鍾意打卡嘅我🥰去咗置身於花花世界嘅打卡餐廳🍴 以花為主題的餐廳 店內環境闊落舒適🌹 多個打卡座位 粉紅色座位瞬間少女心爆發 門口有好大嘅空間賣鮮花 食物都以花做主題‼️ 無論食物嘅味道定環境 都好適合慶祝生日同打卡～ 一定一定要約閨蜜過嚟試吓👭🏻包保佢話鍾意🤣 前菜｜刁草欖油味噌醃三文魚 份量都幾多 酸酸地好開胃 而且三文魚好厚身 主食｜黑松露香草烤三黃雞（半隻）配烤小土豆 三黃雞雞皮烤至金黃香脆 肉質鮮嫩多汁 而且面層有滿滿嘅黑松露香味 乾身唔會好油膩 而烤小土豆綿密帶點蒜香 焦脆香口 份量好多一定食得飽🥰 主菜｜玫瑰鹽烤鵝肝牛排180g 我哋叫咗五成熟 一上到枱見到牛扒鮮嫩粉紅 切落去軟嫩可口 面層配搭香而不膩既鵝肝 食落口感豐富 香味濃郁😍 飲品｜藍蝴蝶/香水荔枝茉莉冷萃茶 蝶豆花茶配搭新鮮青檸汁 藍色慢慢漸變成紫色 蝶豆花冰球則沉在夢幻紫海中 充滿浪漫氣息 飲落香甜清新 花香味濃郁 解膩一流👍🏻 甜品｜杏仁巧克力椰香蛋糕/荷塘月色葡萄烏龍凍 賣相清新的蛋糕 每一款嘅味道都好驚喜 唔會好甜膩 朱古力椰香蛋糕質感很實在 朱古力味很濃 椰子帶出清新的味道 中間還有一層Q彈的椰子啫喱 兩者好夾 喜歡朱古力的一定會吃不停🥰 葡萄烏龍凍好特別 啫喱嘅口感係葡萄味 味道清新～

今次買咗幾款小食晚餐加餸🥰🥰 屋企人鍾意食麻辣嘢 但係又唔想煮 所以佢哋呢一款好出色 一個樽仔裝住放喺雪櫃 鍾意食隨時拎出嚟都得 我就叫咗貢丸、牛腱同雞腎 麻辣味香口惹味 好入味 雞腎爽口彈牙 入味無比 貢丸大牙大粒 作為小食或者宵夜都係一個唔錯嘅選擇‼️ 然後鍾意食生蠔嘅就叫咗呢個喜仙町生蠔拼盤🦪 生蠔大隻又飽滿 海水味重 仲可以配埋爆汁魚籽 奶野比較重 好香 同我手掌差唔多大 鮮甜無比 好想再再再encore😍😍 仲有佢哋最新推出嘅火山卷💯 火山卷有唔同既魚生組成 有我最愛既三文魚加州卷 卷物包住蟹柳、青瓜，鋪在卷物上面 帆立貝配粒粒蟹籽 每款卷物都味道豐富 火山中央的部份 就是卷物配帆立貝撈了濃郁的沙律醬、蟹柳 再用火槍燒過 香口惹味 好有特色😋

好耐都係來九龍城啦🥺之前來親呢頭都係食呢間.. 所以今次難得經呢頭 就來食返呢間餐廳🍴我嘅愛.. 第一次食呢碟燒鴨髀😛 隻隻都好可愛🤣🤣🤣 可能睇相似無啖好食咁 但其實佢啲鴨肉都唔少！ 同埋佢嘅鴨皮夠香夠脆 重點係全份鴨髀都唔會油～ 所以慢慢食哂一碟都很可以🙈 呢排餐廳仲做緊啲特價推廣 好似係任飲紅白酒兩小時😳 人頭消費滿$500 真係好抵呀 嗌多啲小食就已經可以喺餐廳裏面吹水傾偈然後任飲紅白酒 朋友都大贊抵食 下次可以再過嚟

平時喺花都嗰邊做嘢 落樓下睇下有咩好食 呢間魚眾不同成日都大排長龍 主打正宗又好食嘅酸菜魚 而且佢哋有好多分店 咁近我當然要試下啦~午市套餐同下午茶套餐都好抵食 而且份量好足 基本上好多學生同打工仔都會食🤣 ▫️番茄濃湯米線 薯粉爽口彈牙 吸收哂湯底精華 魚片啖啖肉無骨 而且份量好多！！ 我在額外加咗$20要多咗個鴨血 估唔到放落蕃茄湯度煮到咁好味 一份有四至五隻鴨血 厚身之餘好滑溜😍佢哋午市價錢唔會話好貴 ▫️臘味煲仔飯 估唔到酸菜魚鋪頭都有臘味煲仔飯食 煲仔飯即叫即整 大約要等30分鐘 拎出嚟焗一焗佢個砂鍋底會有飯焦😍😍即場會俾個豉油你自己落 煲仔飯好足料 對面有臘腸潤腸同臘肉 香口惹味 臘腸油脂滿滿🥰 ▫️滷水雞中翼 呢個真係必叫 大隻啖啖肉 而且滷水好入味

本身我都幾鍾意食冰室😎 冰室啲野食一向好岩我口味 而且最緊要係抵食又大份 好有香港風味！！ 之前幫襯過九龍城分店今次咁啱去青衣附近做野 見到3點3開左新分店 都真係要支持下😙😙 下午茶時間就簡簡單單 叫咗份鮮油吐司加菠蘿冰 而屋企人就嗌咗避風塘蝦炒豉油王炒麵 鮮油吐司真心邪惡 👿 金黃吐司夾雜幾塊原塊鮮油 牛油仲要微微溶化 滴緊汁 好正 食完肥幾磅都抵 配埋港人必飲菠蘿冰 鍾意佢入面有好多菠蘿🍍 飲緊飲品嘅同時又可以食菠蘿 菠蘿夠鮮甜 解渴一流！ 下午茶雖然簡單 但係簡單嘅美味已經好滿足 😌

🥭芒果的心情・春天的呼喚🥭 夏天就泥到🥰又系我最愛既芒果季節🙌🏻東海堂推出左呢個全新芒果限定甜點系列 嚴選新鮮香甜芒果🥭配合不同食材 打造令人垂涎欲滴既精緻香甜蛋糕、甜點😍芬芳香氣與果肉甜美細緻溶合 口感豐富 買來同屋企人生日慶祝團聚💯 💓芒果熱情果慕斯蛋糕$269 濃郁果香的芒果慕斯與充滿活力的熱情果 酸甜無比 兩者口味好夾 夾層加左軟滑既芒果軟心醬 香甜嘅忌廉同埋芒果熱情果凍 口感一流🥰 💓芒果麻糬巴斯克蛋糕$32 濃郁香甜既芒果麻糬巴斯克 一個人自私食就啱啱好 表面焗烘至焦香 配搭埋芒果粒同忌廉 內裡加入軟糯芒果麻糬同海棉蛋糕 芒果的香甜襯托出芝士的細滑 香甜不膩 夏天食就係一個唔錯嘅選擇‼️

哦我哋唔知食咩嘅時候第一時間一定諗起MOS Burger，日式burger識落冇咁肥膩，仲成日有新口味。最近仲有海賊王主題嘅佈置，粉絲快啲去打卡啦😍 🌟雙子漢堡 $33 雙子漢堡復刻回歸！明太子+玉子燒+吉列蝦呢個配搭簡直無可挑剔，無論質地同味道都好豐富好夾 🌟雙重芝味和牛肉漢堡 $45 北海道香濃芝士同芝士片有雙重芝味，再加上澳洲產無激素和牛肉餅，又多汁又厚肉食到舔舔脷 🌟南瓜薯餅餐 $23 🌟摩斯雞塊餐 $26 套餐有好多選擇，除咗傳統薯條仲有南瓜薯餅同炸雞塊，除咗小食仲配埋汽水，亦可加錢轉配其他特飲，$5可以轉野菜生活果汁，感覺健康啲🤣 🌟加配細薯條 $10 🌟加配南瓜薯餅 $11 仲唔夠喉可以再加配其他小食，叫兩個餐可以開party都得🤭

💁🏻‍♀️又黎到一個月介紹一次好西系列，今次餐廳係銅鑼灣耀華街百樂中心胡爐，係尖沙咀都有分店，裝修環境古色古香，食物擺盤都注意美觀，睇得又有內涵！其中招牌湯底「龍蝦濃湯」和「椰⼦雞湯」店員都好推介，今次先試龍蝦湯底🦞 💁🏻‍♀️ 牛肉脂肪平均，口感滑嫩，豚肉肉質細嫩、味道香溢，肉丸口味眾多，有牛骨濃味牛丸、炸菜牛丸、貢丸、豬肉丸，最喜愛牛丸，好多肉汁，好爽彈 💁🏻‍♀️手工餃同樣出色，其中黑松露蟹肉餃真係好好味☺️一份雖然唔平，但粒粒麵好飽滿，咬開好香黑松露味，蟹肉份量都好多，兩者幾夾，另外手工雲吞都係主打之一，堅持每日製造，脆卜卜滿滿鮮蝦肉餡

最近早收工同👦🏻出左去行街 去左呢間好多人介紹既新派潮州菜👍🏻擺盤精緻 環境舒適 空間感一流 好岩一家大細去食晚餐 仲有bar可以配酒飲 值得推薦🔥 💓蜆肉鵝肝炒飯 呢一款真係值得推薦😍蛋炒飯頗有鑊氣 將鮮甜嘅蜆肉同鹹香嘅鵝肝融合得天衣無縫 炒飯粒粒分明有咬口 口感好豐富🫶🏻 💓沙嗲牛肉炒芥蘭 沙嗲醬濃郁 牛肉嫩滑大塊 翠綠嘅芥蘭爽口鮮甜 💓菠菜蟹肉羹 湯羹都濃郁無比 食到菠菜甜味 淡淡嘅蟹肉好鮮甜 💓獅頭鵝件 鵝件鹹香味十足 有咬口之餘啖啖肉 油香十足，滷水鹹鮮 份量兩個人食就啱啱好啦🫶🏻 💓蘿蔔廣章 廣章喺潮汕常見美食🤣用白蘿蔔絲配搭腐皮煎香 香甜之餘口感結實 脆卜卜又惹味 配埋辣醬一齊食 食完一塊按住食停唔到🫶🏻

上水廣場新開cafe超高質，無論煮食、小食、飲品定甜品，又靚又好食，CP值超高！甜品仲係每日新鮮製作，款款都好吸引 🌟威靈頓三文魚配檸檬牛油汁 $178 威靈頓三文魚做得好乾身，脆脆酥皮同軟滑三文魚口感有對比，再點埋檸檬牛油汁好開胃 🌟炭燒美國西冷牛扒 $168 10安士牛扒厚身又大塊， 坑紋下有輕輕炭燒味，配菜除咗薯條、焗蔬菜、沙律菜，仲有類似天婦羅做法嘅炸蔬菜，係心思之作 🌟龍蝦湯 餐湯轉配加$28 龍蝦湯好香濃唔會太鹹，配上多士，為套餐嘅主菜開咗個靚頭 🌟白桃蜜糖雞翼 $48 用煮過嘅白桃粒做雞翼個汁，再配上有黑醋嘅沙律菜，酸酸甜甜好開胃 🌟凍香橙朱古力 +$18 🌟蜜糖檸檬梳打 +$12 特飲大大杯，款式都好特別，朱古力香濃唔會太甜，加埋香橙乾飲到停唔到口。杯梳打蜜糖同檸檬酸甜好平衡，係清爽之選 🌟牛角包配雪糕 $42 牛角包焗到好香脆再切件，咬落脆卜卜，配埋雲呢拿雪糕同雜莓，賣相同味道都一百分