一福 (已結業)

一入餐廳在座只有一檯，但係唔想縮沙， 頂硬上，四片既油甘魚刺身 $49 ，賣相可以，唔算好厚切，味道一般，無雪味鮮味，如果唔講，唔知食緊咩。火炙左口魚同三文魚尚可，賣相可以，油脂味都有既，呢三款壽司叫做正常發揮。炸軟殼蟹卷，真係嘩一聲呀，深水埗既食肆，$59 既價錢，竟然係青瓜小卷既尺寸？？？仲要蟹籽好似藝術家作品咁，左一忽，右一忽，咁隨性既。軟殼蟹少到全部好似縮曬沙。我真係未試過食過咁細卷既，亦從來未食過咁求其發揮既，普通迴轉壽司店都有心過佢。好彩醒目無一次過叫太多野食，食完就拿拿聲走人去掃街填肚。