58
9
7
港鐵荃灣站 A1 出口, 步行約6分鐘 繼續閱讀
電話號碼
35946658
營業時間
今日營業
12:00 - 21:00
星期一至日
12:00 - 21:00
付款方式
現金
座位數目
23
食評 (79)
荃灣好多嘢都好,就係衰在無咩台式食店!😏直到我遇上「你妳」,簡直係我呢個台菜控嘅救星!​呢間新開嘅粉紫色小店,位於南豐中心對面,位置好方便!人均約100,食物大大份,感覺都唔錯。除咗有魯肉飯、牛肉麵、乾拌麵、鹽酥雞、炸花枝丸,仲有鐵板手作芋泥吐司及仙草糖水等!!簡直係一個台灣人氣美食嘅集合體,正正子!😝​▲「你妳」好似將台灣嘅所有小食集合埋一齊咁,好豐富!✦ 鹽酥雞花枝丸魯肉飯第一下見到呢個飯,真係比佢個份量嚇一嚇,佢哋收78,真係比返78嘅料人!炸花枝丸都有4粒,鹽酥雞都有一個拳頭咁多,仲有溫泉蛋及魯肉飯等等,真係好大份!至於味道,我會覺得偏濃,花枝丸微甜爽口,鹽酥雞唔乾柴,唯獨係魯肉飯,雖然夠香,但乾咗少少。​✦ 士林香腸烤雞腿乾拌麵又係大份到爆,雞槌都有3個!仲有好多惹味嘅士林腸,感覺幾好食,但同魯肉飯一樣,個乾拌麵太乾,夾上嚟係一餅餅。​✦ 肉鬆芋泥吐司佢個芋泥餡好香滑濃郁,抵讚!配埋個肉鬆,口感又滑又沙沙地,好味!​✦ 燙青菜 同台灣一樣,會加魯肉汁係上面,正常發揮,算係幾好味。​✦ 炭培烏龍珍珠奶茶(跟餐)​奶同茶嘅比例幾好,夠香滑,略嫌珍珠唔夠 煙韌。​✦ 蜂蜜綠茶(跟餐)​唔會好甜,幾清新,正正常常。​✦ 仙草3號無諗到呢度嘅布丁係細細粒,用啫喱小布丁,感覺幾搞笑。我覺得佢哋做個仙草幾清甜,無苦味,幾好。芋圓則唔夠煙韌,好似烚太耐無過冷河咁,有少少扣分。​▲「你妳」座位比較窄,唔算好好坐。▲荃灣難得嘅台式小店,仲要夠晒正宗。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-17
145 瀏覽
荃灣本身附近都多小店美食,最近新開咗呢間特色台灣小店,專程慕名而來,嚟到門口已經排滿曬人龍,唔單止係堂食,外賣單都多到忙不停,聽到店員不停地叫外賣單號🙈好彩都唔係排咗好耐就有位👍🏻成間舖頭都好少女風,色調偏粉色系為主🤩🌟台灣牛肉湯麵 (手工Q彈麵條) $72🌟牛肉肉質好淋身入味,湯底係好濃既牛肉湯,台灣既味道,食既時候無意中聽到廚房傳來既係一把台灣腔既聲音,相信廚師係台灣人嚟😝食咗就當去到轉台灣,實在太掛住台灣了🥺🌟士林香腸烤雞槌乾拌麵 $78🌟香腸咬落油脂分明,食完會令人諗起台灣夜市小食既味道,雞槌係偏甜,唔係平時既咸味雞槌,幾特別,可以配埋蒜蓉甜醬一齊食😋🌟炭培烏龍珍珠奶茶 +$8🌟茶底可以再濃啲,無乜炭培味,同埋珍珠亦偏硬,可以再淋啲,口感更佳👍🏻下次嚟要試埋佢哋既手作芋泥吐司、藥膳排骨湯麵、仙草芋圓,樣樣都想食,可惜肚既容量有限😅🤣🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-08
1084 瀏覽
朋友與我尋找中午飯時路過此店人山人海,原來原有的韓國餐廳已搬遷,新開了一間專門手作芋泥的台式餐廳。罕有地選用深木及紫色為主,配上少女吃著三文治的標誌,確實令人難忘。意外下地與萬聖節的黑紫色佈置頗恰襯。鋪內也有花心思於佈置上,整個環境充滿萬聖節氣氛。在門外等待座位期間,店員已替我們下單,所以就座不到五分鐘食物便逐一呈上。吐司果然夾雜爆餡肉鬆與紫薯泥,麵司鬆脆配上軟滑少甜紫薯泥,為乾身麵包增加濕潤度而不甜溜,再與少咸肉鬆一併進食令整體甜度進一步一降,更增添了鬆化層次感。清幽的餡料令我倆不知不覺間已吃光整件三文治也不覺滯。用竹籃盛載吐司略有加分,整體感覺有另一番風味。牛肉麵較預期中份量為大,內有麵條、牛肉、炸菜、半隻溏心蛋及生菜。牛肉大小為一口牛,碗內大約有4-5件,肉質軟腍如湯渣但更鬆嫩,帶淡然滷水肉汁,其味道滲透至整個湯底,再加上炸菜辣,頓時增添惹味感。麵條呈扁身略如刀削麵,自覺麵身頗適合泡製牛肉麵,粗扁特質增加了掛湯力,令湯汁只掛在麵身表面之餘更可保留麵條的澱粉味,兩者佳可取得平衡。但可能浸泡時間較長,導致麵身較腍,欠缺煙韌及彈牙度。朋友滿心期待的蘋果西打原來是一罐現成飲品,甜度甚高的蘋果味之餘欠缺梳打氣。烏龍茶味為主導,有淡然百香果味,而甜度適中。店員也推薦的魯肉飯必定點選試試,特別在於魯肉飯加入了珍珠,除了珍珠外還有肉鬆、炸蒜、青瓜及半邊溏心蛋。珍珠取代了豬肉粒一角,經滷水汁醃製過後味道甚似魯肉,口感彈牙滑溜,配搭米飯完全沒有違和感,加上肉鬆與炸蒜的點綴更惹味可口。用珍珠取代傳統豬粒其實創意大加分,而且口感更勝肉一籌,但始終代替不了豬肉的肉香與肉汁,吃過魯「肉」飯後卻沒有一點肉落肚,是有點失落,不過新嚐試也不枉過! 繼續閱讀
(以上食評乃用戶個人意見 , 並不代表OpenRice之觀點。)
呢一間荃灣嘅台灣小店最近好多人去,食物望落好吸引😍❤️,嗰珍珠滷肉飯、爆餡芋泥吐司同芋圓用嚟打卡都一流🤘🏻。最多人點嘅特色菜基本上都叫晒,味道係點梗係要自己試過先知😌。📍你妳珍珠魯肉飯($36)Special Dish - Bubble Minced Pork Rice之前草根食過珍珠奶茶拉麵🍜,今次就食珍珠魯肉飯🤣。睇個價錢就知道珍珠飯份量屬於迷你size,成個飯一粒肉都冇🍚,但就用魯肉汁造成珍珠。珍珠口感比較腍,帶微甜,不過食落感覺單調,魯肉飯冇肉始終係爭啲,嗰溏心蛋最好食🥚,外面滷得入味中間又流心,但整體上Gimmick嘢試吓就算。.📍士林香腸花枝丸魯肉乾拌麵($78)Taiwanese Sausage and Squid Balls Minced Pork Noddles 蜜糖味嘅士林香腸非常好食😋,脆炸花枝丸口感彈牙🦑,半熟蛋入味又流黄,而刀削麵量就多但質地唔夠幼滑,更重要喺魯肉冇咗一層肥一層肉嘅精髓,感覺似普通肉碎🥺,整體味道尚可,有進步空間。.📍一口鹽酥雞($45)Fried Chicken 鹽酥雞炸得幾好🐓👍🏻,乾身唔油膩🤤,不過唔夠鹽酥效果👉🏻👈🏻,扣咗少少分。但當普通炸雞嚟食味道唔錯,可以點埋旁邊嘅薑蒜油同辣椒醬🧄🌶就更加正。.📍肉鬆芋泥($40)Taro with Pork Floss呢個都係餐廳其中一款大熱菜式,擔心紫薯芋泥會好飽滯,特登揀咗一個有咸有甜嘅肉鬆芋泥吐司💜🍞。爆哂餡非常吸引😍👍🏻,麵包算柔軟唔死實,芋泥口感細滑,但味道好淡🙈唔夠芋香,整體上不過不失啦。.📍仙草4號($46+$6 布丁)Grass Jelly No.4 with Taro Balls, Bubble and Lychee Balls其中一個嚟嘅原因都係想試吓個芋圓,No.4仙草入面有三色芋圓、包餡芋圓、珍珠、荔枝爆珠、再加$6要埋布丁🍮。仙草滑溜,珍珠夠煙韌,配上荔枝爆珠嘅甜味都唔錯,但理應係主角嘅芋圓雖然有咬口,但食唔出味道上有咩分別,而包餡芋圓中間比較粉,有待改進。.📍炭焙烏龍珍珠奶茶($35)Oolong Milk Tea with Bubble平日嘅珍珠奶茶通常又甜又膩,但呢間嘅烏龍珍珠奶茶味道清新少甜🥤,但相對比較淡,珍珠可以再煙韌啲。.整體嚟講食物都係大份飽肚,但味道就不過不失,冇咩驚艷位,試過一次都應該夠晒。 繼續閱讀
(以上食評乃用戶個人意見 , 並不代表OpenRice之觀點。)
話說依間「你妳 𝕪𝕠𝕦 𝕪𝕠𝕦」熱潮由9月熱到依家,既然報復性旅行🧳仲係遙遠無期,🍎就同👭🏻試下佢!.我真係唔想講,世事有時就係手快有手慢無😏我6點入座時,最後一份嘅鐵板手作芋泥吐司順利𝕘𝕖𝕥鐵板手作芋泥吐司有:肉鬆芋泥 $40芋見紫薯 $40濃厚珍珠奶茶 $45既然係最後一份,都未輪到我揀~我就𝕡𝕣𝕖𝕗𝕖𝕣肉鬆/芋泥嘅,而好好彩最後一份就係肉鬆芋泥~· $40𝟚𝟘𝟙𝟡係台北試過芋泥吐司之後今次係人生中第二次再試芋泥吐司不過今次唔同少少就係有埋肉鬆⋯識我嘅知我傳統過化石🤣甜就甜,鹹就鹹,邊有咁樣撈埋一齊架🤨今次都有啲啲心態當挑戰一下~芋泥真係𝕕𝕠𝕟’𝕥 𝕨𝕠𝕣𝕣𝕣𝕪:微甜嘅味道,綿延嘅口感配上香厚嘅肉鬆,甜與鹹嘅味道,沒有想像中衝擊,但味道尚算合拍😉。吐司有烘過但真心可能我影相時間耐咗啲(利申:完全係我問題❕❗️)我又唔會抹住良心同你講外脆,真心擺咗成半粒鐘係到影,我同你講脆都無信啦🤣但可以好老實同你講依個肉鬆芋泥係做到內軟嘅☺️·鹽酥雞花枝丸,魯肉飯轉乾拌麵 $78一睇就知唔係🍎 𝕤𝕥𝕪𝕝𝕖,係👭🏻揀嘅,而👭🏻咁啱轉做乾拌麵咁我又可以痴幾啖試下味啦😋諗起都會心一笑事關成碟野係到比我影黎影去都差唔多半粒鐘想痴幾啖麵食時先發現啲麵擺太耐已結成一團🤣🤣(利申:完住係我📸問題)最終分咗啲麵,鹽酥雞同花枝丸試試味真心雖然啲麵擺耐咗扣咗啲分但啲乾拌麵仲好有硬口好有韌勁再撈埋啲肉碎一齊食時一啲都唔失色而鹽酥雞就唔酒膩,炸粉少,啲肉仲好紮實最後嘅花枝丸都好實在🤗· 繼續閱讀
(以上食評乃用戶個人意見 , 並不代表OpenRice之觀點。)