影片
港鐵深水埗站 D2 出口, 步行約3分鐘
繼續閱讀
營業時間
星期一至日
12:00 - 23:00
以上資料只供參考, 請與餐廳確認詳情
一入餐廳在座只有一檯，但係唔想縮沙， 頂硬上，四片既油甘魚刺身 $49 ，賣相可以，唔算好厚切，味道一般，無雪味鮮味，如果唔講，唔知食緊咩。火炙左口魚同三文魚尚可，賣相可以，油脂味都有既，呢三款壽司叫做正常發揮。炸軟殼蟹卷，真係嘩一聲呀，深水埗既食肆，$59 既價錢，竟然係青瓜小卷既尺寸？？？仲要蟹籽好似藝術家作品咁，左一忽，右一忽，咁隨性既。軟殼蟹少到全部好似縮曬沙。我真係未試過食過咁細卷既，亦從來未食過咁求其發揮既，普通迴轉壽司店都有心過佢。好彩醒目無一次過叫太多野食，食完就拿拿聲走人去掃街填肚。
繼續閱讀
之前平均一個月都去兩次食晏，深水埗黎講120-150lunch 都算貴，但quality 係值嘅！上星期wfh 想食壽司就膽粗粗落街，發現佢哋休息，明白嘅，政府啲政策係會對飲食業有好大影響。所以今日想去撐一下，但係真心失望。本來個高質的壽司午餐變咗，明明有10多件厚切魚生變左得返幾件迷你壽司加個迷你小烏冬。本來最鍾意佢哋用Brown rice 整壽司，佢哋竟然話因為有客話太酸所以轉左個飯，其實酸咪落少啲醋囉，關個飯咩事姐？解釋唔通我寧願你話轉左師傅算啦！其實我覺得最奇怪就係，除咗個壽司午餐，我哋都有散嗌啲壽司，壽司竟然可以落單後分零2分鐘上枱，我覺得啲飯係預先Chaw好，魚生係已經切好，落單就將佢哋切埋一齊，感覺好唔新鮮，亦都唔值呢個價錢！唯一一件佢係即刻整嘅壽司係個軟殼蟹卷，亦都係今次最最最最最最最失望嘅一碟，唔叫唔知佢啲手勢咁好，可以將軟殼蟹卷造成青瓜卷嘅大細。講唔出嘅失望，睇相啦！成餐飯連影相嘅意欲都冇，唯一影咗就係個迷你軟殼蟹卷，實在太精緻啦！整件事覺得去爭鮮壽司食都冇咁嬲，lunch 二百幾蚊係爭鮮壽司食到濟都得啊！
繼續閱讀
今日去咗一福食晏，其實嚟過幾次，覺得呢度坐得舒服，食物質素都唔錯，所以今日想食日本菜就想起呢度。呢度嘅午市套餐都唔算貴，價錢由$65至$125都有，視乎你點揀。一般套餐嘅小食係炸雞，總共有兩件，其實可以連埋丼飯一齊食當加餸都得。呢個慢煮牛肋肉味道和風得來又帶點中式炆牛腩嘅味道，反正炆牛腩亦都屬於慢煮嘅一種，所以相似度都好高，我最鍾意佢嘅牛肉夠淋身，蘿蔔亦都超入味，正！壽喜燒嘅陣容相當豐富，所以我覺得呢個價錢來講其實係抵食嘅！牛肉片鋪滿了整個鍋。除咗牛肉之外，仲有菜、金菇、冬菇、豆腐等，相當豐富，配埋白飯食得飽飽！壽喜燒同日替定食嘅餐前小食係三片三文魚刺身，非常新鮮。呢日嘅日替定食係生薑豚肉燒，醬汁有微微嘅生薑味，而且有大量嘅豚肉，上面灑滿蔥花，食起上嚟非常開胃。以深水埗區來講，呢間日本餐廳都算係區內中上嘅選擇，所以如果想坐得舒舒服服，可以考慮吓呢度！
繼續閱讀
朋友熱烈推介嘅深水埗日本餐廳🤣好彩都早嚟，唔洗點樣等有好多都想食，但耐何兩個人，可以試嘅嘢都有限最後叫咗個2人餐，好似包含最多大家都想食嘅嘢😂朋友叫咗杯白桃果酒，我就叫咗杯梅酒咁嘅貴錢但咁細杯，好似有啲唔太抵我同朋友本身諗住一齊Share一杯，但之後覺得會唔夠飲，所以我又叫多咗一杯前菜有牛油果三文魚凱撒沙律牛油果切到好細粒而且份量唔算多三文魚唔太新鮮成個沙律感覺有過多沙律醬鮟鱇魚肝八爪魚酢漬朋友熱烈推介又 真 係 幾 好 食 ！ 好香，有一種好熟悉嘅味道，但又講唔岀係咩味，總之好好味，食完個口重會有陣魚肝嘅香味係度一式兩份嘅壽司北海道海膽鮮甜，唔會有腥味拖羅夠肥美芒果花之戀真係第一次食，芒果岀奇地同三文魚好夾，2個都係滑滑嘅口感，加埋又有啲芒果嘅甜香，特別刺身方面有活赤貝，生蠔，特丹蝦，三文魚同縞鰺全部都新鮮肥美嫩雞豆乳鍋唔好睇佢細細鍋，原來都好足料下忍唔住飲咗好多湯，但之後都唔會話好頸渴，呢個抵讚蟹肉茶碗蒸不過不失最後食埋個甜品就滿足哂了
繼續閱讀
⚠️⚠️本人在此鄭重希望店鋪謹慎處理食材，嚴格把關衛生情況⚠️⚠️數日前，我係呢度食完晚餐，食完冇耐係餐廳已經開始攪肚痛，一開始冇為意，離開餐廳後冇耐開始發冷、腹痛、作嘔、然後攪肚痛腹瀉。返到屋企開始全身⚠️骨痛、嘔、發高燒，燒左1日1夜，2日都返唔到工⚠️😭😭😭睇完醫生，話我係食錯野⚠️急性腸胃炎⚠️。其實餐廳食物味道本身已經強差人意，仲要食完咁樣病幾日真係好唔抵，直到退燒後2、3日先可以慢慢食到白粥以外嘅嘢。所以呢篇文主要係想提醒店主，刺身呢d食材要特別慎重處理，味道都其次，食壞人真係無法忍受。到食物味道啦！真係不堪入口！本身嚟呢間餐廳係聽聞此身平得嚟新鮮。結果 一d 都唔平亦一d 都唔新鮮！油甘魚腩好腥！當見到深紅色嗰part 就深感不妙，果然入口就食到強烈腥味，落好多wasabi 都掩蓋唔到。油甘魚魚腩理論上咁厚應該有一定油脂香味同質感柔軟，結果唔柔軟、唔鮮甜、冇油脂。🤮呢個海鮮丼真係今晚最大伏！$268加一😰🔻首先全部刺身都係薄切到一個極點！盡現師傅刀工🔪🔻其次，食材配搭真係完全大亂鬥，一堆濃味食材鋪係刺身上，一來就算撥開都已經破壞刺身原本味道，二來明太子真係死鹹到苦，而蟹膏偏鹹腥，擺埋一齊味道更加互相影響🤢🤢🔻最後就係，刺身嚟講真係爭鮮級數，例如：蟹鉗肉質鬆散、霉；帶子冇甜味，口感似啫喱；全部刺身當中只有貝類食到些少甜味，左口魚裙邊都有油香，口感都ok，海膽就一粒甜一粒普通。同埋好少可見日本餐廳提供嘅係水而唔係熱茶。🧐最後，再次希望餐廳謹慎處理食材，保證食材乾淨衛生，希望我嘅情況只係一個半個個別例子。同埋都希望餐廳提供翻d 合乎價格品質嘅食物。☹️🙏🏻⚠️本人生病不適之情況句句屬實，有醫生診斷及朋友作證。食物味道乃個人主觀感受，只供參考。⚠️
繼續閱讀