Story Steak & Pasta (已結業)

感覺超久沒來雞地，依舊有很多餐廳！今次就來到story steak & pasta，門口看到餐牌，光是主菜也有29個餐，而且沒有加一！原本等位時想吃即叫即燒bb豬的，不過是日售罄。所以套餐改叫雜扒配薯條，以下叫了香辣蜆肉意粉，小食來一客芥末煙三文魚。點餐後很快便有餐湯及飲料，各要南瓜湯及蘑菇湯。個人比較喜歡蘑菇湯，比較多蘑菇蓉的口感，不過水的比例比較多，比較稀。南瓜湯是偏甜的。我們要了一杯薄荷朱古力及mocha，中規中矩，薄荷朱古力沒有薄荷味，mocha沒有朱古力味。芥末煙三文魚的確性價高超高（$32），而且煙三文堂一點也不腥，值得推介！ 然後來餐包了，是蒜味包，不是濃濃的蒜蓉包，小店也有蒜蓉包可以點的。雜扒配薯條，也很不錯，因為薯條是粗身的，而且份量也蠻多的。蛋是煎得剛剛好的太陽蛋，一塊羊扒、一塊雞扒及兩條腸，羊扒一點也不羶。香辣蜆肉意粉，比想像中不同，沒有辣味，只有咸味，炒得很乾。蜆肉剛剛好，是即叫即炒的意粉呢！整體來說，價錢十分實惠，食物種類繁多，服務態度也不錯，雖然客人也很多。

蘑菇忌廉湯(午餐+$8)好有蘑菇味，不過味道就淡左少少。口感唔錯，唔係好稀個隻，如果再杰d口感會更好。(個人口味E: 3.5/5)板燒牛肩胛意粉($52)+凍檸茶($3)沙律幾開胃。牛有2件，好有牛味，一件偏生，唔錯，另一件就太熟，口感偏韌。意粉有用蒜香炒過，有誠意，唔係單單既白烚意粉。整體都幾好味。(個人口味E: 3.5/5)卡邦尼意粉($47)醬汁分量足夠，味道又唔會太淡，有好重既蛋味，唔錯。惟意粉麵質對我而言就唔夠腍，再煮耐少少會更好。餐飲熱朱古力，可能朱古力粉落得唔夠多，好淡味，不合格。(個人口味S: 3.3/5)Lunch免加一，價錢合理，質素都唔錯。不過覺得張枱矮左d，食既時候有少少辛苦。

與朋友隨意選擇此餐廳，到餐廳時客人並不多，餐桌沒有很大 點餐後很快就來了2份餐湯 一份餐包，可是湯跟包都不是熱的，我跟朋友來都是想聊聊天 所以也沒有太在意 但是在上主食時 服務員不把桌上的空碗收起來 沒有把空間騰出來給我們用餐，心裡有點不舒服 但是只是感覺他們笨笨而已 沒想太多，該餐廳在2200 關門，我與朋友用餐到2145 時 一個服務員態度惡劣的走來跟我們說"我地收10點，同埋我地呢邊用餐時間係1個半鐘 有限時嘅"... "?????" 我跟朋友左看看右看看 還有一點點客人在，服務員態度極其惡劣 十分影響心情，不會再來該餐廳用餐 如果是來聚聚舊 聊聊天 這邊環境更不適合。

凍檸茶極大杯，杯身極粗。 黑松露雜菌湯，今日嘅餐湯係黑松露雜菌湯，黑松露味道香濃，同蘑菇嘅香味相輔相成，面頭加上少少忌廉，令到個口感更加細滑。 餐包估唔到佢都咁有誠意，烘焗得香脆之餘，亦令到香草牛油充分咁樣滲透喺每一寸麵包之上。 慢煮美國牛肋骨配黑松露薯蓉，牛肋骨煮得好腍身，醬汁係經典嘅美國燒烤醬，味道酸酸甜甜，十分開胃，薯蓉口感細滑，明顯無投放過多嘅牛油同埋忌廉，更能享受黑松露嘅味道。特式雜扒，一個價錢就可以食到牛肩胛、羊架、烤雞、紐倫堡腸同煎蛋，仲有餐湯、餐包、飲品、白飯或意粉或薯條同唔係好多地方有得跟嘅薯蓉俾你選擇，份量十足，而且味道同埋質素都不俗， 羊架厚切煎得香脆， 紐倫堡腸係德國傳統嘅味道，令人十分滿足。

食物一般 ，服務麻麻 ，又要限時食用 ，4個人就要4份餐， 7個人到齊先可以入，但唔滿坐的，食一次就夠 冇下次，個牛肩甲好鞋，意大利飯冇黏度，太咸，個牛肋骨直頭似牛腩碎 218 唔值

元朗呢一頭有好多餐廳 淨係呢條街都已經有幾間啦 不過今次就嚟咗呢間餐廳 見佢門口個餐牌上面都有幾多意粉款式 咁就決定試一試🤤餐廳環境都幾光猛 坐得都算幾舒服👍🏻先叫咗一個小食 忌廉芝士煙肉菠菜 估唔到佢嘅份量都幾多 芝士亦都好濃郁 菠菜就好林 好易入口 加埋少少煙肉條 鹹鹹地都唔錯🙊扒 意粉 同薄餅都係套餐嘅 所以會有餐湯同餐包 餐湯就有忌廉磨菇湯同雜菜羅宋湯揀 個磨菇湯都係好真材實料㗎 好似真係飲緊粒菇咁 而餐包係蒜蓉包 非常香脆😚焗意大利肉醬千層麵 好怕食到啲焗過龍嘅千層麵 乾爭爭會好難食 呢度嘅千層麵就做得啱啱好 肉醬同千層麵好夾 旁邊嘅薯蓉都恰到好處😛煙三文魚薄餅 一上檯嘅時候熱辣辣 應該係啱啱焗好 所以食落都幾脆 芝士仲有拉絲添🧀飲品 嗌咗凍咖啡 同薄荷朱古力 薄荷朱古力賣相真係好靚😻 味道又唔會太甜成餐都有好多芝士 係有少少膩嘅 不過都可以接受 因為呢間餐廳性價比高吖嘛🐷

今日去咗元朗搵我朋友聚一聚，因為大家都諗住午餐唔洗食咁貴，所以就黎咗呢間見到價錢相宜嘅西餐廳食啦入到去見到個裝修好靚，牆身係水藍色，見到好舒服，而且啲座位都坐得好舒服😍，所以個first impression已經唔錯之後我地就睇到個menu，有唔同嘅意粉可以選擇，款式都十分之多，同埋價錢有啲甚至係唔需要50蚊，加8蚊仲可以加湯或者蒜蓉包，仲可以加少少錢就有嘢飲，好抵！送餐速度好快，等咗2-3分鐘已經有湯同嘢飲我地兩個都叫咗忌廉蘑菇湯，覺得個湯好creamy同好香蘑菇味，creamy得黎又唔會好油膩，而且唔係好鹹，好啱我地口味跟住我叫咗杯鮮奶綠茶，我本身唔係好鍾意飲甜嘢，呢杯嘅甜度啱啱好，唔會太甜，奶味同綠茶味個比例都調得好好，加10蚊飲到呢杯特飲覺得超值！主菜黎到啦，我叫咗個香蒜辣椒蜆肉意粉，蜆肉嘅數量好多，超碼6隻。好多餐廳嘅蜆肉意粉都係唔多過4-5隻，呢個47蚊嘅意粉已經有6隻。而且真係有辣味，對於嗜辣嘅我真係覺得好啱我口味，但唔會太辣，香蒜都好香，但唔會搶咗啲辣味，但可以為呢個菜式錦上添花，蜆肉都好香，而且仲保留到鮮味，所以呢個菜式係超出水準，性價比高😍我諗我短期內如果去元朗會再

雞地不嬲多野食，但係一直都未試下呢間餐廳，今日就終於決定嚟試下啦！餐廳做街坊生意為主，所以就唔會有太多嘅裝修餐湯 - 羅宋湯餐包 - 賣相一般，但有好香蒜蓉及牛油味，包脆但唔乾三文魚沙律整成4朵花，每朵用2塊來卷成，咁即用左8塊，落足本來整 Pizza餅皮與其他店有少少分別，感覺似餅底，無乜油份，

今日去元朗探朋友，順便食個晏。朋友話想食西餐，又唔想食得太貴，路過見到呢間story steak & pasta，就一於入黎試下。我叫左個安格斯漢堡同南瓜忌廉湯，湯夠濃，亦都好好味；安格斯就好juicy，值得讚既係塊包係脆，非常有口感！推廌！

有個朋友入嚟接我放工，佢話想食漢堡，即使係條食街之中，都可以好輕易就搵到呢間Story Steak & Pasta，餐廳夠光猛闊落，第一印象勁正睇過餐牌之後，我揀左11號既板燒牛肩胛配飯，我朋友就揀左6號招牌手打安格斯牛肉漢堡，大家都好肚餓，好想快啲有得食！因為想試多啲嘢嘅關係，我哋一人點左一款湯，羅宋湯好足料，唔係得個咸字，而南瓜湯就好creamy ！完全激發食慾！我點既餐飲凍咖啡好香好濃！餐廳上菜速度合理，好快我哋嘅主菜就登場，急不及待地切左一舊牛肩胛試吓，完全冇失望！超級重牛味，勁香口！再同朋友交換舊漢堡食下！同樣地舊安格斯牛勁多汁，勁juicy！意想不到咁好食！唔會炒到太老或者太un！食完牛仲可以食少少沙律！等個口唔好太油！同朋友都十分滿意！可以用呢個價錢食到餐咁好食嘅牛，勁抵食！

這次平日放假我哋去周圍行，去到不太熟悉嘅元朗區。行咗一陣大型商場，想搵間小店去食晚餐。行到去Yoho附近有一條街，有好多唔同嘅食店。澳門蟹粥、台灣水果茶、藥膳打邊爐等等都有。我哋再喺OpenRice睇吓，見到一間西餐廳小店都好多人like。入去嘅時候六點尚早，店員安排左一個舒服嘅兩人枱俾我哋。店內裝飾都幾靚，感覺溫馨。晚餐都好抵食，好多選擇。先有餐湯：雜菜湯好開胃。南瓜湯好清新。仲有蒜蓉牛油多士，外脆內軟，非常之好味。我哋嘅主菜一個係薄餅，一個係意粉。巴馬薄餅餅底好香脆，上邊材料份量好足。parma ham焗完之後好有鹹香味。牛肉漢堡意粉意粉煮得有咬口，番茄及蒜香味香濃。煎蛋配牛肉漢堡好正。飲品我地就叫咗熱抹茶牛奶及凍薄荷朱古力，味道都好香濃。越來越夜之後都越來越多食客光顧，我哋兩個人食咗好豐富好滿足嘅西餐晚餐，但都好似係$200有找。唔怪得都多人幫襯呢間餐廳。

搬左入元朗住一段時間，啲人話好多好野食，但食來食去都係嗰幾間，開始有啲悶。有日經過呢間係西餐小店，唔係好大間，但幾舒服，佢個menu唔係好貴，所以我同男朋友決定一戰！入到去試左佢個湯、意粉、burger同朱古力！佢個湯好飲呀！🙈🙈係有少少松露嘅香，食得到嘅菇！好飲！佢杯mint朱古力都係好出色架！有陣陣嘅mint同好濃郁嘅朱古力味！好正🍫🍫之後係炒蜆意粉😇平時超鐘意食炒意，因為佢無sauce都可以好香好入味，係好神奇！所以自己都會煮。呢個炒蜆意粉無砂有鮮味，有少少olive oil, 好香！都係好不錯！😎😎最後係burger🍔佢個都係誠意系列，唔係漢堡扒，都幾juicy! 如果個包可以無咁乾就perfect啦！簡單黎講，呢個價值呢個質素，很不錯！😋

今晚黎到元朗呢頭搵食 元朗不嬲都好多好野食 好多唔同既特色小店 咁我地今次就揀左呢間story steak and pasta 想分別試試個牛扒同意粉 估唔到又出奇地好食 咁我地大約7 點30 左右去到 鋪頭都幾靚同顯眼咁我地睇過個menu都覺得岩食同埋唔太貴所以入左去試試佢我地2個人一共叫左2個main set，同一個小食 講講個main set先 佢係配送個餐湯同埋蒜蓉西多加一杯野飲既 本身個人都好鐘意飲羅宋湯 個湯好濃味 好重蕃茄味 同埋d配料都好足 所以認真唔錯 另外個南瓜湯都有個拉花仔係上邊 岩曬人地打卡啦 味道黎講個南瓜味都幾出 同埋面頭陣拉花令到個湯更加creamy黎到main dash 啦 係我最期待既牛扒（美國西冷安格斯西冷牛扒$138）咁我呢次就叫左7成熟 有少少血水 對我黎講岩岩好 唔會太難咬同太硬 well cooked 西冷牛扒個肉汁都可以鎖住係入邊 幾好食 一野就食曬成塊扒 而且呢個薯蓉都落得比較多少少奶 所以睇到圖係水狀少少 但奶味好香 薯蓉都打得好碎 好滑黎到第2個main dash 啦 就係 忌廉汁磨菇煙三文魚$98

招牌安格斯牛肉漢堡配薯條 $47餐廳提供幾款漢堡包，有魚堡，豬扒，牛，因為見到個名有招牌兩個字，所以就揀左呢個包，因為叫得招牌菜，應該點都唔會差得去邊。都算冇好失望既，個包都叫有d肉汁，唔會煎到乾哂，但口感層次味道都冇乜驚喜，總算不過不失。香蒜辣椒蜆肉意粉 $47蜆肉意粉真係比較乾身，冇乜醬汁或者配料，味道好單調，感覺好似屋企都可以輕易整到！串燒水牛城雞翼 (+$28 加配)雞翼皮香脆，味道辣辣地好惹味！雞肉又唔鞋，又夠熱，食得出係即叫即做！值得一試！以上都係LUNCH SET既價錢, 仲包飲品!算係好平，但質素純粹一般。

It’s time for students’ summer holiday.No school day in the afternoon so I dated a friend from Taiwan near my home.Not much people in the afternoon during weekdays so we don’t need to wait for so long.And for the price, it is cheaper than that of dinner but the quality remain the same. Worth to try at lunch.Mushroom soup~ nice to try👍🏻 it just costs $8熱情果氣泡水，in which it is a soda waterGreen tea latte with cream~Smoked salmon spaghetti 🍝😋the taste is nice, the intensity of cheese is suitable 水牛雞翼