經過呢餐之後我對呢間餐廳既印象只有炒飯炒飯同埋炒飯🍚
LUNCH TIME時間記得早d去排隊，一過左12:15就超級多人叫外賣同埋堂食等位
🐖即叫即炸椒鹽豬扒飯
需時15-20分鐘，要食就早d叫定啦~即叫即炸係真既，出到黎係熱辣辣好好味，肉同飯既份量都好多，椒鹽豬扒好脆口🦐招牌蝦頭油炒飯 
招牌菜就必須要試架啦，佢裡面都有分兩款蝦，急凍同新鮮蝦，帶黎兩款口感，炒飯係粒粒分明，仲好多蛋味~🦪蠔仔肉碎泡飯
好多蠔仔，甘先對得住個價錢~個湯都好清甜好夠味🐟焦香煎焗龍躉球飯
龍躉味道有d重手，食落偏咸，可以連埋d炒飯一齊都可以中和番既🦐櫻花蝦醬油時菜/ 醋香雲耳
菜心份量都幾多，夠大條，而雲耳太酸，中意食醋既朋友就岩曬，如果唔係可以揀麻辣雲耳都得

估唔到會有第二間分店~終於唔洗再走上山頂！不過舖位有啲細有啲迫，如果要堂食都可能要等一陣先有位😭仲有好多其他嘅麵包食 🍓(首創)霸氣香水芝士草莓 $32
唔甜仲唔甜👍🏻粒粒士多啤梨好有咬口 🍊 (首創)霸氣香水橙子 $28
橙味香濃，飲落唔會係汽水嘅甜，係真正嘅橙味 🍇霸氣香水葡萄 $28
紫色嘅外表同佢清新嘅味道形成對比😍出息！ 🩵榴槤千層蛋糕 $35
估唔到呢個時期有榴槤嘅產品🤭超好味，夠曬濃味 路過仲見到有做緊優惠又環保袋送😂超顯眼

終於等到實體店啦!🍵由佢地係網店賣卷蛋既時候已經係FANS~今次黎到太子既實體店試埋佢其他熱食先~
順帶一提實體店比較細，如果星期六日黎可能需要等位，不過門口都有個打卡位架<3 🍵京都焙茶芝士卷蛋
一場黎到點都要食番個卷蛋先啦，同之前食既都係一樣甘好味<3焙茶味夠曬香濃 🍵情迷抹茶Tiramisu
估唔到可以用抹茶黎做Tiramisu~同芝士味都幾夾，不過都幾重酒味，唔好飲酒既朋友就自己考慮啦🍞叉燒滑蛋酸種麵包
我會覺得呢個叉燒滑蛋好似同意粉更夾，因為酸種麵包都偏硬，叉燒雖然軟硬度適中，但係如果麵包都要花時間去咬既話就會成件事食到好攰，不過味道同創意都好好🥯煙三文魚牛油果BAGEL
正正常常，牛油果熟成情度岩岩好既🍝黑松露蘑菇意粉
主菜黎講我大推呢個意粉，黑松露真係好足料，未拎到上黎已經有陣陣香味，食落去就更加唔洗講啦，必點!!

一行4人 LUNCH TIME去試呢間開左好耐都未食既餐廳，因為呢間位置唔多，我地要坐店舖出面，不過整體感覺不錯
👍春日白桃花園窩夫 $128
春天食呢個真係特別有feel~打卡又靚，味道又不錯，而且窩夫好鬆軟，新鮮出爐，可以食飽飽先叫職員起。見到仲有好多唔同口味，通通都想試👎神話豬腳紫蘇拌飯 $112
相比之下呢個推介既紫蘇拌飯睇落好似好濃味，食落去完全冇味，豬腳既味道就岩岩好既👌菠菜雞肉千層麵 $78
上面有個溏心蛋，整體味道不過不失，都可以一試既👍明太子蟹肉飯卷 $88
反呢個係味道最好既一個，蟹肉足料，夠味🥤以下幾款都係打卡好岩既飲品
濟洲柑橘乳酪 $68
西柚戀曲氣泡梳打 $52
白桃飛舞冰雪乳酪 $58
濟洲柑橘乳酸梳打 $48

今次跟住發哥去搵食，黎到呢間位於中環威靈頓街既小店食lunch
Lunch Time又係排隊既日子=( 舖面見大概10-15人左右，要食就要早啲去擺位
天氣熱可以揀涼麵，天氣凍可以揀湯麵，小朋友先做選擇🤷🏻‍♀️
今次同朋友一人一款，分別係手絲雞涼麵同埋粟米豬肉餃子手工麵👍🏻
麵都可以揀幼麵中麵粗麵，仲有原味酸辣香辣麻辣tim~
我個涼麵就叫左酸辣，原來只係辣醬加醋，偏重口味
而湯麵就叫左麻辣，朋友話小辣都好辣~~
份量就好大份啦，女士未必食得曬，男士可能岩岩好，不過整體黎講都係好食既，下次會再去

係中環番工已經食到冇野好食，係時候去開發上環既小店，Lunch time門口都幾多人排隊，又走去試下先😍 由於係小店既關係都須要搭枱同埋都係快d食完快d比個位出面既朋友🤣
價格同份量都好合理，女士絕對夠飽👍🏻
連埋2個同事分別叫左3款餛飩試下，鮮肉.芹菜鮮肉同埋香菇鮮肉，我地叫既套餐都係跟一碗麵
蔥油拌麵好出色‼️味道岩岩好，仲好香。湯底好清甜，冬天飲就岩曬🫶🏻
食呢d餛飩必須來一杯豆漿，PERFECT
餛飩仲可以買生既自己番屋企煮，夠曬方便~

今天來到位於將軍澳新都城中心和牛燒肉一郎品嘗不同的和牛部位，我們選擇了COURSE D 套餐包括頭盤(黑毛和牛4款，海鮮3款及是日黑毛和牛精選)，一坐好先來一片黑毛和牛西冷，職員幫忙燒好，油脂分怖十分完美，入口即溶 枱上有QR CODE可以自選其他餐點，肉類的款式多到吃不完，特選澳洲牛肋肉、牛里脊肉，這兩款都偏瘦，不會吃到一口都是油。套餐都有包括生菜，伴碟小菜例如韓式泡菜、大豆芽等等用來配燒肉都很好味 餐廳仲採用列車送餐，點餐很快就收到了，如果喜歡吃牛的朋友可以試試這款生牛肉壽司及火灸牛肉，完全不會有肉腥的味道，十分鮮甜美味 還有其他海鮮可以吃，燒肉當然要配酒，套餐都包括清酒、BEER、梅酒任飲，和朋友來到一定要不醉無歸

我最近同屋企人去左呢間餐廳食晚餐，估唔到咁近我哋屋企有間咁高質素嘅餐廳我哋一直都唔知🌚 佢哋嘅職員就推介我哋一定要叫👉🏻深海爽魚片👈🏻同埋👉🏻豬油渣炒椰菜苗👈🏻。雖然我哋仲有叫其他餸菜但係呢兩款菜真係好令我留下深刻嘅印象。因為真係好好味。 🐟深海爽魚片：係一道好鮮美嘅海鮮料理。魚片肉質鮮嫩多汁🤩，每一啖都可以感受到深海鮮味嘅滋味，令人回味無窮。 🐷豬油渣炒椰菜苗:呢道菜真係帶嚟一個豐富嘅口感同風味。椰菜苗爽脆🙈，豬油渣嘅香味同煮熟嘅椰菜苗完美咁融合埋一齊，令味道更加濃郁。豬油渣帶嚟嘅香脆口感增添咗菜式嘅層次感，同時都令味道更加豐富。 總括嚟講，朱敏記❤️嘅👉🏻深海爽魚片👈🏻同👉🏻豬油渣炒椰菜苗👈🏻係絕對值得一試嘅菜式‼️ 佢哋精湛嘅烹調技巧令我食得開心又滿足💯

今日黎到位於尖沙咀K11 Muses - NIRAS，主廚Ton係泰國最著名既獲獎主廚之一，佢旗下既餐廳 Le Du仲獲得了米芝蓮一星，仲係亞洲最佳 50 家餐廳中排名第一架～而Niras主打現代泰式休閒美食，將傳統泰式風味同現代烹飪技術融為一體。今次食既一系列食物都帶比我無論係視覺上定味道試上都令人驚嘆~ 4 - COURSES DELIGHTED TASTING MENU AMUSE- BOUCHE 煙熏油甘魚丨主廚用左龍眼肉、焦糖魚露、蓮藕片同香蔥Mix埋，好香口 青椒醬芋頭泡芙丨芋頭好香帶辣味 魚子醬泰式柚子沙律配北海道帶子丨食落帶小小冬陰公味，好開胃 粟米撻配鹹蛋黃脆片丨香脆可口，好清新 PRAWN I SEAWEED SPICY BEETROOT 呢道菜以泰國生蝦作為靈感，主廚以熟蝦代替，配搭Thai Basil同海葡萄，特別既係伴碟用左紅色雪葩，雪葩用紅菜頭同泰式海鮮醬整成，辣得黎帶點清爽 AMADAL THAI KALE | CHOO CHEE CURRY 用日本料理烹調手法立鱗燒處理呢款魚，賣相吸引之餘仲鮮嫩可口。再加埋泰式紅咖哩Choo Chee同泰國空運的羽衣甘藍烤熟，真係令人回味無窮 CRAB | MUSHROOM | HOMEMADE SIRACHA 分別用蟹膏、黑橄欖醬同是拉羞辣椒醬去搭配呢款日本蟹肉同蘑菇炒成既飯，用職員建議每啖飯單獨配1款醬去試，每款都各有特色，我就中意蟹膏，又香又濃 WAGYU | FENNEL I HOLY BASIL 終於上到主菜啦，係澳洲M8和牛! 油脂分怖好平均，牛味好濃，仲要入口即融，食完真係回味無窮 SIGNATURE GRILLED LOBSTER BY LE Du 加$680就可以試埋大廚既招牌菜烤龍蝦，一上菜真係不得了，長過我個手臂，龍蝦上面個汁係大頭蝦膏冬蔭功醬煮成，龍蝦肉好爽口，搭配埋義大利飯，建議加啲青檸汁，會更香更FRESH PRE DESSERT 洛神花雪芭配士多啤梨粒，食左好多野，係食甜品之前要清一清先~ MANGO | STICKY RICE | LEMON 將黑糯米埋鹹椰子cream整成既蛋糕底，加埋泰國新鮮芒果肉、焦糖腰果，另外仲有芒果雪糕，唔太甜，好好味 PETIT FOUR 四款精緻甜點：朱古力焦糖撻、香蕉紅豆糕、火龍果、番石榴，順住個次序食番就可以清楚Feel到每一款甜品既味道，又唔會MIX UP左

香港人真係好中意食酸菜魚🐟今次黎到鑽石山新開既元元酸菜魚試下咩料先~
招牌元元酸菜魚 $258
一場黎到一定要食元元酸菜魚啦，配料好多👏🏻有薯粉有筍絲有大豆芽，如果2個人食真係大滿足呀~啲魚都好爽口好滑，唔係太辣，如果可以有得揀辣度我會更開心🤔 涼拌高筍絲 $82
由於真係勁中意食筍絲，忍唔住再叫多碟當飯食。估唔到黎到個份量有甘多，酸酸地好開胃，可以食更多~ 豆沙鍋餅 $58 黎到飯後甜品時間梗係要食豆沙鍋餅啦~最中意就係熱辣辣既時候食，不過小心熱呀🔥食落唔會好油，用黎解膩都係一個唔錯既選擇
烏龍水果茶 $38 最後都係叫左杯飲品黎個大團圓結局，佢做到好似出面既手搖飲品甘，又大杯，不過甜度就冇得自選，水果料都好多，有橙有蘋果，可以一試~