一福 (已結業)

刺身不錯，甜品更吸引💕好耐無去過深水埗🙈要買電子野當然要去深水埗行行啦發現有間日本野 又有刺身又有甜品 決定要trytry👍🏻🍣 Omakase魚生丼 $268呢個omakase魚生丼menu無架！落餐嘅時候可以問下店員幫手落😝其他食物可以用電話掃qr code 落單 方便呀見到呢個魚生丼真係超豐富呀總共有二十六款刺身 正呀😏海膽，帶子，拖羅，三文魚腩，鰻魚 走唔甩🤩樣樣刺身都好新鮮嘅 切得唔算厚 也可以的🙈壽司飯用左赤醋飯 所以已經夠唒味 唔點豉油都可以喔除左刺身外 仲有蟹膏、龍蝦沙律、海膽魷魚、辛辣明太子 撈飯食一流👍🏻附送嘅麵豉湯好足料 有三文魚 白蘿蔔 好清甜🍣 一福卷 $69呢款卷物一直都想試下 $69分量同材料都好足👍🏻拖羅蓉夠肥美 海膽鮮味 再加埋三文魚籽一啖食唒 口感十足 讚一個👍🏻🍮 甜品拼盤 $99$99嘅甜品拼盤抵到爛呀！有心太軟、咖啡奶凍、紅豆抹茶厥餅、水信玄餅、蜜瓜牛乳雪糕一個心太軟散叫都$58 識嗌一定嗌拼盤呀😏最喜歡心太軟 因為佢係黑朱古力 唔會好甜厥餅亦夠煙韌 正！🍽 一福🔎 深水埗福榮街110號永佳樓地舖

  今日放假下午相約了好姊妹到深水埗搵好吃的，途經「一福」這間日本菜睇到差唔多坐無虛席，決定入去試一試。  店內環境佈置夠地道平民，感覺親切，有給一人吃的壽司吧枱位置，我們三人則選擇了較入面比較寧靜的餐枱位置。店舖選擇了QR code電子下單，餐牌分類清晰，落單非常方便快捷。此店為確保食物質素，是下單後即時製作的，需要耐心等候。壽司軍艦我們點了黃金蟹膏、北寄貝、火炙帆立貝、左魚裙邊和蔥拖羅和鮭，件件都非常新鮮，值得一讚用心之處是壽司飯已用醋和豉油搓好，味道剛好，喜歡的話沾芥辣吃便可。炸軟殼蟹卷入口脆口的黑松露餃子新鮮即炸熱辣辣，沾上黑松露醬配搭不錯；二色海膽吞拿魚腩丼大大件十分鮮甜，飯亦是調好鼓油和醋的，美味再加分。金芝麻冷稻庭烏冬是店鋪推介亦是我至愛，烏冬咬落非常煙靭爽口，配搭芝麻油簡宜係絕佳配搭，夏日炎炎首選；最後是製作需時25分鐘的甜品日式梳乎厘，賣相精美，梳乎厘夠軟夠彈，甜度適中，不夠可再加糖漿，用心製作之選。飲品點了蘋果梳打汽水和蜜桃梳打配雪糕，雪糕驚喜超好吃的，賣相亦吸精，解喝之選。整體食店價格相宜，食物質素高，款款用心製作，會再幫襯同介紹朋友。

好食既日本小店真係唔係咁易遇到我之前食過覺得值得再食所以今晚同朋友黎食第2次上次試過魚生飯，想再叫，店員推介一款餐牌上冇既魚生飯！原來係26款刺身有齊曬既刺身飯啊！26款包括左三文魚腩、三文魚、吞拿魚、吞拿魚碎、海膽、甜蝦、三文魚籽、蟹籽、帶子等等 好豐富oh my god真材實料而且魚生大大舊，好肥美新鮮！下面既飯係暖暖地，點埋wasabi同豉油 好好食另外仲叫左碗黑蒜油豬骨濃湯义燒烏冬好香既黑蒜油味，湯底呈乳白色，飲落真係好重豬骨味，义燒有4塊厚薄適中，仲有溏心蛋，價錢都可以接受！我地傾傾下就發現呢到有個甜品拼盤，$99好似好多野食，二話不說就叫了！🤣🤣心太軟、哈密瓜雪糕、奶凍、水信玄餅、紅豆綠茶餅我最鍾意係哈密瓜雪糕～同係北海道富良野食既有得揮！奶凍都好滑，唔會太甜！太正啦！

座位唔算逼, 環境幾舒服, 一坐低需要scan qr code點餐。散叫咗d壽司, wowww, 有驚喜! 飯身唔鬆散, 材料正常新鮮, 深水埗呢個價錢黎講，絕對抵食。Display 亦十分靚仔, 賣相對於食物嚟講, 真係好重要!Menu 仲有其他熱食, 刺身, sake款式都叫做多! $188 有三款sake, 當中仲有十四代😍侍應仲會推薦，當日有啲乜嘢魚生，係新鮮返貨👍🏻👍🏻👍🏻一定再encore!!! 絕對係一間高質素餐廳!

與男朋友到深水埗購買電腦用品不知不覺已天黑，順道到深水埗出名食肆臨立的福榮街覓食，路過燈火通明的一福日本餐廳企理淨潔門面吸引我倆進內品嚐餐廳呈長方形，以淺啡木為主，設有一列靠牆卡位及面向廚房吧枱位，座位設計再配上昏黃的燈光很有和式風情味道坐下後服務員遞上餐牌及此枱QR code ，並提醒我們餐廳以手機點餐，手機牌餐牌簡單易明，而且價格清晰，點餐後之目錄與總額一目瞭然，果然是既方便又環保之選小食3款只需$99，我倆毫不猶豫點了以下3款：切成粒狀的八爪魚爽口煙韌，被粘膜包圍的每顆八爪魚都非常滑溜，鮮甜八爪魚味中帶點芥末味，該芥末剛好達到攻鼻效果而不會過於辣，最後更發現份量頗多，吃過整餐飯過後還有所剩餘原隻炸軟殻蟹炸後呈上，大小有如一隻手掌，平面看似瘦削扁身，但原來夾起內裡佈滿蟹肉及帶有蟹膏，加上超薄而香脆的外殻，更顯得熱烘烘剛炸起的軟殻蟹啖啖肉，沒有任何調味下能清晰吃到蟹肉鮮，再沾上少許沙津醬變得更惹味極邪惡之小食永遠是最好味！雞皮炸至香脆可口，不費吹灰之力咬下便聽到清脆爽口聲，並包裹著軟滑熱騰騰白色餡料，我倆食光還是不知餡料的甚麼，但脆皮配軟滑餡料的確層次不缺鍋內食材豐富有鋪滿鍋面的牛肉

估唔到深水埗都有咁出眾嘅日本餐廳 價錢非常大眾化又親民 食材款式夠多 餐廳日以本料理為主打 有各類刺身，壽司，丼飯，小食供應！最驚喜嘅就係呢到嘅甜品都非常出色…… 食完飯好多人都會跟住食甜品 咁就唔使跑兩間餐廳兩色海膽刺身魚丼飯$298超豐富嘅丼飯 上面嘅海膽目測有成板咁多 鍾意食海膽嘅人必食這個海膽有兩款 有一款又粗又肥成隻手指咁長 另外一款細細條呈現非常鮮艷嘅橙黃色 兩款整體都新鮮至極 放入口鮮甜無比 有種入口即溶嘅感覺魚刺身用咗厚切方式呈現 口感超實在的 完全冇腥味 反而有一種鮮甜的魚脂味道壽司方面 全部都好足料 尤其是係軍艦 魚生多個飯軍 艦外面層紫菜依然脆卜卜 這裏嘅壽司確實抵食 三文魚壽司只需要七蚊一件 晏晝食仲唔需要加一添炸軟殼蟹卷$59壽司飯外面鋪滿咗密密麻麻嘅蟹子 咬落去口感非常豐富 粒粒蟹子在口腔中爆開 中間仲有 青瓜絲及炸軟殼蟹 仲有沙律醬做點綴 非常好吃 黑松露餃子$39即叫即炸熱辣辣 餃子外皮炸到脆卜卜 好香口 靈魂在於黑松露醬汁 黑松露嘅香味在口腔中久久不散日式梳乎厘配軟雪糕$98賣相精緻 非常高水準嘅一個甜品 製作需時25分鐘 梳乎厘口感像空氣 非常鬆軟

😣2/10👎🏼👎🏼唔會再去食既壽司飯一開始係行過深水埗又攰又想食野先行入去試下，點知勁失望！自選飯係$48起，姐係48蚊有個飯，刺身再加錢，嗌左三樣加埋大約60幾70到，價錢一般，唔係太貴。但事實上每款刺身得兩片，但都算啦咁既價錢😛😛最覺得唔抵既係，個飯勁勁勁難食🤢🤢佢加左好多不必要既裝飾或者係配菜，個飯個味道好似唔係普通既壽司飯咁，總之好奇怪咁😭😭如果再去都唔會再嗌壽司飯😭😭但勝在都坐得幾舒服就還好啦😥

深水埗, 一個偏佈美食既地方, 通常一去到個度就會有一點迷失, 因為餐廳多到實在叫人唔知點樣選擇.最近無意中係呢個地方發現一間非去不可既珍寶, 呢間餐廳叫一福.一福係一間佈置得好有日本風味既日式餐廳, 餐廳設計呈長方形狀, 所以感覺十分寬敞. 當日我到餐廳用膳時正值繁忙既午膳時間, 但侍應們仍然保持笑容去安排人客入座, 而且佢地亦好細心地講解餐牌上的重點項目. 一打開MENU, 簡直讓我目瞪口呆. 壽司軍艦數目在MENU 上佔了整整一大篇幅, 而且刺身丼選擇亦有好多種唔同既配撘, 除此之外, 仲有拉麵, 烏冬, 小食, 各式各樣既選擇令我眼花撩亂. 最後我選擇左最吸引我既一個項目 就係鋪滿多達26款新鮮刺身既招牌魚生飯. 魚生包括吞拿魚腩、赤身、鮭魚、油甘魚、真鯛、真蛸、喜靈魚、北寄貝、馬刀貝、墨魚、赤貝、鰻魚、鮭魚腩、明太子、芥末八爪魚、松葉蟹膏、飛魚籽、蔥吞拿魚腩、赤海老、蟹棒、海膽、鮭魚籽、帆立貝、甘海老、松葉蟹二本爪。魚生飯配上一碗麵豉湯, 完全算得上足料之作, 麵豉味好濃, 加上放入豆卜將麵豉既味道完全帶出, 令一向唔十分愛好麵豉湯既我都想再添加多一碗接下來主角終於出場,

就黎去旅行又要唱錢，黎到深水埗除左唱錢緊係要食埋野先番屋企架啦！今日黎到一福，位於深水埗福榮街110號永佳樓地下，地理位置非常易搵！壽司拼盤🍣自選壽司，分別有大拖羅、油甘魚腩、左口魚群邊、三文魚、海饅、三文魚芝士卷！大拖羅、油甘魚腩、左口魚群邊都無令我地失望，油脂味極濃，滿口魚油脂係令人感動，可惜壽司飯落左太多醋去調味，偏酸偏濕，影響了壽司整體效果！海饅整條，充滿了魚味，無加太多饅魚汁調味，可以食到魚既鮮味，推薦👍牛肉壽喜燒壽喜燒好多時都會配生雞蛋，牛肉份量唔算太多，可以+$50添加牛肉，但本身都足夠二人份，味道鮮甜，配上生雞蛋，更添味道！內裹蔬菜都唔少，亦有粉絲吸左湯底，甜甜的味道！小食 - 雞皮餃子利用雞皮當左餃子皮真係第一次食，外脆內軟，呢個口感好讚小食- 芥辣八爪魚八爪魚切到細細粒，雖然夾起黎有啲難度，但滿滿都係芥辣味，份量頗多！小食 - 炸軟殼蟹炸軟殼蟹要熱食先好食，影完相我秒速放左入口，雖然睇落好細仔，但食落好鬆脆，有蟹味，而且有蟹膏兼飽滿！

朋友介紹呢間小店，話佢抵食又有質素首先，店員推介左我地食一個off menu既鎮店之寶：26款刺身飯一黎到真係好驚艷！我地即刻數左係咪26款🤣好處係可以試到好多種唔同既刺身，但係如果我食左，朋友就冇得食🤣或者切一半share🤣不得不提既係啲飯，暖暖地而且有落左豉油，味道十分好！黑蒜油豬骨濃湯乂燒烏冬湯底好好飲呀！豬骨味白湯加埋黑蒜味，好岩我口味！仲有半隻糖心蛋，乂燒肥瘦均暈，十分滿意！我地食完後傾左陣計，傾傾下話不如轉場食糖水之際，就發現呢個甜品拼盤，好似好多野食都係$99，同朋友就決定係到食埋因為都坐得幾舒服哈密瓜雪糕、心太軟、水信玄餅、奶凍、心太軟我最鍾意係心太軟同哈密瓜雪糕～一冷一熱一齊食 oyishi~~~

今日同朋友嚟到深水埗見到有間日本料理裝修幾唔錯就同朋友入咗去我就叫咗個一福壽司盛入面有好多款高質嘅壽司例如拖羅同埋海膽 而且仲有吞拿魚茸 海膽同埋三文魚子鋪係啲小卷上面 成個情況好壯觀而且亦都好新鮮好好食朋友就叫咗一個刺身丼飯朋友話刺身好新鮮 三文魚好肥美 而且全部都係腩位而油甘魚亦都好甘香肥美所以佢好鍾意除此之外我哋仲帶咗幾件壽司帶咗我哋最愛嘅 左口魚背入面充滿油脂同埋有啲根我勁鍾意呢種口感而且在叫咗啲炸蠔炸得好酥脆而且一咬落去就爆曬汁

深水埗真係週街都係食野的店舖見到呢間‘一福’門面光鮮D，就入去試下叫左個 ： 一福二人前會席頭盤：季節五點盛～三文魚，油甘魚，鯛魚，海老，生蠔樣樣都好鮮甜壽司盛盒 ： 拖羅，帆立貝，蔥吞拿魚，海膽，馬刀貝，赤海老，火焰忌廉芝士三文魚卷又係件件都咁好食囉漁介味噌湯 ～ 正常，無特別正油大根慢煮牛肋肉蘿蔔非常入味，汁好甜，牛肉好淋蟹肉沙律配忌廉薯餅沙律係正常的味道忌廉薯餅好脆口二人餐就係呢D食物喇。但我地實在太有食力，再叫左其他野鰻魚壽司，蟹棒壽司，吞拿魚壽司，三文魚腩壽司，芥辣八爪魚卷日式梳乎厘 配 芝士蛋糕本來係配雪糕，但當日壞機梳乎厘好空氣，整得好好食呀😍黑朱古力心太軟 配 芝士蛋糕好食過去甜品店的心太軟大推呀總括 ： 呢間店好值得大家去試

平時行街好少會去到九龍個面，但今日因為睇戲所以出咗旺角，睇完戲同女朋友商量去邊度食飯嘅時候，發覺係旺角食飯既種類好少，所以就搭地鐵去左個一兩個站嘅深水埗，聽好多朋友講嗰度有一間好好味嘅日本料理餐廳 餐廳非常之就腳喺地鐵站大概行2分鐘就已經到，睇完餐牌最後我哋叫咗一個丼飯，壽司拼盤，吉列炸蠔，重有幾款壽司 五色刺身丼，師傅將全部嘅刺身厚切，食落同刺身飯非常之合拍，刺身飯酸中大甜粒粒分明 一福壽司盛，刺身非常之肥美，食落油份非常之充足，每啖落去都有一種好幸福嘅感覺 食完再特別order 其他壽司，不能夠忘記口中嘅味道 吉列炸蠔，蠔本身非常之新鮮非常之肥美，裏面亦都好juice

一般男人下班後，沒什麼節目的話，會去電腦中心走走。今晚大家都在九龍區，當然就是深水埗。行了一段時大家也有點肚餓，於黃金電腦中心出來，走過對面馬路就看到兩隻達摩公仔，很吸引，很有共識的走了進去。雖然店內並不大太，座位卻很舒適，沒太擠迫的感覺，枱也不是太細小空間，不會是多要兩份小食就會沒空間的。餐廳以手機點餐，方便快捷，卻只有熱水供應，飲品有多種，梳打飲品與啤酒等，價錢尚算合理。「26款刺身飯」，被名字吸引著。擺放很精緻整齊，三文魚子、海膽、帆立貝、牡丹蝦、蟹鉗、希靈魚、三文魚、吞拿魚、燒鰻魚、北寄貝、赤貝、玉子及魷魚等刺身，可謂應有盡有，非常豐富。刺身下是滿滿的醋漬飯，份量非常豐富，二人的話，可真剛好，再加少許日式芥辣及日式豉油，味道洽當。一個刺身飯會送贈味噌湯，用料實在十足，大大的蘿蔔洋蔥粒，很有飽足感。再多要一份軟殼蟹手卷，加有適量黑松露沙律醬，增加嗅覺香氣，軟殼蟹炸得夠香脆，外層的蟹子一樣是脆脆的口感，而且份量十分之多，我們二人差點也吃不下。甜品拼盤，十分精美，若是女孩子的話，相信只會因不停替它拍攝而令雪糕熔化。甜品西日合璧，當中有Panna Cotta，咖啡香味中和Vanilla

又係因為海膽所以我嚟到呢間深水埗日本嘅餐廳一行三人 首先講吓個海膽拖羅飯個海膽真係唔太新鮮😂 有小小臭味個拖羅可以冇乜筋之後就係個單點壽司啦都係叫左拖羅壽司但佢同海膽飯嘅拖羅唔同呢一款嘅拖羅係入口溶嘅🤩另外其他嗰幾款壽司都新鮮唔會有腥味 其實我哋仲叫左個牛肉鍋 不過冇影到相如果午市點嘅話$100都唔使份量好多 仲送埋餐飲同甜品 抵食😄