130
4
0
港鐵銅鑼灣站 E 出口, 步行約4分鐘 繼續閱讀
電話號碼
56912880
開飯介紹
Moo Moo Burger的分店,環境較本店闊落,裝潢以型格現代工業風為主,設有酒吧區、兩個用餐區及獨立VIP房,提供漢堡包,安格斯牛肉,即叫即整。另外,更提供各種酒類,例如,毒酒造型的雞尾酒。 繼續閱讀
營業時間
今日營業
12:00 - 00:00
星期一至六
12:00 - 00:00
星期日
12:00 - 22:00
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay 微信支付
座位數目
80
其他資料
網上訂座
Wi-Fi
酒精飲品
泊車 詳細介紹
電話訂座 詳細介紹
賞訂座積分
外賣服務
電視播放
當面支付
有關獎賞計劃
食評 (152)
等級4 2020-11-13
113 瀏覽
今晚行完Sogo喺附近散下步,經過fashion walk時見到呢一間moo moo+環境都幾chill,而且門前坐滿哂happy hour嘅客人,非常之熱鬧!呢度主打漢堡包🍔,但佢嘅前菜同小食望落都非常吸引!三心兩意嘅我點左好多野食,最後飽到捧住個肚皮離開!MM+ Drumstick ($54/ 6 pieces) 雞鎚炸到外皮香脆肉質嫩滑,雞肉充滿肉汁非常Juicy,再配上四款特製特色醬汁,味道真係冇得彈!我最鍾意係芥末蛋黃醬同埋松露醬,同香嫩多汁嘅雞肉真係絕配!🥰香辣薯條🍟 ($42)雖然個名叫做香辣薯條,但係食落一啲都唔辣食落冇咁熱氣,而且係我至愛嘅香炸粗直薯條,外脆內軟,食到一條接一條停唔到口!💖😍Classic Moo ($98) 漢堡包內層塗上咗一層厚厚嘅牛油,而且焗到外脆內軟熟,非常香口!內裡仲夾左好多材料包括安格斯牛肉、蕃茄、生菜、芝士等,食落口感同味道都非常豐富!Mush Moo ($118) 呢款漢堡包除咗一般嘅材料之外,仲加入左白菌蘑菇,同埋佢採用左松露醬,同安格斯牛肉嘅味道非常夾!牛肉漢堡烤得熟度剛食落有肉汁。👍🏻 順帶一提,呢度Happy Hour時段啤酒超級抵飲!但因為我啱啱胃炎好返就冇叫到啤酒了,下次嚟一定要同班朋友啤啤佢! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-12
114 瀏覽
撘完隧巴喺百德新街落車 , 見到呢間喺海邊嘅食店 😮 , 環境好舒服 , 就入咗嚟試下啦 ~ 食物選擇幾豐富 , 有靚靚嘅 All day breakfast 😍 , 價錢又合理 !!餐牌 (部分) :MM+ 凱撒沙律 ($98)加 $28 有 4 大片煙三文魚 😲😲 👍👍 , 抵食 ! 好鍾意佢加左蕃石榴 !! 正 😋 !!銅鑼堡 ($138)呢個 burger 有鵝肝 😳😳 !! 大大塊 ,  絕對冇偷工減料 !! 鵝肝雖然味道較濃 , 但同牛漢堡好夾 😬 ~~ 麵包皮有濃濃嘅牛油 , 烘到好香脆 , 好似食緊奶油豬咁 !Paloma ($88)外表雖然平凡但足料 , 酸酸地 , 酒精度較低 , 易入口 😀另外想讚呢度嘅餐具 , 好靚呀 😍😍 令到成個午餐食得更加開心 !收銀台旁邊有精品賣 , d 精品低調地印左 Moo Moo 嘅 logo , 用色設計搶眼 , 大家不妨睇睇 😁😁 ~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-12
53 瀏覽
銅鑼灣百德新街近海傍位置旺中帶靜, 位於街角的 Moo Moo Plus 就擁有這個地理優勢,景觀開揚,吧檯對正銅鑼灣避風塘, 如果放咗工去happy hour, 一定好正,不過今日就唔係放工去,而係午飯時間去, 呢個環境,呢個質素,佢哋嘅 lunch set和 a la carte,非常物超所值。經典之堡($98)食呢個嗰陣真係要小心,一啖咬落去,肉汁即時流出來,是安格斯牛肉的汁和番茄的汁, 很香,牛肉很鬆化,麵包亦是暖的, 外層鬆脆。經典薄餅($98)睇menu以為是麵粉薄餅底,其實是脆薄餅底, 一層半溶的拉絲芝士和意式茄汁再加辣香腸配香脆餅底,造就出滿口'芝'味而又帶一點酸辣的味道。 黑松露卡邦尼意大利麵($78)口感香濃,很重忌廉味,亦有很濃厚的蘑菇味, 如果黑松露味再突出點會更好, 有數片鹹煙肉,平衡濃厚的忌廉味,最欣賞這個意粉新鮮熱辣,令整個意粉的香味更突出。牛油果柚子沙律($78)這個是lunch set中的其中一款選擇,所以分量豐富,非常適合喜歡健康輕食的朋友, 沙律汁是和風柚子汁, 除了田園沙律菜外,還有洋蔥、青椒、番茄仔, 當然唔少得有柚子肉, 份量之多差不多有半個柚子,口感非常清新。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-08
2 瀏覽
Moo Moo Plus 位於銅鑼灣避風塘海畔. 除咗西餐漢堡意粉之外,仲有酒吧. 放工時間吹吓海風chill吓,享受happy hour都係唔錯既選擇! 除咗酒吧之外, Moo Moo Plus 亦有漢堡意粉 All day breakfast等等選擇,亦都適合一家大小.美式西餐當然唔少得前菜Nachos啦! 除咗芝士配粟米片,仲有4款醬料包括: Salsa, Guacamole, Sour sauce, 同Meat sauce. 味道都頗為傳統! 芝士香濃, 粟米片亦好脆口!Moo Moo Plus 既招牌菜係漢堡包 - 銅鑼堡 Causeway Burger. 一道以餐廳地點命名既漢堡當然要試試啦! 除咗新鮮既漢堡包同漢堡扒之外, 銅鑼堡特別之處係最頂既大大件鵝肝! 差唔多大過手掌呢~另外, 肉丸意粉亦係cp值極高既意粉選擇! 除咗新鮮既番茄醬配上彈牙既意粉之外, 仲有6件大大件既牛肉丸. 味道拍得住某傢私店既招牌肉丸! 分量絕對足夠中意食肉人士!總括來講Moo Moo Plus 絕對係假日一家大細甚至係平日放工Happy Hour聚腳既好地方! 食物選擇多, 環鏡寬敞舒適, 店員態度親切友善. 同屋企人或三五知己好友都好適合黎試試! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-07
3057 瀏覽
今日同A姐去銅鑼灣買啲家庭日品,喺返屋企之前,我哋都決定食咗嘢先。買到一袋二袋,最緊要就係坐得舒舒服服啦!所以我哋去到Fashion Walk搵嘢食,路過MOO MOO Plus被佢嘅美食香味深深吸引,再望吓價錢又唔算貴,加上餐廳以英倫風設計,而且廚房採半開放式設計,感覺好舒服喎!另外,呢度有吧台又有梳化位,同朋友飲吓酒傾吓計都唔錯。炸魷魚即叫即炸,所以夠晒熱辣辣,又非常香脆!炸魷魚有鬚又有圈,唔知你又鍾意食邊個多啲呢?食嘅時候記住點埋個沙律醬,好match呀!MM+雞搥雞搥有唔同份量,我哋2個人就叫咗6隻,同樣係即叫即炸,夠晒脆卜卜!而醬料一次過有齊四款:松露醬、水牛城醬、蜂蜜芥末醬,同我最鍾意嘅芥末蛋黃醬,少少辣,好惹味。熱帶之堡漢堡係由手打牛肉而成,夠晒厚身,而且非常juicy!配料有脆卜卜嘅煙肉同酸酸甜甜嘅菠蘿,食落好有口感好有層次!白菌之堡白菌之堡內嘅牛肉同樣係手打而成,肉汁好豐富,生熟度啱啱好。因為麵包都係自家製,所以好鬆軟,而且配上大量白蘑菇,所以菇香十足,仲有芝士、生菜同蕃茄,麵包好厚好好味呀!(記住Like同Share畀朋友) 繼續閱讀
(以上食評乃用戶個人意見 , 並不代表OpenRice之觀點。)