660
57
27
影片
開飯介紹
位於深水埗有60年多年歷史的茶餐廳，提供各式懷舊茶餐廳菜式，包括芝蛋牛肉漢堡、避風塘生炸髀等，除了港式口味之外，餐廳亦提供海南雞飯、南洋咖喱等菜式。
繼續閱讀
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
食家推介
相關文章
冰室位於前Garden麵包廠隔離 係青山公路食物種類幾多 有別於傳統冰室👀基本上傳統炒粉麵飯都有 再額外有不少多國菜 絕對唔會悶！有burger🍔、喇沙湯麵🍜、東南亞粉麵飯都齊🫶🏻價錢都非常合理👍🏻 下午茶仲有套餐～我今次食既都係佢哋既招牌菜 果然無令我失望💛椒鹽豬排飯🐖 ($72) 個飯係炒飯底已經好加分 炒到粒粒分明 有少少椒鹽味 少少辣辣哋 好開胃👅 利申 - 我叫左少飯 驚食唔嗮 原本份量應該大d香茅豬排煎得好香 豬肉唔會好厚 都唔會鞋✌🏻芝士蛋牛肉漢堡🍔 ($40) 下午茶餐包飲品超級抵食💰第一下切開個包真係好震撼🫨 個煎蛋係流心的 d蛋汁即刻流嗮出黎 超級加分🍳漢堡排係自家制的 肉質好淋 裡面仲有少少洋蔥🧅醬汁我都覺得幾特別 有少少芝麻醬～避風塘生炸髀🍗 ($35) 呢個一上就要即刻食 熱辣辣😍原本已經炸到脆卜卜 仲要加埋避風塘脆脆 令到味道同埋口感都更加豐富🌈炸髀肉質好淋 同埋juicy 應該有醃過 唔會乾柴樽仔奶茶🧋 ($9)佢哋既奶茶係偏重奶味 茶味就反而無咁出 絕對唔甜❕奶醬西多士🍞 ($32) 嘻嘻 雖然超級邪惡 但係呢個係食冰室既必食😈麵包係用薄麵包 每一個角落都沾滿蛋漿🥚炸到脆卜卜！重點係花生醬有粒粒花生🥜🌟 簡直就係肥仔既快樂🤰🏻📍雪山冰廳 (深水埗)地址：深水埗青山道62D號地舖
繼續閱讀
今日同幾個朋友經過深水埗，帶咗佢哋嚟雪山冰廳，食過咁多次依然覺得好正～餐廳以白色磚牆配上一幅色彩繽紛的壁畫，裝潢簡約整潔，座位坐得舒適～一人Tea 拼盤雞翼炸得酥脆香口，食落鮮嫩多汁仲啖啖南乳味～辣味薯皇入口超級香脆～酥皮窩夫牛油味濃郁夠哂香而內裡綿密，配埋新鮮清爽嘅雜果沙律平衡返油膩感～呢個配搭真係好正，而且好少係其他餐廳嘅下午茶見到～經典芝蛋牛肉漢堡包漢堡包表面香脆微焦，食落肉味濃郁，肉質細膩柔軟又多汁，啖啖洋蔥香氣加埋流心蛋煎蛋及半溶芝士真係一絕～滋味可口～南洋咖喱牛筋腩撈公仔麵嚟到已經聞到好香咖喱味，濃厚的香料香味配埋公仔麵掛滿醬汁，牛筋綿滑柔韌而牛腩軟嫩滑爽，邪惡美味之選～招牌海南雞飯海南雞外表金黃油亮，油脂分佈平均，食落鮮嫩滑爽，油飯粒粒分明而光潤軟綿啖啖油香～加埋清爽醬汁真係好好味～招牌避風塘生炸髀呢度嘅人氣炸脾真係不得了～超大隻！外皮炸到香脆酥鬆，內裡肉質軟嫩爽滑又多汁，加埋避風塘口味真係冇得輸～港式茶走紅豆冰茶奶比例剛剛好，茶味十足，紅豆粒粒都咁大粒，真係啱哂下午茶～忌廉薄荷朱古力賣相好吸引～頂層有厚厚的白色忌廉配上彩色朱古力碎，加埋濃郁的朱古力仲有啖啖薄荷香氣，真係好正～整體食物味道不錯，環境適舒服務周到，食過咁多次依然咁有水準，性價高好高～真係好值得再來～
繼續閱讀
雪山冰廳 (深水埗店)今日要去深水埗添置家電, 不過唔擔心搵唔到好嘢食, 因為深水埗向來臥虎藏龍, 今次又俾我誤打誤撞搵到呢間雪山冰廳☺️去到已經係下午茶時間, 不過都係座無虛席, 好多人好有人氣! 我就覺得歸功於佢啲嘢好食得來, 價錢親民! 💯始祖椒鹽豬扒飯(炒底) 呢個可能係我食過最好食嘅平民價椒鹽豬扒飯, 秘密在於佢個飯都係炒底, 鹹香襯托埋椒鹽豬扒辣辣地, 一定會返嚟再食☺️沙嗲牛肉麵(茶餐)貪佢抵食嗌咗個茶餐 雖然係茶餐, 但係絕不馬虎, 有好多好多塊牛肉, 味道夠濃, 想健康啲所以轉咗米粉, still good! 日本櫻花蝦炒蛋配丹麥多士呢個係另外散叫, 因為好少茶記有櫻花蝦炒蛋 fusion, 估唔到有驚喜! 唔會炒到好乾, 櫻花蝦亦都帶咗啲鹹香出嚟! 港式茶走紅豆冰 + 鹹檸茶一貫茶記水準, 簡直絕配☺️食咗咁多嘢, 最後埋單都係$180…抵食! 滿滿嘅幸福感 😝
繼續閱讀
傳統茶餐廳，但係裝修好波西米亞風，好得意，雖然傳統茶餐廳，但好多餐品可以選擇。雪山吉列豬扒漢堡包，加送熱飲，奶茶都好香滑，豬扒炸得好脆口，好香，d豬扒腌過，所以好好食，仲有粉麵可以選擇，炸雞脾超級正！！避風塘。
繼續閱讀
同朋友嚟深水埗買嘢，搞掂就順便喺附近食個下午茶餐。上網搵到呢間「雪山冰廳」，據說餐廳創立於1956年，至今已有60多年歷史〜〜店舖地方不大，但檯櫈擺放得好整齊企理，拼配牆上嘅魚躍噴畫同舊式茶記嘅標誌性地磚，裝修新穎得嚟又帶點復古，滿有心思💕 點咗 2 份下午茶餐 同 一客椒鹽豬扒飯。避風塘生炸髀配紅豆冰 ($45)，雞髀即點即炸，上桌時仍熱辣辣，雞皮超脆，雞肉嫩滑不韌，加上面頭微辣惹味嘅炸蒜，呈現經典避風塘滋味。紅豆冰用料十足，椰味、奶味同紅豆非常夾，入口甜度適中，飲完成個人充實晒。經典芝蛋牛肉漢堡包 ($40) 配樽仔奶茶 (+$9)，牛肉好 juicy，煎蛋半生熟、咬開有蛋汁流出，麵包鬆軟富牛油香，配埋塊熱溶芝士一齊食，超正 。奶茶用咗三種茶葉炮製，入口茶味好香濃，絲滑得嚟又唔苦澀，啖啖回甘，絕對值得一試。始祖椒鹽豬扒飯 (炒底) ($72) 豬扒新鮮即炸，肉味濃郁又富肉汁，加上椒鹽作點綴，夠晒香口惹味！飯底炒得很有鑊氣，色澤金黃且粒粒分明，食完好有滿足感。甜品點咗客榛子醬西多 ($32) 西多即叫即炸，送上時仍熱辣辣，切開見到入面包住一層厚厚嘅榛子醬，入口味道好香濃，外脆內軟，甜而不膩，唔使點糖漿食都已經好夠味。
繼續閱讀
您可能會有興趣的...