丼瀛 (已搬遷) 新店位置

觀塘工廈臨立，有好多隱世餐廳係咁多選擇當中個人認為最緊要食得開心，同埋食物質數唔錯所以又黎丼瀛幫襯嚕😚😚望到呢個門面未食都覺得窩心💛😛疫情期間仲打7折，咁抵食，一定要瘋狂幫襯令佢繼續旺場👅👅👅好貼心地menu有埋7折後既價錢除左貼翻餐廳名既丼飯之外，仲有好多種類刺身、壽司、卷物、炸物、鍋物，日本餐廳有既佢都有～～～-帶子壽司好厚肉大大粒，必點👏🏻👏🏻食落鮮甜，嫩得黎好有肉地既口感-蔥花吞拿魚蓉壽司每啖都充滿住吞拿魚蓉既魚香～--甜蝦角切魚生丼 $97雖然甜蝦size偏細隻，但肉質鮮甜，其他角切魚生鋪滿丼飯，絕對對得住呢個價錢有突😗食完呢個飯都真係會飽--今次係帶媽媽黎食佢係一個芝士年糕迷，所以一見到就即點呢個芝士年糕係我鍾意既texture～外面夠熱，入面一咬又流出黎嚕--明太子雞翼 用籃上呢個擺盆幾用心裡面釀滿明太子，好惹味下次來都一定會再點👅👅-連章魚小丸子都有得食,唔係交行貨，裡面粒章魚好有咬口👏🏻-豚肉鍋配烏冬 $108其實都已經食到8，9成飽😂😂加埋呢個豚肉鍋，我地兩個人又係「超過十成」飽咁捧腹走😂豚肉既份量好多，呢個鍋超大煲🙈🙈肉質嫩口，抵食！-今餐媽媽食得好滿意，店員都好

一入到餐廳見到好多文宣，播緊願榮光歸香港。每檯仲有消毒酒精方便客人用。叫咗三文魚刺身同吉列廣島蠔。三文魚刺身厚切鮮甜，廣島蠔好香口熱辣辣！油甘魚北海道海膽丼好足油甘魚刺身，北海道海膽鮮甜、冇苦味。另外再嗌咗個牛油果天龍卷同巨峰提子梳打，咁多嘢兩份share，openrice訂位餐牌仲有七折，幾飽幾抵食😋

海之幸丼有好多唔同種類嘅刺身 三文魚，吞拿魚，油甘魚，牡丹蝦，松葉蟹肉，三文魚籽仲有玉子添 每塊三文魚都好厚切，差唔多係一般嘅兩倍份量，食落鬆軟，好多油脂吞拿魚同樣肥美鬆化牡丹蝦好甘甜，size好巨型，松葉蟹嘅味道好鮮，食得出係新鮮拆好嘅蟹肉 松葉蟹薯餅外脆內軟，入面好creamy，食落似係食緊白汁忌廉 第一次食海膽豆腐，個樣有少少似玉子豆腐咁，不過係橙色嘅 上面有三文魚籽同甜蝦，食落好鮮甜嫩滑 新菜式炭燒大頭蝦用嘅係泰國蝦，燒得好香，加上檸檬，食落爽口彈牙，而且蝦頭有好多膏好香 一口豚肉係豚肉五花腩，加咗啲鹽同胡椒去燒，旁邊仲有黃芥末 明太子醬燒玉子最有驚喜，本身玉子嘅味道 甜甜地，估唔到加上鹹鮮嘅明太子，味道係咁夾 青瓜絲卷上面舖咗滿滿嘅三文魚碎，仲有松葉蟹肉，最後加上少許蟹籽今餐日本菜有好多松葉蟹肉，可以滿足一吓去唔到日本食蟹嘅心願

店內人流滿滿 是很黃的黃店 因朋友介紹而來試一試這裏的晚餐 二人點了一碗北海道海膽油甘魚爆多丼覺得油甘魚厚厚的很美味 海膽送飯也很好吃另外叫了燒鯖魚 有配檸檬同埋蘿蔔蓉 覺得佢燒得唔錯~ 仲有兩塊炸蟹餅 覺得裏面絞碎的餡幾好食 外脆內軟 不過就唔係特別食到有蟹肉還有雞軟骨 雞軟骨水準合乎標準～最後 沒有特別期待卻令我出乎意料地喜歡的是沙律 大大碗的 很喜歡他滑滑的豆腐配上香香的麻醬覺得十分美味 今次咁多就飽了 下次會想試吓之前朋友介紹的天龍卷 聽說很好吃

#黃店經濟圈一間好黃既日本美食😍性價比好高👍🏻位於觀塘工業區 都幾揾文宣好多 仲播住黃歌💛大蔥黑豚肉 $28豚肉好香 充滿油脂 而夾埋個大蔥食 啱啱好中和到 推薦👍🏻明太子醬燒玉子 $26簡單又熟悉既味道💕 甜甜既玉子😚甲羅燒松葉蟹肉丼 $148好多蟹膏 非常鮮甜配埋新鮮既蟹肉、蟹柳、蟹子送飯送 真係一流😍仲要好平！松葉蚧肉冷豆腐 $58第一次食冷豆腐 凍凍地 配埋蟹膏 幾特別 🤣碎三文魚松葉蟹肉卷 4件 $68三文魚腩海膽卷 4件 $98雖然價錢會貴少少 但係三文魚腩+海膽 都好高質👍🏻食落去 好有滿足感😍

#支持良心餐廳花刺身丼$108西京燒比目魚便當$98老實講 真係有啲失望個樣係靚靚仔仔嘅 但係食落真係唔多掂刺身欠鮮味 有啲冰鮮味赤身仲要係好似咬香口膠咁 成舊筋食唔到三文魚腩算正常少少 但都係冇咩鮮味 食時真係有一刻好驚之後會肚痛 不過好彩冇🙈飯就大碗嘅 但醋味唔多 全靠啲味素調味🤧西京燒比目魚便當佢話係話西京燒但食落係蒲燒嘅味 怪怪的調味太咸不過店入面真係好多文宣有係多人流時播文宣歌 😅當係支持黃店希望會進步吧

又再去觀塘工廈搵好野食，今日搵到間上樓，一來到已有多人等位，好彩我一早預訂了台入坐前與我探熱，再安坐下來我們叫了一客「牛頸脊火鍋物」，可以揀選湯底（壽喜燒/韓式泡菜/日式豬骨）我們揀了壽喜燒，鍋物會附上刺物3件厚厚的，好大塊以及加了錢配上了稻庭烏冬 再叫了一客 「明太子蛋卷」好好味😋，燒得剛好，軟軟的蛋 ，另外叫了「明太子雞翼」這款麻麻加上檸檬汁怪怪的。也叫了一份「雞泡魚乾」味道尚可！ 「燒茄子」特別在於他預先脫了皮，味道欠缺了燒烤感，味道尚可。最後叫了「加州卷」壽司大大件，十分抵食備註：在餐時比較急速收野，感覺趕著交台，但職員也十分有禮貌

今日約咗妹妹去官塘晚飯，妹妹帶我去一間高人氣日式居酒屋「丼瀛」，餐廳位於官塘巧明街榮昌工業大廈5樓，出電梯左轉，就見一隻帶口罩的麵包超人公仔餐廳以和風裝修，餐廳牆壁除有食品介紹外，還有好多香港人的心聲脆炸流心粟米餅～粉漿薄薄，餡有粒粒粟米，入口香脆加上粟米香甜味明太子醬燒玉子～玉子燒非常軟滑，加上明太子醬的咸香味，真係超好食明太子雞翼～雞翼內釀滿明太子，入口咸咸香香，雞翼香脆可口，味道非常豐富燒大蝦頭～脆口，蝦頭有好多蝦膏，肉質彈牙三文魚腩海膽卷～三文魚腩肥美，鮮甜海膽加上三文魚，美味非常忌廉芝士鰻魚卷～忌廉芝士，包上鰻魚、青瓜絲，入口爽脆，層次豐富海之幸丼～刺身新鮮，加上醋飯一齊食，味道鮮甜豐富，滋味無窮

支持黃店可以一試 不過都幾難食Book左8點 8點半先有位入等位個度又熱又多人如果冇咁多位 希望坦白啲 等我晏少少黎 都好過要我企係度大半個鐘叫左丼飯同刺身 全部都唔係幾新鮮雖然油甘魚刺身都幾厚 但真係有魚腥味仲叫左幾串串燒 味道就ok啦每人食左二百幾蚊 咁嘅價錢我覺得可以有好多選擇如果唔係黃店 就覺得唔係幾抵囉真係純粹支持下 唔好期望太大唔知點解OpenRice咁多好味嘅好評講到好唔好味應該唔關佢係咪黃店事定係我嗰日唔好彩食物質素麻麻

觀塘食lunch有好多選擇，呢間响工廠大廈入面嘅日本餐廳，雖然地方唔算大，勝在食物啱我心水。基本上每次黎我都係食烏冬鍋，湯底可以揀壽喜燒，味增，豬骨。因為疫情關係，除咗門口有安排酒精搓手液，每張枱都有一支酒精噴噴，餐廳都好窩心。

真正愛香港的，請檢討一下，真正有實力地改善食物品質。祝福你地遇到幫助你地提升質素的人，你地會有能聽的耳，能改善的心，真正做出有心的食物，真正以實力得到好評一碗簡單的麵豉湯，可以整到咁咸，真係令人震驚，唔係個人口味問題，係真係好咸，點解會咁架呢？滑蛋吉列豬扒飯，個飯好似比細路仔食果d 飯仔，煲飯都有困難嗎？明白抗疫經濟唔好，明白經營唔容易。但食落，問題不在於食材咁簡單，感覺煮出來的不大尊重食果個客人店舖四處文宣滿佈，很有特色的環境，好熱血有熱誠的氣氛卻與食物飲品有很強烈的對比真心失望的也真心希望會有改變畢竟愛香港的熱誠，如果加上所制作的食品質素成正比，必定令人更感動加油

今日嚟到觀塘一間原來都幾受歡迎既黃店 丼瀛 店裡面貼咗好多文宣 觀塘區工廈出名多食肆 今次嚟到食返餐日本野 我地各自叫咗個窩蛋牛肉烏冬 甜蝦角切魚生丼 另外我叫咗清酒煮大蜆日本南瓜明太子雞翼同埋帶子壽司 烏冬用咗到庭烏冬嗰種比較彈牙 個湯都幾甜 牛肉份量幾多不過煮得有啲耐 甜蝦角切魚生丼 角切魚生鋪滿整個丼飯面都幾豐富 係飯有啲黏得制 口感一般 清酒煮大蜆 啲蜆隻隻都開曬殼無沙 不過湯底有落蔥花同昆布 不過係味道比較清 無咩清酒香 日本南瓜天婦羅炸得唔錯 不過明太子雞翼既明太子就比較乾身 帶子壽司質素就幾好 叫咗咁多款野食 晚餐嚟食兩個人加埋食咁多野500蚊有找

餐廳：丼瀛 (觀塘)地址：觀塘巧明街109號榮昌工業大廈5樓A室高質嘅黃店通常都會再去encore😎，之前去左觀塘巧明街榮昌大廈嘅丼瀛食過一次飯，係一間深黃嘅日式餐廳，今次再去文宣比幾個月前多左幾倍！餐廳由外至內無一個地方係無文宣🎗，播住同反修例運動有關嘅影片🎥，員工仲著有「香港人加油」嘅衫，佢地亦不時捐款同幫手足義賣，真係想唔懲罰都唔得流心芝士漢堡扒($48)接近2吋厚嘅漢堡扒$48有兩件，煎香左嘅漢堡扒熱辣辣，切開有濃郁嘅芝士流出🤤，好芝味天龍卷($98)同碎蔥吞拿魚腩海膽卷($78)天龍卷即係三文魚腩包住天婦羅蝦🍤同埋青瓜絲，中間夾住紫菜，而面頭仲放上三文魚籽；碎蔥吞拿魚腩海膽卷亦落足料😋，擺到高高嘅吞拿魚腩碎同海膽充滿口腔每一個角落😍。兩款卷物食落每一啖都新鮮豐富，層次百出，好滿足呀一口豚肉($28)烤得岩岩好嘅豚肉肉味香濃，帶有少少油脂令豚肉更加吸引，加埋檸檬汁就中和左油膩嘅感覺👍🏼，一串真係唔夠🙈，老世唔該比多串燒大蝦頭($38)一碟有兩隻，蝦頭又真係幾大😂，識食一定係咬開蝦頭，再加上檸檬汁吸吮入面嘅蝦膏先至過癮🦐，燒香同加左海鹽令蝦肉惹味左唔少松葉蟹肉海膽甜蝦丼($158

Lunch同幾個同事去觀塘工廈揾野食, 又想搵間良心小店支持下，最後就揀左呢間舖頭，距離地鐵站近D，睇到評語話價錢又唔貴又高cp。因為人數太多同疫情關係，我地去到要係門口等員工幫我地探熱，等左五至十分鐘先入得。店內裝修有D似似日式果種居酒屋咁,都坐得幾舒服! 仲有露天位可以抖抖氣添! 除左食野，店內仲有好多精品可以選購，揀到心頭好又可以幫到人。一班真香港人係放飯時間可以聚下傾下計，係社會咁崩緊既情況下抖下氣，再一齊堅持落去

今日嚟觀塘心血來潮想食日本野，呢期熱愛搜尋工廈樓上舖嘅餐廳。發現巧明街呢間充滿著支持香港嘅氣味嘅日本餐廳。除咗indoor, 仲有戶外空間添。點咗個魚生飯，嘩...好大碗 , 一個女子要食哂，有點難道。皆因每片魚生都厚切大大片,旁邊仲有三文魚籽同蟹肉。刺身好新鮮，平時嘅我食到唔新鮮嘅生蝦，咀會即時敏感，呢度嘅生蝦好肥美，好厚肉，食完無敏感，証明真係好新鮮👍🏻前菜有勁入味嘅八爪魚，非一般size。好大隻👍🏻Lunch好抵食，下次要再嚟encore晚餐試多d款。