雪山冰廳

營業中

休息中

貪係深水埗食小菜，唔使等位又好食，不過今次好趕冇飲到燉湯，燉湯絕對係限量，推薦大家飲，點了以下食物：1. 招牌海南雞飯：肉質嫩滑，夠味唔重味，油飯份量一大碗，食上黎啖啖肉唔使吐骨。2. 檳城叻沙摻摻 配日本櫻花蝦炒蛋 & 牛油黑糖多士：餐牌有解釋摻摻 = 油麵+米粉雙併，個人喜愛配米粉較好，因為可以更索湯，材料唔算豐富，2隻蝦加幾塊魚片+類似玉子的物體，口感都唔錯，匙羹會附有醬料附上，會更惹味。櫻花蝦炒蛋似奄例，滑滑嫩嫩好好食，黑糖多士加牛油都好正，好過一般白面包。場內服務唔錯，態度有禮親切，菜式即叫即制速度快，下次都想試下西多士。