影片
港鐵將軍澳站 C 出口
繼續閱讀
電話號碼
35470022
附加資料
前往PopFood需要從將軍澳地鐵站C出口右轉上一層，於Venchi雪糕店對面升降機大堂上2樓即可到達
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
近年特色火鍋店於香港越開越多，於將軍澳 Popcorn 的「炊二哥」為其中一間，以成都火鍋為主題，用上較矮身具中國風的座位，能讓食客體驗成都傳統習俗：圍爐煮茶的感覺火鍋最重要是鍋底，「炊二哥」的鍋底有多款選擇，如鵝腸火鍋、番茄牛腩鍋、鰻魚滑酸菜鰻骨金湯鍋等，更提供冷吃、小食、燒烤及糕點等正宗成都美食----------✨輕量版圍爐煮茶圍爐煮茶配有幾款小吃，栗子、紅棗花生及南瓜，烤至乾身便可進食老鷹茶葉質優良，煮茶後有濃郁的花香和果香，口感醇厚，消滯解膩----------🔹番茄牛腩鍋 (小鍋) $2982位用，材料有：牛腩、玉米、蝦滑、午餐肉、香菜豬肉丸、藕片、火腿腸、番茄湯、番茄、白糖、薑蔥小鍋份量絕不可看輕，牛腩數量足夠四人享用；牛腩厚切大件，肉質軟嫩細緻，帶有腩衣及筋膜，牛香不俗；玉米新鮮香甜，午餐肉同樣厚切肥美，其他配料皆新鮮美味，番茄湯酸甜平衡又開胃提供自助醬料供客人「混醬」，當中芝麻醬濃稠鮮香，更有提鮮作用----------🔹鰻魚滑 $48份量豐富，魚滑細滑輕彈帶啖啖魚香🔹鵝腸 $78粗長的鵝腸輕灼便可享用，口感爽脆🔹金針菇 $15
繼續閱讀
呢一間餐廳要喺將軍澳Pop轉一架升降機上一樓，可能因為上左一層，所以都幾靜環境都幾舒服，唔會好嘈，幾啱同朋友傾偈，本身係朋友想試吓圍爐煮菜又唔想返大陸咁遠而揀呢一間餐廳，主打成都嘅菜式，入到去地方幾寬敞，啲凳係特別矮嘅，有種圍爐煮茶嘅道地感！一入到去首先會有圍爐主茶嘅餐前小菜，如果係午市嘅話就會有唔同嘅茶底同埋配料，好似好特別！晚市嘅話呢就會簡單啲～ 店員首先會喺爐中間放咗一壺茶，然之後就會有四種小菜，全部食材都已經熟咗，只需要加熱3-4分鐘就得，同朋友夾下夾下好過癮！有栗子、紅棗、花生同埋南瓜，份量唔多，每樣幾件，但係都好新奇嘅體驗，同埋整體十分之乾淨衛生，傾下計燒下幾過癮。同朋友揀咗一個鰻魚滑酸菜金湯鍋$288，因為我同朋友都唔食得太辣，呢個金湯香得來就唔會太辣，啱啱好！佢另外有一個蕃茄牛腩，我都係唔辣嘅選擇，當然食得成都菜嘅話辣嘅話都會好香口！我同朋友喺度揀緊小菜配料嘅時候，店員好貼心咁行過嚟同我哋講其實一個鍋入面已經有咗好多材料，可以到時個鍋上咗睇睇份量先，唔夠再加，果不其然個鍋已經有咗好多材料🤣 多到嚇親，材料方面真係好大方！基本上餐牌入邊嘅配料入邊都有，包括鰻魚滑、鵪鶉蛋、豬肝、巴沙魚、午餐肉、豆皮、香腸、蝦滑、滑牛肉、筍片等等，鰻魚話我係第一次食，香嫩唔會腥，質感係香糯軟滑，同平時嘅蝦滑墨魚滑質感都幾唔同，好新鮮特別！我同朋友想食多啲肉，就加左碟滑牛肉，好好食，$58嚟講份量非常之多夠兩個人食！同埋因為個湯好香，所以就加咗一個冬瓜，吸湯入邊嗰啲精華，煮完又軟熟又好味！出邊有個調料區可以自己加減口味～ 另外都叫咗10串串燒嘅雞腎，佢其實每一串都好似半隻手指咁大寸，係小串串，但係$18.10寸呢個價錢嚟講十分之公道，我建議大家唔好走辣，因為上面嘅辣粉同香料加埋雞腎先夠香脆惹味，雞腎爽口好好食，下面仲有一個小火微微保溫加熱啲串串，所以唔會急住食，可以一路食火鍋一路得閒食兩串，唔會話越食越凍都幾貼心！另外叫咗一個$28嘅拇指小籠包，好鍾意佢細細粒，咁樣嘅話唔會太滯太飽食唔到其他嘢，大概有10粒到，出邊煎得幾香脆，仲有芝麻喺上面好香口，入邊嘅話肉汁都幾多，外脆內軟唔會好厚皮☺️下次再食下完整版嘅圍爐煮茶先！
繼續閱讀
天氣涼涼，就想打邊爐，不過唔想咁單調可以試下內地新興嘅圍爐煮茶，pop corn 就開左一間。餐廳還原內地成都嘅感覺，啲小板凳，矮矮的。原來晚市就送一份圍爐煮茶，嘆完茶就可以食火鍋。圍爐煮茶除左一壺茶之外仲有一份粗糧，包括花生，粟子，南瓜同紅棗。中間有個爐熱住，大家一齊嘆個茶，食小小粗糧。鵝腸火鍋小份火鍋入面已包括左大量火鍋食材，蝦滑，沙巴魚，鴨血，萵筍，鵪鶉蛋，蟹柳，丸，午餐肉。。勁多，基本上一鍋夠哂飽！哇，個鍋睇落勁辣，好多花椒辣子紅油！我地已經係嗌左特小辣，其實都好辣！唔夠可以再加火鍋配料，我地一路食，就唔會覺得超辣，越食越想食㗎！啲火鍋料超入味！另外我地仲點左串燒，18蚊10串，係細細串，我地點左魷魚同雞腎，燒得好香口。野菜糍粑第一次食，外面係類似炸米咁，入口好脆！糍粑入面無料，紅糖醬係淋外面。好煙un qq，正！拇指小籠包一份有10料，細細粒一口一個，入口有小小爆汁juicy好食！個底煎得好香口。呢度真係打卡一流🤣🤣坐得舒服，職員又友善。想試吓四川成都風味就過嚟感受下。
繼續閱讀
將軍澳Popcorn新開張「炊二哥」成都人氣火鍋🍲，座位設計得意較矮身，有種圍爐取暖的感覺，圍爐煮茶是成都的一種傳統習俗，餐廳特色圍爐煮茶烤煮一些配料，互相交流品茶🫖🍵晚市光顧有推廣優惠輕量版圍爐煮茶感受一下😎💫輕量版圍爐煮茶圍爐煮茶配有幾款小吃，栗子🌰紅棗花生🥜番薯🍠烤一烤熱辣辣不同口味，紅棗外脆內軟暖入心🩷番薯鮮甜，煮茶有多款茶種選擇🤤老鷹茶葉質優良，煮茶後有濃郁的花香和果香，口感醇厚，回甘悠長👍🏿而且泡製出數次，每次泡製都能品嚐到不同的層次和風味🥰享受茶香和口感💫鰻魚滑酸菜金湯鍋鰻魚滑酸菜金湯鍋好多材料，其中搭配了豐富的食材，如午餐肉、巴沙魚、肥腸、鴨血、鵪鶉蛋等等，鰻魚滑作為主要食材，鮮嫩多汁，與滑酸菜的搭配營造出獨特的口感😎金湯底豐富濃郁，為湯鍋增添了一層深厚的味道👅每一啖都能品味到不同食材的風味融合，滿足度十足😋💫雞腎串雞腎烤製出金黃酥脆的外皮，內部則保持著鮮嫩的口感☺️本身帶有濃郁的肉香味，經過烤製後更加突出。每一啖咬下去，口感豐富，肉質軟嫩，帶來獨特味覺的享受🩷💫魷魚鬚串🦑每一串魷魚鬚都帶有海鮮鮮甜味道搭配上脆嫩彈牙的質感，加上辣粉調味料好香口，有獨特風味，一串一條好精緻👍🏿🙂
繼續閱讀
依個星期天寒地凍🧊真係唔講得笑😅約個好兄弟，原本想打邊爐🍲但係打得邊爐多，經常都係肥牛火鍋🥩唔係講笑，真係有少少悶🥱兄弟見多識廣🧮話說將軍澳開咗間飲茶🫖唔係普通茶樓，而係圍爐煮茶🍵嘩！不得了，我身為飲食界翹楚🤡點可以唔知唔試？7:00準時到達😃睇吓個餐牌📋話說係重慶菜🌶️個心有少少怯💗因為天寒地凍再加上爆谷花的話🌼個廁板好凍🥶睇清楚餐牌，擔心係多餘嘅🤪菜式選擇多，辣唔辣自己控制😌輕量版圍爐煮茶🫖坐低先上一個圍爐煮茶輕量版🍵而家推廣期內免費贈送🤭其實有一半以上都係為咗依個煮茶而來，坐得Cafe、茶餐廳多🍞同朋友或者帶另一半嚟飲下茶🫖真係好有風味，最緊要唔使咁悶又係嗰D🧋🥤雖說係免費輕量版🍵但係一D都唔hea🥰四款小食🌰輕輕淺嘗，再飲啖茶，喚醒一下味蕾😋唔係吹水🗣️真係好過去happy hour飲啤酒 🍻拇指小籠包🥟$28價錢大眾化，餐前小食、一啖一粒，外脆內軟👍🏻五花肉🍖燒到脆卜卜、油脂已經完全分解，微辣，雖然我唔鍾意”微辣”但係都好好食😋牛肉串🥩燒得唔乾，內裏充滿肉汁🤤鰻魚滑酸菜金湯鍋🍲雖說係二人份量👬🏻裏面超級足料🈵兩個男人都應該真係好難食得晒🤤裏面有鰻魚滑、蝦滑、午餐肉、巴鯊魚、豆乾、水滑肉、冬瓜、藕片、火腿腸…超過20種食材，不能盡錄，每一樣都超好味😋特別係寒冷嘅日子❄️絕對冇揀錯肥牛🥩$98依個價錢，有咁嘅水準，好多火鍋店都做唔到🙆🏻♂️豬肝🐖本身鍋裏面都有，但係煮得好滑，所以叫多一碟🤣唔係講笑，兩個大男人都食唔晒，要打包🤭最後提提大家，餐廳屬於酒店範圍，如果揸車嚟可以泊喺將軍澳中心，侍應哥哥話會有免費泊車🚗
繼續閱讀