MARKA HOUSE

營業中

休息中

食過無數間餐廳嘅 All day Breakfast (食 Brunch首選嘅指定選擇) 熱愛到要入埋社交平台嘅 All day Breakfast群組😂😂呢間係可以列入我下次再幫襯，職員安排咗我近窗位置嘅二人枱，仲有禮貌地比我選擇如果怕熱可以安排其他枱(因為近窗位置太陽會曬到)，我就直接坐呢張陽光充足嘅枱，order咗個lunch set係香脆魚柳全日早餐 (跟餐飲) 另+$15可以揀湯或沙律，餐飲我再另加$$ 轉特飲，魚柳鬆脆(就算留到最尾先食，都仍然好脆，唔係炸到燶嗰種)，沙律菜有我最鍾意嘅黑醋汁淋面，菇炒得好香，略嫌個蛋有少少熟，唔太夠滑，不過整體上呢份早餐係絕對近乎滿分！後話：職員安排嘅位置，雖然真係有點熱，不過就係因為有陽光反射，D相都影得好滿意😆 (唔記得影杯飲品😝)

首先介紹地區地點。這一間cafe 是位於荃灣如心廣場 在西鐵線 荃灣西站一出步行10分分鐘內就一定到位於商場內轉角既位置 全透明既落地玻璃 一眼睇晒食店既有大小 咁平時都見到有人排隊而會忽略的小店。咁岩見到冇人排隊道衝入去試一試啦咁就點左漢堡 食落去有少少同日本連所店既味道。但係肉汁好多 都靠廚師既經驗封鎖好多肉汁在漢堡內 另外點左個意大利飯 平時食開既意大利飯都係比較小 但份量都幾多下。總結啦 假日黎基本上要等位。建議平日黎食下。整體上都有好好既表現

今次再嚟食已經換咗新menu，午餐多咗好多選擇之餘，價格仲調整咗，平時食開嘅牛漢堡，竟然大幅減$10，開心仔以後要多啲嚟幫襯。環境方面，全店都落地玻璃，非常透光，座位間又夠寬落，座椅又舒服，不過最衰無得訂位。🍴澳洲安格斯牛肉車打芝士漢堡拼薯條 $85⭐️⭐️⭐️⭐️⭐️大約等10分鐘，就有熱辣辣嘅漢堡薯條呈上，成個餐都好到無得挑剔，首先個包熱辣辣又軟熟，牛肉有牛味非常juicy，再加上半液體狀態嘅芝士，食每啖都好豐足，有一點我非常欣賞嘅蕃茄，竟然攪碎變蕃茄蓉，令平時食漢堡一定會挑起蕃茄嘅我都不知不覺地接受，除此之外薯條亦有驚喜，它竟然係熱到燙口，而家真係好少餐廳會咁用心製作，所以真係要比5粒星！

忙左成個禮拜星期五愉快嘅晚餐都係非常必須沒有book枱嘅情況之下7:30嘅荃灣係周圍都係排緊長龍偏偏經過呢間玻璃屋仲有兩台期望唔高勝在坐得舒服$70嘅龍蝦湯性價比高賣相靚而且好濃郁好味道可以encore$90嘅蟹餅超級好食好夠熱，性價比好高啖啖蟹肉$118嘅牛肝菌意大利飯份量適中味道可口老公好喜歡嘅油封鴨髀法國口味超級邪惡嘅黑松露薯條$68好夠熱好好味成餐飯上菜都超快樣樣都好夠熱唔使book枱唔使排隊每人$350性價比超高一定會再去！特別提醒係餐湯南瓜湯麻麻哋雖然只係加$20但係獨立單點嘅話係$40所以如果想飲湯嘅話建議俾多少少錢飲龍蝦湯

荃灣西如心廣場呢間有好多落地玻璃既餐廳，位於商場轉角位，經過好多次無入去食，今晚得閒終於試下。夜晚8pm左右入座，人唔算多，3成滿左右；環境好舒服，枱同枱之間闊落。咁我就坐窗邊位，有窗外馬路風景睇下。餐廳用QR code落單，選擇並不多，最平的食物都要100up，大家記得帶多d錢。桌上有齊餐具同水，裝水既飲器幾摩登，夠水飲。叫左個黑松露意粉同南瓜湯，意粉入口幾好食，質感係al dente（雖然我未食過真正al dente，但同普通淋patpat既意粉唔同）汁唔算多，但幾掛到係意粉到，味道唔錯。食完會比較乾，可能平時食開多汁既港式意粉南瓜湯不過不失。整體而言，食品唔差，環境舒服同安靜，岩同人食飯吹水。附近仲有間店賣日式杯碟，極靚。

比食物質素更差嘅係佢哋嘅服務態度，不過應該可以好快甩難，咁趕客法，應該可以好快唔使做！食物方面還可，但waitress 嘅服務態度不敢恭維，面口差到一個地步，唔收錢都唔嚟！

今日行商場經過呢間餐廳，見到都幾靚，於是諗住試一下。其實環境係幾靚嘅，座位同座位之間都比較闊落，所以傾偈都好方便。只係啲食物真係麻麻地⋯⋯我叫咗個係豬扒肉眼配薯條，要求全熟嘅，但係其中一塊超過一半都係粉紅色，我真係食唔到，於是叫咗侍應過嚟，佢亦都冇同我換過，只係話幫我同廚房反映一下。。之後我都係埋單走人。

安格斯牛肉漢堡配薯條無論食幾多次都覺得好好味😋牛味超濃又有豐富肉汁自己用QR code落單可以自己跟自己喜好揀配料及醬汁好似我唔會洋蔥🧅就自己揀走洋蔥🧅方便又唔怕漏

平日晚上來吃晚餐, 好彩唔使排隊, 因為無book到餐廳, walk in 試試看~~環境都幾舒服, 同埋無乜人, 坐得闊落的! 可以用電話scan QR Code落order, 都幾user friendly! 上菜都算快Scallop Risotto with Pumpkin Sauce南瓜味出, 飯口感都唔錯, 唔太林唔太硬剛剛好, 帶子都有4粒大大粒Chorizo Linguine Aglio Olio 唔係好食得出羅勒味, 所以比較普通, 少許辣，但未有特別～Tiger Prawn tagliatelle with cream cheese sauce至愛Cream cheese!! 襯闊條麵無得輸, 成條麵都係Cream cheese好開心!!無得彈Truffle friesSalted fries with truffle就咁食已經好好味, 點埋Truffle sauce好好味!! 份量可以夠3人share!野飲 – 熱情果青蘋果梳打太甜了, 飲到底會更加甜, 本身唔太好甜飲所以真係飲唔哂。整體份量都比較少, Share的話只係試到少少, 但main入面的肉類都算多.

2人Set lunch，一個order salmon egg benedict, 另外叫左baked chicken with cheese all day breakfast值得讚係可以走芝士，對我呢啲唔係芝士控的人係福音，配松露醬炒蛋，炒蛋好水。。。食左1/3就唔想食，磨菇好鹹，雞好薄一片，食到d粉。溶左喺醬，簡單來講最好食係個蕃茄Salmon eggs Benedict … 好少魚。配薯仔沙律好頹諗住黎cafe飲正咖啡，點知個menu全部Nespresso , 伏左，仲要加$15。唯有放棄叫左菠蘿紅茶，好似幾清新結果似罐頭菠蘿水雖然埋單一人$8x 但我諗應該冇下次坐位尚算舒適

牛意大利飯：好食， 南瓜湯；好飲， 豬扒：好食， 沙律：好， grapfruit orange soda:非常好， rose wine: gd, 環境衛生裝修：好好會再來，好發現， $500到，有家庭飯餐，bb椅非常好，圓table空間大， 手機落餐：方便， 泊車家庭好選擇

MARKA HOUSE平日去荃灣行街，再黎Marla house食野❤️❤️我叫左安格斯牛肉車打芝士漢堡配薯條$85，賣相好吸引，個漢堡整到好靚，每一層都好有心思咁擺👍牛肉肉汁都好夠，味道非常好🍔 之後我哋仲叫咗個煙三文魚班尼迪蛋$75，擺盆都係放得好靚👍👍我哋仲叫咗個甜品，法式焦糖燉蛋，好重蛋味，又唔會太甜$40呢間餐廳係用QR code落單，方便快捷👍整體評分：4/5味道：4/5環境：4/5地址：荃灣大河道98 號如心廣場二期1樓119號舖

MARKAHOUSE 平時經過呢間餐廳都幾多人排隊所以已bookmark左平日去試🤣 餐廳裝潢簡約落地玻璃設計感覺都幾舒服👍🏻Lunch Menu選擇唔算多但價錢都幾reasonable所有午餐都係$78加一又真係幾抵食😀澳洲安格斯牛肉車打芝士漢堡配薯條🍔識我嘅朋友都知道我係burgers lover所以食西式餐廳叫burger經常都會係我首選😝不得不讚呢度既burger😨佢嘅賣相的確相當吸引尤其是牛上面溶緊既芝士睇到真係好治療🤤😍 🍔burger嘅麵包非常有牛油香表面烤得香脆，中間既澳洲安格斯牛都算厚身有肉汁不過牛味唔算太濃郁. 配上香濃芝士同洋蔥蕃茄蓉醬汁一起吃卻是令一番風味而且減低了油膩感！sidedish既粗薯條剛炸起熱辣辣也非常香口👍🏻雖然不是我喜愛的美式漢堡不過以$78來講真係好抵食，唔錯👍🏻香脆魚柳全日早餐🍽賣相唔錯😁以呢個價錢份早餐真係幾豐富👍🏻主角魚柳都幾實淨而且無腥味，黑松露炒蛋的確炒得好滑身可惜蛋味唔濃無咩蛋香但其餘配料烤大啡菇烤蕃茄都唔錯鮮甜多汁好fresh!價錢合理餐廳又坐得舒服😄有下次

🤍MARKA HOUSE一直都聽聞荃灣有間好好味嘅玻璃屋餐廳🔎🕵🏻‍♀️雖然間鋪頭開係商場入面🙊但係裝修都係好精緻😍Partition係全透明玻璃外牆🪞真係幾靚嫁👍🏻∞ ∞ ∞ ∞ ∞ ∞ ◽️芝士烤雞全日早餐7/10 (HKD 95)全日早餐入面有芝士烤雞🐥蒜香炒蘑菇🍄黑松露炒滑蛋🥚烤蕃茄🍅煎煙肉蘆荀🥓同黑醋沙律🥗真係非常豐富！每個餸都做到熱辣辣上🔥feel到係即叫即製📞🤝誠意100分💯芝士烤雞🐥：雞肉嫩滑多汁👍🏻但芝士味唔太出🧀感覺到只食到芝士嘅卡路里而食唔到芝士本身🥲有點小失望😔蒜香炒蘑菇🍄：蒜味好香好濃🤩蘑菇彈班🥰超級惹味！大推！黑松露炒滑蛋🥚；黑松露好重手😚唔吝嗇！滑蛋夠滑🍳食落仲有濃濃奶味🥛牛奶同雞蛋水乳交融😙烤蕃茄🍅：普通煎煙肉蘆荀🥓：蘆筍好味！煙肉軟硬適中☺️黑醋沙律🥗：黑醋太酸喇🥲*:･･:*:･ﾟ･:,｡*◽️ 安格斯牛肉車打芝士漢堡配薯條8/10 (HKD 95）漢堡同薯條都新鮮整🥰好味！漢堡個味道調教得好好👍🏻超足料🤣舊牛肉漢堡厚過我隻手掌🤣而且好入味！好食過burgeroom🍔推薦☺️∞ ∞ ∞ ∞ ∞ ∞ 💭評分味道 7/10環境 8/10 ∞ ∞ ∞ ∞ ∞ ∞ 🔹

荃灣玻璃屋西餐廳未食之前已經聽過佢既大名！！見到真人之後真係覺得佢幾靚幾高級 全間餐廳以落地大玻璃為主可以睇到晒入邊嘅食客同埋餐廳嘅裝修 餐廳嘅裝修就以灰色為主 環境都幾舒服😽👍🏻食物方面都有驚喜！-香煎虎蝦忌廉芝士闊條麵 $128睇到佢嘅名係闊條麵但上到枱之後好似係意粉 頂多都係扁意粉🤨但侍應並冇講話闊條麵轉意粉 不過整體來講配搭都唔錯所以就算啦🧐香煎虎蝦有四隻可以同友人每人兩隻份量ok!!而且蝦味十足 蝦肉彈牙滿意啊😻而意粉方面都唔會特別乾而且重忌廉味！整體來講呢啲意粉很不錯呢💯-北海道帆立貝南瓜意大利飯$148首先真係要講下佢嘅意大利飯 粒粒飯有咬口絕對唔會一pat pat🤣而且汁唔會過多整到好水 應該算係正宗嘅意大利飯〰️唯獨南瓜味不重 而北海道帆立貝鮮味夠又夠淋 好味啊✨-黑醋蜜糖煙肉沙律+$25加$25嘅沙律來講佢都唔算太細碟 食唔出有蜜糖味但黑醋味係有既 算係一個正正常常嘅沙律😙-香烤南瓜湯 +$25南瓜味夠濃 飲落亦夠滑 應該係加左唔少忌廉 而且入邊都有一兩舊肉令到個南瓜湯冇咁單調👍🏻-整體來講呢間西餐NANA係會回頭的 因為環境不錯適合同友人慢慢食 慢慢傾😚當日平日食飯