Turning Point Coffee Art 尖沙咀食左個OK geh Dinner. 男仔的我平時覺得食Café 係好食，但多數食唔飽。但Turning Point啲嘢食都幾大份～ 所以都算值回票價，加上味道OK ～ 其中一個叫咗嘅係「香煎鯛魚配忌廉鰻魚汁意粉」 鯛魚柳兩面都煎得脆。鰻魚汁微甜，意粉al dente。 我friend order 左和牛漢堡肉 + 芝士牛油果漢堡包🍔 餐廳幾好、可以幫手煎到全熟、因為朋友大肚。蘋果汁可以做到走冰。侍應會主動兩隻碟俾我哋分餸。牛油果嘅新鮮嘅，漢堡味道都唔有肉味。 當日嘅餐都係南瓜蟹肉忌廉，好飲！飲完會上返頭再飲嘅 沙律係柚子醬加沙律菜，幾清新

餐湯 餐湯嘅味道幾好，飲得出係用新鮮嘅蔬菜打溶而成，再問一下侍應，原來係紅菜頭湯，啱晒我呢個比較着重健康嘅人。 西班牙海鮮飯 海鮮嘅種類有好多，有青口、魷魚、大蝦、帶子同埋大蜆。 全部海鮮都好新鮮，入口唔似係雪藏嗰啲，特別個人喜歡隻帶子煎得好香。啲飯粒粒都俾啲龍蝦汁包住，幾好味。 西班牙黑毛豬鞍 豬鞍好厚身，煎得啱啱好，唔會好乾，入面都有好Juicy嘅肉汁，係唔錯嘅。有薯蓉同蕃茄仔蘆筍做配菜，份量都夠飽。 晚市套餐仲可以有兩杯餐飲 ，我哋叫咗熱檸水同熱蜂蜜柚子茶，都抵食嘅。

今日同同事慶祝生日，又去食咗轉茶療/聊（Te therapy），發覺佢換咗新Menu 日本蘭王蛋自家制漢堡飯配牛肝菌汁🍚 雖然上碟的時候，但蘭王蛋就已經爆咗汁，但味道始終都好食。之前食開意大利飯，牛肝菌汁原本怕佢會好濃味，但出嚟味道都算適中。最欣賞係佢個漢堡真係內外熟透之，有種外脆內軟的口感。 惹味XO醬黑毛豬手工意粉🍝 黑毛豬的口感，有啲似豬頸肉薄片～ 再加香蔥，洋蔥，三色尖椒等等吵完之後，都幾好食。意粉嘅口感就會有少少咬口，我自己就覺得係al dente，但我同事就會覺得有啲硬（大叔的口感，果然唔同啲）。但整體調味好惹味～ 大叔飲咗Long, black 我就飲咗水果茶。水果茶可以減少冰，而且裏面有水果可以食到。例如西瓜大切粒，蘋果薄片，菠蘿，士多啤梨。補充不少纖維。 之後叫咗一件朱古力蛋糕俾佢慶祝生日。朱古力唔錯，有得揀60% 可可，唔會甜得太過分

駿業里開咗間日本快餐燒肉。見佢近排做緊特價，我同老婆就試咗食一次。我哋分別叫咗極上牛小排套餐和牛舌芯套餐。 爐頭燒得幾正，反轉嘅時候先會有聲，反轉一聲，有種似玩新線上遊戲燒肉一樣的ASMR 🤣 但火力都出奇地幾足夠，如果返動太大力，油脂可以幾大火㗎🔥 但都有得較火力～ 牛舌心幾好食～ 熟左唔難咬開但都彈牙。 牛小排都有正常發揮。 除咗燒肉之外，套餐更換白飯，沙律菜，雪櫃嘅罐裝飲品，一粒雪米糍。 我覺得趁優惠價都可以試下佢。

平時食開白色的檬粉，第一次食到蔬菜麵製成的湯檬。口感都保持到彈牙的感覺👍🏼 麵條算係幾creative 而且湯底有得揀蕃茄湯，味道唔算太濃，太多油脂、清清地。地豬頸肉切出嚟幾靚仔，燒出嚟嘅顏色都幾 ok。原本怕豬頸肉唔夠飽，就另外嗌咗兩隻雞翼。咁其實豬頸肉嘅size都有唔少，大概都有八至10片。咁香茅雞翼就似係氣炸咁，外面幾脆的～ 點埋甜酸汁就幾開胃！ 但佢杯青檸薑蜜真係好足料😂 冇諗到撈起會有幾片生薑

南瓜湯加咗忌廉入口香滑，飲得出係用新鮮南瓜整成嘅，仲有啲南瓜籽做裝飾添。 菠蘿照燒雞漢堡 照燒雞入口嫩滑唔會好韌，而塊菠蘿係好有心機咁用咗焦糖燒成嘅，酸酸甜甜幾開胃。配菜仲有好多沙律，同埋Nachos。如果唔想食Nachos, 都可以加少少錢轉薯條。 鮮大蝦龍蝦汁米意粉 米意粉嘅質地煙煙韌韌，佢唔似一般嘅Risotto 咁容易滯或者食到好膩。龍蝦汁嘅味都好濃郁，同米意粉都配搭得好好。除咗有新鮮海蝦，仲有幾隻好彈牙的大蝦，都抵食的。另外仲有一啲菇菌、蘆筍、碎芝士做配菜，整體而言都係唔錯的 無想到「偏偏就是喜歡你的「你」是姜濤。原來呢個月係姜濤生日，所以成間餐廳都有好多慶祝姜濤生日嘅裝飾，啱晒姜糖去

喺尖沙咀行完龍城藥店，喺赫德道搵食嘅時候見到呢間餐廳。綱上話佢係社企同Pacific Coffee 合作，日頭 Cafe 夜晚做 Bar。老婆覺得係打卡幾好的地方～ 環境同個vibe 的而且確係幾靚，有乾花佈置，有啲波波燈咁。 同埋 Menu 都有啲特別嘅咖啡☕️ 有pistachio latte 咁non-coffee 都有 herbal tea ~ 我老婆㨂左一壼金橘百香果。 不過紅日未有意粉住，我哋就叫咗兩個Rissotto ~ 咁size 都幾大份。 地址：赫德道2號

我本身真係想食蝦湯底，但見到$98 有兩塊和牛再加白蘿蔔和紫菜的配搭，就轉軚。我食完感覺牛湯底都唔輸蝕，牛骨味濃郁、但因為有蘿蔔配搭，就可以清一清～原條本身就冇得揀軟硬度，但都算係比較煙靭的口感。玉子是正常發揮嘅。而兩塊牛肉都真係幾大，因為平時煎完牛肉通常都會縮水，但餐廳用火槍燒，可能因為咁就避免左。而且肉汁無流牛好多，牛味鮮味都有。 我另外加咗$28 叫左個雞湯浸菜苗，但份量就真是小食 size lol ～ 但好味嘅 我發覺其實最近嘅出口應該係B2 入去新都城廣場一期。網站上面寫A1 有待update

惹味肉燥新竹米粉 好少食到咁幼身嘅新竹米粉，所以再加埋肉燥的湯汁，就覺得好好惹味，加埋爽口嘅芽菜，整體口感唔錯 蜜味台灣腸配蒜片 相比起黑椒味，我更加鍾意蜜糖味，份量都多，叫個小食配埋米粉都係幾好嘅配搭 手打墨汁墨魚餅 呢個墨魚餅，應該係香煎過，所以外皮比較脆，有別於其他普通墨魚丸或者花枝丸，都幾有趣的。由我第二日嘅便便就可以知道，真係有墨魚汁 佛手柑金棗茶（少甜） 清甜好飲、糖度適中 珍珠奶茶奶凍（+$6） 最近天氣轉熱，食返個奶凍降下溫，入口香滑，仲有濃濃嘅奶茶味，珍珠都好彈牙，唔錯的 燙青菜🥬 叫套餐會送的，相比起其他餐廳份量算好大碟，仲加埋秘製醬汁，好似有啲炸蒜片，所以冇草青味，幾香

蟹肉他他塔伴三文魚籽 本身以為會係凍品、但餐廳有焗返熱👍🏼 warming !! 🍎🥑蘋果牛油果沙律 綠茶豆奶🍵 原本以為會偏甜，但綠茶真係由宇治抹茶粉沖泡出來，所以甜度適中又有茶味。推介一飲！ 莎莎醬煎盲鰽 盲鰽算係一種肉質幾爽滑彈牙嘅魚，如果平時鍾意食脆肉鯇既人應該都會中意。莎莎醬有創意，加入咗熱情果的籽。所以味道會有少少甜甜酸酸，識落幾開胃。 🍄磨菇湯 喺湯碟嘅旁邊見到好多蘑菇碎😂 睇得出真係真材實料打出嚟，湯比較薄身，就無加到cream 餐廳經理/侍應嘅服務態度都幾好。老婆懷孕唔能夠攝取酒精，就flexible 我將甜品的火焰效果 remove ~ 當晚仲有live band唱fly me to the moon