Story Steak & Pasta (已結業)

雞扒餐的份量幾大碟...抵食！雞扒煎得幾香，亦有好多肉汁👍我幾鍾意食材係用粗薯條，因為佢比幼薯條多咗一份咬口沙律菜係室溫，但係依家天氣太熱，如果係冰凍嘅話會更好

雞扒嘅份量幾大，一刀切落去feel到肉汁豐富粗薯條上枱時熱辣辣，同埋係厚切的關係，食落口感外脆內軟😚紐倫堡腸同埋沙律菜嘅質素則表現正常.芝士熱溶咗之後配埋牛肉真係幾惹味，但就咁食塊牛肉有點略鹹蕃茄意粉嘅表現亦都唔差，黎個時仲係熱辣辣，應該係即叫即炒🤣番茄嘅味道夠哂突出之餘，又唔會搶過左啲牛肉味.餐湯叫左個南瓜湯，味道出乎意料地軟滑南瓜味幾香，配合埋面頭的淡忌廉真係好夾，誠意之作👍.餐包係烘過嘅蒜蓉包，份量只有兩小塊蒜蓉味唔錯，但如果麵包可以更加香脆，就會更好～

晚上同朋友去呢間餐廳食飯，因為我地想出出面，之後員工就幫我地開枱搬凳比我地坐出面。之後我地叫左五個小食加pizza同千層意粉🍝味道都唔錯，跟餐仲有湯同飲品👍🏻都算坐得舒服👍🏻值得推介😊

食物味道唔錯....服務態度不佳食到一肚氣拎左兩個外賣盒叫外賣諗住環保d 點知個女員工好惡咁話我阻住佢地繁忙時間叫我下次唔好阻住佢地真係冇下次～ 再平都唔會再食😅

初初見到comment 話服務差 even 係黃店都唔幫襯但食完之後發現服務都ok 我無帶紙巾 問佢地拎佢地都好熱心拎比我 仲講埋唔好意思今次叫左rib 同埋一個雞胸意粉個rib 都焗得好食 不過如果可以再入味d 會更好至於個雞胸意粉 真係大有驚喜可以再recall 多次！！仲要唔使加一 抵食！下次黎元朗都可以再食，推介比大家

上月和朋友入元朗打算支持一下黃店，見這呢間都算多人，諗住應該好食啦。本身訂左枱，但我地有個朋友遲到，咁店員堅持要人齊先入得。咁我地就話不如我地照落order先，會嗌埋佢嗰份。總之一定嗌夠數。後來女店員勉強俾我地入，但面口已經好差。食物方面，覺得個磨菇湯好鹹，似係罐頭湯。其餘order左pizza, 雞扒意粉,小食水牛雞翼等等。味道係一般，咁佢價錢當然亦唔算貴，我覺得算係咁。但主要真係d服務要改善。我地後來有個餐漏左單，而又差唔多坐到過左時。女店員再走黎講多次，佢話其實真係要人齊先入得，咁樣佢地好難做，佢話無下次。而我地亦真心覺得無下次。黃店唔係大晒囉。希望你地繼續越做越好啦。

同損友係元朗行完山，就要食返餐好嘅補充體力。損友話要食完Story steak& pasta，因為上次同佢1年多前食呢間時，佢話呢度有「人生中嘅薯條」。我上次食BBQ豬肋骨都覺得正，所以就再黎呢間黃店encore。Menu上所有餐都配以湯、蒜蓉包同餐飲。漢堡包迷嘅我點咗Menu唯一嘅漢堡包餐，所以我就有兩個包🍞🍔。餐湯有蘑菇湯同南瓜湯，我就選擇咗後者。西湯絕對唔求其，面頭有靚靚嘅忌廉係面。南瓜味好出，口感好滑，感覺好似食緊南瓜露。朋友嘅蘑菇湯都有好評呀。 蒜蓉包比較厚身，烘得唔夠耐，所以唔翠。餐飲升級咗榛子咖啡，都係成餐敗筆之處，不但冇榛子味，連咖啡味好淡。主菜黎啦，漢堡包+ 粗薯條+ 菜沙津，令我好懷疑食唔食得曬。整個漢堡包高過我隻手掌，相信太高所以最上面層包放咗落黎，簡接引起我第一次用刀叉食漢堡包嘅想法。包有用牛油烘過。最正嘅用叉篤爛個太陽蛋，除咗睇著蛋汁慢慢沿著漢堡、蕃茄流到包好治癒，吸咗蛋汁嘅包都好好味。講返主角中嘅主角- 漢堡。表面煎香，入面切開有驚喜，係半生熟，所以食落口唔會乾身、嚡口。漢堡好濃牛味，加埋片溶溶地嘅芝士，成個包即使冇醬汁，都好夠味。漢堡包最好嘅朋友薯條粗身得

一心諗住試西餐嘅黃店，晚市嚟食，女店員態度奇差，黑面係基本，諗住算啦，可能忙或者心情唔好（但當時餐廳未滿座）。我哋叫左千層麵、豬扒，其實食物味道係ok, 不過不失嘅家庭式味道，但個南瓜湯出事，淡之餘有陣酸味，開頭以為係啲cream溝埋變酸...食完一個鐘左右，女店員突然掉低張單：「夠鐘。」入嚟嘅時候明明無講有限時？同埋可唔可以有禮貌小小？最重要嘅係，我第二日 腸 胃 炎！真正貼錢買難受。上嚟openrice 睇先發現好多人提及服務態度問題，應該改善。否則，唔係黃店就做得差都要盲撐。

今日係我同老公 P san 拍拖周年紀念日, 所以揀今日開始寫我哋第一編嘅食評。不過今年冇特別安排節目, 只係去我哋想試嘅食店食吓嘢就算, 下晝出咗佐敦食羊肉米粉, 就入左元朗行, 諗住到肚餓再搵嘢食。行到 6:30pm 左右, 冇咩好行, 諗住食埋嘢就搭車返屋企。 上網 search 下邊度有黃店, search 到喱間, 喺形點 II 行過去, 大概 10 分鐘左右。去到可能落雨同埋仲早啦, 所以唔使等位, 就入去食。我哋本來想點 1/4 隻西班牙 BB 豬配黑松露薯蓉, 但幫我地落單個店員問咗廚房話之前冇訂的話今日冇, 咁我就點左個美國安格斯西冷牛扒配薯菜餐, 而 P san 就點左個特色雜扒配意粉餐。餐除咗有主菜, 仲包括湯, 蒜蓉包同飲品。首先黎到嘅係湯、飲品同蒜蓉包, 我哋諗住試多 D 唔同嘅嘢, 就揀左一個蘑菇湯同一個南瓜湯, 蘑菇湯入面有打得好細粒嘅蘑菇粒, 好香蘑菇味, 完全冇嗡味或者霉味； 而南瓜湯雖然都甜, 但南瓜味唔重, 相比起蘑菇湯就有點比下去。而蒜蓉包蒜蓉味唔算太重, 唔會令人食完滿口都係蒜蓉味, 而且烘過嘅麵包仲係脆嘅, 令人食完想再食。到主菜啦! 首先講

食過幾次都覺得ok,但今次買外賣超失望，買左個牛朳午餐，牛扒細件唔再講無汁又超鞋質素還不如大家樂，薯條沙律還可以，感覺人多左食物就求其左，唔理藍定黃質素咁差都好難支持

這家店令你又愛又恨，一方面出品味道不錯，收費不太貴，但另一方經常漏單，但當問起會立即幫你跟進；不太理會客人，但叫到又會拎餐單餐具紙巾比你，如用一般商業食店感覺看，會感到受氣，但以進別人家作客感覺，頓感舒懷，所以形容店員對客人態度像對相熟家人一樣，忽視但不存任何惡意。食品方面，以前嘗試過他們的意粉，所以今次點了兩份扒餐，雜扒及羊鞍，另送飲料，以碟上菜時堆滿碟面的觀感，加上雞蛋及香草點綴，即時提升了豐盛觀感，雞胸熟度適中，沒有過火，牛及豬扒體積略小，但味道合格，意外地今次意粉未熟起骨，起碼需多煮３分鐘，羊鞍正正常常。整體感覺性價比不過，但味道合格。

之前來Story 已經係2，3年前，曾經，係曾經係很好吃，食物都用心做的！（晚飯時間仲可以帶紅酒🍷）但而家就.........今晚就再幫襯變成黃店的Story, 其實Menu 圖片係完全無變！我哋點左巴馬火腿Pizza $88/ 香蒜辣椒蜆肉煙肉意粉$88 / 煙三魚凱薩沙律 $68性價比其實算低，最主要係個意粉🍝，硬到不得了，又唔熱，涼拌意粉咁！我畢左一碟仔食已經食唔到落去，太硬，根本咬唔到胃都有少少不適🤢Pizza 個邊焗到又濃又硬，我同老公都食淨個邊...呢一餐簡直係胃功能大挑戰！最後提一提，女侍應啲服務態度有待改進，餐飲要我哋跟餐叫；水吧哥哥落單的話就可以俾其他客人餐到左分開叫；明明餐廳唔爆又唔俾啲舒適啲嘅位置客人，仲要2人嘅坐到迫埋一堆！（唔係茶記食lunch 時段喎！？）

1：45 入坐 等足45分鐘 都仲未上菜不指 店員態度非常差 雖然是黃店 但對唔住都要講句如果人手唔足夠 就煩請 請足夠人手另外 水bar 職員態度 十分差勁 我已吹了3次 最後男友食完 我都仲未上到餐！ 我已同服務員講 我唔要個餐 之後一分鐘即到個餐係咩玩法Sorry, 我唔要啦！ 我要走啦！真心等到胃痛！如果大家不介意等45分鐘 其他遲入黎的食客已食完 我還要給態度服務員差的人士黑我面請 繼續支持！

今日帶埋兩個朋友黎元朗搵食，見呢間環境整潔又多好評就入去試吓喇我哋叫左兩個Set餐， 包餐包野飲同湯坐左一陣好快就上左餐包同湯， 係好香脆既蒜蓉包餐湯係好香黑松露味既忌廉湯同羅宋湯之後好快就到主菜， 係香蒜辣椒帶子意粉，帶子都鮮甜，意粉又爽口再黎係什扒餐份量都幾多，D肉又夠腍，生熟程度剛好第三個主菜就係巴馬薄餅喇，pizza 超脆口，又幾好食喎，夾埋D parma ham 少少喊喊香香的， 好食啊最後係個薯角， 黎到既時侯熱辣辣， 薯香加芝士既香味超正，呢款係小食必點我地食哂所有野賣單都係500度，超級抵食

收工搵食之夜又帶男友試試小店，穿過yoho mall行過黎，慢慢行大約十分鐘左右就到了。入去時餐廳大半位置都有人座緊。如果黎遲一陣就要等位啦😂因為好肚餓既關係，我地點左好多野食！蘑菇湯湯身不算太濃稠，不過有粒粒切碎了的菇菇增添口感，味道唔錯巴拿馬火腿黑醋沙律 $58一向都偏好黑醋多於沙律醬，菜類尚算新鮮，同價錢對等。水牛城雞翼 $48呢個雞翼好惹味🥴烤得外皮半脆，內裏肉質嫩滑，推薦牛肝菌鵝肝意大利飯 $108呢道一上枱已經覺得好香，將鵝肝和飯拌勻，每一淡都充滿鵝肝既油香😍😍同牛肝菌意大利飯成件事係好夾。推薦另外有點蒜茸包，味道不過不失，餐點比較吸引😂雖然店面看起來普普通通，但係餐點比想像中有質素，最重要係價錢唔貴，如果想平平地食下西餐，都可以試下呢間