La Vache!

營業中

休息中

今次去左傳統法國牛扒餐廳好岩情侶去 🤪特別讚一讚沙律菜好新鮮好甜牛扒 無筋 幾軟熟 簡汁磨菇 點牛扒都好味🤤🔴因下面有火台 要盡快食 唔係就熟晒架啦建議可以要生d 再放上去煮煮佢🤪. 有朋友生日可以去依到慶祝 會有成班staff同你唱生日歌 有免費cake 送🥳🥳 十分矚目3人食1038$3百幾一位 體驗價十分好餐廳只有一個menu 牛扒餐 配薯條

話說睇番啲相，突然發現之前個閨密，喺我生日嘅時候帶我食西餐，我仲未post🤣，所以而家再分享番。佢話帶我去尖沙咀食牛扒，我哋訂咗位，去到門口登記嘅時候，發現間餐廳已經滿座，我哋book咗夜晚8:30都咁多人。餐廳用暗紅色主題的燈光，配上歡愉嘅音樂，感覺有情調，但檯與檯較密集，有啲逼，加上大家傾偈，所以要浪漫🌹咁嘆嘅，呢道應該唔係首選🤣。餐廳內嘅侍應全部都係外藉人士，所以點餐要講英文，不過，唔識英文唔緊要，只係需要識幾多成熟，就可以，Blue Rare（一成熟）、Rare（三成熟）、Medium Rare（四成熟）、Medium（五成熟）、Medium Well（七成熟）、Well-done（全熟），因為餐廳只有一款牛扒，美國 USDA Prime 級肉眼牛扒，配上 La Vache! 秘製醬汁，再無其他菜式選擇😂。$398/位 有美國 USDA Prime 級肉眼牛扒及任食香脆薯條、核桃沙律🥗同法包。核桃沙律我本身唔係太感興趣，但食落又幾好食，因為沙律菜配搭嘅黑醋好香醇，好開胃。餐包配嘅牛油好香好好食，接住就上切好嘅牛扒喇！就算兩個人叫，佢都係幫你擺晒同一隻碟度。我哋叫咗Medium

$398 per head 未計加一 連甜品都冇 待應態度差 無服務可言 比呢個價錢 兩個人食都近一千 四個人都過千五 絕對可以去一啲扒房級別的餐廳 而不是連服務都沒有的快餐般的La Vachehuge disappointment on the staff attitude and it is definitely not worth the price as the services are poor and the steak quality is not worth for this price as well. Much more higher quality choice for such value of amount.

一向都係foodie力推嘅扒房，想試好耐，襯住白色情人節，同老公黎試試佢。餐廳氣氛好好，播住法文歌，幽暗及紅色為主調嘅燈光，配合埋女侍應條黑色連身裙（個人覺得好靚🤤），成件事好有feel好舒服。成場人大家都係食牛扒set，首先會上前菜 —— 合桃沙律。鑒於本人唔係太喜歡沙律醬，一開始都擔心會係好重沙律醬嘅沙律，點知佢唔係用美奶滋，反而似少少黑醋嘅味道，所以食落都唔會好膩口，仲要比佢開咗個胃。之後就會上主菜牛扒，我地叫medium rare，出到黎唔會過熟，口感一流。份量都好多，足夠兩個人食。牛扒唔係勁重牛味嘅品種，但都足夠滿足味蕾。當然La Vache 最出名係佢嘅任食薯條，size係比M記嘅再幼少少，條條都好脆口，除咗灑鹽仲有啲胡椒香料味，個人係食咗1.5盆🤰🏽。（最重點係大家唔使驚要叫佢refill咁尷尬（I人），因為侍應好主動拎埋盤薯條嚟問咗我幾次要唔要refill🤣）我地仲每人嗌咗一杯野飲，老公個杯叫Mousse de Pomme，姐係檸檬味野飲，酸得來甜甜地，啱晒食油膩嘢。我個杯叫B75，其實就係雜莓梳打，雜莓就一向好伏，但依杯又唔怕似藥水味，所以可以一試。最後仲嗌埋甜品Le

整體d野食都好食，塊扒嘅肉質係出色嘅，dessert出乎意料好食，black forest cake唔係好甜，但成餐飯似食緊快餐茶餐廳，超快上哂所有野，食咗冇幾耐就問加唔加薯條，之後都仲未食完個扒就推甜品車黎問要唔要，我地先食咗半個鐘多dd，一見你停手就走黎問係咪食完，成餐飯最少問咗4次，後尾叫翻個dessert先total食咗1個鐘連埋單，仲食緊個cake冇叫埋單，個manager已經拎張單黎，其實餐飯都千幾蚊，但我嘅feel係食咗個Mcdonald嘅lunch，要快啲食完趕翻工，一黎到帶位話食90分鐘，我suppose都係慢慢食傾下計就走，但餐飯完全唔chill唔relax，其實又唔係full house點解要咁趕？所以整體個dining experience都麻麻地，就算野食好食都好扣分。

餐包好鬆脆👍🏻配埋牛油口感好夾沙律配黑醋醬😌酸酸地幾開胃重頭戲🥩我同另一半分別叫咗3成同埋5成熟塊碟keep住reheat值得加分➕肉質都好滑嫩😋咬落去會有肉汁流出嚟👍🏻而且肉味好濃薯條係幼身👍🏻不斷refill，唔錯～

抵食steakhouse嚟講呢間係一直放係口袋裏面嘅名單🥗前菜係核桃沙律，味道同幻想中嘅一樣大量嘅核桃加黑醋沙律菜 （份量有誠意）🥩唔想煩揀咩扒嘅人，最好就係得一個牛扒餐唯一要諗嘅，就係叫幾成熟。《Medium Rare 7成熟》唔想太韌，又唔鍾意充滿血水嘅人岩哂呢到既7成係比出邊食嘅7成生啲，牛味亦都足夠，切開會見到全部都係粉紅色👍🏻對於呢一種加熱鐵板充滿好奇心，究竟係咪可以保溫，食到最後見到鐵板中心有啲牛肉汁少少沸騰，係有用嘅🤣🤣又唔會令到鐵板太熱加熱左啲牛過熟🍟任添薯條，熱辣辣👍🏻長期有人企喺度望吓，大家有冇需要添基本上男仔女仔食兩轉都已經好夠🍰 OpenRice訂位，免費送一件cake可以揀黑森林蛋糕或者檸檬撻我揀左非常傳統嘅外國蛋糕（濃郁嘅黑朱古力蛋糕再加cream）佢哋可以寫嘅生日字係法文會播法文嘅生日歌🎶貪圖餐廳生日氣氛《告誡關於座位》OpenRice直接book咗八點半去到舖頭門口好多人排隊疑惑緊前面嘅人係咪排緊walk-in 等咗10分鐘 終於排到我哋佢話幫我準備咗張枱，要等多10分鐘5分鐘就有人叫咗我入去，同我講冇晒枱，得返吧枱介唔介意因為我係嚟慶祝生日，所以真係冇

七成熟，第一啖味道都唔差，剩下嘅入面有筋，嚼不動。薯條好味！整體性價比很低，五百蚊都食唔到多少嘢，不推薦。不過，餐廳環境好，有好多顧客在餐廳過生日。服務人員態度都唔差。

難得我呢啲新界牛出市區覓食🤣梗係要去啲實力保證嘅餐廳試吓😌原來呢間出名食牛扒嘅餐廳吸引在唔係塊牛扒，而係任食薯條🤣同佢嗰架甜品車，真係令人垂涎三尺🤩基本上冇餐牌得一個套餐，只需要揀幾成熟，套餐會包基本嘅餐包同合桃沙律薯條食到咁上下會有職員主動問要唔要refill，唔怕食唔飽😳牛扒肉味香濃👍🏻五成熟剛剛好，如果份量再多有啲就好啦🥹最初上網睇以為甜品車係套餐包埋任選，原來每款有價錢🤣總括嚟講呢間餐廳唔算有新意，係好基本發揮嘅牛扒同薯條組合🥶

朋友約咗我去食牛扒呢間牛扒餐廳用餐1:30鐘如果想聚會傾談就未必啱心水$398 /1人有一份牛扒薯條任食同一份合桃沙律菜沙律菜好新鮮好味牛扒分別叫咗medium rarer 同medium 好明顯有少血同完全無血分別二者食落都好好味，牛肉味濃又唔韌而係OpenRice request 慶祝呀仲有二款甜點唔收錢添

朋友介紹先知道呢間咁高人氣既扒房好多謝朋友今次帶我嚟開餐🤤🤤🤤一入嚟個裝修好西式，staff講英文，而且都有啲外國食客，幾有外國氣氛😂😂之後開始食包同salad，未食牛已經覺得有少少飽😂my god之後staff上扒，我地要開始戰鬥了揀咗五成熟，目測都真係半熟😂牛扒食落肉質幾好，上左台仲會keep微溫，秘製醬好味👍🏻薯條有調味，夠脆，仲係任食🤤🤤🤤最後拿破崙甜品，焦糖cream勁好食，好surprise☺️

已經食過幾次La Vache!同朋友講起想据扒，通常都會諗起宜間野，我知佢有分店，但尖沙咀夠方便，要預先預約，店員全部都係外國人，要講英文。佢得一個set簡（$398 per person)會問你簡幾成熟，甘我今次就叫左medium，一開頭會比左沙律做頭盤既，見都ok多，打拍廿左個胃先，再到法包，但唔見得影相，記得有得配牛油。之後，到主食牛扒，仲有薯條到，店員會幫我放左兩塊牛扒落個碟到先再放薯條，隻牛既色澤唔錯，食落唔會太韌又唔會太熟，岩岩好，隻牛d肉汁都多，仲有下面有蠟燭保持溫度，D薯條係任食，食完可以再fill，食得出係岩岩炸好既新鮮薯條。甘好既氣氛唔少得叫左杯酒飲下，雪梨酒幾Fresh。

《尖沙咀美食/中環美食 La Vache🇫🇷》.🧒🏻四眼仔生日想食牛扒，所以就食豪啲🥳帶佢去試下好多人都讚嘅𝗟𝗮 𝗩𝗮𝗰𝗵𝗲😚🔹牛扒𝗦𝗲𝘁🥩 （$𝟯𝟵𝟴 𝗽𝗲𝗿 𝗽𝗲𝗿𝘀𝗼𝗻）[𝗜𝗻𝗰𝗹𝘂𝗱𝗲: 法包、沙律、任食薯條🍟、牛扒].牛扒建議大家嗌𝗠𝗲𝗱𝗶𝘂𝗺 𝗿𝗮𝗿𝗲🥩四眼仔覺得𝗺𝗲𝗱𝗶𝘂𝗺 𝗿𝗮𝗿𝗲會冇咁韌🧒🏻而且會肉汁會比較多😚薯條係任食😍新鮮炸起熱辣辣好脆🥳不過要比較嘅話，個人會鍾意𝗧𝗼𝗽 𝗯𝗹𝗮𝗱𝗲嘅黑松露薯條多啲，會更加香口🥳我地都麻麻地法包😂因為本身就唔鍾意食咁硬嘅包😂沙律有啲nuts喺上面，加埋酸酸甜甜嘅醬汁幾開胃🥗我地係即慶想食牛扒，所以冇預約到，但都好好彩有位俾我哋😍店員會留你電話號碼，當有位嘅時候就會打電話俾你，我地都只係等左𝟭𝟬分鐘就有位了🥳(當日係星期六）仲要個位係沙發位🥳🥳.之前同店員講左係慶祝生日🎂好𝗦𝘂𝗿𝗽𝗿𝗶𝘀𝗲𝗱佢哋居然最尾送左𝟮 𝘀𝗵𝗼𝘁𝘀蘋果汁😂仲要播埋法文生日歌😍評分♡👅味道：8/10👀回頭率：8/10🤙🏻性價比：7/10♕ 加一服務費‼️‼️

餐廳只有一款steak set唔洗諗食咩，淨諗幾成熟就得$398+10%/1人 有核桃沙律、餐包、10oz美國肉眼牛扒同埋無限量供應嘅薯條Set 唔包飲品同甜品，可以另加order限時個半鐘核桃沙律🥗個菜唔會苦澀😋 酸酸地好開胃餐包🍞餐包係法包，外脆內軟，配埋好creamy 既牛油 牛扒🥩叫左medium 同medium well 有兩款醬，mustard 同松露牛油肉唔會好乾同老，肉汁鮮嫩，好juicy 有蠟燭🕯️係牛扒碟下面暖住塊牛扒薯條🍟係幼身薯條，本身已經灑左鹽，香脆好食不過有少少咸店員不定時會問我哋要唔要refill薯條餐廳燈光昏暗，有梳化位坐得舒服啲提早訂位講慶祝生日，店員會係送上甜品時播生日歌，好適合慶祝生日或紀念日

出名嘅牛扒餐廳 得一個餐！首先會上一盤麵包 個人覺得麵包普普通通 冇咩特別之後上沙律 幾鐘意有nuts 嘅沙律 口感豐富到主角牛扒啦😋😋😋有唔同醬可以選擇 個人鍾意點茄汁🥫不過其實唔點醬都好好食 因為牛扒本身好有牛味 同朋友都揀咗5成熟 入口即融嘅牛！ 好食！ 😍同埋份量唔算少 薯條可以任添 好脆同埋落咗味粉 有少少煙肉味😙其實食咁多嘢 我同朋友都冇添到薯條就好飽啦🙈🙈埋單每人$398 再加一 雖然貴但好食 間唔中食都好開心🤩🤩