548
25
4
餐廳: 渝味曉宇重慶老火鍋
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
港鐵尖沙咀/尖東站 C1 出口, 步行約3分鐘 繼續閱讀
所有分店 (5)
電話號碼
36210893
開飯介紹
餐廳裝潢簡潔舒適,主打重慶火鍋,提供重慶有名的九宮格麻辣大紅鍋;餐廳亦提供鴛鴦鍋供選擇。午市時間亦設有火鍋,及重慶口味的麵食。 繼續閱讀
營業時間
今日營業
12:00 - 00:00
星期一至日
12:00 - 00:00
*最後落單時間: 23:00
付款方式
Visa Master AlipayHK 支付寶 現金 銀聯 微信支付
座位數目
100
其他資料
網上訂座
Wi-Fi
酒精飲品
自帶酒水 詳細介紹
賞訂座積分
外賣服務
加一服務費
有關獎賞計劃
優惠
餐廳: 渝味曉宇重慶老火鍋
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (604)
等級4 2020-06-25
521 瀏覽
有疫情到而家一路都冇去過打邊爐,連冬天都過埋,近期情況好轉,決定要去滾一滾,止下心癮。朋友帶我嚟到太子集團中心,話有間重慶麻辣火鍋好過癮,午飯時段湯底仲要唔使錢,聽到都覺得吸引!𨋢門一打開,麻香同辣味已經撲鼻而來,侍應帶我哋到窗邊嘅位置,景觀十分開陽,邊行邊見到每台都有個麻辣火鍋,大家都食到面紅耳赤,一路索鼻一路係咁食! 依家好多餐廳都用Apps落單,呢間都唔例外,掃一掃QR code就會見到版面俾你揀湯底,麻辣係必點嘅,為咗試多啲唔同嘅味道,就叫咗個鴛鴦鍋,另一邊要大骨湯底。湯底一嚟到,麻辣味已經非常重,到湯滾開之後,麻辣味就更加犀利,食到鼻癢癢又心癢癢!另一邊廂大骨湯底清甜,可以中和返另一邊嘅辣味!食物選擇種類好多,我自己最鍾意就係呢度有半份嘅食物選擇,啱晒兩個人一齊嚟食,份量剛好又可以試多幾款唔同嘅嘢食!見到牆身貼咗期間限定鮮活海蟶同埋餐牌嘅桂花蚌試,大家淥嘅時候記得唔好放太耐,如果唔係縮水就唔好食,煮起兩樣都咁鮮甜,桂花蚌仲有爽口嘅感覺,讚!另外推介嘅係曉宇嫩牛肉,嚟到嘅時候已經睇得出牛肉新鮮度,放落湯底灼一灼,夾起點上醬汁,入口嫩滑又易咬開,仲好有牛肉味,呢個都係必點!打邊爐唔少得蝦滑,貪佢容易滾起又好味,呢度嘅蝦滑用手打到起晒膠,食落彈牙又有鮮蝦味,掂啊!午市免湯底,仲可以對住呢個靚景慢慢打邊爐,仲要有半份食物叫,咁抵下次要帶埋媽咪嚟試先得! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-18
787 瀏覽
今日放假就約咗個好耐冇見既朋友去烚吓烚吓,去咗試呢個重慶麻辣火鍋,一嚟到已經聞到好大陣麻辣味,充斥住鼻腔🤤好彩有預先訂座,嚟到已經有八成滿座😅(如果午市時間嚟,湯底仲會係免費,好抵食😍淨係比茶芥同醬料錢,每位$20再加一服務費🤗)仲有餐廳好貼心,每人都會有一條圍裙提供,可避免醬汁、火鍋湯底彈到👍🏻😅而離開既時候,接待處又會有薄荷糖可以清一清口腔👍🏻被安排入坐之後,店員每人奉上一碗雪耳紅棗糖水,好特別,第一次食火鍋係先食糖水打底先,先滋一滋潤🤪朋友唔係好食得辣,但又想過下辣癮,我哋點左個鴛鴦麻辣火鍋,另一邊係蕃茄濃湯做湯底😍 麻辣湯底果邊麻辣得嚟唔會好咸,辣得嚟好過癮,好適合涮肥牛,唔洗點醬料都已經好夠味🌶蕃茄濃湯湯底果邊,除左切片蕃茄之外,仲會有少量金菇,同埋我同朋友都一致認為蕃茄味可以再濃啲(蕃茄控無誤🍅😍)🌟美國安格斯優質肥牛 $119🌟值得一讚嘅係呢度所有火鍋配料都有半份咁落單,岩曬我哋眼闊頭窄嘅人,樣樣都想試,但又怕大太份;係呢度就可以試得多啲唔同既配料🤤肥牛係火鍋必點之一,牛肉肉質細嫩而不油膩,放係麻辣湯底果邊一流😍🌟現炸豆皮 $32🌟炸豆皮大大片,好滿足😍味道有啲似食緊響鈴,留意到點菜單上面有教係滾1分鐘就食得,涮大概1分鐘,口感更佳🤗🌟手打墨魚滑 $46🌟口感好彈牙,鮮味濃郁,充滿住墨魚本身既鮮味,上面仲有少量蟹籽做點綴🤤呢個墨魚滑可以再encore😍🌟手打香菜牛肉滑 $42🌟食落好似酒樓既牛肉球,係差了喼汁做醬料😂食落係有好香濃香菜味道,但又不會遮蓋了本身牛肉既香味🤗🌟鮮活海蟶 $39🌟季節限定 - 只有四月至八月提供;見到有半份可以點就點嚟試吓,又有驚喜😍好鮮甜,食落唔會有沙,好新鮮,大概涮5分鐘就食得🤗 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-14
677 瀏覽
夏日炎炎。依然無阻打邊爐嘅興致。之前已經聽聞渝味曉宇好地道。今日終於一試。餐廳可以遠眺維港。可惜天氣不似預期。一坐底就送上糖水等食辣野前可以墊一墊個胃。夠細心。午市做緊免費鍋底。叫咗麻辣雜菌鴛鴦鍋。麻辣叫左少麻少辣。滿足到又想食麻辣又怕辣嘅人。雜菌湯有驚喜。入面有好多種唔同嘅菌類。飲落清得黎好香菇味。一啲都唔會口渴。叫左杯passion fruit corktail。係用新鮮passion fruit。有酒精成份不過唔重酒味。解麻辣一流。餐廳有好多普遍火鍋店都冇嘅火鍋配料。加上大部分野食都可以叫半份。所以叫左好多款配料。完全照顧到2口子。抵讚。蟶子好肥美好甜。不過有幾隻有少少沙。珊瑚蚌勁鮮甜。食得出超新鮮。絕對唔係雪藏貨。鮮鵝腸唔會太肥。不過個人就鍾意肥啲有番啲蘇味。鮮黃喉唔小心淥耐左都依然勁爽口。口感十分有趣。鮮炸腐皮冇油益味。淥幾秒吸晒啲湯。手打三寶丸好新鮮。唔會一陣酸味。啲蝦好爽口。嫩牛肉好淋滑。竹笙冬瓜都正常。鮮魚鰾為防有危險會上枱後幫忙剪開。不過略嫌有啲腥。冰豆腐纖維綿密。吸湯得黎唔會鞋口。迷你燕餃一口一粒。個皮有彈性。好香口。苕粉口感煙韌。同麻辣湯超夾。再加少少醋簡直一絕。仲有好多野想試。可惜始終個胃有限。一定會再戰。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-09
96 瀏覽
疫情關係半年冇出街打邊爐咁濟🍲5點前埋單免鍋底($39/位)就梗係要去食下過口癮😋-山珍菌拼普通大紅袍鍋🍲提提大家唔算好食得辣千其唔好加麻加辣小編手多加麻結果麻到冇知覺要撈起哂D麻辣籽🤣山珍菌推介😍好濃菇味岩哂唔食得辣既朋友😋-火鍋配料🍲⚠️有半份選擇麻辣牛肉 $42半份枱枱都有叫就叫半份試下🤣佢沾滿哂辣粉就算放入湯淥都唔會甩🤨味道好有重慶串燒味但係十級辣用菇湯淥都搞唔掂😂-功夫窩荀片 $22 半份解辣一流👍非常鮮甜食唔停口😋-時令聖子(4-8月) $39半份咁抵就叫黎試下!冇沙鮮甜多汁😋-大刀豬腰片$58 半份麻辣鍋係要食下肉藏🤣豬腰薄切灼一灼就食得爽口👍-特色迷你燕餃 $32半份迷你餃好特別🤣想試但又唔洗俾一大粒餃子塞爆個胃😂-包心魚丸 $59 一份🉐呢個係我每次都必點因為魚丸外皮煙韌彈牙入面有豬肉爆哂汁好好味😍😍-炸豆皮/薯粉/蝦滑/墨魚滑呢D麻辣火鍋必叫就唔多介紹😂 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-07
925 瀏覽
之前新冠肺炎唔係好敢去打邊爐,呢段時間終於少咗本地確診,就心思思想同媽咪去尖沙咀行街順便食麻辣火鍋。呢間渝味曉宇重慶老火鍋好出名見OpenRice都好多好評,所以就決定去試一試。我哋晏晝就去咗,都已經有唔少人不過佢地方夠大,所以都唔使等位。佢嘅衛生做得好好,一入去已經安排好探熱,門口擺咗消毒液俾我哋消毒雙手,仲每人派一個膠袋仔用嚟入口罩食得放心。我哋叫咗個鴛鴦鍋,一邊係麻辣,辣度可以自己去選擇,呢樣都幾貼心,而另一邊我哋叫咗大骨滋補湯底。入邊本身都有少少蔬菜,見到有粟米同紅蘿蔔,仲有馬蹄。我哋叫咗幾款嘢食,一場嚟到,就試咗佢哋嘅招牌黃喉,淥既時候好快熟,而且咬落好爽脆。跟住叫左牛肝同牛肉擺入烚幾下之後,就已經變得好大塊,而且食得出好新鮮。跟住我哋見到牛骨髓就叫咗半份是一事佢口感好特別跑落去琳琳地而且係有少少creamy,充滿骨膠原。當然我哋亦都叫咗唔少蔬菜,包括我最愛嘅萵筍同海帶。比較特別既係苕粉,覺得咁有啲似大片版嘅紅薯粉,咬落去煙煙靱靱好有咬口,媽咪係咁大讚好食。最後買單兩個人大約食咗$600,雖然唔算話好平但性價比都高,因為環境好好,可以望到少少海景,而且服務態度都唔錯。一入去佢就一人送咗一碗銀耳糖水。 繼續閱讀
(以上食評乃用戶個人意見 , 並不代表OpenRice之觀點。)