SuperNormal (淘大商場2期)

營業中

休息中

以為喺屋苑嘅餐廳就唔會有驚喜，點知位於九龍灣淘大商場嘅SuperNormal，佢嘅脆皮豬手真係一啲都唔Normal，食到我哋舔舔脷！而除咗豬手，餐廳亦有串燒、燒雞，叫埋杯啤酒就夠晒chill啦！厚切牛舌芯牛舌雖然厚切，但一d都唔韌，爽口嘅口感加上肉汁，絕對係除豬手以外嘅必點選擇。柚子脆皮豬手嘩！超大隻呀！柚子脆皮豬手個外皮炸得勁脆，而肉質非常嫩滑，生熟程度啱啱好，一啲都唔乾。重點係充滿膠質嘅骨膠原，非常滋味。味道方面，唔會太鹹，仲帶有微微嘅柚子香味，一啲都唔膩。黑松露野菌扁意粉黑松露野菌向來係creamy界嘅代表，意粉索晒黑松露香味之外，仲有淡淡嘅蒜香味，充滿層次。 白桃四季春茶、菠蘿荔枝四季春茶飲品方面就點咗兩杯水果特飲，咁啱兩杯都係用咗四季春茶做base，讓水果嘅果香滲入青茶嘅優雅味道。

今日聽同事講九龍灣淘大廣場有間性價比西餐廳，於是約埋朋友一齊去試。九龍灣地鐵站行10分鐘左右就到。嗰度附近比較少咁高質既西餐，所以都好期待。今日2個人唔想慢慢睇餐牌，索性直接叫個2人餐食首先黎左2個粟米忌廉餐湯，啖啖都食到蘑菇粒，好creamy。自家製餐包：好好食，好新鮮，好鬆軟，好食過好附麵包🥖店既麵包。白酒忌廉煮青口：青口份量好多，個忌廉汁煮得剛剛好，青口掛滿忌廉汁，唔會太咸，用黎沾麵包食一流。招牌柚子脆皮德國豬手：依個直情係鎮店菜式，店員講明即叫即做，所以我地都好期待，上到枱發覺隻豬手，外皮炸到好香脆，內裡既肉仲好嫩，好大隻，又唔會太咸，肥瘦適中。芝士蘆筍鮮蝦牛肝菌意大利飯：講開意大利飯，最唔鍾意食到d煮得太爛既飯，依間既質素煮得剛剛好，用料又足又新鮮，好creamy。Ps：依家間餐廳做緊豬手一隻$98優惠價試食，話到明益街坊，每日限量供應。

平時來到九龍灣都是在德福廣場或是Mega Box用膳，這次來到淘大花園發現了一間很不錯的德國菜【龍蝦湯】奪目的橘色實在吸引，濃厚豐盈的口感加上鮮甜的龍蝦肉，忍不住一口接一口地喝清光。【白酒煮法國藍青口】青口的個頭稱不上大，但肉質嫩滑，醬汁香濃鹹度恰好。【麥啤浸柚子脆皮德國豬手】必吃的招牌菜式，表皮看似既硬又厚，但實際上卻非常香脆！而內裡呈粉色的肉亦非常鬆軟，鹹香味十足。再沾上蜜糖芥末醬汁，格外滋味。【原隻軟殼蟹海鮮煲】大大隻軟殼蟹非常吸睛，炸得鬆脆可口。豐盛的材料包括青口、蜆、蝦肉、魷魚圈和香腸等。酸酸甜甜的蕃茄味特別令人開胃。

九龍灣呢間野食西餐都幾好geh酒香脆皮燒雞夜晚決定食少啲澱粉質，於是就叫咗蛋白質豐富嘅燒雞。而家有得揀半隻，就算兩個人我哋都可以揀半隻share，比較affordable. 平時燒完都會比較乾身，餐廳都算做得幾好，入口都唔會覺得好嚡颯颯，仲有少少肉汁。半碟嘅醬汁有少少甜酸味，感覺都開胃。白酒煮法國藍青口配（2塊包）蒜蓉包再加埋白酒煮嘅忌廉汁，都真係幾夾，幾香幾好味。青口嘅數量都有唔少，去到最尾，我哋飽到食剩一兩隻。香煎海鱸配雲吞意大利雲吞薄薄地身，唔會太飽太濟。所以都幾啱我哋小食多餐。雲吞裏面有少少菠菜餡的綠色fillings ，味道不俗。白桃四季春茶丁香肉桂檸蜜（熱）

如果你在九龍灣放工後想找一家輕鬆的餐廳酒吧，享受晚餐和啤酒，我極力推薦「Supernormal✨」。餐廳有不同款式美食及啤酒，可以比你放鬆心情享受美食。首先是溏心蛋凱撒沙律🥗。這道沙律結合了溏心蛋和凱撒沙律的經典組合。沙律新鮮爽脆，搭配上流心蛋的綿密口感，每一口都充滿了美味和滿足感。另外必食泰式脆皮豬手🐷。這道豬手烤得外酥內嫩，肉質鮮美多汁。泰式調味使得豬肉帶有一絲微辣的風味，讓人回味無窮。然後是青芥蜜糖雞翼🍗。這道雞翼炸得外酥內嫩，每一口都帶有蜜糖的甜味和青芥的微辣風味。這組合獨特而美味，讓人難以抗拒。無論是當作開胃小食還是配上啤酒享用，這道青芥蜜糖雞翼都是絕佳的選擇！最後是墨西哥粟米片🌽。這道粟米片香脆，每一片都散發著香氣。搭配上墨西哥辣椒粉和酸汁，這道小食帶來了一種獨特的墨西哥風味。無論是當作開胃小食還是配上啤酒，這道墨西哥粟米片都能為你帶來美味的享受！總結來說，「Supernormal✨」是一家非常適合放鬆享受晚餐和啤酒的餐廳酒吧。如果你想找一個舒適的地方品嘗美食，記得去這家餐廳！🥗🐷🍗🌽

上次試過呢間嘅德國豬手質素非常好，最近見佢哋新推出咗啤酒燒雞，所以即刻嚟試吓👍🏻👍🏻👍🏻.✨墨西哥玉米片有大量肉醬同芝士，粟米片仲保持到香脆，沾上酸忌廉同牛油果醬非常好食✨酒香脆皮燒雞(半隻)燒雞有淡淡嘅啤酒麥香，肉質Juicy，外皮燒得幾香，半隻嘅份量都唔少✨明太子軟殼蟹漢堡 軟殼蟹好大隻，炸得好香脆，有好多蟹肉，整體配搭唔錯✨蒜片紅椒藍蟹肉扁意粉意粉夠乾身，質地爽口，唔會太油膩，辣辣地幾好食😋.📍 SuperNormal (淘大商場2期) (九龍灣)九龍灣牛頭角道77號淘大商場2期地下G196-199號舖

✨九龍灣·SuperNormal✨🔹🔹🔹🔹🔹🔹🔹🔹🔹🔹🔹三文魚凱撒沙律:凱撒沙律的經典配料和鮮嫩多汁的三文魚完美結合，帶來了豐富的口感和層次感。沙律醬的酸甜搭配起初讓我驚喜，隨後又散發出淡淡的薄荷清新香氣，讓整個味蕾充滿了驚喜。柚子脆皮豬手是我第一次嘗試的一道料理，令我驚喜且意猶未盡。皮脆肉嫩的豬手，搭配上柚子的微酸和脆口的口感，讓每一口都充滿了滋味。此外，豬手表面的脆皮令人愛不釋手，咬下去時發出酥脆的聲音，令我愛不釋手。最後是青瓜薄荷青檸梳打，這是一款清爽又怡人的飲品。青瓜的清香和薄荷的清新相輔相成，讓人一喝就感到全身舒暢。青檸的微酸加上氣泡水的氣爽感，令整個口腔都感到涼爽。這三道菜搭配在一起，絕對是一場味覺的盛宴。不僅口味豐富多樣，而且質地層次分明，令人回味無窮。推薦給所有喜愛美食的朋友們品嚐一番，絕對會讓你對食物的期待更上一層樓。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

見到豬手做緊Promotion，加上餐廳裝修唔錯，就入去試吓🤩🤩 雙色魚子煙三文魚天使面 $138🐟外相吸引既pasta，魚子和三文魚份量十足，係濃郁既醬汁配上爽口既天使面😋😋 柚子麥啤浸脆皮德國鹹豬手 $178🐷肉質鮮嫩，外皮夠晒脆身，仲有淡淡既柚子香味。配上芥末同埋酸菜，無咁油膩之餘仲好惹味！三重奏芝士牛肉漢堡 $106🐂牛肉超級厚身，肉質夠晒鮮嫩juicy，加上濃郁既芝士同埋其他蕃茄配料，啖啖咬落去爆晒汁，仲有好多薯條伴碟，份量十足！

SuperNormal呢間餐廳真係幾好喎! 佢哋位於九龍灣德福廣場,餐廳設計好講究,落地玻璃窗好大好開揚,再配合石壁同木製裝潢,超有高級西餐廳feel!今次我哋各自點咗一樣主菜。我自己點咗佢們出名嘅「麥啤浸柚子脆皮德國鹹豬手」, 原價228，而家每日限量20隻，只要178! 豬手真係無得頂，又香又脆,加埋蜜糖芥末醬,簡直係絕配!我朋友就揀咗「蒜片紅椒藍蟹肉鮮蝦扁意粉」,意粉彈牙,蟹肉肉多肉嫩,超級鮮甜!為咗幫助消化,我哋叫咗杯冰涼爽口嘅凍檸水, 簡直係清新到爆!除左環境舒服之外，服務員亦都好貼心,不時來到我哋身邊,問下我哋要D咩。總之呢間SuperNormal嘅食物,環境,服務都好出色,下次有機會一定要再嚟試下佢哋其他特色菜式!

上次食過呢度既豬手之後念念不忘今次再黎見到原來佢哋既2人餐都幾抵食Dinner for 2 $508包括是日餐湯 + 自家製牛油餐包一款前菜 兩款主菜同兩杯飲品白酒忌廉煮青口青口份量都幾多 每隻都好飽滿忌廉汁順滑濃郁 食落仲有陣陣白酒香柚子脆皮德國豬手每次黎都一定會嗌呢個豬手佢個皮真係超級脆 上枱已經切左起埋骨豬手用左麥啤浸慢煮左24小時肉質有彈性得黎又唔會太硬 蟹肉海鮮龍蝦汁蟹籽天使麵另一款主食可以揀飯或者意粉類蟹肉同蟹籽鋪滿左係意粉面 配粒仲有蝦仁 三色椒同雜菌 口感十分豐富醬汁唔會太濃 天使麵軟硬適中

平時去灣仔都會食燒雞但其實九龍都有好食燒雞！如果要食燒雞啲記住要早啲落單因為製作需要架今次大約半個鐘左右出餐一上檯已見雞隻金黃仲要脹卜卜勁飽滿好多肉上檯已覺超開胃雞皮超薄又燒到香脆一撕開雞肉超級juicy😍連雞胸肉都唔鞋唔乾本來就咁食已經好味再點埋秒製汁就更惹味！好推薦都食得健康啲/鍾意食燒雞人士手打蟹餅一口咬落去全部啖啖一絲絲蟹肉真係覺得食緊蟹肉唔會覺得食緊粉好正！另外仲點左三文魚沙律，清清地balance下炸物

我今日放工後，約同好友去位於九龍灣牛頭角道77號淘大商場2期地下196-199號舖的SuperNormal 食晚餐，環境舒適，坐得舒服。我點左個柚子脆皮豬手$178（原價$228），串燒茄子$18，燒羊架（2件）$76，經典安格斯牛肉漢堡$106，焦糖菠蘿$36。豬手燒得皮脆肉嫩，夾有清香柚子味，好味又好食；茄子燒得好正，多汁好味；羊架真係好好味，肉質嫩滑又好咬口；安格斯牛肉牛味濃郁又嫩滑，口感豐富；好欣賞焦糖菠蘿的鮮甜口感，好好食👍！

如果喺九龍灣、牛頭角活動開嘅，都會知道呢一間酒吧我地都算係常客啦不過近期少左過嚟，前排食咗一次發現有明顯進步🤯所以分享一下d菜式俾大家。1.麥啤浸柚子脆皮鹹豬手每次必點，一如以往，皮焗到好脆，肉又好淋之前佢地介紹過係會醃過夜，所以就算焗完出黎D肉都唔會話好乾好嚡而且隻豬手好咸，啱啱好👍配埋佢地既芥末醬，甜甜地，好好餸酒🍻(佢地D醬唔夠可以叫佢地再俾，唔洗怕羞，因為我地係會狂點醬，係一定唔夠😂)2.酒香燒雞呢樣我地記得係新嘅今次就試下叫半隻，發現原來都好大隻（唔係春雞）佢地特別之處係雞皮有酒香，燒出嚟又都係好有肉汁，夠哂香口😎仲有一點，大家記得要食粟米！🌽食得出好香既牛油味😍呢D小心思，大家唔好當配菜就唔食呀。之後叫左卡邦尼扁意粉一上枱我同朋友都「哇」左一聲，估唔到呢家擺盤咁靚 當然味道上都係好，而唔係得個樣芝士味好香夠哂 Creamy，意粉無煮過龍，啱啱好最後因為我地帶咗小朋友去食就「必須」叫個薯條俾佢開心下😂以前我地會叫漢堡包配薯條嘅，不過食唔到咁多嘢就散叫薯條熱辣辣又香脆唔會食完好油膩咁😋所以我地都好放心俾個小朋友狂食呢度都有手工啤酒叫，不過我地今次就無叫到都係佢地嘅特色之一大家嚟

見食評唔錯，所以預訂座位慶周年，預訂7:30pm, 條約寫明留枱10分。我們7:25pm到達未有枱，明白客人交枱時間難預；等到7:40pm,其實我是不等位的人，如未有訂枱服務，我跟本不會選擇；況且是周年慶，實在唔想等，問侍應，如果唔等離開是否當作取消？他們回覆是no show! 對此回覆，我深表不滿，但又可以以點？為了名聲，我氣憤的等多5分鐘，終於有枱。室內環境淺窄，不是慶祝之選，見花了時間等，唯有一試，叫了豬手及烤雞。出菜時間超耐，我唯有認為是製作需時，的確食物熱辣辣上枱，是真材實料，味道亦是合乎期望，只係服務欠奉，態度欠佳。在這店慶祝經驗不快。

🍔🍔🥘🥘商場附近好多食肆，行過見到有間西餐廳都幾吸引，勝在外面放左好多menu夠多選擇，就入去試下先，果然好有驚喜👍🏻👍🏻酒香脆皮燒雞($108-半隻)燒雞好多地方都有得食，但用酒醺既就比較少見，寫住每天醃製八小時燒雞份量都算大，燒起望落去漲卜卜，食落口真係有陣陣酒香，味道唔錯調味岩岩好，而且雞肉嫩滑，皮好脆👍🏻👍🏻法式鵝肝多士($148)鵝肝多士好香，重點係鵝肝好厚，多士同鵝肝中間夾左菠蘿，一啖咬落口，有鵝肝既香味加菠蘿既酸酸甜甜，去除鵝肝既油膩感👍🏻👍🏻日本刺身帶子龍蝦汁意大利飯($158)香噴噴既意大利飯，意大利飯黎講份量多，濃汁好有效果，但味道好濃但唔咸，配埋厚厚帶子，相當唔錯