影片
更多
2021-08-27
20 瀏覽
之前聽啲朋友講呢間小店啲麻糬吐司好好食，仲有我好鐘意既芋圓仙草，所以就特登嚟試下。 店仔細細但職員好充足所以服務都好好。不過過左7點人流就開始多喇，如果大家都想黎試下既可以早小小黎到。招牌飯麵套餐 台灣牛肉麵 $79牛肉同紅蘿蔔都炆得好淋，湯底較為清甜突出左肉味同帶少許微辣。白桃烏龍茶 +$6好香茶味，相對菠蘿綠，白桃既味道會重啲同埋好fresh 。蝦捲湯好得意，出面未試過，好有地道既感覺。湯入面有啲蒜頭粒，清清地，有幾條蝦捲又幾特別 。魯肉飯便當套餐 $65便當入面有幾條醬茄子，仲有半隻溏心蛋，非常抵食！我幾喜歡Yu既魯肉飯，因為好香同好濃好入味，用黎拌飯停唔到，食下食下已經將啲飯KO晒，唯獨飯方面想佢淋身啲同熱啲會更加好食 。金鑽菠蘿綠茶 +$6淡香鳳梨，好清既綠茶，帶一點回甘 糖心蛋 $13太鐘意食，額外叫多一隻～好正，夠入味 芋泥白兔糖麻糬 $48 *新口味*見到枱枱都必點吐司，朋友又介紹話好食，好想試下！未放到落枱已經聞到好大陣白兔糖味，同埋夠晒份量～大愛！麻糬再加芋泥真係好正，食落口係好濃既牛奶香。建議大家真係想食既要留肚呀～或者考慮叫一個吐司套餐，係連蛋餅的，咁就唔怕做大
之前聽啲朋友講呢間小店啲麻糬吐司好好食，仲有我好鐘意既芋圓仙草，所以就特登嚟試下。
店仔細細但職員好充足所以服務都好好。不過過左7點人流就開始多喇，如果大家都想黎試下既可以早小小黎到。
招牌飯麵套餐 台灣牛肉麵 $79
牛肉同紅蘿蔔都炆得好淋，湯底較為清甜
突出左肉味同帶少許微辣。
白桃烏龍茶 +$6
好香茶味，相對菠蘿綠，白桃既味道會重啲
同埋好fresh 。
蝦捲湯
好得意，出面未試過，好有地道既感覺。
湯入面有啲蒜頭粒，清清地，有幾條蝦捲又幾特別 。
魯肉飯便當套餐 $65便當入面有幾條醬茄子，仲有半隻溏心蛋，非常抵食！
我幾喜歡Yu既魯肉飯，因為好香同好濃
好入味，用黎拌飯停唔到，食下食下已經將啲飯KO晒，唯獨飯方面想佢淋身啲同熱啲會更加好食 。
金鑽菠蘿綠茶 +$6
淡香鳳梨，好清既綠茶，帶一點回甘
糖心蛋 $13太鐘意食，額外叫多一隻～好正，夠入味
芋泥白兔糖麻糬 $48 *新口味*見到枱枱都必點吐司，朋友又介紹話好食，好想試下！未放到落枱已經聞到好大陣白兔糖味，同埋夠晒份量～大愛！麻糬再加芋泥真係好正，食落口係好濃既牛奶香。
建議大家真係想食既要留肚呀～或者考慮叫一個吐司套餐，係連蛋餅的，咁就唔怕做大嘥鬼啦！
張貼
