你妳 (運通洋樓) (已結業)

芋泥乜乜吐司你就食得多，芋泥加白兔糖麻糬嘅吐司你又食過未？我就未食過，所以專登慕名嚟到荃灣呢一間台式小店「你妳」試吓佢哩款咁特別嘅芋泥吐司啦～白兔糖麻糬芋泥吐司 $48其實可以配紫薯，但我揀咗芋泥，白兔糖麻糬同芋泥好夾好棉，甜度適中，如果芋泥個味可以再出D就perfect池啦一口鹽酥雞 $48鬆脆香口，但哩個價錢，略嫌細份🥲仙草大滿貫 （紫薯泥） $54紫薯泥同樣好棉，口感好滑唔會有渣，仲好香紫薯味😚而且哩個好大碗，男朋友一個人竟然都食唔晒炭培烏龍奶茶小芋圓 $32杯嘢飲其實我覺得幾驚喜，因為飲落口茶底好香🤤配埋好有咬口嘅小芋圓，超正👍🏻下次試埋佢個滷肉飯先，我坐低食咁耐起碼有兩三個人嗌滷肉飯便當，我估應該好好味😋

好食是良知，信念一致都要食物入得口先得。見到呢間好評如潮，同芋泥控朋友一試，入座同落單時一位店員嘅態度唔太友善，好似畀人激嬲左咁，唔緊要啦香港人壓力大，食物正常就得啦，點知食物質素都強差人意，好彩我只係食個下午茶。私下同朋友分享先發現有其他苦主，去唔去自己衡量啦。 🍽你妳吐司套餐：芋見紫薯吐司配梅甘地瓜條 ($68⁣)吐司有芋見紫薯、肉鬆芋泥同紫薯泥肉鬆三款，配梅甘地瓜條或精選炸物籃。先唔講好唔好食，一撕開吐司嘅包裝紙就見到原隻小強屍體已經嚇親🙃店員當然換過份新嘅黎，吐司有烘過，但硬夾乾，芋泥同紫薯蓉份量幾多，都算幼滑，甜度唔高，但得紫薯有啲味，而且個餡凍冰冰，同我預想有出入。地瓜條炸到外皮脆身，甘梅粉比平時食開嘅酸，怪怪地。🍽甜品芋圓套餐：仙草3號配精選炸物籃 ($59)仙草3號有三色芋圓、包餡芋圓、珍珠同水晶，包餡芋圓厚實粉感重，三色芋圓食唔出各自嘅味，糖水甜度爆登，布丁就係兒時小食部嗰啲。芋圓套餐同樣配一款小食，叫左炸物籃，有蝦卷魚餅等，係全餐唯一擺得落口嘅食物。套餐包冬瓜茶或蜂蜜綠茶，問店員綠茶可否走糖，佢叫我加錢轉茉莉綠茶，換來有色凍水一杯。

今次再嚟啲間台灣小店，係想試佢其他地道嘅特色菜。😬😬雖然舖頭細小雅致，但朋友都勁嘆點解佢嘅菜式可以咁豐富，咁多😂😂今次我哋叫咗一個滷肉飯便當🥰🥰最鍾意佢嘅滷肉飯，肉汁唔會太鹹，用嚟送飯簡直一流👍🏻👍🏻便當入面仲有小碟冷盤，同一隻流心蛋，仲有一碗熱辣辣嘅蝦湯😘😘份量兩個人都夠食😆😆😆加埋$6杯嘢飲，叫咗鳳梨茶，如果一個人嚟食都真係幾大☺️☺️我哋想試多幾款小食，所以我哋叫咗芋頭蝦餅。蝦餅仔，好香，依然會芋頭替左魚肉，覺得更加冇咁油膩😎台灣小食點可以唔叫炸鹽酥雞，外脆，內肉汁仍然鎖住🥰🥰點埋甜酸醬，味道一流👏🏻👏🏻而且我哋仲單買芝士肉鬆蛋捲😋😋食咗台灣早餐嘅味道😉😉除此之外，我哋仲試埋佢個香芋三文治🥪香芋打成茸，一層好一層，真係味道濃郁，鍾意食香芋嘅點可以錯過😆😆😆最後叫埋芋圓做甜品，超鍾意食佢嘅水晶，覺得好煙銀，呢碗芋圓甜度適中，消暑良品。🤣🤣最後仲試埋佢杯葡萄茶，兩個人食份量超級多，買單唔使過$300，十分抵食😍😍

去到荃灣 講到最多地道經濟小店 一定係喺路德圍 梗係要去食下地道小店 同朋友選了這一間台灣野 環境唔錯 可以傾下計食下飲下野台灣牛肉麵配魯肉青菜-生菜配魯肉汁 特別夾 魯汁仲有啲豆卜絲 口感一流 好好食 台灣麵牛腩都係非常之淋稔 好入味古早味炸雞卷 用左鹽酥炸 非常香口 而且椒鹽味濃 忍唔住會一啖一啖咁食台灣士林香腸 即叫即炸 食呢d即刻好似置身喺台灣士林夜市咁 推介芋泥吐司套餐 簡左肉鬆吐司芋泥吐司 加 芝士玉米蛋捲 呢個唔只有賣相仲相當好食 呢個都係呢度嘅招牌菜式 所以嚟到一定要試吓白桃綠茶-唔會太甜 夏天飲勁解渴 尤其是食完炸野之後 飲完好似冇咁熱氣手工紫芋奶 芋泥+紫薯泥-叫左熱飲 超香濃好飲 飲完非常滿足

一入到去，成班員工玩緊，已經嘈嘈閉。坐底唔講有最低消費嗌晒落晒單先講個場又唔好坐又唔乾淨，憑什麼根本就雷聲大，雨點見都見唔到態度唔好，整咩都唔會好食直接黑名單，荃灣大把野食，根本唔需要揀佢可以負分我直接俾負。

荃灣路德圍附近都係多好嘢食！今次同朋友就係為咗肉鬆芋泥吐司而嚟嘅！下午茶真係好抵食！下午茶吐司餐配地瓜條（$58）我哋揀咗肉鬆芋泥吐司！外邊看到脆卜卜嘅麵包！加埋鹹鹹地嘅肉鬆！甜甜地嘅芋泥！口感又幾夾喎！係橫切面厚份量好足！地瓜條非常甘甜！😋入邊仲有地瓜蓉☺️仲另外加咗一份台灣腸作為小食！（+15）一份呢就叫咗滷肉飯配花枝丸湯！（$45）就算係下午茶🥣嘅滷肉飯都好大碗！配埋彈牙花枝丸！🥰當然唔少得食佢哋嘅芋圓啦！（$49）芋圓4號— 佢嘅仙草配埋荔枝爆珠🥳同埋三色芋圓當然唔少得有咬口嘅珍珠啦！仙草嘅清新解暑！荔枝爆豬一咬成口都係荔枝味！真係好友夜市掃街feel！有就飲咗今餐嘅冬瓜茶！冬瓜茶會唔會好甜！而我就飲咗佢哋嘅炭培烏龍奶茶🥤真係滿足晒又食甜品又食正餐！😍下次想食下佢哋嘅大白兔糖吐司😍

最近好鍾意搵台灣嘢，間網上都幾多人推薦依間就決定試下啦。我哋係佢啱啱開舖就去，但係已經好快full曬⋯⋯。自己親身試、果然都係性價比高，唔會令人失望👍試過好多間台灣料理，依家先係幾正宗滷肉飯便當粉絲好濃麻油味、味道又唔會太鹹、滷肉唔會太肥同我口味幾夾台灣牛肉麵湯麵啲牛肉肉質好淋夠入味個，湯底味道偏向清淡，個糖心蛋食落好香，入面嘅紅蘿蔔好淋好甜芋見紫薯吐司芋頭同紫薯泥軟糯，微甜，吐司有烤過脆脆地、食完真係超級有飽腹感🤣炭培烏龍珍珠奶茶茶底香濃，茶與奶比例適中唔會有其中一個太over,珍珠好彈牙c白桃烏龍茶酸酸甜甜，依個就係白桃味道偏重啲啲，但係都唔會太甜總體來講，都係值得再食同埋推薦俾朋友食

之前聽啲朋友講呢間小店啲麻糬吐司好好食，仲有我好鐘意既芋圓仙草，所以就特登嚟試下。 店仔細細但職員好充足所以服務都好好。不過過左7點人流就開始多喇，如果大家都想黎試下既可以早小小黎到。招牌飯麵套餐 台灣牛肉麵 $79牛肉同紅蘿蔔都炆得好淋，湯底較為清甜突出左肉味同帶少許微辣。白桃烏龍茶 +$6好香茶味，相對菠蘿綠，白桃既味道會重啲同埋好fresh 。蝦捲湯好得意，出面未試過，好有地道既感覺。湯入面有啲蒜頭粒，清清地，有幾條蝦捲又幾特別 。魯肉飯便當套餐 $65便當入面有幾條醬茄子，仲有半隻溏心蛋，非常抵食！我幾喜歡Yu既魯肉飯，因為好香同好濃好入味，用黎拌飯停唔到，食下食下已經將啲飯KO晒，唯獨飯方面想佢淋身啲同熱啲會更加好食 。金鑽菠蘿綠茶 +$6淡香鳳梨，好清既綠茶，帶一點回甘 糖心蛋 $13太鐘意食，額外叫多一隻～好正，夠入味 芋泥白兔糖麻糬 $48 *新口味*見到枱枱都必點吐司，朋友又介紹話好食，好想試下！未放到落枱已經聞到好大陣白兔糖味，同埋夠晒份量～大愛！麻糬再加芋泥真係好正，食落口係好濃既牛奶香。建議大家真係想食既要留肚呀～或者考慮叫一個吐司套餐，係連蛋餅的，咁就唔怕做大

荃灣路德圍真係好多嘢食，今次去咗依間台灣良心店💛 一直都知道依間嘅吐司系列好出名，但次次去都好多人排隊🥺今次夜咗去，唔駛點排就入咗去😇間鋪嘅裝潢真係好靚😍粉紫色嘅牆身勁有少女心💜啱曬去打卡！ 同朋友各點咗一個套餐，分別係「你妳芋泥吐司套餐」同「招牌飯麵套餐」 😋我地揀咗芋泥肉鬆吐司，甜鹹嘅配搭真係好喜出望外🤩 芋泥本身算係幾甜嘅嘢食，雖然份量好多不過佢甜而不膩👍🏻加埋肉鬆就更加開胃，而且吐司厚身之餘仲烘得好鬆脆添😋🤤個吐司套餐仲可以點一個蛋餅，所以就點咗個芝士肉鬆蛋餅😋本身擔心味道會太濃郁，結果芝士唔算有好多，所以唔會好肥膩👍🏻咬落去嘅時候可以拉絲🤤 雖然芝士肉鬆算係重口味嘅嘢，但掩蓋唔到蛋香味🤤成個蛋餅真係冇嘢可以挑剔到💯另一個套餐就叫咗個魯肉飯便當同埋花枝丸湯😋魯肉份量好多，而且茄子好香口👍🏻👍🏻仲有個溏心蛋都好好味呢！ 花枝丸好大粒😍而且好彈牙，而且個湯一啲味精味都冇，但好濃郁，忍唔住飲曬🤣嘢飲方面跟套餐點真係好抵，點咗杯手作紫芋牛奶同埋高雄紅茶牛奶小芋圓😋紫芋味好香，而且真係有好多芋泥同紫薯泥😋一路飲一路食真係好有趣🤣小芋圓有唔同顏色之餘仲有勁多粒，啱曬我依個咁鐘意甜嘢嘅人😋😋

今日同同事喺荃灣做嘢 做完就梗係嘆個午餐啦 經過呢間喺路德圍附近嘅你妳台灣餐廳 非常爆滿於是就即刻排隊入去食啦餐廳枱櫈都比較擠迫 不過美食當前冇所謂啦甜不辣配地瓜條 可以揀唔同嘅口味 甜不辣就揀咗椒鹽味 本身炸得夠脆入面仲煙煙靭靭 味道唔錯 地瓜條梗係要配甘梅粉啦 外面夠酸甜入面外脆內軟 仲非常厚切口感一流鹵水雞扒便當 滷肉飯 味道調教得啱啱好肥瘦適中唔會好漏 用嚟撈飯一流 鹵水雞扒唔太大嚿 略嚴乾身 最正係隻糖心蛋 又夠入味過蛋黃仲浪下浪下芋泥肉鬆吐司 吐司外脆內軟有微微嘅牛油香 芋蓉好creamy食得出係真材實料 加上肉鬆夠曬惹味 芝士肉鬆蛋餅 蛋皮值得一讚 夠曬鬆脆我覺得似手抓餅多啲 油香十足 芝士味濃郁仲有少少流心嘅效果 味道非常豐富

芋見紫薯吐司 $45好鍾意食芋泥既我呢個吐司有點失望芋泥及紫薯味道偏淡台灣牛肉湯麵 $68牛肉幾入味，咬落唔靭，湯底偏甜乾拌麵 $45麵條口感彈牙，醬汁咪道香濃唐心蛋熟度剛好抹茶紅豆小芋圓 （跟餐$19）普普通通，芋圓可以再煙韌D手作紫芋牛奶（跟餐$19）味道偏淡

數數手指已經兩年無去台灣 好懷念台灣夜市的滷肉飯，蛋餅 。香港人對台灣美食都有一份情意結的！估吾到係香港都食到台灣地道美食我們先點咗兩份午餐，另加芋泥肉鬆吐司飲品，真係飽晒。午市套餐：台灣滷水焢肉便當 焢肉容易咬開又入味 半肥瘦，還有半隻流心蛋好濃味，而滷肉飯非常美味 當中有豆腐 好入味 。滷水雞扒便當 雞扒好好食 好入味 而且份量十足 值得再食（芋泥肉鬆吐司）芋泥甜度適中，夾著鹹肉鬆，軟綿微暖，加埋香脆嘅多士，食完超滿足。下次會再食飲品手作紫芋牛奶 紫芋泥嘅牛奶 紫芋好濃 令到牛奶味無咁濃炭培烏龍奶茶珍珠 味道好好飲 珍珠好彈牙 會再試MENU

疫情太耐冇得去旅行，好掛住台灣嘅美食🙈行過荃灣見到呢間舖頭主打芋泥吐司，仲有好多台灣小食，就入去試吓啦餐廳裝修好pink pink 🎀💕我哋坐咗喺窗口位我哋兩個女仔叫咗個吐司蛋餅套餐，仲有幾款小食同飲品～🍠地瓜條地瓜條有五隻味粉揀，好似shake shake薯條，有椒鹽、梅粉、辛辣、咖喱同埋限定草莓粉～我哋揀咗梅粉地瓜條炸到好鬆脆，加埋酸甜梅粉，唔會太膩💜🧀芝士玉米蛋餅蛋餅係我鍾意嘅酥皮，入邊包左雞蛋下拉絲芝士同埋粟米，好食😋🍞芋泥肉鬆吐司個吐司上枱時，我哋真係‘嘩’咗一聲，因為真係好厚！多士入邊夾住厚厚芋泥，配埋肉鬆鹹鹹甜甜好好食！🐔一口鹽酥雞鹽酥雞既皮炸得酥脆，入面啖啖肉！外面嘅椒鹽啱啱好！🧋烏龍奶茶配小芋圓/珍珠杯飲品好抵讚，唔係太甜，一啲都唔膩～食完當自己去咗台灣夜市～ 🇹🇼

是日放假，同另一半周圍搵食就係最開心嘅事今次終於唔洗等就入到啦它的爆餡吐司是最最最…出名！吐司款式多，最近還新出了童年回憶系列…白兔糖！芋泥白兔糖麻糬吐司，不但足料 ，麻糬煙韌，芋泥微甜且香，多吃不膩之餘，麻糬煙韌十足，是必點之選！我不是薯條系列是意外的推介！地瓜番薯條的地瓜蓉幼滑，新鮮即炸，粗切的番薯條外脆內軟，入口質感更重，沾上限定草莓味的果醬，入口味道酸酸甜甜，開胃亦美味！午餐選擇-魯肉飯配鹽酥雞、花枝丸，花枝丸彈牙，粒粒花枝作餡，好食！魯肉飯更有台式風味，唔會太乾，醬汁剛好，配飯一流👍🏻 店內環境舒服，和朋友聚會是不錯的地方！

呢間YouYou外表已經非常少女心😍星期日下午要等下位先入得，但好值得喔~叫咗兩個便當set，有三款小菜+便當+飲品。小菜我地就叫咗花枝丸湯同滷汁青菜，滷汁青菜異常地好味！菜好爽而且加埋d滷汁好juicy😋便當分別叫咗滷肉飯同埋焢肉飯，嚟到兩個飯原來差唔多，焢肉飯都有滷肉係飯面。滷肉飯灑咗椒鹽落去，所以食落有d辣喔。焢肉雖然睇上去好肥，但口感好爽，唔會爆到成口油或者有好肥既感覺！便當入面仲有d配菜，茄子酸酸地幾好食😋飲品分別加錢叫咗高雄紅茶牛奶小芋圓(+$10)同葡萄袖綠茶(+6)。小芋圓分量非常多仲好好食，有驚喜😍葡萄袖綠茶好多袖肉，酸酸甜甜好適合夏天飲。兩杯無特別要求都唔會過甜，甚至可以媲美手搖店三四十蚊既質素👍🏻強烈建議一定要加！我地仲額外叫咗份芝士肉鬆蛋餅，即叫即做熱辣辣，值得一試。蛋餅好足料，蛋味好重。建議嚟到就即刻食，凍咗就會個餅皮同芝士都會硬咗，咁就無咁好食啦😋食完便當飲埋芋圓飲品已經飽晒啦🤯下次一定再嚟食，一嚟好近地鐵站，行五分鐘就到！二嚟野食夠大份，野飲又高質！👍🏻👍🏻