Chatuchak

營業中

休息中

陪老公去希慎行誠品睇書，睇到好肚餓就上咗去樓上food court食晚飯，行咗個圈，發現呢間位置比較後面嘅泰國菜，見到其他食客食緊嘅嘢食好似好正咁，就揀咗呢一間。鳳尾蝦炒金邊粉 $64賣相都幾靚，有成四隻大蝦，金邊粉味道好好，炒得好幼鑊氣。芽菜、蛋、蝦皮、豆乾、蔥同金邊粉炒勻好香口，food court都整到有水準。仲細心配埋三種調味粉：花生碎、砂糖、辣椒碎，可以跟自己口味自由配搭。鮮菠蘿炒飯 $68用鮮菠蘿真係唔同啲，個飯充滿菠蘿嘅香甜。炒飯軟硬適中，材料豐富，除咗香甜多汁菠蘿粒之外，仲有好多滑雞粒、泰國臘腸、三色豆同埋肉鬆，加埋蛋同埋黃薑粉嘅香氣，炒飯都好正。炸蝦餅拼炸雞卷 +$28/+$26炸蝦餅係跟餐加倍嘅小食，呢個正常發揮，蝦餅都厚身幾紮實，最緊要沾上我最鍾意嘅泰式甜辣一齊食。炸雞卷都係加配小食，幾香口，出邊嘅腐皮酥脆，裏面嘅雞肉都充滿肉汁，唔會乾。龍眼冰+$12最後飲番杯跟餐嘅嘢飲，龍眼冰唔會太甜，陪泰國嘢食絕配，幾清爽。

這間泰國菜就在希慎樓上的大型美食廣場入面 空間大位置多 而這間餐廳是由泰國人主理👍🏻味道夠正宗質素不錯之餘性價比仲好高 人均不用$100😍✨泰式蛋漿咖喱豬扒飯 $64蛋漿咖哩是黃咖哩底🥘配有好多洋蔥🧅彩椒🫑味道不會辣也不膩 加入蛋漿更稠滑🐷帶骨豬扒肉質夠鬆軟醃得入味✨泰式乾炒牛河 $64炒牛河大碟 牛肉份量多又嫩滑 配上炒蛋🥚芥蘭🥬雜菜 豐富好足料 炒得香口有鑊氣又乾爽不油膩✨炸蝦餅（2件） $28以優惠價加配的蝦餅有兩塊夠厚身🍤外皮炸得香脆 口感爽口彈牙 沾上泰式甜辣醬味道更惹味✨芭堤雅燒雞扒（1件） $24用上無骨帶皮雞扒大件啖啖肉🐓肉質夠滑嫩 帶有淡淡的香茅味道 如果可以燒得焦點就更香👍🏻✨飲品以優惠價加配了兩杯飲品 咸檸梳打及香茅荔枝梳打🍋咸檸梳打不會太甜好解膩🍹香茅荔枝梳打甜度較高 有淡淡香茅的味道好清新📍Chatuchak (銅鑼灣)銅鑼灣軒尼詩道500號希慎廣場11樓1105號鋪

行完誠品有啲肚餓，直接就上咗上面嘅food court食嘢行咗一輪，泰國嘢好似最啱食，主食加小食加嘢飲，為返都係$100位，幾抵食鮮菠蘿炒飯$68菠蘿炒飯勁大碟中間除咗雞肉，仲有臘腸粒，味道幾得意泰式乾炒河$64泰式乾炒河可以揀豬肉、牛肉或者雞肉河粉片扁身同闊身，鑊氣十足，炒得好香口炸蝦卷$26蝦卷細細粒，食落唔會太油膩炸蝦餅$28炸蝦餅夠爽脆龍眼冰$12特飲都係加$10，龍眼冰清甜可口阿華田朱古力$10阿華田味道夠濃郁

銅鑼灣希慎廣場嘅food court位於11樓，呢到嘅樓底好高坐得好舒服，仲有超大玻璃窗可以欣賞銅鑼灣城市景觀👀當中「Chatuchak」價錢親民，菜式選擇豐富，仲係由泰國人主理嘅添！一於叫返幾款泰式美食一解相思～鳳尾蝦炒金邊粉泰式炒金邊粉屬常見嘅泰菜，賣點係多層次嘅味道。嚟得泰國餐廳必叫🙆🏻‍♀️金邊粉好大碟，炒得幾有鑊氣，每條金邊粉都係幼幼的，口感好彈牙，而且炒得根根分明夠乾身，唔會變咗一團痴實晒咁，所以好易夾起。味道以酸甜為主，展現出原汁原味嘅泰式風味，再加埋大隻爽口嘅鳳尾蝦一齊食，口感相當豐富～如果想增加口感仲可以撈少少花生碎，伴碟嘅辣椒粉比較辣，怕辣嘅朋友可酌量添加！冬蔭功鳳尾蝦湯大大碗冬蔭功湯配料豐富，裏面有脹卜卜嘅新鮮鳳尾蝦、茹菌及各種香料等。雖然個湯望落去呈鮮紅色，但飲落去味道唔會太辣，個人覺得酸味多過辣味少少，但酸無搶咗辣嘅風頭，反而係酸中有辣、辣中有酸，尾韻又有甘甜，我超鍾意咁剛好嘅酸辣甜比例，可以一口氣將湯通通飲晒😆套餐可加錢配泰式輕食，我就加咗$28配兩件炸蝦餅～蝦餅炸得脆卜卜，新鮮熱辣，蝦膠非常彈牙，而且蝦味濃郁，食得出係真材實料，沾上泰式甜辣醬，甜鮮辣共冶口中

泰式豬手飯(68hkd)呢度菜式由泰國人主理，特別有風味，豬手炆到好腍，豬皮滿滿的膠質，處理得好乾淨無毛，肉都係滷到入哂味，加埋辣醬更開胃泰式濕炒牛河(64hkd)菜同肉量都好多，用咗寛身的泰式河粉，特別煙靭彈牙，出奇地有鑊氣，調味適中唔太咸～炸蝦餅(+28hkd)表皮炸到好脆，無粉感，幾彈牙，呢個價錢完全交到貨👀串燒雞(+38hkd)必點，即叫即燒熱辣辣，雞肉唔乾柴，烤到微微焦邊，配沙嗲醬一流😍👍🏻#foodiblum東南亞

老公上星期牙痛杜牙根，由星期五到星期日都冇啖好食。星期一終於好返，一於食濃味泰國嘢開始。因為趕住行花市，簡單食，去咗呢個希慎廣場food court食，一碟飯一碟金邊粉再加2個小食share一齊食。鳳尾蝦炒金邊粉D金邊粉炒得好香又酸甜濃味，配菜好似芽菜、豆卜、花生碎份量適中，再加埋又大隻又爽口既蝦一齊食，認真好食。炸香茅豬扒好重香茅味，外觀炸得幾靚，唔油，豬扒咬落唔硬，入口好鬆軟。鮮菠蘿炒飯炒飯炒得夠乾身夠鑊氣，好多泰式臘腸，肉鬆多多，鮮菠蘿好新鮮同好多汁，份量適中。炸雞卷有3件，都炸得黃金外脆，點甜酸醬食零舍好味。特濃阿華田朱古力跟餐加$10 ，有得揀熱或者凍，幾好飲，朱古力味的確香濃。

🔖泰式蛋漿咖哩豬扒飯 HKD74咖哩好香椰汁同蛋味，可以見到咖啡嘅蛋漿好有份量，有青椒、洋蔥、芹菜等配料，味道唔錯，略為咸咗少少。豬扒好香，亦唔會太鞋，整體質素唔錯🔖泰式雞肉乾炒河 HKD64炒河非常香白胡椒味，吊味之餘，非常霸道，十分衝擊味蕾，但整個味道好正。無論河粉、蛋、雞肉定菜都帶有好香白胡椒味，食到停唔到口🔖燒豬頸肉 HKD58豬頸肉相對普通，但都燒得幾好，份量亦唔少，醬汁酸酸咸咸幾開胃，整體不過不失🔖咸檸梳打 HKD+10咸檸味好出，飲落幾舒服，配合梳打亦唔會太甜，食完一餐飲這個也非常解膩，可以一試！

*銅鑼灣希慎Chatuchak*今日返工突然間好想搵一間泰國嘢嚟食同事突然間推介一間好好味嘅嘢食，係我哋公司經理成日都會嗌 好好奇咁跟佢去食 原來就係喺希慎嘅food court去到先發現佢都係嗰度嘅常客 雖然話就話food court但係嗰度店員都認得我同事而且服務十分之好無可否認佢俾我感覺，佢根本就唔係一間food Court 係一間屬於價格中上嘅泰國餐廳 而且食物都幾多嘢揀我哋分別嗌咗鮮菠蘿炒飯 真心係真係好新鮮 另外嗌咗一個冬陰功湯麵 冬陰功亦都好泰國兩個都另外加咗一杯嘢飲 一杯係香茅青檸冰 一杯係鹹檸梳打 我哋仲加咗個小食係長春卷 好想講嘅就係真係好好好好好味

Lunch 諗唔到食咩 間唔中就會去希慎food court  點指兵兵咁翻其中一間牌子。咁啱點中呢間 chatuchak 已經幾次回訪了。 上幾次已經試過冬陰功湯粉同埋炒金邊粉。今次我叫咗泰式雞肉濕炒河。個芡打得有少少多 冇expect過係咁。河粉係泰國傳統河粉 比較有彈性同埋大塊 唔係平時食開嗰啲。煙煙靭靭幾特別 有炒香過先打芡 食到有鑊氣。配菜非常多 喺乾炒同湯河之間拎個平衡 可以試試選擇呢個～ 📍Chatuchak銅鑼灣軒尼詩道500號希慎廣場11樓1105號舖

走過無數次銅鑼灣，但今日我行運遇到咗一間泰國菜嘅好去處，仲要係食得起價的自助餐！🌟 我點咗幾款要嘗嘅菜：海南雞飯、冬蔭功炒飯同埋泰式炒牛河。海南雞飯添，雞肉去骨，腍身得嚟又嫩滑，無話可說，真係啱晒怕麻煩啲食友。隊冬蔭功炒飯哋，我就話佢勁叻呀！👍 炒得粒粒分明，冬蔭功嗰陣香氣又岩岩好，海鮮落嘴驚艷！泰式炒牛河都唔遜色，粉身夠滑，炒得鑊氣十足，唔會嘥臊，個人仲鍾意啲蛋絲同炒菜間中夾雜增加咗口感。最正嘅可能唔喺呢啲菜，而係可以坐喺商場嘅食座，享受著日光嘅普照，一邊食一邊影靚相。😎 無論外表定味道，呢度嘅泰國菜都做到足夠嚇人，下次係銅鑼灣有機會，我一定會再黎呢度填飽肚子！

有日行開希慎廣場，發現佢頂樓嘅food court都幾多野食，有一間泰國菜「Chatuchak」就特別吸引我🤩價錢好親民，味道都唔錯又大份👍🏻泰式蛋漿咖喱飯 $64通常食開青咖喱，但原來呢個蛋漿咖喱嘅椰汁香味更重，又唔會好辣，好岩送飯🥰而肉方面就可以揀豬扒/雞扒，豬扒炸得香口，肉質都彈牙同埋唔會好薄一塊😋鳳尾蝦炒金邊粉 $64一開頭俾個份量嚇親！金邊粉炒得岩岩好，唔會太濕/太乾，味道方面酸酸甜甜，旁邊仲有辣椒粉、白砂糖同埋花生碎去自由添加味道同口感👍🏻蝦餅我用$28加配左個蝦餅，蝦餅夠厚夠彈牙，而且炸得好脆口👍🏻飲品我地叫左青擰梳打同埋珍多冰，2杯都推介大家試試😍Chatuchak (銅鑼灣)銅鑼灣軒尼詩道500號希慎廣場11樓1105號舖性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️建議：喺銅鑼灣返工嘅朋友推薦一試

12月仲咁鬼熱，我係唔係係泰國🇹🇭😂？啲冷衫呀，毛毛衫呀仲未可以著出街🥵熱到食個泰國菜都可以扮自己去左泰國😆係希慎food court見到有泰國野食就同叔叔叫左個冬陰功蝦炒飯同豬扒湯金邊粉不得不說個炒飯酸may may 好開胃😍個飯炒得好乾身，唔會濕立立一pat 野咁豬頸肉湯粉個湯好清甜，燒豬頸肉又爽口又彈牙，我叫左泰國招牌金邊粉，超似真係係泰國食緊野😂加錢跟餐仲有小食同飲品～呢度埋單都只係2百蚊左右，幾抵食😆

去左希慎廣場誠品買野, 咁就諗住簡簡單單喺11樓food court食個LUNCH 啦 貪佢多選擇 , 入面有間泰式餐廳 Chatuchak 餐廳 仲係泰國人主理餐牌好多款式選擇，價錢親民 , 都係傳統泰國菜為主～咁就啱曬, 一於食呢間. 招牌海南雞飯 $68  -  份量好多  油飯好香D  雞肉滑,雞皮爽 好味 仲有醃蘿蔔.  仲有個地道醬汁配雞食同撈飯都係無得頂.  泰式豬頸肉飯 $68  -   豬頸肉外脆內彈牙,燒到微焦 好香口，份量又係好多。跟餐可加錢加小食  配炸蝦餅 $28 -  香脆爽口      加配 蒜香單骨雞翼  $32  炸得幾出色 , 單骨易吃,微微蒜香佢地嘅小食都真係好出色,真係即炸嘅, 比起出面好多泰菜餐廳做得更好.  仲可加錢配飲品,   +$12 珍多冰  都係好濃嘅椰汁. 正.

去左希慎廣場誠品買野, 咁就諗住簡簡單單喺11樓food court食個LUNCH 啦 貪佢多選擇 , 入面有間泰式餐廳 Chatuchak 餐廳 仲係泰國人主理餐牌好多款式選擇，價錢親民 , 都係傳統泰國菜為主～咁就啱曬, 一於食呢間. 招牌海南雞飯 $68  -  份量好多  油飯好香D  雞肉滑,雞皮爽 好味 仲有醃蘿蔔.  仲有個地道醬汁配雞食同撈飯都係無得頂.  泰式豬頸肉飯 $68  -   豬頸肉外脆內彈牙,燒到微焦 好香口，份量又係好多。跟餐可加錢加小食  配炸蝦餅 $28 -  香脆爽口      加配 蒜香單骨雞翼  $32  炸得幾出色 , 單骨易吃,微微蒜香佢地嘅小食都真係好出色,真係即炸嘅, 比起出面好多泰菜餐廳做得更好.  仲可加錢配飲品,   +$12 珍多冰  都係好濃嘅椰汁. 正.  

今日早收工，同同事兩個去附近希慎廣場嘅11樓美食廣場度食chatuchak. 揀咗窗邊位坐，可以望到時代廣場嘅夜景。因為午餐已經食咗澱粉質類，今餐我哋諗住唔叫澱粉質類嘢食，食吓小食就算。炸蝦餅（三件，$58）蝦味都好香. 炸得唔會好乾身。個醬汁味道都幾開胃。燒豬頸肉（$58）質地爽口彈牙。用咗泰式嘅醃料。好重香料味。燒雞串（三串，$48）一串有四粒雞肉。好Juice。沙嗲醬好惹味同雞肉好夾。炸香茅豬扒（$36）香茅味好香。豬扒唔會好乾身。點埋個醬汁味道啱啱好。雖然係food court，但都坐得好舒服。