Goobne Chicken (天晉匯2)

營業中

休息中

聽同事話呢間餐廳嘅韓式雞正宗又好味，就嚟呢度食午餐。其實正唔正宗我都唔係咁識，不過覺得價錢都幾抵，味道又唔錯，份量都幾多。烤雞午巿套餐：魚糕湯，有啲似鰹魚湯嗰類味，上面嗰件係魚糕？我食唔出係咩。凱撒沙律嘅多士好脆，沙律菜新鮮。半隻烤雞(有骨)配薯角及白飯，揀咗三重芝士味。雞件灑滿芝士粉，不過芝士味唔濃，肉質嫩滑，連雞胸都唔鞋，薯角都好新鮮。不過配飯就太乾。韓式BBQ醬煙燻烤雞午餐拼盤，雞肉滑又多入味，雖然有隻太陽蛋，但係飯無汁無味真係太乾。韓式烤牛肉蛋包飯配香腸，蛋皮係全熟蛋，包住嘅飯本身都有味，單食或配汁都咁好味，雖然成碟都係汁，一啲都唔會覺得鹹同重味，腸一開二，都幾大份。紫玉米茶。半價飲品：+$25藍莓特飲。+$25芒果特飲。

突然想食炸雞，於是搵左呢一間好評如潮的炸雞餐廳，結果有少少失落。果味同酸辣口味廚師將兩個口味完全撈埋一齊，食個陣幾乎分不清邊個打邊個。撇開一層頗脆的皮，裡面的雞肉口感很柴，還有一陣雪藏味，失望！泡菜飯的泡菜很足料，有少少辣，但伴著芝士和太陽蛋食中和返，很正。開胃野飲不錯

不準時開門做生意黑口黑面客人自己照顧自己冇禮貌差到不能形容Shop opened later than it supposed to be, the waitress claimed they r not ready, al staffs in house with long faces, customer almost self served, totally failed the politeness, terrible customer service I have ever seen

點了一個芝士酸辣炸雞，好嘢味好開胃，雞肉嫩滑，只叫了一份，對兩個女仔嚟講有啲多😁😁聽朋友講係真正韓國店，老闆娘看似韓國人，佢哋雞嘅做法唔係炸雞，係烤雞，下次會想試吓其他味道。

好耐冇食炸雞啦。。。呢間餐廳長期爆滿，係tko先少人d，唔洗排隊今次去都必叫咖喱味同辣味，次次都保持水準，新鮮熱辣辣上枱，入味！👏蛋捲，見食甘多肉，就食少少清淡d既野食，有3個醬配反，3隻醬都好好味！呢個芝士鍋唔知係咪新岀，第一次食。煮5-10mins左右就開始溶，有得拉絲，捲埋落啲雞鎚到食，好邪惡呀😍食物係幾好，不過飲品偏貴，所以我多數都係飲水

今次係我第二次食呢一間，由於阿仔成日都話好想食炸雞炸雞，所以今次就同左佢去食下啦。呢度唔使等位，一入門口就坐最入邊對住個電視，全晚都播d韓星k-pop. 不過佢哋係邊個我完全唔識😅不過呢間餐廳有一個特點裏面啲女仔全部都係後生靚女😍佢就係想食呢一set UFO Fondue 啦 $248/16件，其實我見每一台客人都系淨係食呢一set可以選兩款口味嘅雞，我哋選咗雙重芝士同埋酸辣雞由一位靚女姐姐侍應幫我地整芝士，見到裏面有兩至三款芝士，煮溶後芝士都拉德好高😱煮完嘅芝士就係咁㗎啦同隻雞腿沖完涼帶返條毛巾先，係咪好想食呢😆我哋叫咗一set雞再加兩罐汽水埋單$31x, 抵唔抵見仁見智啦!

有紀念日慶祝，想搵個舒服既地方坐下食好野。呢間地理位置較偏遠，閒日晚市完全唔滿！見到呢個即點，又有兩款雞，又有個大芝士。要左韓式bbq醬煙燻烤雞，佢甜甜地又有啲燻味，男朋友較為鍾意。我係揀左蜜糖香滑烤雞。佢蜜糖味勁濃勁香，不過可能口味較girly，哈哈！如果細食既人其實都幾夠飽，每人八隻雞之後仲要包住勁多芝士。不過男朋友想追加個果味醬油蒜香烤雞。好彩有叫！呢款雞更有驚喜！佢係淡淡既蘋果香，幾特別！食唔哂可打包！我地包左三隻雞同堆芝士！

朋友相約再嘗烤雞滋味🤤最近這間烤雞店，出了新的菜式，UFU 芝士烤雞😍有6種唔同嘅味道可以選擇，我地選左甜辣烤雞同蜜糖香滑烤雞。仲選左2杯沙冰，我們等左一陣之後好快就送到。😍粉紅色果杯係柚子沙冰，較酸但都有少少柚子甜味😋藍色果杯係藍橙沙冰，飲落有d 似波子汽水，再加少少橙味。都好好飲😋等20分鐘左右，終於有得食喇😍，但原來係全部都係雞鎚黎😂有少少失望，如果係雞肉就好喇🤣但店員好好會幫我地煮芝士。芝士加埋雞鎚好好味，不過芝士難卷得起，要朋友幫手。甜辣味好似韓國地道嘅烤雞，外皮脆脆的，蜜糖味好正好入味，甜甜的🥰

聽講韓國人夏天先會食人蔘雞湯，咁岩見到屋企樓下間韓式烤雞有呢個Menu所以帶埋屋企人走咗去試啦。可能係早左你入去都有位坐，我哋首先叫咗個招牌凱撒沙律食下先，啲菜又夠多又新鮮加埋佢個秘製醬汁好好食好開胃。跟住叫咗一個人蔘雞湯同埋一份吼雞仲有雞蛋捲。個人蔘雞一上枱就聞到好香嘅人蔘味，但食落又唔會好重藥材味，好好食，嘆住冷氣食啲咁熱嘅嘢真係好頂癮。到個BBQ醬煙燻烤雞，嗰張甜甜地好易入口好快就食晒成隻雞啦同埋係煙燻烤雞，所以唔覺得好油膩雖然係啖啖肉。最後仲有個韓式雞蛋捲，個樣真係病到不得了，蛋皮超厚超嫩，入面仲包住好多材料口感好豐富好好食，再點埋個醬汁真係好好味呀。

呢排天氣熱到咁又成日落雨，梗係要出嚟啤一啤佢啦，所以去咗食韓式烤雞飲啤酒舒緩下呢排嘅情緒。我哋都係行街行到咁上下返屋企前見餓餓地，就揀咗間韓式吼雞入去食啦。我哋入去嘅時間唔早又唔晏，食太飽又唔知點咁。所以我哋淨係叫咗個一份半半嘅果味醬油蒜香烤雞加甜辣烤雞同兩杯啤酒。個雞一咬落去就好多汁，外皮又唔會太乾，同埋兩隻味一齊食都幾夾，雖然個甜辣味對我來講有少少辣但係會越食越想食嘅，加埋個醬油蒜香烤雞味一齊食，岩岩好。一啖雞一啖啤酒真係好爽，咁熱天氣飲番啖啤酒就最啱啦。

上個星期朋友生日，諗住一齊出嚟食餐飯又唔想出咁遠，咁岩大家又喺將軍澳住，所以揀左間食韓式烤雞嘅，夠晒健康又好食。呢度地方闊落又夠光猛，行入嚟就覺得好舒服。好彩我哋早左嚟唔使等位，入嚟我哋就order野食啦。首先叫咗個招牌凱撒沙拉，唔使成餐飯剩係得肉食有啲菜食下幾好，冇咁罪惡咁，夾埋啲雞一齊食又唔會咁油膩，同埋啲菜好新鮮又冇草腥味，岩哂我胃口呀。到主菜啦，我哋叫咗份半半果味醬油蒜香烤雞加甜辣烤雞，最啱就係食唔多但又想試多種口味嘅人。甜辣味啱啱好唔會太辣，就算好似我食唔到咁辣嘅人都食到。加埋果味醬油甜甜地可以中和返個辣味，夏天食都幾開胃。下次決定諗唔到食乜都可以返嚟再encore。

生日月份特別多飯局。。中菜，西餐，日本菜等等都食左。。今日同朋友黎食我最愛既韓國菜😁😁一睇個menu,選擇困難症又出黎啦～好多野都想食。。點算好。。一輪選擇過後，我地好貪心咁選擇左一次過可以滿足2個口味既half half烤雞，由於朋友鍾意蒜頭味既食物，所以簡左就果味醬油蒜香烤雞+甜辣烤雞 一上到黎果然蒜香味好濃。。未食已經差d相都唔記得影就食左啦。。🤣🤣 好在落手之前都記起未影相🤭一影完就即刻開餐啦~~甜辣烤雞果然係我既最愛。。朋友就第一時間食果味醬油蒜香烤雞。。佢話蒜香味好正，好好咪。。下次都要再食多次🤭🤭同埋兩款烤雞都唔乾仲好juicy添

之前突然間好想食雞，但覺得炸雞好唔健康，於是去咗搵左搵，發現到有一間好似唔錯嘅烤雞店，就係呢間叫左一隻蜜糖咖喱烤雞，同朋友兩個人食，烤雞幾健康，當然係與炸雞相比，唔會話好油，雞肉幾嫩，蜜糖夠多，咖喱味都有，整體來講真係幾好食，甜甜地嫩嫩地但不膩，會再吃的

收工之後就同韓國朋友来將軍澳食烤雞！一直都想食呢間韓國嘢，炸雞经常食，但烤雞是第一次試！這間烤雞非常出名，有多款不同焗爐烤雞，不經油炸，雞的油份從烤焗過程中迫出來，有效做到低熱量、低膽固醇、低鈉、無反式脂肪，極力推行健康烤雞！門口已經聞到好香嘅烤雞味，裝修佈置都是韓國風，有Kpop音樂，座位寬敞，燈光明亮。（侍應哥哥仲係韓國Oppa好貼心！） 見佢哋餐牌出咗一款Half & Half Special Menu果味醬油蒜香烤雞+甜辣烤雞，看起来很诱人食下好似炸嘅咁脆咁香口！兩種烤雞各有特色。這兒烤雞量都太大了食完都好飽，一食落去肉質嫩滑，外層香脆，好好味！韓國朋友说這間烤雞已经食過好幾次，每次都很出色！

Goobne chicken一直係我喺香港食過嘅韓式炸雞烤雞專門店中數一數二的最愛之一!!!! 趁假日，同媽媽姨媽佢地試試先!!!將軍澳店位置雖然有少少隔涉，但可以由Popcorn經天橋過，唔難去。Goobne chicken佢地以烤焗形式去炮製全雞，比起炸雞更健康!!黎到Goobne當然必試咖哩蜜糖烤雞!!!! 烤雞外皮香脆，雞肉肉嫩多汁，有咖哩的香氣而且帶有蜜糖的甜美，真係食到一口接一口!!!!韓式雞蛋卷亦是另一必點菜式!!!! 雞蛋卷包著火腿黃蘿蔔青瓜等配料，雞蛋卷軟嫩，而且點點芝士醬，非常濃郁好味!!!!媽媽同姨媽都話一碟雞唔夠喉，再叫左碟半半烤雞，選了甜辣口味同果木蒜香口味。甜辣不會太辣，醬汁多少少會更好，當然雞肉依然嫩滑!!! 果木蒜香比較香甜，蒜味濃，另一唔辣嘅好選擇!!!ufo拼盤係新出品，下次人多啲時要試試拉芝的好滋味!!!