The BASE nature (已結業)

成日都想食排，但係荃灣好難搵到一間又好食又平嘅西餐廳，估唔到朋友介紹嘅呢間，個扒都唔錯，而家價錢都唔算太貴，性價比都高。👍👍餐廳位於荃灣廣場入面，有大約三分一嘅座位都係開放式，但係地方好大，坐得幾舒服。 餐廳係主要食牛扒，無論喺套餐，或者係單點，甚至乎有一頁係專門講食牛嘅部位。🐮🐮 所以我梗係要叫一叫個牛扒黎試。我哋叫咗個安格斯肉眼扒， 配岩鹽， 牛扒好嫩滑， 肉味好重， 而且熟度啱啱好，抵讚。另外值得推介嘅係呢度嘅米型粉， 米形粉可能唔知係咩，但係係類似通粉嘅， 配上呢度嘅松露醬， 每一啖都好重黑松露嘅味道。👍除咗西餐之外， 我哋都試左韓式炸雞翼，同埋三文魚配藜麥飯。 兩樣都唔錯， 特別係藜麥飯， 健康又好食。

荃灣荃新天地呢間西餐廳都開咗一段時間，第一次同朋友嚟試吓😆 本身店員安排我哋坐中間的位置，但餐枱位於較窄嘅走廊位，店員經過都會撞到椅子😅 好彩係平日晚上，唔算好多人，店員都可以安排我哋轉去另一個位置👍🏻晚上有二人套餐，亦可以散叫。我哋要咗兩個主菜+$轉套餐😜餐湯係南瓜湯，中規中矩，沒有太大驚喜haha海鮮墨汁意大利粉餐牌上重點提及: 香煎日本刺身帶子+時令海鮮😀 帶子都幾大粒幾新鮮，墨魚汁加添左紫菜，味道比較特別。海鮮嘅份量較少，如果多啲會比較好🤣M6+黑毛和牛西冷呢個西冷價錢上相對比較貴，我哋對佢嘅期望都幾高😂 賣相還可以。和牛西冷幾淋，有少部份肥膏和筋，要用多少少力先切到😂 有少量配菜，除咗南瓜比較硬，其他都OK～ 有牛扒醬汁同少少海鹽，方便客人自行調味。最後有兩杯餐飲，兩個人食都算飽肚。

好耐之前已經黎過呢間cafe一次！💓佢地嘅latte真心高質😚☕️：-1️⃣「二人晚餐 Dinner for 2🍽($398)」呢個價錢，包餐湯、沙律、兩個主菜、仲有兩杯嘢飲，每個人都係$200左右！-🔸是日餐湯：蘿蔔南瓜湯配法式酸種包🔸泰式木瓜絲魷魚沙律🔸忌廉汁菠菜雞肉巴馬火腿脆片米形粉🔸紐西蘭西冷牛扒(9安士)配蒜烤雜菜 牛肉燒汁🔸香煎鵝肝(+$50)🔶玫瑰拿鐵🌹☕️🔶椰子拿鐵🥥☕️-佢個包超好食，配香甜餐湯好正！沙律有泰式風味，好清爽！主菜方面最鍾意係個米形粉！粒粒有咬口，而且配上鹹香嘅巴馬臣火腿同雞胸肉，健康好味😋！而香煎鵝肝都推薦，煎得香口！而呢到嘅latte係必飲，玫瑰同椰子味都好突出，而且咖啡香味恰到好處✨~-2️⃣「孜然原隻燒春雞🐓($268)」隻雞好大隻，都幾juicy🤣，不過香味未係好突出～Roasted MEGA spring chicken with cumin spicy, seasonal veg, natural jus

餐廳環境都幾寬敞，就算係商場入邊都有個小露天區域，氣氛都幾好😆佢全部嘅主餐，都可以以$38加配精選湯品/沙律 & 飲品，啲沙律仲有幾多味道選擇下。西班牙海鮮飯 $185呢個海鮮飯嘅材料非常豐富，賣相亦都好吸引。食落去有少少微暖，啲飯粒係偏硬，建議用啲餘溫再焗淋少少。除左南海虎蝦/魷魚/大蜆/藍青口/時令海鮮，仲有臘腸，非常驚喜同呢個配搭都幾好食👍🏻M5黑毛和牛牛柳 (300g) $368牛排好厚身，牛味都重。不過呢隻偏向有咬口而唔係入口即溶既口感。佢仲有幾款醬汁俾大家選擇，總有一款啱你。啲烤過既配菜都好好食～

叫咗二人套餐可以試唔同種類嘅牛🫶包三款牛扒、南瓜湯🎃、法包🥖、招牌米形粉、烤雜菜同兩杯嘢飲牛扒仲有得揀唔同嘅鹽同醬汁我哋揀咗海鹽、香草鹽牛肉燒汁&英式芥末&原粒芥末味醬牛肉叫咗五成熟油脂分布啱啱好我最鍾意就係黑安格斯牛肌鍵肉 牛味濃💚💚💚💚 💚烤雜菜份量多💚💚💚💚有薯仔🥔冬菇、蕃茄、西蘭花🥦南瓜焗得啱啱好烤蕃茄幾好食😋南瓜夠甜招牌米形粉 有隻溫泉蛋係面💚💚💚💚好重黑松露味有啲蟲草、野菌、芝士成件事都夾嘅 好creamy蜜糖桂花茉莉茶💚💚💚💚 💚成個茶壺自己沖蜜糖自己加 桂花好清香飲完可以行氣 暖胃菠蘿蘆薈梳打🍍 酸酸甜甜咁

去完中庭打卡，就去食嘢啦，見下面都係好似連鎖店咁，所以搵咗呢一間The BASE nature。貪佢夠大，又好似幾乾淨咁。嗌咗呢個雙人套餐，可以試三款牛，仲有佢哋嘅招牌米型粉，餐湯，麵包，飲品同埋焗雜菜。飲品：冷泡熱情果烏龍茶，蜜糖牛油果沙冰。前者飲落幾舒服，唔會太重熱情果酸甜味，後者反而較淡身，唔係好重牛油果味，仲有淡淡的蜜糖味。餐湯+餐包：南瓜湯，較稀。加咗黑松露油，有少少香味點綴下。餐包反而幾好食，有少少烘烤味，而且本身校濕潤同埋煙韌，就咁食都好食。招牌米型粉: 講真一上菜其實都有少少覺得賣相唔係幾好，因為比較似糊狀，但係食落嘅味道其實好creamy，好到carbonara。米型粉食落去其實好似平時啲pasta咁，真真正正只不過係米嘅形狀。配菜都有好多，有菠菜，蟲草花，野菌等等。正如之前所講， 食落去好似糊仔咁，好難會食到一粒粒嘅pasta，不過整體味道都好嘅，夠Creamy，仲有少少truffle oil，自己改變自己食緊普通pasta嘅思維就ok。燒烤蔬菜：有薯仔，南瓜，西蘭花，蕃茄同菇。蕃茄調味重手咗少少，反而其他配料就原汁原味，要一讚嘅係南瓜自己本身夠甜，材料靚。牛扒拼盤

我哋兩個人，叫咗一個二人餐。見到二人餐的價錢相當合理，有三種不同的牛部位可以吃，配合套餐內其他食物應該都10分足夠，睇落去也相當高級，所以我哋決定叫呢個！拍拖梗係食鋸扒，夠晒浪漫！佢有好多種調味料（各款的鹽、汁、風味配搭），可以說是食得10分精緻。各款鹽當中，我選擇了香草鹽，因為除了有鹹味之外，也有草的香味，貪心的我自然喜歡多層次😇汁料入邊燒汁味道正常，而我最喜歡的是芝麻醬，好香亦都好creamy, 同牛10分配搭。我們揀了法式芥末，幾得意！ 似有機會都係想試吓香草醬🫶🏻我哋要咗五成熟，廚師的功力也很好，真的剛剛好5成熟。 澳洲西冷牛扒比較彈牙，有較多脂肪的位置很香油味。 中間安格斯牛肌睷 睇到顏色也比較紅，應該有很高的鐵質！ 脂肪比例少啲，亦都有趙口啲，我很喜歡！第三款是和牛， 牛味很濃！ 正！ 想記低呢一個椰菜花餐湯，雖然佢已經絞碎左，但係食落去好creamy, 椰菜花的草香味很濃郁，好適合要減肥的人士！出面比較少大有，幾得意！配合其他蔬菜薯仔蕃茄多色食物等，成餐飯健康又美味🥰嘢飲好清新，完全沒有假的化學味道的味道， 朋友都好滿意。

位於荃灣站嘅西餐廳~~店鋪入面好有西式風情🤍🤍食物賣相都好靚～啱晒打卡喇～～我地晚餐時段去食❤️呢到都有好多泰式美食選擇～店員服務態度幾好👍🏽推薦指數🤍🤍🤍🤍🤍環境🤍🤍🤍🤍～🍚👨‍🍳 🍟芝士薯格🦑海鮮墨汁意大利飯🥩MB2黑安格斯肉眼�🥣配上喜馬拉雅山鹽 牛肉燒汁香煎鴨肝50g (+$50）�🍹冷泡熱情果鳥龍茶�🍫特濃朱古力（凍

今日約左好姊妹去荃灣食飯，搵左間好舒服既西餐廳。 間餐廳係荃新天地入入地既位置，都要搵一搵先搵到，不過好彩有個指示牌。間餐廳係行清新路線，感覺好舒服既位。有好多唔同既款既二人套餐，我地揀左呢個beef tasting, 包左3款唔同既牛扒，仲有餐湯、包、招牌黑松露米形粉、焗雜菜同自選2杯飲品。包好多野食，我地仲貪心叫左芝士薯格。實在太豐富既一餐。首先黎左個紅蘿蔔湯，不過不失。餐包都好香口。黑松露溫泉蛋米形粉， 呢個睇落好似飯咁，但質感唔似飯咁硬身，黑松露味好香，好creamy, 真係好好味。個薯格好大份，香脆好味道。到主菜牛扒，佢可以揀唔同既鹽，我揀左煙燻鹽，黑岩鹽，煙燻鹽配牛扒幾好味。牛扒夠牛味，唔會鞋，3款都唔錯，都有好多肉汁。叫左個薄荷朱古力奶，比例唔錯，唔會好甜但會有朱古力味，薄荷味都唔太搶，恰當好處。仲有佢既焗蔬菜都好香口，好欣賞。同份量都唔少。呢個2人餐份量十足，其實3-4個人都可能夠🤭🤭🤭

餐廳以大自然為主題，木色枱櫈，加入綠葉佈置，入到去就如置身係大自然，長條形嘅半開放空間，氣氛休閑，加上坐位開揚，坐得舒服。餐廳提供沙律、扒類、意粉、意大利飯、套餐等等。今次叫左兩個小食及兩個主食，主食可以加$38轉set，湯或沙津同飲品。百香果梳打熱情果糖漿加梳打水調配而成，酸酸甜甜，入口清香，百香果香味充滿口腔，十分清新。紫薯拿鐵口感順暢，甜度輕微，帶牛奶及紫薯嘅香味。南瓜湯配法包湯creamy，口感棉滑，法包口感煙韌，浸湯食，口感及味道都唔錯。燒烤菇瑪格麗特菇身上放咗茄醬、芝士及香草一齊嚟烤，入口味道香濃。智利藍青口青口沾滿忌廉汁，肉質鮮嫩爽口。麵包沾上忌廉汁食，濃濃嘅忌廉味，簡直停唔到口。有機加拿大SAVOY CHOICE豬鞍賣相吸引，一大塊厚切豬鞍配上蔬菜。入口肉質嫩有肉汁，仲有陣陣炭燒嘅香味，沾埋醬汁更為惹味。西班牙海鮮飯表面舖滿海鮮; 虎蝦、青口、魷魚、大蜆等等。虎蝦爽口，大蜆、魷魚、青口鮮甜。將海鮮飯攪拌均勻，入口充滿鮮味。

約左愛好自然嘅朋友一齊試呢間戶外風格嘅西餐廳。一帶到枱上我以為有人漏低左水樽，點知見張張枱都有，先知原來個水樽係畀人自己湛水😂😂menu上嘅食物多到花多眼亂，見到有招牌二人套餐，有湯、法包、牛扒、米野粉、兩杯飲品，加個前菜就直接落單醫肚。前菜揀左燒烤菇瑪格麗特第一眼睇超似雞翼😂食落冇失望，口味好豐富，茄醬酸甜，芝士拉絲，個菇風味濃郁，入面都仲好Juicy~~主菜澳洲黑安格斯牛肉眼（五成熟），都係難以避免地略為過熟，特別係頭尾比較薄嘅地方，口感有啲鞋。好在冇乜筋，中間位亦好淋，食到香甜牛肉味，我就覺得唔使再點醬汁，唔夠味點少少岩鹽即刻釣返鮮味出嚟。不過比起牛扒，烤蔬菜伴碟比較有驚喜，除左西蘭花略過火候比較乾，南瓜&薯仔&番茄&菇每一樣都烤到口感同味道剛好，烤走過多水份，剩低真係精華，食到佢哋原本更濃郁嘅味道。招牌米型粉，忌廉汁加流心蛋加芝士片，點會唔濃郁呀。一開始無留意，仲以為係risotto，食落覺得口感滑嫩，幾得意～不過我自己都係偏鍾意risotto比較有咬口和米香，同埋碟野口味無驚喜，如果有D其他伴碟或者風味，應該食落會無咁滯和單一。蘋果玫瑰梳打蘋果薑茶二人餐加埋個前菜燒烤菇都好夠

第一次黎依度食飯，環境舒服，服務員也有禮貌😎吃了慢煮牛柳，五成熟，肉味超濃。喜歡食肉的人應該會覺得唔錯。大蝦意粉都好唔錯，蝦肉新鮮，帶子又大粒，番茄意粉亦好味道☺️個人最愛蜂蜜牛油果沙冰，兩樣味道好夾，淡淡既清香，又好滑，大愛😍😍😍值得再黎食飯既餐廳🤭🤭🤭🤭

今天試了兩個午餐:🫶🏻烤紐西蘭西冷牛扒 $115配薯格 芝麻沙律 🥗 砵酒牛肉汁 🐄牛扒叫了五成熟，熟度剛剛好，牛肉很多汁鮮嫩，牛味偏淡，但$115我的要求並不會高，質素已相當不錯。配菜沙律的芝麻醬份量剛剛好。🥔薯格夠熱，份量很多，外脆內軟，而且相當大塊。🫶🏻Full-day breakfast 🥞 $118 沙律🥗清新爽口，酸酸甜甜很開胃。每種食物的份量大約一至兩口，有13種食物！ 酸種麵包🍞暖暖的，不是硬的那種，外脆內軟的，口感很有趣。用來點流心溫泉蛋真是perfect match!🍹配有飲品，而且不用加錢已有很多選擇，我們選了橙檸檬冰茶和百香果梳打，味道正正常常。算唔錯，或者有再嚟食全天早餐。🥞🍳每張台都備有一瓶檸檬水，侍應的態度亦正常。整體而言，相當抵食。👍🏻

Base Nature主打慢煮菜式，配搭健康食材，以木系傢俱為主調，坐在玻璃窗旁，靜看繁華的街道，令人身心放鬆，令人期待著西式大餐。咖喱蕃薯條52蕃薯條炸至脆卜卜，粗身黏糯，純樸甜香，沾上咖喱醬，意想不到的合襯，別有一番滋味。慢煮芝麻手撕雞漢堡145手撕雞漢堡很厚身足料，每層夾滿雞肉、青瓜、太陽蛋、烤菇，口感豐富。雞肉以60度長時間低溫浸熟，入口嫰滑，沾滿胡麻醬，簡單美味。加上爽脆青瓜絲和滑溜烤菇，口感清新，拮穿流心蛋，雞絲吸收了蛋汁，十分juicy，再配上脆薯格，酥脆好滋味。西班牙海鮮飯185海鮮飯賣相吸睛，表面舖滿虎蝦、魷魚、大蜆、藍青口及臘腸等，是鮮味大集匯。虎蝦肉質挺身，入口爽彈，蜆肉青口鮮甜、厚肉。臘腸油香滲透於米飯之中，拌勻醬汁，米飯口感油潤，入口充滿鮮香，配上煙韌的魷魚圈，啖啖惹味吸引。 八丁味噌燒三文魚178三文魚煎至油光亮澤，外皮甘香焦脆，魚皮脆卜卜，肉身軟嫰，加上味噌醬提鮮，魚油充沛。藜麥珍珠飯健康，拌合八丁味噌，和醉糖心蛋，配搭細膩。伴碟的香梨沙律，沾上酸甜柚子醬汁，清新可口。冷泡熱情果烏龍茶28熱情果酸甜，和烏龍茶融合後更清爽，入口冰震的清香，香氣宜人⋯⋯菠蘿草

今日去左荃灣西行完donki行到肚餓，見到呢間餐廳環境唔錯，就入左去試下。我地兩個人就揀左二人餐，我地揀左忌廉汁菠菜雞肉米形粉、烤味噌三文魚扒。另外散叫左智利藍青口、燒烤菇瑪格麗特同埋一個朱古力蛋糕。套餐包左餐湯同埋沙律，餐湯飲落有新鮮蕃茄味，好健康。沙律有泰式醬汁，好惹味。忌廉汁菠菜雞肉米形粉，好好味！我第一次食米形粉，睇落好似飯，但係食落好滑，口感好軟滑，配埋好creamy嘅忌廉汁，真係好好味！烤味噌三文魚扒烤得啱啱好，唔會太乾身，配埋d柚子醬，甜甜地，好開胃。青口用左白酒忌廉汁，個味好香，青口好彈牙鮮味。燒烤菇加左蕃茄醬同芝士，好似食緊一個好juicy嘅pizza,好好味，又唔膩。飲品方面，揀左杯草莓朱古力拿鐵同埋蜜糖有子烏龍。兩杯個賣相都好好，跟餐加配好抵，又大杯😍草莓朱古力拿鐵好適合打卡，咖啡味濃，唔會太甜。