655
57
27
開飯介紹
位於深水埗有60年多年歷史的茶餐廳,提供各式懷舊茶餐廳菜式,包括芝蛋牛肉漢堡、避風塘生炸髀等,除了港式口味之外,餐廳亦提供海南雞飯、南洋咖喱等菜式。
繼續閱讀
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
食家推介
相關文章
冰室位於前Garden麵包廠隔離 係青山公路食物種類幾多 有別於傳統冰室👀基本上傳統炒粉麵飯都有 再額外有不少多國菜 絕對唔會悶!有burger🍔、喇沙湯麵🍜、東南亞粉麵飯都齊🫶🏻價錢都非常合理👍🏻 下午茶仲有套餐~我今次食既都係佢哋既招牌菜 果然無令我失望💛椒鹽豬排飯🐖 ($72) 個飯係炒飯底已經好加分 炒到粒粒分明 有少少椒鹽味 少少辣辣哋 好開胃👅 利申 - 我叫左少飯 驚食唔嗮 原本份量應該大d香茅豬排煎得好香 豬肉唔會好厚 都唔會鞋✌🏻芝士蛋牛肉漢堡🍔 ($40) 下午茶餐包飲品超級抵食💰第一下切開個包真係好震撼🫨 個煎蛋係流心的 d蛋汁即刻流嗮出黎 超級加分🍳漢堡排係自家制的 肉質好淋 裡面仲有少少洋蔥🧅醬汁我都覺得幾特別 有少少芝麻醬~避風塘生炸髀🍗 ($35) 呢個一上就要即刻食 熱辣辣😍原本已經炸到脆卜卜 仲要加埋避風塘脆脆 令到味道同埋口感都更加豐富🌈炸髀肉質好淋 同埋juicy 應該有醃過 唔會乾柴樽仔奶茶🧋 ($9)佢哋既奶茶係偏重奶味 茶味就反而無咁出 絕對唔甜❕奶醬西多士🍞 ($32) 嘻嘻 雖然超級邪惡 但係呢個係食冰室既必食😈麵包係用薄麵包 每一個角落都沾滿蛋漿🥚炸到脆卜卜!重點係花生醬有粒粒花生🥜🌟 簡直就係肥仔既快樂🤰🏻📍雪山冰廳 (深水埗)地址:深水埗青山道62D號地舖
繼續閱讀
今日同幾個朋友經過深水埗,帶咗佢哋嚟雪山冰廳,食過咁多次依然覺得好正~餐廳以白色磚牆配上一幅色彩繽紛的壁畫,裝潢簡約整潔,座位坐得舒適~一人Tea 拼盤雞翼炸得酥脆香口,食落鮮嫩多汁仲啖啖南乳味~辣味薯皇入口超級香脆~酥皮窩夫牛油味濃郁夠哂香而內裡綿密,配埋新鮮清爽嘅雜果沙律平衡返油膩感~呢個配搭真係好正,而且好少係其他餐廳嘅下午茶見到~經典芝蛋牛肉漢堡包漢堡包表面香脆微焦,食落肉味濃郁,肉質細膩柔軟又多汁,啖啖洋蔥香氣加埋流心蛋煎蛋及半溶芝士真係一絕~滋味可口~南洋咖喱牛筋腩撈公仔麵嚟到已經聞到好香咖喱味,濃厚的香料香味配埋公仔麵掛滿醬汁,牛筋綿滑柔韌而牛腩軟嫩滑爽,邪惡美味之選~招牌海南雞飯海南雞外表金黃油亮,油脂分佈平均,食落鮮嫩滑爽,油飯粒粒分明而光潤軟綿啖啖油香~加埋清爽醬汁真係好好味~招牌避風塘生炸髀呢度嘅人氣炸脾真係不得了~超大隻!外皮炸到香脆酥鬆,內裡肉質軟嫩爽滑又多汁,加埋避風塘口味真係冇得輸~港式茶走紅豆冰茶奶比例剛剛好,茶味十足,紅豆粒粒都咁大粒,真係啱哂下午茶~忌廉薄荷朱古力賣相好吸引~頂層有厚厚的白色忌廉配上彩色朱古力碎,加埋濃郁的朱古力仲有啖啖薄荷香氣,真係好正~整體食物味道不錯,環境適舒服務周到,食過咁多次依然咁有水準,性價高好高~真係好值得再來~
繼續閱讀
曾經好評如潮 但入到去餐廳竟然得幾丁人史努比有種不祥嘅預感。。。-👍🏿避風塘生炸雞脾 配紅豆冰 $44 紅豆冰轉咗凍檸茶 雞脾大大隻 都幾有份量 史努比就唔食雞皮嘅但feel到佢好脆😂 雞肉非常之嫩 好易就咬得開 食落滑嘟嘟 而且調味適中 唔會太鹹或太淡 唔錯~ .👌🏿榛子醬西多士 $35 嚟嘅時候店員比咗枝糖漿我哋 唔好落太多 因為棒子醬本身都甜🤣 西多士嚟到嘅時候已經唔脆 有啲可惜 因為咁食落完全唔似西多 好彩麵包嘅質地正常 夠厚身軟熟 但就好似食緊舊搽咗Nutella又油油地嘅三文治🥹 . 🥺檳城吵沙海南雞米線 $50 比較淡味😕 海南雞偏乾身 食落比較失望 . 🥺經典芝蛋牛肉漢堡包 $39 隻蛋熟晒唔流心有啲失望芝士做到半溶嘅效果手打牛肉食落唔算話好有牛味 配上芝麻醬有點令人大惑不解 .跟餐嘅飲品揀咗鹹檸七 樽仔奶茶同埋凍檸茶 正常~ - 今次有少許失望, 希望會有所進步~ 如果你仲想支持下呢間過半世紀嘅傳統冰室建議你嗌炸脾😗 -
繼續閱讀
【深水埗樽仔奶茶|招牌西多炸髀椒鹽豬🐖】差唔多成個社交平台洗版介紹哩間餐廳都係叫佢嘅榛子醬西多士、避風塘炸髀、椒鹽豬扒飯同埋樽仔奶茶,小編嗰日自己一個去就試唔晒啦,不過都試咗其中三款俾大家睇吓,一試究竟!!🤗.🐨始祖椒鹽豬扒飯(炒底) $72推薦度:⭐️⭐️⭐️⭐️主角嘅椒鹽豬扒,係無炸皮半煎炸嗰款,所以絕對唔怕個皮好硬、好厚~炒飯底值得加分,就咁食已經食到微微嘅蛋香,而且炒得好乾身唔會黐立立👍🏻加上連埋紅青椒、紫洋蔥一齊炒,好香好惹味~不過整體偏辣,如果唔食得辣嘅朋友就要注意🚨辣辣地都幾醒胃㗎~.🐨榛子醬西多士 $32推薦度:⭐️⭐️⭐️⭐️西多士熱辣辣送到,相信係即叫即整嘅!西多士唔會炸得好燶,反而有滿滿嘅金黃色,加埋中間嘅牛油,賣相已經引起食慾~入邊夾嘅就係榛子醬,雖然未做到流心嘅效果,不過榛子醬甜甜地咁,就比一般花生醬西多更加有層次啦!值得一試㗎😉佢每張枱枱面都有紙巾,落糖漿落到成手糖都唔駛擔心😆宜家啲餐廳唔收你$2包,已經買少見少....🐨樽仔奶茶 $15推薦度:⭐️⭐️⭐️⭐️樽仔奶茶飲落奶嘅比例比茶味多,所以唔會有茶嘅苦澀味,入口都非常之順滑~最重要係用樽仔將奶茶雪凍,咁就唔怕因為冰令到奶茶味變淡啦!——☼——☼——☼——☼——☼——雪山冰廳📍地址:深水埗青山道62D號地舖🐨推薦度:😋😋😋😋/5 💰人均價格:$100-150🪸環境:👾👾👾👾🗣️服務:👍🏻👍🏻👍🏻👍🏻📸食物打卡度:💡💡💡💡
繼續閱讀
📍雪山冰廳放假最中意就係訓到自然醒再食個下午茶香港地茶記既下午茶真係又邪惡又好食😋🍗避風塘生炸雞髀 (單售$35)因為呢個炸髀係呢間餐廳下午茶既招牌所以嗌左一隻試試佢🧐雞髀真係生炸‼️熱辣辣火候十足🔥雞髀皮脆肉嫩切落去係真係有肉汁滴出黎上面避風塘味道既粒粒辣味十足感覺係你咬完一啖就feel到d熱氣爆曬上黎既雞髀🤣重口味人士必試✅🍔經典芝蛋牛肉漢堡包 (餐$40)漢堡包係有烘過👍🏻誠意十足💯入面係半熟煎蛋切開有蛋汁流出黎夾埋塊半融既芝士好吸引🧀牛肉漢堡係人手打出黎口感類似肉餅既感覺鬆軟而肉味足最有趣係港式漢堡食到塊肉有濃濃既生抽醃味幾好味😋係港式味道👍🏻值得一試✅🍞榛子醬西多士 (餐$39)通常西多都係花生醬餡榛子醬餡比較少見🌰呢個西多既麵包係厚身麵包切落去有口感🍴入面既榛子醬用料十足每啖都有濃濃既榛子味如果西多既麵包可以軟少少成個西多就有一種外脆內軟既感覺👍🏻🍞紅豆冰 (跟餐加$9)呢到既紅豆冰紅豆煮得岩岩好食到一粒粒既感覺但紅豆唔會好硬入口係食到紅豆既軟綿真心不錯👍🏻熱奶茶 (跟餐免費)呢間既熱奶茶有濃濃既紅茶味奶既份量亦好平均飲完口腔仲留有奶茶既香氣高質☕️雪山冰廳係偶然去深水埗發掘到既餐廳入去食既幾款食物都滿意係一間食完令你覺得佢唔係hea你既茶記每款食物都總有d令你留下記憶點🍔手打牛肉漢堡流心蛋烘過既麵包🍞獨特口味榛子醬西多🍗即叫即炸避風塘味炸髀價錢正常味道創新可以encore✅
繼續閱讀
您可能會有興趣的...