Glasshouse (太古城中心)

營業中

休息中

行街唔知食咩好，發現哩間未試過。餐廳裝修幾靚，天花板好多花草裝飾，打卡影相都幾好📸👑椰香青咖喱青口 $168前菜唔知揀咩好就上吓個青口啦，結果有驚喜，平時食青口多數都係白酒忌廉，今次青咖喱又幾特別，椰汁味好濃郁，咖喱好香，加上有少少辣就更惹味👍🏻 多士脆卜卜，配埋咖喱汁好味道😋✨黑松露鵝肝牛肉炒河粉 $178乾炒牛河食得多，加咗鵝肝即刻感覺好高級😂 仲有埋黑松露升級不少🤭 估唔到黑松露配埋一齊咁夾，食到黑松露嘅香味又有河粉嘅鑊氣，鵝肝煎得好靚，外皮香脆內裡嫩滑😍 牛肉肉味香濃但有少少韌。✨龍蝦湯 $88龍蝦湯配忌廉當然係perfect match，飲落香滑，味道濃而不過鹹。✨炒芥蘭苗 $88芥蘭唔算係苗，好彩唔老😆 蝦醬味道好香好濃，不過鹹咗啲😅🔍整體感覺：環境都幾乾淨企理，衛生都唔錯。食物質素同味道都唔錯，只係有少少美中不足。價錢的確唔算好平，性價比唔算太高，但都係值得一試嘅。

放工想食好啲，近近地揀左呢間。7點有多得4枱客仲諗住有啲唔妥。無大期望反而顯出驚喜😀- 服務好好 - 下面好多留言都話服務好差。我諗佢換咗唔同侍應。我係孕婦，佢主動俾咗杯熱水我，仲成個茶壺擺低等我慢慢飲😊期間服務都非常周到。臨走每個侍應都有Thankyou byebye。- 二人套餐$448好抵食😀2前菜2湯2主菜2甜品2飲品主菜 酥炸富貴鴨 - 唔油，皮酥脆，肉嫩滑，份量又足👍🏻甜品 即焗牛油軟曲奇 - 質地味道都好正，加雪糕真係食唔停口👍🏻平時好少寫食評，但佢之前啲評語咁差，希望幫佢平反下。尤其是服務真心唔錯😊食物都有水準😊 晚市得4枱客確實唔容易。

呢間店個裝修幾靚，佢個午餐都抵食，食西冷都係$200內，西冷煎得剛剛好，重肉味之餘，口感亦都好腍，不過份量就唔算好多，食完唔會話好飽，佢個薯條我覺得幾好味，另外叫咗杯招牌檸檬，比我想像之中好飲好多。

食咗個$298的tea set，估唔到都幾精緻喎！第一層有龍蝦沙律，三文魚卷同埋鵝肝多士，有啲估唔到，雖然細細舊，都幾好食。第二層有炸蝦生菜卷，焗蔬菜撻，迷你牛肉漢堡同炸蝦。佢呢度係做東南亞菜，所以個牛肉漢堡有啲薑味，估唔到都幾驚喜喎。第三層係甜點，朱古力brownie正常味，士多啤梨mousse cake同奶凍都係椰子味嘅，嗰啲蜜糖珠珠有陣香味連埋椰子奶凍食都幾特別，但奶凍太實，口感差咗少少。藍色嗰舊估唔到係綠茶蛋糕，呢個淡口番少少都幾好食。馬卡龍係焦糖同另一舊疑似cream味，正常發揮。整體甜點偏甜，所以要提早叫定咖啡/茶，邊飲邊食比較好。咖啡都好飲，有層crema，好香。熱茶係breakfast tea。下午茶時間冇乜人，很清靜，就算叫杯嘢飲傾吓偈都唔錯，肯定舒服過Starbucks或者Pacific Coffee。我哋响Openrice app預先訂位，仲有七折，超抵！我哋都係即興去食，所以都係半個鐘前訂咋，方便。

經外賣APP order左外賣，價錢唔平，淨係薯格都82蚊，叫左3樣野total $400。雖然係外賣APP ，但其實價錢已經係冇mark up到。價值$82嘅薯格，說好的煙肉呢？調味勁鹹，10舊都冇。價值$145嘅沙律，真係x出聲。半個牛油果加兩片麵包 ?_? 說好的蟹肉都失左蹤，成本唔洗$10，賣呢個價進取到呢。呢個價錢起碼俾多幾條沙律菜啦，唔expect份量仲少過starter。價值$166嘅拌麵份量係相比之下都算幾佛心，雖然都係勁鹹唔好食，但起碼會見到舊三文魚冇失蹤。呢間野真係可以blacklist。- - - - -Glasshouse (太古城中心) (太古)太古太古城道18號太古城中心1樓101A號舖

一踏入Glasshouse，立即被花草裝潢嘅環境吸引，整個心情都鬆晒。開餐一啖清新嘅粟米湯，或者鮮嫩三文魚沙律，先至正！🥣🥗 接住嚟嘅椰香咖哩豬扒飯，咖哩香濃得嚟，豬扒嘅外皮食落脆卜卜，真係滿足到我對食物嘅質感追求。和牛漢堡肉質有啲乾，但黑松露蛋黃醬互相配合得剛好，隻薯條又係我心水嘅脆薯🍟。跟住篤身試咗啲番茄芝士羅勒薄餅，重點係嗰層皮薄到出奇，每一啖都充滿咗芝士嘅香濃同羅勒嘅清新，口感層次感十足。最後當然要嚟塊藍莓芝士餅，話你知，連蛋糕都可以做到咁綿滑，每一啖都似係漂浮喺芝士雲端之上🍰。一路飲住我嘅凍檸潤喉🍋，飽足之餘，我覺得今次嘅食物既有口感上嘅驚喜，亦都有味道上嘅層次，下次同朋友傾吓偈嘅時候，一定會再探訪。

Lunch同埋同事一齊去食。成間店都係吉位，但都要門口等位，因為冇乜人手，等咗一陣，侍應帶我哋入去入面近廚房嘅位置坐，用QR code自己落單。叫咗小食拼盤，松露薯條，蜆肉炒意粉同埋豬扒烏冬。小食拼盤有雞翼同埋雞塊有個芝士醬，味道普普通通。薯條配松露醬同埋茄汁，薯條係粗薯條熱辣辣，所以係好食喎。豬扒烏冬塊豬扒都幾大，湯底好淡普普通通。假新聞蜆肉炒意粉好乾身，味道少少鹹，唔算係好食好普通，份量比較少。環境係幾好嘅，不過食到中途，因為我個位係向住廚房望過去見到個着黑色衫應該係主廚或者廚房大佬之旅用口咬咗個調味樽，然後將調味樽入邊啲嘢倒落碟將要出俾客嘅送上面即時感到勁嘔心，已經食唔落。覺得佢個行為係慣咗，所以咁多人喺前好自然咁做咗呢個動作……我就唔會再返去食，你哋自己決定啦。

Express Lunch A + B + C終於有機會嚟 Glasshouse (太古城中心) 食飯，用 APP 訂位十分方便，好多次路過門口見廚櫃放滿精美蛋糕甜品，不過今日可能時間尚早蛋糕款式較少，所以無食蛋糕改叫咗其他嘢。佢午餐選擇好多，可以跟沙律自助餐，南瓜湯、牛油果、熱狗、薯條，仲有第一次食鷄蛋仔跟火鍋，大部分質素算唔錯，而且價錢唔算太貴，只是室內音樂有點大，影響到唔容易傾偈，和眼見只有兩三位店員，所以整體來說還是有改善嘅空間。

整體食物質素一般且份量少，而且香港職員比較惡劣。當中曲短髮女職員態度有特改善，全部服務期間黑臉，呼呼喝喝。同佢反映送錯食物時第一時間會先不禮貌地質疑客人，而且上餐時撞到客人,亂放食物於朋友的財物上，十分古怪，直頭接貼錢買難受，以後不會再來。

The Healthy Fruit Salad                                                The medley of seasonal fruits – succulent strawberries, juicy watermelon cubes, tangy kiwi slices, and more – adds a burst of flavors that dance on the palate. Pineapple Coconut Smoothie                                                    The velvety blend of ripe pineapple and creamy coconut milk is both indulgent and guilt-free.Pepper Squid                                    The chef's flair shines through in the perfectly b

未至於難食但一啲都唔抵食🤑餐廳環境舒適，都可算乾淨企理，但星期六晚市時間8點都比較少人，已覺不妙。客人不多但店員各有各忙，等候多時才有人過來落單。點了2款主菜——黑松露鵝肝牛肉炒河粉、鴨肉湯河粉配溫泉蛋，份量偏小，味道不過不失，吃得出材料很一般，但收費不一般。黑松露鵝肝牛肉炒河粉 ($178)有鑊氣、有一點黑松露香，鵝肝一小薄片、牛肉五片，偏油，份量少鴨肉湯河粉配溫泉蛋 ($138)鴨肉份量還好，河粉或斷或碎，或黏成一團，湯底偏咸但無鮮味，溫泉蛋還好，沒有配菜，就真的只是中規中矩的鴨肉、湯、河粉、溫泉蛋不會重訪也不推薦🫡

是日到了太古溜冰場，發現了附近有間餐廳，晚餐有Seafood Buffet Dinner，價錢都是$398一位，決定入去試試看🤩Buffet：自助吧 + 主菜選一 + 餐飲自助吧~有沙律、雪場蟹腳、蝦、螺等新鮮海鮮、新鮮生果、甜品等，款式唔算太多，但勝在蝦等海鮮新鮮，生果鮮甜主菜~美國頂級西冷配秘制京醬西冷肉嫩有肉汁，配秘制醬汁，微辣甜品~Banana Creme Brulee $98香蕉火焰焦糖燉蛋整體食物質素ok，餐廳用膳環境舒適，裝修佈置富有大自然色彩，牆壁掛滿了一幅幅蝴蝶標本，富有特色。

第一次嚟依間食，真係超後悔行入嚟食，pizza嗌左两個，一個有怪味 ，另一個就好鹹😢😢😢超級難食🤮🤮🤮🤮🤮🤮。。。。。。。。。。。。。。。。。。。。。。。。。。。。。。

嗌咗蜜糖雞翼，然後啲雞翼係臭嘅 😔 同個經理講咗之後佢就話因為啲雞翼係醃咗係咁嘅味。牛肉沙嗲叫做最好㗎喇。雖然有啲近真係叫做個味係最好味 勉強都可以食得落😮‍💨😮‍💨嗌咗個和牛Burger 果肉係乾到，要擺茄汁先至食得落😔 整體來講啲肉嘅品質都係好差。仲差過快餐店啲肉 🤢🤢🤢🤢收嘅價錢又貴個黃牛burger食完之後簡直係想反胃又嘔心 🤢🤢🤢好後悔，帶咗屋企人過嚟呢度食🤢🤢😮‍💨😮‍💨😮‍💨

我同舊同事都係住東區, 所以約食飯都離唔開太古同北角。今次我地就book左位於太古城中心既glasshouse☺️我地叫左意粉同pizza share黎食, 而我自己都另外叫左杯咖啡🥳上菜方面都算快, 同埋分量都唔少 岩晒2個女仔share黎食👍🏻Overall間餐廳都坐得幾舒服, 就算我地星期六去食lunch都唔太嘈 可以傾到計