🍸為於中環蘭桂坊附近，要按門鐘上一樓，私隱度甚高，非常適合朋友/放工聚會。餐廳裝修係復古+典雅風格，全部都係皮梳化座位，坐得好舒服， 好有情調。 以人生甜酸苦辣鹹作主題嘅cocktail,大部份嘅cocktail 都用上818 tequila reposado 🥃Sweet 很易入口嘅選擇，用上芒果汁，椰青水， 飲落甜甜的，可以一杯接一杯咁飲 🍺Brewdog punk IPA 來自蘇格蘭嘅brewdog 精釀啤酒，有4款可以揀。我揀左Punk IPA ，帶有濃香水果香味嘅啤酒花，口感清新 仲有非酒精飲品，例如百香果綠茶可以揀。好足料完全唔係糖漿溝出黎 美食主打台式料理，由涼拌小菜、飲酒必備嘅台式串燒到主食都有。 🍡串燒（雞軟骨、牛舌芯、雞皮） 佐酒佳品，雞皮串沾上濃香嘅汁燒，雞皮燒得少少脆富彈性 雞軟骨香脆惹味。牛舌芯比較濃味，燒得比較軟身，個人覺得如果更爽吹會更佳 🐥月見雞肉棒 以酒杯裝住嘅月見雞肉棒好特別，掃上燒汁嘅肉棒，配上濃郁嘅蛋黃汁，倍增滿足感 🐔口水雞 啖啖肉無骨嘅口水雞件，雞肉以慢熟烹調，所以食落口感滑嫩。麻辣醬汁爆惹味，雞件上仲有粒粒花椒，麻香十足。 ◻️皮蛋豆腐 嫩滑嘅冷豆腐上面鋪滿肉鬆，淋上麻辣汁，知非常開胃同夏天嘅菜式。 🍚櫻花蝦牛舌芯飯 貌似滷肉飯，但居然係用上牛舌芯，店主介紹係一羹一羹滷水汁加落去整熟牛舌芯，超有心思。牛舌芯彈牙爽口，滷水汁好香濃，撈飯食一流！ 以後去SOHO除左西餐之外，多左台灣野可以選擇！

🇯🇵餐廳分左4個餐，我地揀左A餐但已經好多野食， 夜割8點半後有平$268一位，性價比好高，所以8點半前好多人排隊等入座 一入去見到自助區已經好多野食，炸物、前菜，連中湯都有。 🍣刺身 刺身有十款以上，油甘魚、劍魚腩、赤蝦、帶子等，刺身都好厚切，食落新鮮，再翻兜幾轉完全無問題 🍣壽司 試左幾款比較特別，龍蝦三色塔、芝士鰻魚卷，仲有迷你海膽手卷。壽司同手卷嘅飯比例都好合理 🍢串燒 推介鹽燒牛舌、有機菠蘿，厚牛舌燒得香口，菠蘿好甜，見到有枱十件十件咁叫 蒲燒鰻魚同西京比目魚都極力推介，比目魚嘅西京燒魚肉滑嫩，醬汁偏甜 🍤炸物推薦椰汁流心球，煙韌嘅皮包住椰汁西米露。地瓜球、芝麻雞翼都炸得好香口 🍲熟食料理仲有冬菇炆花膠、卜卜蜆鍋、羊腩煲等，真係多款式到每樣食少少都勁飽 🍺飲品方面，飲酒嘅朋友真係好適合黎，啤酒種類好多，連somersby 蘋果酒同日本啤酒都有，除左啤酒，仲有清酒梅酒都係任飲 🍨甜品控覺得回本之選絕對係雪糕，有Häagen-Dazs 同movenpick ,全部都係任食！當日movenpick 仲有薄荷朱古力味同espresso 味，輕鬆食左3杯雪糕，除左雪糕，仲有好多雪條，推介比較少見嘅Parm嘅黃豆粉黑糖雪條 🤍整體食物質素好滿意，都冇出現漏單情況，兩個鐘都唔洗就食到抱任個肚走

🏝️將軍澳海旁MONTEREY Place 嘅餐廳大多數都好有情調，今次去左呢間集泰國、印度同馬來西亞食物嘅餐廳 ，一次過可以食幾個國家嘅菜。餐廳有唔少戶外座位，當日坐戶外嘅比室內仲多，捉緊天氣未好熱嘅日子，黎坐戶外chill一chill 🐔印度烤雞肉 $148 焦香嘅橙紅色烤雞表面，一上菜迎來香濃嘅印度香料味，雞肉口感嫩滑，每件都好大件，香料醃得入味，點埋綠色嘅乳酪薄荷醬，味道更有層次 🍳Pad Thai 泰式河粉 $128 可以揀配雞或蝦，pad Thai 炒得夠乾爽，拌碟嘅乾辣椒、花生碎好惹味，如果醬汁更酸甜會更開胃 🥬鑊仔炒雜菜 $88 一次過可以食晒菜心、椰菜、秀珍菇、粟米仔、椰菜花、西蘭花，蒜蓉味好香，炒得好有鑊氣。 🍡椰絲斑蘭丸子布丁 $68 好少見嘅泰式甜品，原來係暖暖嘅西米，上面佈滿椰絲。 🥭Mango Delight $68 造型好靚嘅芒果沙冰,好似食緊甜品咁,甜甜但好喜歡！ 🥭Mango lassi $58 乳酪絲滑口感，甜度適中，係額外加冰嘅mango lassi 飲落會冇咁凍 可以一次過食晒印度同泰國菜，仲要環境咁寫意，好似去左曼谷咁

🌴餐廳為卡尖東海旁，裝修同氣氛都好chill 好適合放工黎飲番兩杯同朋友聚會 🥗越式雞絲沙律 $98 清新沙律有不少雞絲、椰菜、菠蘿，健康感滿滿。 🌯越式鮮蝦米紙卷 $108 米紙卷賣相好靚，用上韮菜花作點綴，鮮蝦大隻爽口，米紙軟硬適中，包左米粉、紅蘿蔔絲、沙律菜等。魚露醬酸甜開胃，天氣開姑熱食好啱食呢兩個菜式，作為開胃菜一流 🐷串燒沙嗲 $128 六串，本身豬牛雞各2，最近唔食牛所以改左豬雞各3串。串燒燒得微微焦香，豬肉肉質比雞更軟嫩，點埋自家制沙嗲醬更惹味。 🦀泰式蟹肉炒飯 $158 材料簡單但調味出奇惹味，炒飯充滿泰式香料味，加入蟹肉絲、蔥花、蛋絲、洋蔥粒，口感豐富。飯面有少量咸蛋黃粒，拌勻食更香口，炒飯比較濕潤，完全唔油膩。 🍨椰子雪糕 $68 甜品選擇種類都唔少，呢兩日天氣熱左揀左椰子雪糕作甜品，滿滿椰子絲嘅，椰香十足。仲加入左炒得好香嘅花生粒。 🥤泰式奶茶 $68 迎合香港人口味嘅泰式奶茶甜度較低，不過如果茶味更香更好。 ❤️整體食物質素很滿意，而且環境氣氛都唔錯，唔怪得連星期一都好多人食

🐮大角咀小店，店內座位只有十多個 👫🏻極上和牛盛會 $698 二人前 套餐內容好豐富，前菜、湯、沙律、肉、飯、甜品飲品樣樣齊 🥗沙律 沙律份量好多，沙律菜不苦，內有昆布羽衣甘藍 🦐櫻花蝦味噌湯 味噌湯面鋪滿左櫻花蝦，充滿海鮮味，每嗒都可食到櫻花蝦 🥢前菜 前菜有三款，擺盤好精美。分別係天婦羅蕃薯、柚子汁蟹棒、麻辣帶子群邊。 呢到最出名當然係石燒牛，高溫岩石燒主打慢燒，可以按自己節奏燒。比起要換石板呢到嘅爐全程都好夠火力。 🐮日本九州A4和牛三角胸 油脂滿滿嘅三角胸，入口即化嘅口感。呢到嘅牛每件都切得細細塊，方便慢慢食慢慢燒 🐮日本九州A4和牛上前腿肉 對比三角胸，脂肪同肉比例更平均，肉質軟嫩。點埋自家鹽食味道更惹味 🐮澳洲和牛封門柳 牛味香濃，脂肪較少較有嚼勁。 🍄菇盛會 食完肉肉，仲可以燒菇，中和燒肉嘅油膩 🍵日式甜品 甜品好有特色，係自製抹茶雪糕，可以因應喜歡嘅濃度將抹茶粉制成抹茶醬，倒係雲尼拿雪糕上面 🍺餐廳仲舉行緊啤酒大賽，男士7秒，女士9秒內飲晒350ml 啤酒，嗰杯啤酒就係免費 🤍餐廳服務好好，估唔到小店都會好貼心咁用布蓋住隨身物品貼埋有一次食圍裙，唔會俾油彈污糟

為於尖沙咀寶勒巷嘅韓珍，地點超方便，暗黑風裝修，座位寬敞，石面枱面有高級感而且好乾淨，呢間仲要係正宗嘅韓珍 有2人/3-4人套餐，大致分豬/豬+韓牛/韓牛。我地覺得套餐份量有點多，所以揀左散叫 🐮特級牛肋骨 $280 一大卷牛肋骨賣相好吸引，無調味嘅牛肋骨牛味香濃，脂肪比例比較低，食完唔會覺得好油膩 🐮雪花牛肉 150g $240 油脂分布平衡，紋理清晰，輕輕燒至3-4成熟，保留肉嘅鮮味。 🐷蜂窩五花腩 170g $180 韓燒一定要食一d豬先覺得爽，五花腩兩面燒至微焦，滿口油香，邪惡度爆燈。燒五花腩時會有不少油，食完五花腩店員會幫手用厚方包吸走d油，服務很甜心 🧊葛根水冷麵 $88 麵質爽彈牙，冷麵汁酸酸甜甜好解油膩，好清新。仲可以自己調教酸度 🍧紅豆麻糬刨冰 $108 燒肉尾聲當然要食個清新嘅甜品，牛奶冰底嘅刨冰細膩綿厚，紅豆蓉綿綿，麻糬煙韌q軟，加埋黃豆粉同杏仁片更加增加左刨冰口感，最後係刨冰面淋上煉乳。 🧉椰子薄荷沙冰 $38 沙冰好綿滑，椰子味香濃帶微微薄荷，甜度自然 ，推薦

🐔李家真係香港好食炸雞始祖，咁多年都仲係好鍾意佢嘅炸雞 🍗半半炸雞 可以自選兩種味道，仲可以揀有骨或者無骨。我地揀左有骨，雞肉質會比較滑嫩。 🌶️甜辣炸雞 $98 好欣賞店會將兩隻味道分兩個籃裝，咁兩味嘅醬就唔會混埋一齊。 炸雞金黃嘅雞皮酥脆，雞肉軟嫩juicy。甜辣醬味道濃郁，甜甜帶微辣，比較重口味。 🧅青辣椒蛋黃醬炸雞跟洋蔥 $118 比較特別嘅口味。蛋黃醬加入青辣椒粒，醬汁惹味，青椒味不算重。炸雞夾埋新鮮洋蔥再點蛋黃醬食，洋蔥有助降低炸雞油膩感。個人比較喜歡呢個味。 🍲雪濃湯 $168 配有白飯同泡菜。食炸雞想配番一個清淡一點嘅湯，奶白色湯頭以牛骨同牛肉熬製，每啖都滿滿牛味，食完炸雞飲番一碗湯好舒服。 🍹Corona Rita $168 食炸雞同韓國野點可以冇啤酒，corona rita 係檸檬汁+corona。檸檬汁清甜，為啤酒帶檢點點甜味。超大杯真係兩個人share都可以

🌳以前已經同朋友黎過呢間油麻地人氣餐廳廳，餐廳佈置成森林系，木格仔打卡牆上面放左唔同動物擺設，綠油油嘅環境令人好舒服。仲有d位置放左大大動物公仔，好想坐動物公仔一齊坐 一坐低店員就會放低兩杯藍色嘅碟豆花茶，店員都會好密咁一直幫忙加茶 🐚白酒忌廉煮藍青口 $108 餐廳嘅擺碟都好有心思，白酒排列得整齊。白酒忌廉味香濃，個汁好食到我都聽到隔離格問有冇包可以order 🍟黑松露芝士焗焗墨西哥辣椒薯條 $108 用一個好深嘅錫紙兜裝住，份量超多。薯條面鋪滿芝士和黑松露，一上菜黑松露香味撲鼻而來。 🍝明太子蟹肉扁意粉 $178 呢個都係每枱必點item, 明太子同蟹肉足足有兩個小雪糕球疊起。拌勻後意粉掛滿蟹肉，明太子醬好creamy 🍹Come 芒 ，占士 $88 慢理牆城嘅特飲，係芒果牛奶，有得飲有得打卡仲有得玩，店員會教係先用匙羹飲少少奶泡， 再慢慢倒入杯食嘅芒果汁，奶泡會漸漸升起，超級可愛，值得一試。 要讚一下店員嘅服務同態度都出色，會用心講解餐牌同食物。

一直以為餐廳係黎自福岡，原來係韓國過江龍。餐廳最出名係石燒和牛，我地order左個2人餐試兩種口味。呢間比之前嘅分店坐得舒服 👫🏻二人套餐 $366 🍍菠蘿煙肉和牛漢堡扒 和牛漢堡扒有分大中小size,自己可以用小鏟子將小量漢堡扒放係石上，由於石板好熱，不斷兩邊反會冇咁易燶。 石板夠熱嘅時候燒出黎焦香嘅牛肉超香口 和牛juicy油脂滿滿，自己燒可以好好控制自己喜歡嘅熟度。菠蘿同煙肉都可以係石板上燒，菠蘿鮮甜解膩一流 🧀芝士蛋蒜和牛漢堡扒 芝士輕輕一燒至半溶，香脆嘅蒜片夾埋和牛漢堡超惹味。底層煎蛋比較油。 熱石係可以更換 熱石夠熱會燒得好食d 所以唔好怕醜叫staff換熱石 🍲韓式湯烏冬 由於漢堡扒比較油膩，湯烏冬係非常好嘅配搭，鰹魚湯底清甜，有淡淡醬油味。烏冬爽口彈牙。日式牛肉份量不少，食落唔乾柴 🥤罐裝飲品 套餐包兩罐罐裝飲品，餐廳仲有好多款特飲可以加購。

🐱荔枝角地膽當然會對荔枝角新餐廳相當關注，麗新呢一兩年轉形寵物友善商場，一樓開左不同類型嘅寵物友善餐廳，今次黎食新開嘅台日菜，仲帶埋主子焦糖黎。餐廳裝修簡潔舒適乾淨。 🍱套餐主要分為足食+為食+大食之選，我地咁大食梗係叫左大食之選，睇下夠唔夠我地兩個咁大食嘅人。 🥢大食之選 $88 套餐包括漬物、鹽味蛤蜊湯和飯，大食之選可揀3款主食。 主食大概有十款，其中有幾款要額外加錢 🐔招牌腐乳鹽酥雞 呢個絕對係招牌菜，雞炸得香脆，肉質嫩滑，唔會好油膩，腐乳味好濃厚。下次要一人一份！ 🐟鹽燒靖魚 靖魚份量好大條，魚皮夾有鹽香，魚肉充滿油脂，鹹甜平均。 🥔馬鈴薯燉牛肉 肥牛不鞋，薯仔燉得夠軟，家常菜感覺 🥬日式奶油燉菜 咁多肉肉當然想食番個菜，奶白色醬汁拌娃娃菜同鮮菇。不過如果再忌廉牛油味重d就仲惹味 🐮秘製牛肋條 +$15 秘製醬汁濃郁香甜，有d似紅酒汁嘅味道。牛肋條炆得好淋，醬汁好入味。醬汁用埋黎拌飯都好好食，呢款係食左嘅6款中最重口味。 🐠比目魚西京燒 +$20 同靖魚比較，比目魚口感更滑溜。西京漬咸中帶甜，味道較鹽燒靖魚溫和。 🍚飯除左白飯仲可以揀日式醬油蛋拌飯（+$12），醬油蛋拌飯用上無菌日本蛋。 🧋招牌茉莉奶白 +$18 🧋輕芝士岩鹽奶蓋綠茶 +$18 奶蓋綠茶比較好飲，茶味較香較清新。 總括最愛鹽酥雞同牛肋條，性價比好高仲要免加一，會有下次！