Burgeroom (美麗華廣場1期)

營業中

休息中

今日很開心和朋友去尖沙咀行街，他剛剛從外國回港，要食漢堡，我便帶他來看看香港的漢堡和外國的有什廖分別。雙鵝肝牛肉漢堡漢堡送到我的面前，就見到兩大件既鵝肝，睇到就已經開心，漢堡超大個又足料，厚厚嘅漢堡扒煎得生熟程度剛好，而且肉質好鬆軟，半溶嘅芝士加上生菜，Juicy嘅蕃茄，麵包亦唔錯，烘過熱辣辣好軟熟，主角鵝肝當然係煎到外脆內軟，入口即化，漢堡的醬汁有千島醬，整個Burger 相當好食，還有仲有新鮮沙律菜，中和油膩感，這款口味令人流晒口水，這個漢堡一個人吃太過份，但我全部食晒😁。鵝肝份量十足，又大又厚，外層煎到微焦金黃色，食落有層微脆的口感，入口外脆內軟，而且入口滿口油脂甘香，感覺沒那麽油膩，最喜歡半溶芝士可以拉絲，每一口都吃得到芝士香，食完令人很回味。最後加上一杯熱咖啡，今餐非常滿足。

平時其實好少去食漢堡包等嘅美式西餐，但係最近因為啱啱去完美國做嘢返嚟，所以就有啲掛住嗰陣食過嘅美式漢堡包嘅味道，本身都知道香港有好多唔同嘅漢堡店，但係真係做到正宗用傳統嘅美國漢堡包味道就唔多啦！今次就好彩俾我喺尖沙咀鬧市美麗華商場入面搵到一間專做美式漢堡包嘅食店，一入到去見到佢成個裝修已經好友美國復古風格，很有feel！今次同朋友一齊試咗幾款唔同嘅漢堡包，分別係菠蘿煙肉同牛肉漢堡包同埋墨西哥辣椒牛肉芝士漢堡包，兩隻嘅牛肉餅都非常之嘅Juice，又有好香好重嘅牛肉味，加上本身已經有厚度口感非常之豐富！前者菠蘿同煙肉嘅組合，好有熱帶風情，菠蘿酸酸甜甜嘅口感可以好好咁樣綜合左漢堡油膩既感覺，煙肉煎得香脆有油香，成個層次就會比較豐富，我覺得食漢堡包就係要有豐富嘅口感先係最重要！而墨西哥辣椒就唔係特別辣，青辣椒同芝士嘅配搭係match嘅唔錯！

今日嚟接男朋友放工，於是就喺附近搵食～嚟到呢間一直bookmark左好耐嘅burger試試佢😋呢到好多位，都坐得好鬆動👍🏻呢到嘅burger款式真係好多‼️選擇困難症嘅我諗左好耐先揀到想食咩😆仲有得加錢加多啲toppings添～🍔牛油果醬芝士牛肉漢堡 - $100burger嘅重點一定係個包！呢到嘅包入面好鬆軟，但外皮都係好香脆的～而且個burger好足料‼️見到個橫切面就個舊牛肉有幾厚啦😎厚實嘅牛肉配上香滑嘅牛油果醬，口感好豐富👍🏻🍔大烤菇芝士牛肉漢堡 - $118burger加大啡菇真係永遠唔會輸嘅組合😋呢個大啡菇好juicy, 一啖咬落去好有層次👍🏻爆哂汁！另外要讚返，將burger切開兩份，除咗方便食之外，仲好方便同朋友share食唔同口味呀！😆🍟旋風薯條 - $35呢個薯條好抵食‼️大大份，炸得好香脆👍🏻新鮮熱辣出爐👍🏻🍺Asahi (500mL) - $39宜家做緊promotion, 嘉士伯/asahi 500mL只係$39咋！食burger同薯條呢啲熱氣野，配返杯鬼佬涼茶真係一流😆-結論：最後埋單兩個人食左$322，以呢個質素同份量，我覺得非常滿意😋👍🏻另外仲想讚讚店員好細心

開開心心去食lunch，我和朋友點了:1）煙肉芝士牛肉漢堡套餐：這道煙肉芝士牛肉漢堡套餐給人留下了深刻的印象。漢堡麵包口感鬆軟，內部夾著多汁的牛肉漢堡排。煙肉的鹹香與芝士的濃郁完美融合，為漢堡增添了豐富的風味。配菜搭配得宜，薯條酥脆可口。2）墨西哥辣椒芝士牛肉漢堡套餐：墨西哥辣椒芝士牛肉漢堡套餐帶來了一種獨特的辣味體驗。辣椒的香氣和辣度與芝士的香濃相得益彰，與牛肉漢堡排完美融合。這種組合為漢堡注入了一種辣味的風味，讓人回味無窮。3）飲品：荔枝梳打、焦糖鮮奶咖啡：荔枝梳打是一個獨特而清新的選擇。荔枝的香甜和氣泡水的氣味完美結合，帶來一種令人耳目一新的口感。這款飲品不僅解渴，還帶來了一種水果的甜美。焦糖鮮奶咖啡則是一種濃郁的選擇。咖啡的香氣和鮮奶的滑順口感相得益彰，焦糖的甜美為整個飲品增添了一種豐富的層次感。Burgeroom提供了多種美味的漢堡套餐。服務態度友好，環境舒適👍🏼👍🏼👍🏼。

Burgeroom 嘅burger一向水準唔錯。今日同朋友去食，揀咗牛油果醬芝士牛肉漢堡同墨西哥辣椒芝士牛肉漢堡。午市套餐只加$35就可以配直薯條同飲品，我揀咗蘋果汁同檸檬梳打水！先講返呢兩款漢堡，牛油果醬芝士牛肉漢堡真係一絕！牛肉漢堡肉質鮮嫩多汁，配上牛油果醬同芝士，真係好滋味！每一口咬落去，牛肉嘅香味同芝士嘅濃郁口感就即刻爆發出嚟，好juicy！另外一款墨西哥辣椒芝士牛肉漢堡亦唔輸俾牛油果醬版本！漢堡入面加咗墨西哥辣椒同芝士，味道更加香辣同濃郁！辣椒嘅嗆辣同芝士嘅濃味好搭配，好香辣好味。最後要講返午市套餐，只需加$35就可以配埋直薯條同飲品，超抵食！我揀咗蘋果汁同檸檬梳打水，清新又解渴！蘋果汁嘅自然甜味同檸檬梳打水嘅氣泡感，真係好適合陪伴漢堡一齊食！

平日放假去尖沙咀睇完早場行左去美麗華買嘢 俾Burgeroom門口嘅Burger圖吸引咗就同friend入咗去醫肚入面成個格局都好American style漢堡都唔單止有牛仲有雞、海鮮、素肉黑松露芝士大烤菇煙肉牛肉漢堡$130漢堡好巨型好厚身非常足料 一大啖咬落去需要啲技巧黑松露同芝士嘅組合簡直就係無敵大烤菇搭配上黑松露同濃郁嘅芝士令味蕾感受到滿足牛肉實淨得來入口非常Juicy牛味都好夠加埋煙肉嘅焦香口感豐富蜜糖芥末大烤菇煙肉牛肉漢堡$120漢堡配上生菜同蕃茄、蜜糖芥末醬料幾refreshing加埋大啡菇鮮味多汁 甜甜咸咸帶少少酸酸同芥末強烈鮮明嘅味道 口感層次非常豐富值得一讚嘅係上餐好貼心咁樣幫我哋將漢堡切開一半等我哋可以輕鬆share嚟食我哋都加咗錢upgrade做套餐包薯條同餐飲直薯條炸到香脆酥軟 食漢堡包必食之一嘢飲有酒提供添意大利嘅Sanpellegrino 西柚梳打入口甜甜地然後散發著微微的苦澀味幾特別 血橙梳打

餐廳以美國街頭工業風作為裝潢主調 環境寬敞舒服 漢堡份量十足 賣相非常吸睛😋🍔黑松露芝士大烤菇煙肉牛肉漢堡 $130牛肉厚度十足肉味濃 煎得焦香 跟菇菇一樣非常juicy 煙肉不會太乾身 黑松露醬很香濃 跟hl有材料非常搭配😋🍔牛油果醬芝士雞柳漢堡 $100雞扒煎得非常焦香 保持到肉質嫩滑 生菜爽脆蕃茄鮮甜 麵包鬆軟 牛油果醬中和了肉的膩感 配搭蜜蜂芥末醬 整體層次及味道很豐富 套餐+$35 包薯條及餐飲😋🍟薯條粗薯連帶薯皮 薯味十分香濃又香脆🍹蜜桃冰茶甜度剛好 蜜桃味突出☕️香濃熱朱古力朱古力味非常香濃 入口幼滑

喺美麗華商場一期嘅2樓，原來沿着廁所方向行入去仲有一個小角落，平時都冇乜為意。入邊有幾間餐廳同幾間買鞋服飾嘅舖頭。鄭伊健發現有一間burger店，見佢裝修非常有美式風味，所以一於入去試吓佢嘅食物。價錢同其他burger店差唔多，都係$100左右一個，但呢度嘅份量相對地就比較大。叫咗一個黑松露大啡菇芝士牛肉漢堡，非常足料，麵包中間夾住牛肉漢堡扒，芝士，蕃茄，生菜，煙肉，同大啡菇。一個人淨係食個包就已經好飽。漢堡扒煎至九成熟，所以口感唔會太乾柴，而且牛肉味道香濃。黑松露醬都好香，令到成個包嘅味道升咗一個層次。另外仲叫咗牛油果醬芝士薯條，芝士落得毫不手軟，非常之多，而且薯條係粗身，唔會炸得好乾好硬。

Burgeroom 一直都係我心入面好食既burger頭幾名，今日dinner去食，水準都係到。叫左個芝士煙肉牛肉漢堡，好大個，最鐘意係佢會有幫手切一半分2邊，真係方便好多! 中間夾層都見到D肉汁流出黎，好juicy，個牛一D都唔乾，入面個醬又唔會膩，中間有燶邊既煙肉，芝士，蕃茄，生菜呢D，個包仲有D牛油香，一啖食落去係勁滿足。另外，食左個牛油果雞柳漢堡，牛油果醬好fresh，所以食完都唔會話好油膩感重，雞柳好香，我個人鐘意呢個配搭多D! 因為比較輕盈。叫左佢地既直薯條，本身諗住都係正正常常，但又幾有誠意，應該係即炸，一食落口勁熱，而且唔係番油再炸既味，同埋係粗著，夠曬口感。呢間真係可以一直encore!!

Burgeroom 裝修環境舒適，地理位置優越，非常適合gathering 或者happy hour☺️今日和朋友黎食lunch，叫了二個lunch set，Portobello Cheese Burger(Combo)& Portobello Hoki Fish Burger 連薯條及梳打。我自己嗰份炸魚burger，魚塊炸粉十分薄、魚肉厚身又好實淨，唔會因為份魚肉厚而竹簽一拮落去時就散開，證明佢本身嘅quality都十分之好，我覺得就算拆開食，唔當係一個漢堡包嘅餡，單獨一份Fish & chips都係十分高質!Burgeroom個包好厚身好fluffy，咬落去十分之有層次。朋友嗰個大蘑菇牛肉漢堡包，牛肉很好味，吃落口時不單Juicy 而且吃得出肉一粒粒，而唔係完全的切碎的免治肉嘅感覺食了幾次burgeroom 水準都是穏定發揮！

🧡💛🧡熔岩芝士漢堡🧀️芝士令人快樂！熔岩芝士令Hatty加倍快樂！😆前排經過Burgeroom，留意到佢哋有熔岩芝士嘅漢堡包，作為芝士控又點可以錯過呢？💛熔岩芝士牛肉漢堡💛 $140熔岩芝士包裹住成個漢堡，芝味濃郁🧀令人食慾大增！依度嘅漢堡包都可以追加配料，🍍我就加咗菠蘿同埋牛油果醬！🍔咬落去 有juicy嘅牛肉漢堡，加埋追加配料，🥑味道更豐富！🤎熱榛子鮮奶咖啡🤎 $40估唔到熱飲都幾大杯，香甜嘅榛子令成杯鮮奶咖啡更易入口，🌰仲好順滑添！☕️💚奇異果汁💚 $38夏天想開胃就要揀啲酸酸甜甜嘅果汁，消暑解渴都好適合！其實Burgeroom仲有好多好多burger🤣配搭層出不窮😛下次試其他先！😆BTW記得save post，方便向店員查詢有關漢堡啦❣️📍Burgeroom📍尖沙咀彌敦道132號美麗華廣場一期2 樓 207 號舖

同女兒去尖沙咀shopping,之後佢帶咗我去美麗華廣場食漢堡包。Burgeroom是一間主打美式漢堡的餐廳，裝潢以工業風為主調，場內佈滿車呔、霓虹燈和塗鴉等裝飾，設計時尚，環境寬敞舒適。主打漢堡包，款式除了肉類和海鮮之外，更有素食系列，照顧不同客人需要。菠蘿鱈魚柳漢堡：上枱時漢堡包已經一分為二，方便客人進食，芝麻麵包稍為烘過，表面微脆內裡鬆軟，漢堡用料豐富，厚厚的鱈魚柳外脆內軟，魚肉雪白嫩滑，炸到好香脆，菠蘿輕輕烤過，香噴噴酸酸甜甜的，另有新鮮生菜和蕃茄中和油膩。菠蘿燒烤醬雞柳漢堡：甜甜酸酸的菠蘿 ，配上厚身又大塊的即煎的雞扒，加入燒烤汁，層次感豐富又惹味！香脆雞塊配芝士醬：香脆雞塊即叫即炸，每塊都沾滿金黃色芝士醬，啖啖都感受到香脆與濃滑之雙重口感，美味程度立即昇華！

今日又食Burger🍔 我發覺漢堡都係我最喜愛的食物其中之一，呢間漢堡餐廳用工業風裝修風格，都好靚同潮架。兩個女仔點左幾樣野食，食得好飽🤰🏻鵝肝芝士牛肉漢堡$168又係揀左我最愛既鵝肝， 又係真鵝肝，好香好肥😋牛肉質地鮮嫩多汁，有芝士🧀️就重口味少少🤏🏻 整體上都好味。牛肉漢堡$ 80經典既漢堡味道純正，牛肉煎得岩岩好，都係好多汁，搭配新鮮的蔬菜和蕃茄，食落鮮美，是一款經典而實惠既選擇。芝士醬配雞塊$70雞塊炸得酥脆，外皮脆雞肉嫩滑配埋芝士醬，又邪惡又好味😋奇異果汁$38係用新鮮奇異果🥝搾汁，微酸味道清爽又健康，感覺揀得幾好👍🏻滋味漢堡·Burgeroom有多款漢堡選擇，店鋪工業風裝修風格坐得舒服，如果你同我都係一樣-漢堡愛好者，可以試吓呢度啲漢堡。呢度除咗漢堡包，仲有姜濤代言嘅啤酒🍻滋味漢堡·Burgeroom (尖沙咀)📍尖沙咀彌敦道132號美麗華廣場一期2 樓 207 號舖

見到個名叫做Burgeroom ，以為整漢堡包好出色，俾個名吸引入去..叫咗個最基本$80牛肉漢堡，張相見到芝士都冇一塊，就咁睇麥X X D料仲好過佢，個包就係最基本麥X X big mac 嗰個包，之後個汁就係普通嘅千島醬汁，一塊生菜，半塊蕃茄，啲料真係比較少，嗰塊牛肉扒仲要係散嘅…薯條加$35正正常，新鮮熱辣炸，外皮香脆，都算幾好食蜜桃紅茶38 $，正常發揮加埋一$169，服務都係OK嘅，但係佢個名叫做Burgeroom，啲Burger就一啲都唔OK，價錢中高，同 five gxxs ,差唔多價錢，但係質素就爭好遠…. 如果佢唔係主打食漢堡包，淨係普通茶餐廳或者係西餐我都接受到咁嘅質素，但係如果主打係食漢堡包🍔，咁我只可以話佢個漢堡包質素仲有好大嘅改善空間…

📍尖沙咀同朋友行街，喺美麗華行到肚餓，見到有鵝肝漢堡，即刻衝入去😆。夜晚都幾多人，見到全場都坐滿。兩個女仔食唔到太多嘢，就嗌咗一個漢堡包，一個小食，一個薯條share。$168 🍔鵝肝雞柳漢堡一定要試吓鵝肝，平時出邊多數都係普通漢堡包，呢度可以揀鵝肝。咬入口，鵝肝嗰個香味爆出嚟，雞扒都好大塊，大滿足。$70 🍗香脆雞塊配芝士醬(6pcs）芝士醬好濃郁，有啲似高級版嘅麥樂雞，雞肉都唔會嚡熠熠。$35 🍟旋風薯條喺扭扭薯條啊！炸到外脆內嫩，食到停唔到口。$38 🍹蜜桃梳打朋友嗌咗杯梳打走冰，但都好夠凍，配漢堡包一流。$38 🍸茘枝冰茶食熱氣嘢，配返杯冰茶，感覺好似中和啲，又香荔枝味。