渝味曉宇重慶老火鍋 (太子集團中心) (已結業) 查看

今次算係我第二次去食渝味䁱宇重慶老火鍋，啱啱上一次係新開嘅時候食過九格火鍋，今日唔想太熱氣，所以就食鴛鴦鍋吧！湯底揀咗大骨滋補鍋同埋重慶辣大紅鍋湯底。初初覺得重慶辣唔算太辣，殊不知越食越有辣味，好過癮！唔算太肚餓所以我哋兩個人唔係點左好多嘢食，但係都啱啱好夠飽。每樣食材都好新鮮，個人特別喜歡牛肉粒同埋佢個甜品紅糖糍粑，我個朋友就覺得羊肉特別好食。服務員態度很好，經常加湯同埋問我地仲有冇其他嘢要，環境坐得好舒服，一定會有下次！