Goobne Chicken (天晉匯2)

營業中

休息中

依加冇得去韓國旅行食好西真係好慘,唯有黎呢到食下烤雞,一解思鄉之苦.平日真係冇咩人.可以唔洗等位💙坐低睇完MENU㩒下個鐘仔就會有職員黎落單💙💙甜辣烤雞 & 果味醬油蒜香烤雞 甘多口味可以揀,如果單叫一款好似唔係幾滿足,所以叫左款半半炸雞,唔想食骨既可以單叫無骨既.個人認為兩款都好好味.不過無骨既會飽啲.外皮好脆好香口.岩岩新鮮焗起係最好食既.肉質好嫰滑好多肉汁.仲有機會爆汁,所以食既時候要小心啲呀.💙韓式雞蛋卷 ($148)黎到既時候一大條真係嘩左出聲>.<份量足.裡面又多料.魚糕.青瓜.蟹柳.午餐肉.醃蘿蔔.紫菜芝士樣樣齊!!!兩個人食其實份量都有啲多.不過食完真係大滿足!!!💙

一入到去店員話我哋知有嘢要幫手就㩒鐘 嘢食嚟到提我哋記得mix芝士如果唔系會痴底 service都幾好🫶🏿 不過叫佢哋攞水嘅時候佢哋講完好就冇咗件事 好似逼我哋嗌嘢飲咁😅-♥️UFO fondue我哋叫咗甜辣同蜜糖 甜辣好惹味 撈埋芝士簡直一流 蜜糖相對就失色啲 不過都唔錯😋👌🏿芝士煙肉蝦仁炒飯好食 但有啲漏)♥️蟹籽沙律芝士蛋卷沙律醬唔會太鹹 加埋芝士流心啱啱好 直得encore🤤芝士好邪惡又愛又恨😛不過太多會漏 所以可以搵多幾個frd嚟share食😙總括嚟講呢間炸雞最出色 值得再嚟👍🏿

一入門口嘅侍應態度幾好既，感覺都唔錯。本身叫咗有骨嘅雞，佢送咗無骨嘅上黎，同個侍應講我地本身叫左有骨既，叫佢轉番有骨啦，佢就話咁o唔ok?佢咁講好似唔多想換咁，好似費是再整過俾我地，想我地夾硬要左佢咁。D野食都唔錯，烤雞嘅醬甜甜地，啲皮都脆既，但薯條超少，十條都無，仲要又凍又淋，個侍應仲話比多咗，瞬間無奈咗。最尾比錢，係個後生女黎，一句野都無講過，正常埋單，都會講呢度幾錢，多謝晒，下次再嚟過個啲，點知佢咩都冇講，直接收錢就算，連句多謝晒都無，真心唔知有咩好講🤷🏻‍♀️

韓國店係TKO真係無咩選擇，炸雞點都是手指數得出既餐廳～今日去左比較有名氣的炸雞店~ＧＯＯＢＮＥ～成日都係食外賣炸雞，不過去到屋企已經林曬。。。唔好食，所以就話點都要去現場食~現場仲可以食埋氣氛同服務，真係一流~今日選了甜辣味同蜜糖味~依兩款味都係我好鍾意的，好香好脆~而且午市去都係好既，因為其實抵食D，＄１２８有半隻雞~仲有野飲、飯、薯條、沙律~我覺得薯條既香脆度可以改善下~食落口好淋身~整體黎講好滿足,有得食炸雞好開心~

蜜糖香滑烤雞218元，色澤均勻，雞皮香口，雞肉嫩，醬汁甜，另有提供蜜糖芥茉醬和醃蘿蔔。韓式雞蛋卷148元，賣相美麗，蛋味香，饀料包括有芝士、紫菜、紅蘿蔔、醃黃瓜、青瓜、餐肉及蟹柳，口感及味道層次均豐富。味道不錯但價格偏貴。

韓式炸雞在韓國是相當普遍的小吃，但能夠在香港流行起來，肯定要歸功「來自星星的你」劇集內的千頌伊（全智賢飾）。講起來到有啲落伍，多年來好似未喺香港正式食過韓式炸雞。韓國？超過20年沒有去過了！記得上一次去韓國的那些年，三星、韓國化妝品、韓國男團 / 女團、韓風，仍然未入侵全世界。最近喺 Netflix 追完一套韓劇「社內相親」，「Goobne Chicken」的植入式廣告充斥整齣電視劇，碰巧屋企附近就有一間「Goobne Chicken」，決定試試。上網搜尋一下，「Goobne Chicken」自詡韓國第一烤雞品牌；同傳統韓式炸雞最大分別在於不用油炸而採用高溫烤焗，有效減低反式脂肪、碳水化合物及卡路里。另外，雖然與其他韓式炸雞一樣，全部經過醃製工序，但秘製配料味道濃郁得來又低鹽、低鈉。所以，韓式烤雞比起韓式炸雞更健康。韓式炸雞始終並非傳統韓國菜式，充滿西方口味影子，餐廳裝修亦帶有歐陸小屋風情，同事混入了摩登元素。除了韓式烤雞之外，亦有韓式炒年糕、韓式煎餅等等傳統韓國民間小吃，但未必是香港人的那杯茶。至於烤雞就有多款口味，非常吸引，總有一款啱自己。閒日午餐最抵食，有沙律、有湯、有白飯、有飲

看完社內相親後，就心思思很想吃烤雞🤤 Goobne chicken 是我最愛的韓國連鎖店舖💫既健康又美味的選擇💛🐥三重芝士焗雞上碟時熱辣辣🔥雞肉舖了滿滿的車打、忌廉及藍紋芝士粉🧀外層的雞皮酥脆 散發濃濃的芝士鹹香味✨✨ 內層雞肉嫩滑 十分juicy😊 整體甘香惹味🌟🌟 出奇地沒有預期的油膩感但個人比較喜歡蜜糖口味🍯此款芝士的味道只停留在外層 而且相比其他口味 沒有醬汁提供 雞肉內層的味道較為單調 🆁🅰🆃🅸🅽🅶: 3.8/5🍹芒果沙冰沙冰幼細 芒果味道濃郁整體感覺 冰涼 清新香甜🥭 不是死甜 十分消暑 解渴✨🆁🅰🆃🅸🅽🅶: 3.5/5𝙾𝚟𝚎𝚛𝚊𝚕𝚕 𝚛𝚊𝚝𝚒𝚗𝚐: 𝟹.𝟾/𝟻𝙵𝚘𝚘𝚍: 𝟹.𝟾/𝟻𝙴𝚗𝚟𝚒𝚛𝚘𝚗𝚖𝚎𝚗𝚝: 𝟺/𝟻𝚂𝚎𝚛𝚟𝚒𝚌𝚎: 𝟺/𝟻𝚁𝚎𝚟𝚒𝚜𝚒𝚝: 𝙳𝚎𝚏𝚒𝚗𝚒𝚝𝚎𝚕𝚢 𝚈𝚎𝚜!

去探朋友班 約佢食埋飯先本身諗住食日本野嘅 點知商場太大我又亂咁行嘅關係 朋友話改食炸雞OK 吃貨表示食乜都無所謂👌🏻咁耐無去韓國食 好掛住炸雞以前諗唔到食乜呀？ 炸雞呀～有朋友嚟韓國想食乜？ 炸雞呀～宵夜叫咩食好呢？ 炸雞呀～睇劇見到人食又想食嘅 炸雞～雞全部都係雞 我真係擺脫唔到韓式炸雞係我心中永遠一位嘅韓式炸雞 其他地方嘅炸雞唔會贏㗎🤣⭐️甜辣烤雞 + 果味醬油蒜香烤雞Goobne嘅炸雞係我前三名以前韓國屋企附近嗰間成日食韓國之前係劉在錫代言㗎 極出名嘅連鎖炸雞店係香港一樣整得好好食 外脆內Juicy明明想減肥 唔食皮 但啲汁係皮度咁你話我知 我點抵擋得著🤦🏻‍♀️⭐️Hoegaarden炸雞點少得啤酒 佢哋係一對嚟㗎嘛！치킨 맥주 커플 이잖아ㅜㅜ

芝加哥薄餅 - 芝士愛好者必點！佢由五款芝士組成，成個薄餅有一定嘅厚度因為載滿芝士，切開嘅時候瘋狂拉斯效果，由於佢用咗5款芝士，所以食到不同位置嘅時候會有不同嘅芝士衝擊味蕾，建議四個人必點，因為一個人應該食唔到多過三件，因為會好飽 蜜糖咖喱脆烤雞 - 皮脆肉滑，表面有蜜糖嘅甜味，然後到咖喱嘅香味，蜜糖令到咖喱提升咗惹味，yummy !蜜糖香滑烤雞 - 雞肉嫩滑，而味道有啲似蜂蜜芥末醬。不過同蜜糖咖喱脆烤雞相比，我鍾意食蜜糖咖喱脆烤雞多啲。

琴晚嚟咗goobne chicken 食晚飯，一如過往我都係叫返我最鍾意嘅口味，果味醬油蒜香烤雞，呢個口味食極都唔厭，水果味嘅醬油會淡淡咁滲着蒜香味，真係好好食，我之前叫過無骨今晚試吓有骨，我覺得有骨好食啲，因為有骨嘅雞肉嘅皮會比較脆，當然無骨叫做會比較方便啦啖啖肉。今晚仲叫咗韓式蛋捲，嚟到一大條都好吸引，雞蛋唔鞋，算係滑，裏面包住嘅餡料啊例如紫菜、芝士、黃瓜等等，令到每一啖都好豐富好多層次，原來我仲有三款調味醬料俾你點嚟食，所以好難唔好食😅，我仲叫咗杯芒果沙冰，反而依杯嘢飲就爭啲，芒果味唔算好濃，偏甜，如果多番少少酸味我諗會醒神啲。

呢個lunch set幾抵食，$128有半隻雞、一碗魚片湯、一碗凱撒沙律、薯條、一碗白飯同埋一罐飲品，原價$195而家特價$128，有咁多嘢食真係幾抵。烤雞有10款口味選擇：原味烤雞、甜辣烤雞、果味醬油蒜香烤雞、黃金脆烤雞、蜜糖香滑烤雞、蜜糖咖喱脆烤雞、韓式BBQ醬煙燻烤雞、三重芝士烤雞、 辣椒脆烤雞同埋最後一款火山烤雞。我今次就選擇左果味醬油蒜香烤雞。同埋雞佢都仲有分有骨同冇骨選擇，我就揀咗無骨，貪佢可以啖啖肉。我第一次食呢個口味，我覺得好好食，我其實唔係好識形容佢究竟係一個咩味，少少甜但係又有啲蒜頭味又有啲豉油香味，個味道屬於有層次，不過可惜嘅就係今次嘅計唔夠脆，唔知關唔關無骨嘅事呢？我上一次喺尖沙咀食有骨嘅時候就好脆，所以我下次諗住嚟試吓食有骨版，比較一下。琴日唔記得咗讚下依度嘅所有服務人員，非常有禮貌非常之熱心👍🏻

因為上次食完覺得好味 所以今次試吓其他味芝士味好濃 真係做到拉絲效果鍾意食芝士就應該會好鍾意不過一定要趁熱食 因為凍咗啲芝士會變硬冇拉絲效果 味道都差啲味道唔差 不過無乜蒜味食幾件覺得味道有d單一好快覺得膩飲落好清新 食到膩飲就最岩

周日中午通常都係食個快飯，同家人落樓下商場逛下逛下，見到間韓式炸雞店，好似好耐冇食過，又未試過呢間，就決定入去試吓😍間餐廳裝修好簡單，又好闊落，見到佢招牌或者 Menu 都寫住 Korea Oven Roasted Chicken 字樣，覺得有點奇怪，乜韓式唔係只係食炸雞配啤酒咩，連烤雞都有🤔 即刻上網查下先知，原來Goobne Chicken 係2005年創立，喺韓式炸雞市場以焗爐烤制方式為顧客提供一個新體驗，強調不用一滴油、低反式脂肪、低納低卡路里外，還可保留非油炸雞嘅酥脆同肉汁，聽落未食都已經好吸引😍我哋好快就叫左三樣嘢，分別係鐵板海鮮煎餅、餐廳自稱最好味嘅蜜糖咖喱脆烤雞、以及傳統韓式人參雞湯。首先上枱嘅係鐵板海鮮煎餅，餅邊煎得酥脆，用鐵板上可以保存溫度，香葱味道唔錯但海鮮較為少了一點😅第二個係人參雞湯，呢個真係好食，湯底好清好鮮味，略帶少許人參味，裡面足足有一隻雞，而且雞肚仲塞滿糯米飯，旁邊仲跟一小碟淮鹽給客人點雞食，雞肉鮮嫩，做得非常出色👍至於最期待嘅烤雞終於到喇，賣相相當吸引，有好多蜜糖鎖住每件雞，食落口表面非常酥脆，蜜糖甜味夾雜住咖喱味都幾特別，雞胸肉都烤得好鮮嫩，同一般

非常失望！我去過好幾間Goobne, 這間最差！無人流，長期冷清。我黎係因為近，開係屋企樓下。點知次次黎，次次失望！d雞完全唔夠juicy, 唔脆。店員對menu唔熟悉，好似無training. 今日仲要黎錯野，浪費左30minutes waiting for food. d野黎到仲要係難吃。。。。希望這間店快d倒閉，開另一間韓國野。。。。。。。。。。。。。。。。。。。。。。。。。。。。。。

蜜糖味唔算好甜啲雞食落好滑BBQ醬就會濃味啲佢會跟埋兩隻醬但係本身味道都好濃所以都唔使點醬已經好夠味另外蘿蔔好好味 夠酸好解膩芒果沙冰飲落去好清新配雞啱啱好不過支飲管唔知點解好易裂開換咗另外一支都係裂左