Orange Elephant Thai Restaurant (啟德道)

營業中

休息中

睇食評見到咁多人話好，就去試下，6點幾去到坐底，點咗咖喱蟹，薄餅，生蝦，串燒，特價1蚊無骨鳳爪。蟹是水蟹，一口都是炸粉漿😞薄餅唔鬆化，實骨骨生蝦，串燒都算合格，只有蚊無骨鳳爪最好，因為特價1蚊，7點幾開始多人，都幾爆下，可能啲人睇到咁多人係食評留言話底食，環境舒適，性價比高之類啦，現場無見到人食咖喱蟹，我就中咗蕉，可能啲客唔系第一次幫襯，知道邊啲嘢可以！我就第一次幫襯，老婆最鍾意食蟹，所以點都要叫😭無下次囖🙁

收工朋友提議去九龍城食泰國菜，見店面裝修企理又唔需要等位，於是就拍板決定試吓呢間。四人檯坐得舒服，環境乾淨，我哋一行四人叫咗五道菜式。主角泰式明爐烏頭魚好大條，魚肉鮮甜嫩滑，啲湯汁滾吓滾吓好鬼正，泰式風味十足。椰汁青咖喱好出色，辣辣地好惹味，用嚟點牛油薄餅一流，一碗份量好多，最後我哋都要叫多兩個白飯撈黎食。泰式拼盤有蝦餅，春卷，魚餅，香葉包雞，總共八件，件件好食。炒椰菜苗爽脆清甜，酷上蒜茸十分香口。青木瓜沙律酸酸辣辣好開胃，食到停唔到口。飲品有好多選擇，不過最後我哋都係一致叫咗食泰菜必備既椰青，四個椰青都十分厚肉，椰水清甜，飲落簡直透心涼。最後埋單880蚊，每人二百零蚊食到咁高質既泰國菜，實在非常滿足

Orange Elephant嘅裝修同環境都比起九龍城內街嘅泰國餐廳感覺新淨同舒適。好適合一班朋友慢慢坐下傾下計。原個菠蘿海鮮焗飯味道唔錯，飯粒炒得乾身，配料都唔少，旁邊仲有肉鬆同香脆嘅腰果按個人喜好添加。炸蝦餅好厚身，蝦肉爽口彈牙，口感好好。軟殼蟹則有啲失望，切得太細嚿，而且炸粉好多，偏多油，咬落唔係好食到軟殼蟹。如果可以切得冇咁碎嘅話會好好多。至於生菜包味道幾好，生菜大塊新鮮，肉碎肥瘦比例適中，炒得香辣好食。

突然想食泰國野緊係要去九龍城啦~話哂有小泰國之稱一見到 menu就好想食冬陰公湯又想食生牛肉所以我簡左 生牛肉金邊粉轉冬陰公湯($45+$6轉湯底)個湯真係好正 雖然係泰國人開既餐廳但佢調左香港人口味所以唔算好辣 好香望落無咁紅色就知青咖喱雞扒飯($48)真係幾特別佢感覺cream啲我加左$18要多個炒雜菜+椰汁大菜糕佢個炒雜菜真心好正係落左蒜香炒我唔記得影椰汁糕都係不過不失 普普通通#foodie_aki#yum_yum

之後同屋企人食完 真係覺得好滿意😋要快啲再翻兜！所以好快又捉左班朋友仔一齊黎開大餐啦🍽其實我不嬲都對生菜包麻麻地但今次有朋友想試就叫左點知佢既肉碎真係出奇特別真係好好味👍🏻👍🏻材料都好豐富（如圖）如果冇菜包住 齋食肉碎撈飯 都會覺得超正！呢個豬扒係做緊優惠 $1一份本身諗住咁平，炸豬扒可能都會比較乾同柴點知上到黎 都係一個驚喜 係出奇咁好味我都好滿意！一啲都唔柴 仲好入味好juicy🤭🤭整體真係幾出色 難怪咁多人幫襯😋😋

雜錦串燒。$89 ➕牛、豬、雞 🔎難食的串燒，不單止唔熱，肉質非常劣。泰式炸蝦餅（3件）。$79 ➕星期五優惠價$1元（加一服務費以正價計算） 🔎尚算彈牙。焗蒜蓉包（5件）。$40 🔎上枱已經不是熱的，沒有脆感。焗大蝦粉絲煲（2隻）。$168 🔎蝦肉不彈牙，味道還可以，但不會再試第二次。

星期六日必吃泰式午市套餐九龍城一向是泰國菜的美食之都，但是星期六日沒有很多餐廳會做午市套餐價錢都不便宜～這間泰國餐廳價錢、環境及食物絕對是沒有任何投訴！星期六日依然有午市套餐而且份量十足，價錢及味道也讓人讚不絕口冬陰功鮮蝦配湯河$50 （免加一+$18 炸蝦餅+大菜糕這個鮮蝦湯粉非常大碗，亦有數隻鮮蝦！加上味道亦非常可以！特別一讚餐廳的炸蝦餅炸得很外脆內軟沒有那種無限翻炸的味道，仲包一杯飲品，性價比沒有任何投訴！

慶祝屋企人生日🎂由於屋企人很想吃泰國菜，所以我們就在OpenRice裏尋找九龍城的泰國菜，眼見這一間食評不錯，所以屋企人就book了枱。餐廳很大但眼見只有七八枱客人，不用排隊就能進入。我們一行四人總共用了七款食物1️⃣🔸🍤泰式拼盤(蝦餅,春卷,魚餅,香葉包雞)每款兩件但會對切四份 💰158整體來說食物很熱剛剛炸起，四款食物只有香葉包雞沒有味道感覺有點淡，蝦餅和魚餅味道不錯👍🏻2️⃣🔹🥣冬陰功湯(小)💰95份量能夠4人每人兩碗，味道正常不太辣,有酸味,沒有很重椰汁味，湯中有兩隻中size蝦3️⃣🔹🌶️酸辣去骨鳳爪 💰78如果不能食辣的小夥伴要注意⚠️因為都很辣，我爸爸只能吃微辣他被這鳳爪打敗了，而我很吃得辣就覺得辣到正常。味道就不過不失4️⃣🔸🥬飛天通菜 💰98(由於他們有做推廣只需食滿$200就能加$1加購通菜)星期一至日每款不同通菜味道較淡，沒有東南亞重口味的固有印象如果需要正價價錢就不值5️⃣🔹🐟泰式明爐烏頭魚💰179這個明爐烏頭魚味道不錯，但是我和家人竟然發現這條魚不是原條，因為我們吃了一邊，然後諗住反另外一邊吃才發現原來他是半條魚，我們感到無奈。6️⃣🔸🦐焗大頭蝦粉絲煲💰168這個粉絲煲有兩隻大頭蝦，而蝦

平靚正午市泰菜❤️‍🔥‼️✨泰式豬頸肉撈金邊粉份量唔少啊😚 撈埋蒜蓉,蔥,花生碎,青檸,醬汁感覺好清新😍 豬頸肉都幾多，仲要燒得好香好好食❗️套餐包一杯熱飲，凍飲加$3🍹我今次飲咗龍眼冰🍹好清新，唔係好甜先係重點👍​✨泰式明爐烏頭魚呢條烏頭魚相當肥美🤩好震撼👀 肉質嫩滑又多肉，一點都唔腥，有酸菜做配菜就好似食緊酸菜魚咁，湯底酸酸地好開胃😋 其實仲有好多椰菜同菇墊底，超足料❗️椰菜吸晒啲湯好好食‼️​味道👅👅👅👅抵食🤑🤑🤑🤑環璄⭐️⭐️⭐️⭐️服務👍🏻👍🏻👍🏻👍🏻番兜🍉🍉🍉🍉(最高分x5）​

一直以黎orange Elephant都係好出名嘅泰國餐廳因為勝在性價比夠高😆😆屋企人突然話想食泰國菜咁我就即刻打咗去訂枱🏖叫咗最中意食嘅無骨鳳爪、炭燒豬頸肉、燒魷魚、菠蘿炒飯、馬拉盞通菜同埋泰式燒雞個燒魷魚size就細碟咗少少😯（嗰陣唔記得影近鏡🙆🏻‍♀️）不過其他都大碟夾抵食😆😆爸爸媽媽都食得好開心💗💗相信下次都會再同佢地嚟食過🔥最後六百幾蚊埋單大家都好滿足而且準備又會同一大班朋友再黎啦🤣以泰國菜黎講真係幾唔錯㗎🍊🐘

同老婆大人，行開九龍城泰國街🤭🤭🤭佢話想順便食吓泰國嘢，search吓OpenRice同Google，見到有間平家唔錯嘅泰國餐廳，性價比都好似幾高咁，所以入去試吓。佢叫咗個冬陰功湯粉，冬陰功一入口，就發現好鬼正😋😋😋😋😋😋😋😋😋😋另外，餐飲方面，點咗龍眼冰，龍眼肉粒粒都好鮮甜，好厚肉！喺咁熱嘅天氣下飲杯龍眼冰好爽㗎！！！另外，炸物都唔錯，係跟餐送嘅小食整體來講，會有下次既👍🏻

九龍城平靚正泰菜👍🏻Orange Elephant Thai Restaurant @orange_elephant午市抵食套餐🍽人均$50🕰午市時間1200-1400🍜冬陰功鮮蝦湯配湯河 $50🍜泰式豬頸肉撈金邊粉 $50🍹龍眼冰🍹紅棗茶升級$18 蝦餅+ 椰汁大菜糕各1件兩碗粉份量都好大，味道都唔錯，價錢好抵，午餐lunch set 性價比極高！兩杯飲品都值回票價😋平日午餐時段去，人流唔算多，推薦去食個又chill又抵食嘅lunch👍🏻📍地址：Orange Elephant Thai Restaurant (啟德道) (九龍城)九龍城啟德道31-33號地舖

野食好味！食左好多年,so far都keep到水準,可惜疫後d侍應養懶晒,不時入廚房傾計大笑玩樂，同之前大不如前😓一見我地食完就即刻汁枱，淨係留返枝水，隔多一陣，水都收走埋，當晚非爆場，場面較冷清和無人輪候，咁樣做令食客好無癮，好趕收工咁樣☹️不如直接寫明用餐時間好過啦~九龍城泰菜有好多選擇，約朋友傾計食飯先揀呢間，要速食走人可以有好多選擇....

Intro: 九龍城出名多泰國菜選擇，但星期六日嘅時間都幾貴下，冇一百蚊都走唔甩，而呢一間就見到一間橙色泰象嘅泰菜，仲有午市套餐，埋單都係$60內，都有唔少泰式午餐嘅選擇～___________________🍽 泰式豬頸肉撈金邊粉💰 50（+$3配特飲）⭐️ 8/10✍🏻 等呢個餐有啲耐，因為燒豬頸肉都用左唔少時間，燒豬頸肉份量都幾多✍🏻 撈金邊粉味道真係好清新，有埋碎花生、青檸同車厘茄撈起，喺夏天凍食真係一流✍🏻 燒豬頸肉味道香濃，油份正常，口感好彈牙，撈金邊粉好爽🍽 菠蘿雞肉炒飯💰 48（+$3配特飲）⭐️ 7.5/10✍🏻 炒飯嘅份量適中，但色水就唔夠黃，忘記左係菠蘿炒飯✍🏻 配料都好足，有提子乾、粟米、菠蘿、豆同雞肉等等，每塊雞肉幾大塊又好滑✍🏻 但嫌炒飯唔夠鑊氣、唔夠菠蘿味，但可以食到粒粒分明嘅飯粒🍽 青檸冰💰 +$3配特飲 ⭐️ 6.5/10✍🏻 青檸冰嘅鹹同清新味足夠✍🏻 但呢杯就太甜，影響左呢杯嘅感覺___________________🏠 orange elephant thai restaurant 📍 九龍城啟德道31-33號地舖⭐️ 7.5/10

我地過咗最繁忙嘅午餐時間去食，所以上菜速度都好快！座位闊落同乾淨，所以坐得比較舒服😌同其他泰國餐廳比較，佢嘅份量算唔算大，4個人叫咗6道菜式加1個甜品1杯飲品，唔算好飽，但味道係幾好食嘅！豬牛雞沙嗲串燒（$83）除咗本身搽咗沙嗲，會多一碟醬，啱晒我呢個汁怪！👍🏻炸蝦餅（$73）炸得香脆👍🏻兩款都有配菜，酸酸甜甜幾開胃！馬拉盞炒通菜（$62）好味！👍🏻青咖哩雞（$78）我地叫咗份薄餅（$36/8片）配嚟食，不過薄餅口感似餅乾多啲，個人鍾意有得拉絲果種，同埋比較細份～泰式炒金邊粉（$84）好味！👍🏻生菜包（$76）好味！不過略嫌菜太少🥺芒果糯米飯（$64）好味！👍🏻兩色飯同椰汁好香，芒果都鮮甜！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 7/10（扣分位：有啲收碗碟嘅車仔係座位附近）打卡： 5/10CP值： 6/10推介值：7/10（可以回頭）⋯⋯⋯⋯⋯⋯⋯⋯⋯⋯⋯⋯⋯⋯⋯⋯