665
56
21
開飯介紹
地道泰國菜餐廳，食物出品水準平均，經常會有$1美食作招徠。
繼續閱讀
營業時間
今日營業
12:00 - 17:00
18:00 - 23:00
星期一至日
12:00 - 17:00
18:00 - 23:00
以上資料只供參考, 請與餐廳確認詳情
食家推介
相關文章
九龍城係泰菜集中地相信好多人都知，但係有啲舖頭收得貴，有啲舖頭坐得比較迫，有啲就好似冇咁乾淨衛生，各人都有唔同嘅考量。呢間泰國菜位置呢就唔喺果幾條泰菜街之中，而係近大馬路巴士站的啟德道！可能因為咁就被人忽略咗，無乜人知道原來呢個地方都有間咁好食嘅泰國菜。係餐廳門口見到個一蚊餐牌已經好興奮🤩 適逢係星期一，可以一蚊食到條明爐烏頭，點會唔心動！但係其實原價都係只需$169，比某些泰菜館真係經濟實惠👍🏻舖頭裏面夠大，座位好寬敞，坐得好舒服呢☺️泰式明爐烏頭🐟好正好好食！個湯底呢唔會過鹹或者酸，好香香茅味仲好潤，我飲到見底🙈🙈 啲椰菜又甜～ 魚肉夠嫩，加埋D香菜西芹一齊食好好食🤤🤤泰式拼盤 $149有蝦餅魚餅春卷香葉包雞各2件蝦餅彈牙鬆脆，魚餅無落辣青椒，我食得好開心😆香葉塊雞估唔到咁滑，竟然唔乾唔‘鞋’口😋咖喱海鮮脆包盅 $148好大一個包，海鮮有青口蝦魷魚同埋魚塊😚咖喱又係唔辣的，鍾意食辣嘅朋友就有啲失望，但係對我嚟講就very good 😁 剪開一塊包沾滿個咖喱汁一齊食好香好滿足～
繼續閱讀
同朋友約在九龍城，打算食下泰國菜，見到呢間泰國餐廳裝修企理，可以慢慢坐，所以決定試一試。泰皇咖哩炒肉蟹 $335咖喱汁香濃惹味，蟹肉新鮮鮮甜，味道沒有挑剔的地方。焗蒜蓉包(5件)。$40泰皇咖哩炒肉蟹有大量咖喱汁，加點蒜蓉包沾汁食。蒜蓉包表面塗上了蒜蓉醬，加咖喱汁，味道更佳。牛油薄餅 $40牛油薄餅比焗蒜蓉包出色，有明顯的牛油香，更香脆，配上咖喱汁，味道更美味。雜錦串燒 $89雞肉、牛肉及豬肉各2串， 燒得乾身但不會太鞋口，肉質不錯。單食已經很香口，沾醬更香沙嗲花生味道。炭燒豬頸肉 $92豬頸肉厚身帶有炭燒香味，肉質彈牙有肉汁，加上開胃的泰式沾醬，味道不會油膩，十分推薦。香葉辣椒炒河粉 $78香葉同辣椒香味明題，有明顯的辣度，加上闊身河粉及豬肉，調味出色，味道濃郁，鑊氣十足，是惹味之選。餐廳環境同食物質素不錯，可以一試。
繼續閱讀
✨九龍城·Orange Elephant Thai Restaurant✨🔹🔹🔹🔹🔹🔹🔹🔹🔹🔹🔹這家餐廳的菜色真是多樣豐富！我們點了柚子蝦沙律，酸甜的柚子果肉和鮮蝦完美結合，清爽又開胃。接下來也品嚐到了椰汁青咖哩海鮮，咖哩味道濃郁，搭配上新鮮的海鮮，味道真是美味極了。馬拉盞炒菜苗是我第一次嘗試的料理，每一口都帶著微辣的辛香味，讓我愛不釋口。而泰式臘腸蝦醬蛋炒飯的香氣總是讓人胃口大開，每一口都讓人陶醉。最後，熱紅棗茶和特選椰青也為整餐帶來了完美的結尾，讓人心滿意足。總而言之，這家餐廳的菜色和服務都十分出色，下次還會再來品嚐其他的美食。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻
繼續閱讀
呢間餐廳已喺九龍城屹立多年，價錢大眾化環境企理，以往食經常要大排長龍，今晚嚟開九龍城見唔駛排隊就入去開餐。⭐️泰式豬肉生菜包豬肉瘦而爽口，泰式香料味濃，炒得乾爽不油膩，跟6-7大片生菜足夠包晒成碟肉。跟足泰式口味偏辣，食得辣嘅會大滿足，唔食得辣嘅切記落單時講明小辣。⭐️泰式蝦球炒金邊粉泰式炒金邊粉要整得好味，phad Thai 醬要正宗兼甜酸度適中，炒到每條金邊粉帶汁之餘不能過濕或過乾，極考師傅炒功。呢間餐廳做到晒以上要求之餘，四隻大蝦爽口入味，金邊粉份量亦多，喺區內食過嘅泰菜館中以佢整得最好食兼抵食👍🏻👍🏻👍🏻👍🏻⭐️炸蝦餅餐廳最抵食推介係每晚有一款加$1就食到嘅菜，食滿$200就叫得，星期五輪到炸蝦餅當然要叫。雖說近乎免費，但一碟六件絕無偷工減料，即叫即炸香脆不油膩，蝦膠帶蝦肉大件厚身飽滿彈牙，好味 👍🏻👍🏻👍🏻⭐️青檸梳打味道正常，大杯得嚟少冰扺飲。以咁嘅質素同環境晚飯時間人均只係百零蚊就食到三樣嘢，性價比高。
繼續閱讀
晚上路過見到有一蚊加購食物，而且星期一係魚，見到十分吸引，所以入咗去，點知條魚十分腥，心諗只係$1仲想點，所以并沒有向店員表示。到埋單時，原來係條魚係正價價錢加一，姐原本168元的魚，到埋單時係加17元，姐唔係$1啦！我而家唔係介意加嗰$17，介意嘅位係條魚真係好難食！如果落單時店員可以告知係要正價加一，我可以選擇要定唔要。而店員不斷強調岀面塊牌有寫，但睇番，原來係最低果粒蚊型咁細嘅字。原本唔打算寫食評，平時亦沒有影相習慣，今次食飯體驗真的很差。希望大家進食時看清楚。老實說，你要請人食就大方啲，唔好搞咁多小動作！再唔係係點餐時講聲好難？九龍城好食既泰國嘢有好多，無必要可以唔洗食呢間。
繼續閱讀