一生懸面 一直都想試既拉麵店 今次比我係荃灣分店食到啦！ 呢間拉麵店定期就會推出期間限定拉麵 而且價錢重唔貴添！ 店內空間唔算大 但環境好乾淨 bar 枱位置可以望到師傅整麵 今次同朋友叫左 一款拉麵 一款 沾麵 同 一款小食 ( 另外我仲叫咗 單點慢煮叉燒$20 同埋紫菜$10) 再加埋兩款飲品300蚊都唔使就埋到單！ 認真抵食!!! 海老沾麵 $88 滿滿嘅櫻花蝦鋪滿咗喺沾麵湯汁上面 沾麵嘅麵底係粗面所以好容易就掛湯 口感好彈牙 叉燒經過炙燒後 滿滿嘅油香 油脂好豐富 雞白湯拉麵$95 濃厚嘅雞白湯 飲落好絲滑 而且鹹度適中 配上幼身拉麵 好夾 雞肉好嫩滑 慢煮叉燒好軟淋 所以忍唔住再 單點多份 煎餃$29 Sage蘋果桂花鳥龍有氣茶 $22 綠茶可樂 $20

最近香港開咗好多唔同 特色嘅咖啡店 今次去到喺太子moko天橋底對出嘅呢一間 Tuned coffee and Roastery 呢間咖啡店主打文青style 入面嘅裝修都較為簡潔而且比較多植物 啱曬打卡 重點係呢度嘅食物除咗質素好之後份量亦都好多 啱曬啲朋友一齊嚟chill下而且又可以填飽個肚 日式燒雞腰果仁沙律 $75 份量超級多嘅沙律 非常之開胃 除咗燒雞同腰果人之外仲有牛油果 生薑 青瓜 蕃茄仔 配埋個醬簡直係一流 慢煮黑蒜牛面肉燉意大利飯 $118 鍾意食濃郁嘅risotto朋友呢個真係大推 大量嘅芝士薄片 喺個意大利飯上面 撈埋一齊食超級邪惡 慢煮牛面肉好淋好香 泰式鮮蝦忌廉冬陰公意粉 $98 鍾意冬陰功嘅朋友呢個不能夠錯過 佢唔會好似一般冬陰功咁難 有啲忌廉汁去中和咗嗰個 冬陰功嘅味道 帶少少微辛 非常之惹味 奧利奧餅乾貝殼窩夫 $90 一般見嘅窩夫都係格仔樣 而呢一間就用咗貝殼樣嘅 形式去製作窩夫 出嚟既窩夫會比較厚實 窩夫入面有麻薯 增加咗口感 仲有雪糕 同 兩款 醬料 配搭 開心果鮮奶(熱) $45 最近大受人氣嘅開心果產品呢度都有呀 你本開心果鮮奶 開心果味唔會好重 但係每一啖都會有淡淡嘅開心果香味 仲有啲開心果仁 可以一試 焦糖脆脆咖啡(凍) $55 咖啡上面有 幾嚿大大嘅焦糖脆脆 可以根據 自己嘅喜好去 攪拌 得到適當嘅甜度

銅鑼灣特色邊爐🫕醉鍋 呢到特設包房 可以一班人黎唱K party😆 而且呢到有塊大既落地玻璃 仲睇到香港最動人既海景🇭🇰 鍋底方面 揀左雙併😎 四川麻辣鍋 打邊爐點可以唔食辣？ 椰子雞鍋湯底 養生之選 仲可以加花膠🥳 金莎鹹蛋脆炸鮮魚皮 聽老闆講 係呢度小食既頭牌🤩 脆卜卜 食落唔算好重鹹蛋黃味 不過聞落就香! 我本身唔算太中意食鹹蛋黃既人都食到☺️ 頂級安格斯牛小排（小） 牛小排有牛味 肉質都幾嫩滑😝 偏肥少少 食落好juicy🤪 餃餃餃 黑松露蝦蟹餃、鮮蝦水餃、韮菜餃 三款餃入面 特別中意食黑松露蝦蟹餃😍 味道創新 黑松露味剛剛好 唔會搶過蝦🦐味🥳

同朋友喺旺角行到差唔多九點 街上面好多餐廳都準備閂門 但係又好肚餓 行咗入top商場就發現到呢一間名叫 大將 嘅火鍋放題餐廳 餐廳主打一人嘅火鍋 放題 一邊嘅裝修好 簡潔日系 環境都好乾淨同埋 好闊落 我哋畀佢個 推介嘅和風羊腩煲湯底吸引咗 就決定入去食呢間啦 我哋揀咗120分鐘澳洲和牛牛小排 套餐 (成人$368加一) 喺未叫嘢食之前 餐廳已經會首先送兩隻鮑魚 兩隻廣島蠔 牛舌 同埋 牛空腹眼畀我哋 鮑魚同蠔都非常新鮮 如果大家鍾意食海鮮嘅話 不妨可以考慮下最高級嗰個 套餐 就可以任叫㗎喇 羊腩煲湯底 鍾意食羊腩嘅朋友仔一定唔可以錯過 佢呢度羊肉嘅份量非常之多 亦都唔會好重騷味 肉質非常之軟淋 少少可惜嘅係佢冇得再添羊腩 但係 重點梗係喺任食嘅區域啦！ 壽喜燒湯底 壽喜燒湯底一向都係同牛肉嘅最好配搭 清甜嘅醬油味令到牛肉嘅味道昇華 另外仲配埋生雞蛋添！ 個人推介！ 澳洲和牛牛小排 牛小扒肉質 善良 牛味濃郁 脂肪比例較多 有入口即溶既感覺 配上生蛋漿食一流 和牛胸腹眼 和牛空腹眼 脂肪比例較平均 鍾意啖啖肉嘅可以瘋狂叫呢個 昆布漬雞肉 雞肉非常嫩滑 就算煮耐咗都唔會老 杭州黑魚片 無骨嘅黑魚片 味道鮮甜 蝦滑 非常彈牙嘅蝦滑 大量蝦肉同蟹子 自助區 甜品區 值得一齊嘅呢度有一部窩夫機大家可以自己diy整窩夫 我哋都忍唔住整咗幾嚿嚟食 因為真係好好味！！！

尖沙咀既樓上居酒屋🏮 位置頗多 坐得都幾舒服 推薦幾個人黎呢到聚會 氣仙真蠔$176 有兩隻厚肉既生蠔🦪非常鮮甜美味🤤 夾雜住檸檬柚子汁啫喱 食落都幾fresh❣️ 薄切真鯛魚 $220 份量比想像中多 性價比幾高‼️ 而且佢配埋一個酸酸地嘅汁 必掂～ 令到個真鯛魚 格外新鮮 越食越開胃🤪 縞蝦刺身$88 縞蝦好有蝦味 與眾不同 仲搣埋蝦殼 細心🤓 燒鵝肝$128 鵝肝都幾有份量 size over埋件多士😍 重點係件多士仲係脆卜卜 好有誠意😝 辣酒煮廣島蠔$88 配酒一流😛辣辣地 好過癮！而且蘿蔔同埋蠔都好入味 亦都非常之大隻 見好多人都有嗌😳 海葡萄番茄沙律🥗$128 大量海葡萄 幾特別既前菜 可以一試😙 什錦天婦羅 $98 應有盡有 最推薦係天婦羅蝦🍤唔會太厚粉😎

最近天氣開始凍返 又係時候去打邊爐暖暖身體 今次去咗間食得又可以打卡嘅火鍋餐廳 龍鳳呈祥雞煲火鍋 餐廳呢度好有舊香港嘅感覺 好多復古嘅餐具同埋裝飾 座位好闊落 無論情侶定係一家大細都適合 仲見到一張乒乓波枱嘅餐枱 非常過癮 招牌無骨鳳翼釀雞煲 🐔細 $278 鍾意食雞煲嘅大家一定唔可以錯過 因為佢係無骨雞翼 雞翼入邊釀咗墨魚滑 啖啖肉 而且雞煲好香好惹味 唔食得辣嘅推薦BB辣 帶少少微辛 但係好香口 食完啲雞就可以開始加湯打邊爐 店員會問你想加雞湯定係豬骨湯 我哋就加咗雞湯 比較清甜 可以中和返雞煲醬本身比較濃郁嘅味道 龍鳳呈祥牛肉拼盤 🐮細 $338 拼盤有好多牛肉嘅部位 例如 手切牛肉 牛胸油 牛柏葉 牛肉粒 雪花肥牛 同 牛舌片 個人推薦 牛肉粒 同 牛胸油 牛肉粒好多汁 牛胸油喺火鍋餐廳非常罕見 爽口滿滿嘅牛脂 充滿喺口腔裏面 日本廣島蠔 🦪$98 非常大隻嘅日本廣島蠔，煮完之後唔會縮到好細 蠔肉飽滿多汁 一啲都唔腥 即制回味五香肉丁餃 🥟$78 大大隻餃子包住五香肉丁食落辣辣地幾惹味 龍鳳呈祥豐盛雜菜拼盤🥗 $128 打邊爐一定要食返啲蔬菜 呢個蔬菜拼盤就犀利囉 名副其實 非常豐盛 娃娃菜 油麥菜 唐生菜 蓮藕 粟米 番茄 白蘿蔔 金菇 木耳 全部都喺晒呢個大嘅罐入 又底裝到上頂仲要滿出嚟咁滯 自家製陳年鹹檸七 🍋🥤$38 自家製陳年鹹檸樂 🍋🥛$38

近期新開既韓式café 主打創新 fashion菜😳 位於尖沙咀海港城地下 位置極佳🤪 單價屬於中高價位 兩個人大約要$600左右～ 玫瑰醬八爪魚年糕 個年糕超級！軟熟！正宗韓國年糕😍 個八爪魚就好容易咬開 幾新鮮喔😏 而個玫瑰醬 食落好特別 係一個未食過嘅味道😝 橡果黑毛豬卡邦尼意粉🍝 特濃版嘅卡邦尼 好重口味🤤重芝士味🧀 2個人都爭住食呢個意粉 看似簡單 但味道豐富 橡果黑毛豬 來自韓國🇰🇷易入口 唔錯的👻 北海道粟米蛋糕 🌽🍰 好靚又好大件嘅粟米蛋糕 蛋糕上面有一塊炙燒過嘅粟米 好鮮甜 蛋糕有啲粟米汁喺旁邊 甜甜地好開胃 食落完全唔覺得係食緊甜品 好似飲緊粟米湯咁 黃豆粉紅豆甜心刨冰 🍧 份量超多嘅刨冰 刨冰佈滿黃豆粉 再配啲紅豆一齊食 好甜好好味 一個人食完應該會飽xd 建議 兩個人share 食 甜蜜桃桃伯爵冰茶🍹 如果鍾意比較清新嘅口味 呢杯就啱晒大家 淡淡嘅土香味再加伯爵茶味 好解膩 怦然心動熱情果梳打🥤 好多熱情果肉喺杯嘢飲入面 味道較濃 鍾意熱情果嘅朋友唔可以錯過

12月夜晚天氣涼浸浸 🌬️
嚟到尖沙咀又好肚餓嘅時候 打邊爐喺必選之一
想食高質足料火鍋店？
香香宮煮就岩曬大家 餐廳裝修係古代宮廷式 🏯
門口設有宮廷服裝 同埋有皇帝椅 好華麗
打卡一流 而餐廳座位寬敞🙌🏻🙌🏻

店員會先上個一醬料九宮格！
自己慢慢調配 唔洗出去排隊 又唔怕整污糟！
跟住好快就會上埋個湯底

今次叫左 雍穆公主•花膠雞湯鍋 🐔湯底用左好多大大塊又厚身既花膠 同 三黃雞 熬製而成 開始打邊爐前 飲兩啖 雞湯 warm 一 warm up! 濃濃既雞湯好鮮甜 花膠好軟熟

花花公主牛魔王拼盤🐮（細）

牛肉愛好者必點！拼盤有唔同部位既牛肉
安格斯牛肉 牛肉粒 雪花肥牛 牛舌 牛黄喉
手切本地牛肉 同 牛展 個人推介 牛肉粒 牛舌 同牛黃喉！牛肉粒肉質新鮮肉味好出 牛舌 肉質彈牙 牛黃喉 爽脆

伊比利亞橡果豬🐷
油脂分佈均勻 肉味香濃 而且 嫩滑

手打蟹子墨魚丸🦑（四粒）
蟹子墨魚丸 大大粒 好彈牙

香香宮煮響鈴拼盤
鍾意食響鈴要叫 鍾意食鹹蛋黃 一定要叫！
鹹蛋黃響鈴 簡直係邪惡到不得了既美食 放落湯煮1-2秒 即刻趁熱食 入口即化 鹹蛋黃味 係口腔爆發 超滿足！！！

百香宮煮 雜菜拼盤🥦🥬🌽

黎都銅鑼灣 大家一定會見到有好多唔同種類嘅放題餐廳 但係有一間我一直都深深好想推薦俾大家 就係 瀛豐放題料理專門店 呢度餐廳位置唔算太多 但勝在位置夠寬敞，而且燈光好足夠 環境亦都好乾淨 呢度主打港日泰美食 而且依家係大閘蟹季節 餐廳亦都熱烈推介大閘蟹放題 今次就同朋友 叫咗大閘蟹放題 試試佢！ 大閘蟹🦀🦀🦀 $499/2小時起 呢度嘅大閘蟹都係即叫即蒸 每一隻都爆曬膏 非常邪惡 蟹膏同白膏嘅份量都好多 非常之鮮甜黐口 鍾意食蟹嘅朋友一定會食到停唔到口 除咗大閘蟹之外，呢度嘅刺身生蠔亦都係非常之出色 餐廳會先上一盤生蠔 再加海膽帶子 然後再上一盤刺身船 生蠔🦪 生蠔雖然細隻啲啲但係非常新鮮而且有淡淡嘅海水鹹味 加醬汁同檸檬汁一齊食 非常開胃 海膽帶子 鮮甜帶子夾住新鮮海膽 一啖擺入口 係最高既享受 刺身船🚤 非常華麗嘅擺盤 上面有唔同嘅刺身 有珍寶赤蝦 油甘魚 醬油漬吞拿魚 三文魚 馬刀貝 八爪魚 白玉貝 北海道角螺 希靈魚 等唔同刺身 個人推薦珍寶赤蝦 油甘魚同埋馬刀貝 赤蝦鮮甜肉質彈牙 油甘魚魚油味濃郁 馬刀貝肉質爽口 大家食完就可以根據自己嘅喜愛不停encore！

去滾 收工約埋朋友出黎銅鑼灣 想打邊爐食高質素火鍋 又想慢慢住坐傾下計 去滾 就一定岩曬 餐廳裝修得好有舊香港感覺 有唔同霓虹燈牌比大家打卡 重有好多同‘去滾’相關既霓虹字牌遍佈餐廳四周 除左室內空間之外 呢到重有露台位置比大家係出面chill 下 金甲脆魚皮 🐟$98 鍾意食鹹蛋黃嘅大家 呢個黃金脆魚皮一定唔可以錯過 每塊魚皮都有厚厚嘅鹹蛋黃醬 而且帶有微辛 係味蕾上嘅衝擊 好食到停唔到口 原個椰子雞湯 🥥🐔$268 店員會係你面前將原個新鮮椰子打開倒椰子水入湯 重會將啲椰子肉加入去個湯底到 呢個湯底超開胃同好香椰子味 雞件新鮮 就算煮耐左都唔會老 安格斯肥牛🐮120g $168 肥牛脂肪分布平均 呢個份量夠晒兩個人食有多 淥落個椰子湯底度 令到個肉味更加突出 重帶有啲甜味 鮮嫩正菜蔬菜拼盤🥬(自選三款) $98 有莧菜 芥蘭苗 菠菜苗 油麥菜 唐生菜 娃娃菜 皇帝菜 鶴斗白菜仔 稻庭烏冬🍜 $38 繽紛鮮果涼粉鍋🍧 $108