠔烏冬有三款湯底可選擇，包括：清湯、沙嗲湯和辛辣湯。我們選擇的是沙嗲湯，味道濃郁但不油膩，湯底加入了大量櫻花蝦和海帶，味道鮮甜，有沙茶和豆乳的味道，我好喜歡個湯底，連湯都飲埋！蠔的份量也不少，有五隻，鮮味十足。另外有蟹柳、腐皮等配料。吉列千層豚將豚腩片重疊並炸到金黃酥脆，可見裏面層層分明的豚肉，中間夾著芝士，脂香豐富，在沾上芥末醬一同食用，非常惹味！

除咗去日本🇯🇵食壽喜燒之外其實香港都有好多間出色嘅壽喜燒值得一試❤️今次小編去咗位於太子嘅八不食壽喜燒，呢間餐廳環境好舒適而且和牛非常高質❤️小編叫咗稀有之最{雪室熟成和牛} $560 Hkd店員先喺鍋面上均勻塗牛脂及燒汁幾好服務熟成和牛好有驚喜🥹食落和牛味好濃郁和口感嫩滑牛脂分佈都好平均，食落唔會感覺肥膩而野菜拼盤則係搭配壽喜燒的沾醬嘅理想選擇好有清新的口感和多樣的風味不過建議都order多個烏冬或者飯唔係未必好夠飽😅八不·壽喜燒太子大南街52號地舖

係香港食打邊爐就多，用壽喜燒湯底去打邊爐亦都唔少，但係真係食一餐壽喜燒既就唔多，呢間八不係專做壽喜燒餐既，難得有專門店，地點又就腳梗係黎食番餐啦😛呢度餐牌係QR code睇同落單既，餐廳佈置都好有日式風格，枱面上有兩樽好似酒樽既，其實係壽喜燒汁同清湯，唔好搞錯攞左黎飲呀🤣經典日本A5黑毛和牛餐（$368）黎到梗係食個壽喜燒餐啦，黑毛和牛係佐賀西冷，一碟有成10塊，睇佢個樣已經見到脂肪分佈得幾咁靚，初初店員會幫爆香d蔥起爐比我地用，之後落適量壽喜燒汁去煮，食既時候有蛋漿提供點黎食，d牛有入口即溶既感覺，真係高質牛肉😍野菜拼盤野菜係跟餐付上既，材料種類都好多，有豆腐，娃娃菜，白菜仔，南瓜，金菇，仲有份主食日本葛絲，葛絲即係類飲粉絲既，但佢比粉絲更彈牙，食法係食完牛再加清湯先煮呢d蔬菜🥬🥦蒲燒海鰻赤面（$118）麵同鰻魚係分開上既，呢個赤面本身就有腐皮，櫻花蝦，海帶既配料，我揀左傳統赤面湯，麵底就係蕎麥麵，感覺呢碗麵既味道就係熱食既蕎麥冷麵，湯底味道都同冷麵汁相似，條鰻魚都燒得好靚，入口夠曬肥美😋呢間餐廳既正宗壽喜燒食法帶比我唔錯既體驗，牛肉質素非常高，餐廳又夠曬日系，直頭有種旅行feel🎌

太子八不.味道：8/10🌟抵食：7/10🌟環境：8/10🌟.環境舒適又高質嘅和牛壽喜燒😍小編叫咗日本A5黑毛和牛一人餐，追加咗烏冬同玉米🌽話就話一人餐，但份量其實夠兩人食😆和牛油脂分布均勻，入口即融，完全有去咗日本嘅feel🇯🇵跟餐嘅蔬菜拼盤都好足料，塞到個鍋滿曬🍲小編就覺得吸湯嘅金菇、娃娃菜同粉絲最正😆名古屋風味粟米絕對值得叫！蒜香同蔥香配上甜玉米🧄夠惹味🔥偶然想食好啲嘅朋友不妨可以考慮試下😋.#香港 #食評 #foodie #食好西 #instagram #香港好去處 #拍拖好去處 #香港美食 #打卡 #和牛 #太子 #旺角 #太子美食 #旺角美食 #太子好去處 #旺角好去處

在八不餐廳，他們的壽喜燒套餐。這道套餐以A5和牛為主角，肉質鮮嫩多汁，入口即化，帶來了極致的享受。壽喜燒的烹調方式保留了牛肉的原汁原味，讓人忍不住一口接一口。接著，他們的芝士豬扒蕎麥麵絕對是另一道讓人驚艷的美味。豬扒煎得酥脆金黃，外酥內嫩，搭配著芝士的濃郁香味，與酥脆的蕎麥麵相得益彰，每一口都充滿了滿足感。最後，他們的雜菜天婦羅絕對是一道讓人驚艷的副菜。蔬菜新鮮多汁，裹上酥脆的炸衣，每一口都散發出香氣四溢的美味。搭配著特製的醬汁，更是令人回味無窮。

🍽️ Japanese A5 Wagyu Sukiyaki Set $368A5 Wagyu beef is definitely tender ☺️ The hotpot cooks super quickly, so everyone needs to pay attention to the timing. We accidentally burnt a piece 😆The set comes with a vegetable platter, beautifully arranged 🥗 It's a rice-free option, a healthy choice~ Perfect for ladies who are on a diet!🌱🍽️ American Kurobuta Pork $88If you're still not full after the set, you can add this option!The restaurant's decoration is thoughtful, and the staff patiently introduces

掛住日本嘅壽喜燒點算？香港食普遍都好貴。今次嚟到太子大南街搵食，竟然揾到一間平價嘅壽喜燒小店，店舖內嘅裝修都好有日本嘅風格，進入咗浮世繪嘅世界🤩壽喜燒: 日本A5黑毛和牛 $368✔️店員開爐後主動幫忙set up，亦解釋唔同醬汁嘅分別，客人可以自己調節清湯同壽喜燒汁嘅比例，能夠按照個人口味調節，喜歡佢唔會過甜👍🏼✔️A5佐賀和牛，好重牛味而且油脂分平均，好想encore!✔️價錢已配野菜拼盤，有娃娃菜，白菜，金菇，紅蘿蔔，豆腐，南瓜等等✔️蒟蒻麵有驚喜，爽口彈牙非常掛汁✔️跟餐包埋日本生雞蛋，和牛沾上蛋汁，yummy!🤩✔️加咗個烏冬，好爽口單點：西班牙吉列豬扒 $58👍🏼👍🏼 ✔️質素有驚喜，肉質非常彈牙，好有咬口，而且豬肉味濃郁✔️炸粉不會太厚， 十分酥脆✔️$58係好抵食！lgable打卡度：8/10好味度：7/10worth revisiting返兜度：7/10