第一次去呢間食雞煲，佢比其他雞煲店唔同既 地方係有螺片花膠雞煲食，平時都唔係成日食到花膠，所以可以順便補下骨膠原😛 餐廳整體環境都算闊落，枱同枱之間唔會好迫。店內有落地玻璃，高俯旺角夜景👍🏻 一坐低 店家就比左醬汁我地 有九款 擺得幾靚 個人非常喜歡豉油、生蒜、炸蒜、辣椒、蔥花既配搭。 🐓滋補螺片花膠雞煲 而家開始入秋，食返啲滋補嘅湯底就最啱啦！花膠雞煲都幾足料，花膠大大嚿，啲雞都幾滑，最正係湯底清甜，可以飲多幾啖👍🏻 🥟自制韭菜餃子 自家製嘅餃子大大嚿，咬落好滿足❤️ 爆芝響鈴 響鈴脆卜卜，應該係新鮮炸起嘅，非常好食，推介👍🏻 🐖西班牙頂級黑豚豬肉片 黑豚肉切薄片，一落水就好快熟😌食落口感爽爽地，唔會鞋同硬。 留意到係非繁忙時段食嘢有半價，都幾抵👍🏻

呢間西餐廳喺尖沙咀都幾出名，今次同朋友就黎試下 成間餐廳都喺綠同金色做主調，營造古埃及特色，裝修都幾有心思👍🏻 忌廉白酒煮藍青口 $168 味道清新，口感彈牙多汁，唔會過熟太硬，都唔錯👍🏻 炸魷魚天婦羅配雞肝醬$128 值得稱讚，三種食材加埋一齊非常夾，雞肝醬味道濃郁，鍾意食雞內臟嘅朋友一定會喜愛👍🏻 貓耳朵意大利粉配茴香豬肉腸 $188 口感煙韌，味道清淡👌🏻 封門牛柳配薯蓉紅酒汁 $348 牛柳五成熟剛剛好，入口即溶，配紅酒都十分開胃。蒜蓉都打得好好食👍🏻 飲品就叫左mocktail，果汁味比較重，偏甜。 兩個人埋單千幾，食物水準正常，餐廳環境一流，坐係到傾下計飲下野都不失係一個好選擇👍🏻

黃埔一向都係美食集中地，專做街坊生意，所以通常唔好食嘅餐廳都好難做得耐。 作為黃埔街坊之一，覺得呢間米線都不錯👍🏻 💛胡椒豬肚雞湯陽春面 一上菜胡椒豬肚嘅香味係咁湧過嚟，好香好開胃。食材都非常好食，值得一再回頭👍🏻 另外我哋轉咗做陽春面，口感都不錯，軟熟得來有咬感👍🏻 💛蟲草花膠雞湯陽春面 一上菜就聞到陣陣雞湯香味，飲落口唔會覺得太鹹，亦唔會食到有味精味，有好香的鮮雞湯味道👍🏻十分高質 雞肉非常嫩滑，都好大件，完全對得住呢個價錢👍🏻

喺科學園呢個美食沙漠，呢間都算係沙漠入面嘅一個小綠洲。我地幾個科學園打工仔間唔中都會黎食下lunch, chill下。 平時因為呢到都好多公司，所以一到食飯時間就超多人，通常要12點左右到餐廳就可以直接入座，過咗12:15就要開始排隊等位😌 呢到每個星期都會換午餐餐單，所以唔怕悶，每次黎食都有新野揀👍🏻 平時黎食個人覺得性價比最高嘅就係佢嘅burger餐（每個星期都會有），份量超大，漢堡肉亦做得好好食👍🏻 今次食呢個海鮮意粉都不錯👍🏻蝦仁好大粒，都有6-7粒度左右，意粉醬都調得啱啱好，整體來講質素都不錯👍🏻 整體來講，呢間餐廳喺科學園咁多間餐廳入面來講算係top3, 環境舒適，食物水準不錯，價錢亦都唔會離地👍🏻長期都會繼續幫襯👍🏻

尖沙咀呢間泰國菜一向都比較隱蔽，今次就同朋友來try try先！ 我哋平日晚市嚟食，7:30左右，已經全場坐滿，都幾好生意😌 冬陰功湯 $78 分量比想像中細少少，味道正常都唔錯👍🏻 鴨肉生菜包 $78 鴨肉比較少見，都幾特別。食落比豬肉香，有陣陣鴨香味👍🏻 鹽焗烏頭 $128 條魚份量好大，但外皮焗得唔夠脆，魚肉唔夠新鮮，略嫌平淡😌 越式燒春雞釀香茅黃飯 $188 呢個菜式都少見，唔係到到有😌 燒春雞一流，雞肉香滑嫩口，黃飯都好香。但兩樣食材夾埋一齊好似未有火花😌 整體來講，依家環境都幾舒適，菜式水準不錯，又喺K11隔離幾方便，都幾適合同朋友嚟約食飯👍🏻

喺朋友嘅介紹吓，最近就試咗呢間超受歡迎嘅日本拉麵店，一食真係不得了，瞬間成為左我心目中拉麵店Top 3😍 牆身貼滿左手繪動漫同客人的好評，可見誠意同心意爆棚！ 🍜魚介豚骨湯沾麵 沾麵超彈牙同有口感，加上檸檬汁，酸酸地好清新，好適合夏天進食。 湯底濃郁鮮甜，加少少沙甸魚醋同昆布醋可以消滯，更加開胃😍 小貼士：特別的要求可以在落單嘅時候寫喺備注度，可以試下寫想加沙甸魚醋、昆布醋。 我平時就唔係特別鍾意食筍，都可以特別要求將筍轉其他食材，例如紫菜或叉燒👍🏻

上星期朋友生日，我哋就買咗新出的意大利芝士千層蛋糕慶祝💕 平時食開A1同Chaterise的原味千層蛋糕都覺得好正，所以都好期待下😍 蛋糕食落口感同原味差唔多。呢款意大利芝士味一入口會有陣tiramisu味，都香香地都幾好食，不過會愈食愈甜，我地四個最後都食唔曬。唔中意食太甜的朋友可以留意下啦😌

餐廳位於旺角前行人專用區油麻地街尾，非常方便。 今次同朋友2個人黎，叫左好多野🌝 💛帶子刺生 帶子大大粒，上菜時刺生溫度適中，唔會有雪味，入口鮮甜，亦不會霉。 💛三色魚生飯，角切魚生飯 配 三文魚麵豉湯 同朋友一人叫左一碗，魚生新鮮，入口溶化。 值得一讚係三文魚麵豉湯味道濃郁，十分開胃，配料充足，三文魚骨都好入味，但要小心魚骨呀🌝 💛鐵板薄切牛脷 牛脷不會靭，咬落極之爽口，配上蒜片一起吃，食到唔停口，雖然係鐵板料理，但不會太油膩，食到最後不會油浸👍🏻 💛香草燒雞翼 雞翼充滿香草味，但略嫌肉質較乾，比較遜色😌 💛牛肉壽喜鍋 湯底味道濃郁不會太甜，牛肉分量充足不會乾柴，絕對可以配3碗白飯👍🏻 💛三文魚明太子串 魚肉嫩滑芳香，加上明太子醬極奇開胃，但有少少過咸，要配飲品/ 飯一齊食👌🏻 💛照燒魷魚 燒烤恰到好處，魷魚翼位都不會過乾，入口夠爽，越食越想叫多份👍🏻 食左咁多野，先600蚊，真係平靚正 一個字：掂

今次去到尖沙咀廣東道嘅一間樓上餐廳，地理位置十分方便，同座仲有好多唔同嘅餐廳，絕對係一個美食集中地。 一入到門口，即刻睇得出餐廳用左好多心思去佈置餐廳嘅裝修😌 最引人注目嘅係一入餐廳右手邊一幅有近兩百隻可愛達摩公仔嘅主題牆， 傳統達摩公仔通常都凶神惡煞，但餐廳內嘅達摩公仔極之可愛，一聚黑色達摩公仔中間仲混咗一隻紅色達摩，絕對係一個引人注目嘅打卡位。 餐廳中仲有唔少其他畫作/掛飾，除咗單純食野，不妨用啲時間欣賞下😌 當晚食咗壽喜燒，炸雞拼黑松露沙律醬，壽司，燒三文魚頭，整體食物水準不錯👌🏻 壽喜燒口味偏甜，配料充足👌🏻 炸雞不會油膩，黑松露沙律醬香味十足😍 壽司飯夠結實不會鬆散👌🏻 三文魚後燒得夠香，為當晚晚餐畫上句號😌

今次去到Lady Nara, 位置喺尖沙咀Gateway 3樓，方便又易搵，餐廳名叫得做Lady Nara, 當然適合成班姊妹喺附近Shopping 完入去食好野打靚卡啦💕 餐廳分成Nara / Lady Nara. 其中今次食嘅Lady Nara 主打 泰西fusion菜，款款賣相都非常吸引，加埋粉紅色主題裝修，配上藤椅及迷人粉紅色餐具，淨係影相都有排影～🌝 ✅菠蘿牛肉他他 配 甜酸蛋黃醬 上菜時賣相不錯，牛肉他他上放咗幾朵彩色嘅花，令賣相更加吸引。🧡 菠蘿撈埋鵪鶉蛋&牛肉他他味道清新，牛肉入口夠晒滑，配埋牛油多士一齊食， 極之開胃 食法亦都令小編諗起兒時小食吞拿魚罐頭配餅乾，童年回憶番晒黎呀！！！ ✅冬陰公意大利飯 意大利飯食落口淡淡椰香，充滿冬陰公味 酸酸辣辣非常開胃 可惜嘅係米飯比較硬身，未似真正意大利飯 ✅青咖哩青口煲 配 蒜蓉包 傳統白汁青口煲嘅改良版，上菜時已經聞到好香，蒜蓉包點青咖哩三兩下就食晒。 要留意呢味咖啡比較辣，唔食得辣嘅朋友要留意啦 Menu 上仲有好多款甜品都賣相吸引，可惜食左呢幾樣已經飽晒😌 整體黎講餐廳嘅每道菜都唔太大份，非常適合成班姐妹一齊黎食呀👌🏻