Route 83 (逸峯商場)

營業中

休息中

龍蝦汁煮藍青口汁嘅味道酸酸地 都幾開胃青口Overcooked咗 所以啲肉係唔滑味道都OK嘅，有青口嘅甜味冇腥味蒜蓉包係夠脆嘅，但係好可惜係凍德國鹹豬手佢嘅鹹豬手個皮可以整到夠鬆脆切開咗一件件，食嘅時候好方便酸菜加埋一齊會令到成個口感清爽啲冇咁油膩亦都冇咁鹹好友驚喜佢個薯蓉，除咗有泥狀夠滑之外仲有啲薯仔粒粒綿得來保留返有啲口感好香濃嘅薯仔味，鹹味亦都啱啱好但係都係好可惜，上菜嘅時候係唔熱嘅！芝士焗龍蝦配龍蝦汁意粉首先講吓隻龍蝦，唔好有大期望肉質係好梅嘅，而且冇乜芝士味反而意粉有驚喜，軟硬度啱啱好個汁又係大有蕃茄少少酸而且有龍蝦汁嘅濃味加埋一齊係香濃得來唔會膩！美式咖啡有基本拉花襯埋佢隻杯都幾靚但係咖啡唔夠香濃 味道偏甘 唔係偏酸是日芝士蛋糕呢個都係有驚喜夠重芝士香味，而且夠滑入邊有啲蘋果粒粒，酸酸地好鍾意，食完係有一種清新嘅感覺第一次食呢間餐廳，食物質素都唔錯價錢都抵嘅！除左座卡位外，啲位就窄啲！下次再試吓睇吓可唔可以高水準先！

北區的一間四四正正嘅西餐廳，仲要有下午茶，你又會唔會想試吓呢？呢間餐廳餐牌選擇多，下午茶2:30開始，亦可選擇午餐餐牌及小食，價錢非常合理。真係花多眼亂。午餐包括餐湯或沙律，主菜及一杯飲品。沙律汁普普通通，牛扒正常，但係有少少overlooked . 薯條份量多，但係佢係比較硬身而唔係脆身。另外下午茶餐就包左一個小食及飲品。當日點了pizza，Pizza餅底偏向乾身。8” size 作為下午茶剛剛好，由於價錢比較平嘅關係，所以都尚算合理。

下午茶餐：小食併盤+熱檸檬茶有薯條、雞翼、炸魚、洋蔥圈、沙律菜、千島沙律醬，炸物全部即炸熱辣辣，炸得香脆唔油膩。薯條係粗身薯條，更有口感；雞翼皮脆肉嫩；魚手指魚肉紮實；洋蔥圈夠大個；沙律菜正常。

喺呢一間餐廳，幫佢改咗個名，叫Route 320 叫左塊七成熟嘅肉眼扒，佢俾咗牛肉乾我。食落去，味覺非常刺激，牛肉味好重，相信風乾左好耐。如果再有下一次，叫佢三成會比較好啲。

真的太耐無來到粉嶺聯和墟這邊吃吃喝喝了 這天剛好來這裡附近玩 找上了這間在小區商場內走歐陸風格西餐廳 餐廳面積蠻大的 座位寬敞舒適 價錢親民 店員服務態度超好的👍🏻看到餐牌 本來想食PIZZA 但兩個人好像吃不了這麼多 所以就只好忍心放棄😭·🎃南瓜蟹肉忌廉湯超濃郁鮮甜的湯 底下還有很多(真)蟹肉 絕對不是蟹柳 真的用料十足👍🏻還有塊脆脆吐司 可以沾著吃！·🦀鮮蟹肉煙三文魚他他看似很少的幾片 但其實用的材料並不簡單最底的是香脆的麵包 上面放了兩片青爽的青瓜片 最上層是蟹肉和煙三文魚的混合 還有蟹籽點綴 增加了口感 真的好愛這個·主角登場了！ 🐷德國咸豬手配薯蓉嘩😳超大一隻咸豬手 份量十足 咸豬手味道 有咸味但不是太咸那種 廚師在製作前的加工真的做得很好👍🏻外皮脆口不會太韌 肉的肥瘦也非常平均 口感細嫩👍🏻😋特別說一下：薯蓉真的很好吃！哈哈另外還有個紫色和淡黃色的薯菜都很不錯 正好可以中和一下豬手的油膩感👍🏻·🦞芝士焗龍蝦配龍蝦汁意粉龍蝦 再配上蕃茄龍蝦汁 味道很濃郁 很開胃 醬汁份量也剛剛好 不多也不少！

呢間餐廳我之前都去過3次，家姐話請食飯，我就帶佢黎試下我地有4個大人同一個BB，地方闊落，仲有BB櫈。叫左4樣野食，第一樣係小食拼盤，熱辣辣，而且份量多，我最中意食洋蔥圈第二樣係我每次黎都必叫嘅軟殼蟹蝦頭細意粉，味道濃郁，一定要試！家姐都話好中意！第三樣係83 pizza, 餅底好脆第四樣係三文魚扒配薯蓉，味道就普普通通，下次唔會再嗌另外店員都有禮貌，我地話冷氣凍，即時幫手較細左。總括而言，環境、食物質素同服務都唔錯，會再黎食～

七月初揾食肥華，一個錯誤加愚蠢嘅選擇，令到靚媽及遠道出來，陪肥爸食晚餐的細仔仔，鋸咗個劣食扒餐，有見及此，肥華在7月2O日專誠帶佢哋兩位到呢間，在OPenRiCe仍未有負評嘅餐廳，食番餐好嘢，以作補償，而今餐在此店食到嘅晚餐主食，除咗個德國咸豬手，有名大於實，味道令肥華三人感到失望衹值C+評分外，其他三款菜色，以香煎美國豬胺扒味道最出色，得到一致好評，俾個A++佢亦不為過，而個紐西蘭肉眼扒及炸手指魚，亦屬佳作有A級水平，美味嘅食物，加上此店員工對顧客，細心到位嘅服務態度，難怪此店好評如潮，值得捧場👍👍👍

聯和墟好似係唯一一間歐陸風既Cafe,🥰環境舒服又親民，重要抵食又好味😋職員👍🏻好好服務態度❤️2個人叫咗一個Dinner set同一個小食，原來每個Dinner set都包餐湯、沙律、甜品同飲品👍🏻👏👏南瓜忌廉湯，濃醇金黃，有淡淡南瓜香味，香甜幼滑中，仲有一份清新感，大推讚！🙌🏼沙律清甜又新鮮。牛肉好鮮，帶有少少牛味👍🏼扁意粉軟到適中。龍蝦汁藍青口配蒜蓉多士意想唔到既好味，龍蝦汁又唔會遮哂青口既鮮甜味！再將蒜蓉多士點龍蝦汁，原來都好好食㗎😋甜品係藍莓芝士蛋糕🥰棉花糖朱古力，香滑又濃。正

一心衝着德國咸豬手而來,但原來馳名鹹豬手要晚市6點後才供應! 想品嚐鹹豬手的朋友記得晚市才好光臨哦!午市套餐選擇都ok多,味道ok,只是不會有令人驚艷的感覺。餐廳氣氛不錯,店員服務殷切到位👍值得回頭光顧✌️另外逸峯商場有泊車優惠,適合駕駛人士🚙

性價比超高嘅德國餐廳～推介比大家，去開粉嶺一定要去試下！🍴脆皮德國咸豬手配薯蓉 $178其實我唔係一個特別鍾意食豬手嘅人，因為以前食都覺得好大舊骨好麻煩，而且以前食過嘅都好乾，皮又好韌好難咬。但呢個真係超級驚喜，首先佢一上，我哋都呆咗，好大份😂佢已經切好晒一片天，唔使自己切，超啱我呢啲懶人，啖啖都係肉🤤 食落口，更加覺得surprise，唔知佢點整可以整到個皮係又脆又彈牙，同時保持到入面嘅肉係唔乾，真係好好味！配埋薯蓉同酸椰菜，食吓食吓就清碟😌🍴美式燒豬仔骨配炸薯條 $188我嘅推介❤️‍🔥呢個真係好好食，係超多汁超多肉！而且啲肉好淋好好味，仲有我最愛嘅炸薯條，好脆😋有時候出去食叫豬仔骨都會怕中伏，有試過啲肉痴晒係啲骨度，又或者骨多過肉，根本都冇啖好食。呢個完全唔會～🥤可樂雪糕特飲 $35正常味道～食薯條梗係要有可樂🍵玫瑰花茶 係我飲過最甜嘅花茶，應該落咗蜂蜜～食咗咁多比較Heavy嘅嘢，飲下茶消濟解膩😋$40 有一壺，可以同朋友share飲～真心以咁親民嘅價錢食到呢個質素同呢個份量嘅西餐好難得🙈一定會encore，下次要試下望落好邪惡好適合打卡嘅熔岩芝士醬漢堡同埋呢度嘅全手工pizza

呢一間開咗冇耐餐廳係我中學附近🤣難得朋友約食飯 就去試吓呢間超高CP值的親民歐陸餐廳 @route83_fanling 🙌🏻 餐廳人氣邪惡招牌打卡菜式有熔岩芝士醬漢堡🍔呢度嘅食物份量足夠 價錢合理 味道高質 如果經過粉嶺不妨一試！▫️美式燒豬仔骨配炸薯條一上枱冇諗過咁大份🤣豬仔骨勁軟淋 一切開啖啖肉 仲滿佈燒汁 食落好惹味 再配埋粗身嘅香脆薯條🍟價錢好合理 推薦呢款🥰🔥▫️軟殼蟹蝦頭醬忌廉意粉+$28晚餐餐湯飲品高度推薦！我會為咗佢而再過嚟😂炸過嘅啖啖原隻軟殼蟹再配上蝦頭醬忌廉汁 成個味道好夾 意粉好掛汁 唔會好乾 每一啖都食到蝦頭忌廉汁既味道 好想encore 食到尾都唔會乾 如果個多士脆啲就完美啦！當日嘅餐湯係甘筍湯 口感濃郁 仲有粒粒嘅甘筍蓉 飽肚暖胃🔥▫️秘制美國炸雞翼一份有五隻 炸到香脆可口 熱辣辣🔥▫️芝士蛋糕焦糖朱古力食到最後雖然好飽 但係加$28可以要甜品🥰我哋就叫咗個芝士蛋糕share 估唔到咁大件 食落唔會好溜 香甜嘅朱古力 再配上鬆軟嘅蛋糕 好滿足🥰

今晚終於去呢間餐廳食，成日經過都覺得好似好好味咁。我地叫咗兩份套餐😋香煎美國豬胺扒配蘋果汁同香煎鱸魚柳配意大利飯。每個餐包晚餐餐湯、沙律、甜品加飲品👍🏻香煎美國豬胺扒配蘋果汁好好味😋我特別鍾意佢既薯條👍🏻整得好好食😋美國豬胺扒好林好好食☺️香煎鱸魚柳配意大利飯，魚柳好好味，但意大利飯因為飯比較偏硬，所以個人就覺得一般😅最後甜品係藍莓芝士蛋糕🥰好味☺️呢度熱飲都好大杯👍🏻食完真係飽哂🥰仲要讚一讚職員👍🏻好好服務態度❤️下次會再試其他野食❤️

粉嶺高性價比cafe🙌🏻依間cafe有大埔同粉嶺兩間分店，今次就去咗粉嶺嗰間🤭佢位於一個住宅樓下嘅小商場，可能因為時段嘅關係，人流唔係好多，完全唔洗等位就可以入去🤣餐牌上嘅菜式都算多，有沙律類、湯類、肉類嘅主食、意粉/意大利飯、pizza同小食🤤蕃茄仔今次叫咗一個主食、一個意粉同一個pizza🤭本身以為咸豬手嘅份量唔會太多，點知黎到嘅時候真係忍唔住「哇」咗一聲😲比想像中多，份量超十足😍而意粉食食下都覺得佢嘅份量比出面普遍cafe多，超抵食🥰🍅軟殼蟹蝦頭醬忌廉意粉 $108炸過嘅原隻軟殼蟹再配上蝦頭醬忌廉汁，成個味道好夾🥰意粉嘅醬汁份量都啱啱好，可能因為蝦頭醬有少少油份，所以成個意粉食到尾都唔會乾之餘仲好creamy😋上面塊toast蘸埋啲蝦頭醬忌廉食都好好味👍🏻美中不足係塊toast淋咗，所以個口感麻麻，但整體上無礙🤣🍅德國咸豬手 $178咸豬手嘅味道醃得好好，有鹹味但唔會太鹹👍🏻表面夠脆之餘又唔會硬😋份量仲比想像中多！側邊跟咗好多薯蓉🥔同埋兩款薯菜(?)正好可以refresh一下豬手嘅少少油膩感😆下次再訪嘅時候都一定會再叫🤣🍅83雜錦Pizza $80 (+28 套餐)Pizza嘅味

之前都有嚟食過幾次午餐，今次同屋企人嚟試下晚餐，都相當唔錯啊！！大蝦沙律（菠蘿粒/蕃茄粒他他）個擺盆造型靚，味道好普通。炸魚手指有4大條，又有薯條底，炸魚同薯條上枱都夠熱，個炸漿又唔會好厚，唔錯！龍蝦汁煮青口配蒜蓉包味道正常，青口好細隻，如果想試呢個一上枱要快d食，蒜蓉包焗得香脆，不過食得慢吹凍左口感比較差，價錢係平……但相對青口亦好細隻。我寧願你收貴少少或者比少幾粒用大隻d，因為真係太細粒肉。炸洋蔥圈個炸漿太厚，炸出嚟好實，所以唔好食！！豬手，Parma Ham Pizza 同豬鞍豬豬皮脆唔會過左火太硬，肉質煮得唔係死死實實～讚！！加埋價錢再讚！Parma Ham Pizza就餅底薄，夠茄汁夠芝士，塊火腿就普通唔係好夠咸香味，但都可以！豬鞍又係冇over cook，合理味道中規中矩。手工啤酒有好幾款330ml 岩晒我呢d貪心鬼，試完一款又一款，啤酒就唔寫評價，一來又唔係好識手工啤二來較個人口味。總括就幾款都幾好飲，睇menu介紹就ok。朱古力沙冰都幾好飲，飲到好多朱古力碎粒粒！5個人食，又飲埋啤酒都係$1300＋，又真係幾抵食既，不過爸媽好細食，所以我地main course 唔多；

焗咸牛脷飯配黑椒汁（$78）餐湯（西蘭花忌廉湯）幾傑幾濃，味道還可以。焗飯約廿分鐘後上枱，超熱，焗得唔錯，收哂水唔會水流流。牛脷有三大兩細片，有啲厚度，軟腍，少咸，味道唔差；飯底係炒飯，夠乾身，我欣賞；黑椒汁唔會過重味，加上半溶嘅芝士，撈飯食不錯。成兜焗飯整體真係幾好，如果要搵嘢挑剔，多啲飯就 perfect 嘞。8oz牛肉菠蘿漢堡配炸薯條（$78）比想像中大個，牛肉漢堡都大件，但有少少騷味，而且口感有啲鬆散，食落比較一般。薯條夠熱夠脆唔油膩，不錯。美式炸手指魚（$58）又係比想像中大份，有四大條。外層炸粉鬆脆，裡面魚肉有丁丁腥但接受到，魚肉都紮實。配菜有薯條及沙律菜。