南昌 好耐冇過嚟呢邊行，夜晚見到呢間酸菜魚，用勁少女嘅粉紅裝修，就吸引咗入去 價錢都非常之抵，有一個小食，一個甜品，一個主菜，一碗飯。 $138 酸菜魚套餐 酸菜魚好有誠意，仲用一個細嘅火一路熱煮，唔會凍。超鍾意食呢個夠酸嘅酸菜魚，魚片好滑溜，冇骨，勁大碟，兩個人share都好夠食。 $118 口水雞套餐 呢個餐差唔多有成半隻口水雞，雞肉非常之滑溜，雞皮都好滑。而且有小小麻辣。越食越過癮，好容易就食晒成碗飯。 $38小酥肉 呢個價錢，份量都好大碟，又係脆卜卜，我仲配口水雞個汁，超正！ 小食配咗一個酸辣土豆絲，鳳爪。土豆絲又係好夠味，鳳爪都整得好好食。另外配咗兩份炸鮮奶。炸到脆卜卜，入邊嘅鮮奶仲係熱辣辣好滑。 另外怕辣，就叫咗杯手打檸檬茶，見到店員真係用手打，而且都好好飲，比起外面嘅都唔輸蝕。

📍旺角 估唔到百寶利入邊有間咁好食嘅西餐 $74 Truffle Bikini 呢個其實係黑松露芝士三文治，內裏夾住咗超多黑松露，芝士溶溶地，三文治又烘得好鬆脆，第一次食到呢一款食物 $76 Fried Chicken Wings 飲酒一定要嗌炸雞翼，雞翼炸到脆卜卜，份量勁多勁大碟 $158 Laksa Seafood Risotto 喇沙味嘅冬陰功Risotto都真係好少見，見到在場好多人都嗌呢一款，我哋都唔輸蝕。喇沙味好香，仲有超級多海鮮 $148 Supreme ShrimpBurger 喺西餐都好少見到蝦嘅漢堡，呢度見到一定要試。個包用牛油煎香咗，配埋蝦餅，仲食到一粒粒嘅蝦，勁好食。仲有沙律菜同薯條，勁滿足。 $128 J moon 呢度嘅特色飲品，勁啱打卡，會喺你面前整個波。呢杯嘢甜甜地，好啱女仔飲，又啱打卡。 $128 Gemini 呢度另外有12星座命名嘅Cocktail ，見到呢杯係沙冰，仲有posesco ，果然冇失望。係近年嚟飲過最有印象嘅一杯Cocktail之一。 成個感覺都好超，好啱拍拖傾吓偈，又或者同一大班朋友喺度吹水

📍中環 去買嘢，見到有呢間，感覺幾chill 見到都幾多外國人收工過嚟飲兩杯，一路傾偈一路食嘢，裝修又靚，一路播歌都好有feel。服務態度都好好，同客人打成一片。 $36雞軟骨 $36 澳洲牛小排 $78厚切牛脷芯 $36雞髀肉 叫咗四串串燒，每一樣都醃得啱啱好，配埋調味料，正！牛舌心厚切，大大嚿，都有成三嚿，爽口。 $138海膽松葉蟹蓋格羅燒 呢個價錢都好抵食，最欣賞係梳打餅係脆嘅，最怕嗰啲淋曬。呢一樣又係送酒一流。 $118特級龍蝦串 呢樣周圍都好少見，所以叫咗一個試吓，佢係由四至五嚿龍蝦肉串成一串，呢個價錢都抵食，而且燒得好香。 $48 枝豆 朋友最鍾意食呢個，呢個佢都話好好食，知道份量好多，仲好貼心咁仲有骨碟。連骨碟都幾靚。 $48 燒雪干 係燒雪魚干，呢樣送酒一流，仲有沙律醬，食吓食吓好快就冇晒。 $388 香煎鵝肝野菌釜飯 香煎鵝肝飯，勁多鵝肝！ 差唔多有兩舊手掌咁大嘅鵝肝，超滿足，對於我呢啲鵝肝怪獸嚟講，大滿足。另外仲有好香嘅菌味。 $88明太子奶油三文魚子烏冬 呢個又係好好食，係我最鍾意嘅稻庭烏冬，每一條烏冬都掛滿咗明太子嘅汁，係近期食過最好食嘅明太子烏冬！上面仲有紫菜，三文魚子😳 $138 vesper 好香檸檬味，啱晒想飲烈酒嘅女仔😳，對於成日飲酒嘅女仔，呢杯啱啱好。 $118 Mojito 朋友叫咗呢杯，經典冇得輸

男朋友超鍾意食餃子，今日經過呢度，點可以試？ 晚上6:00 ，已經咗一大半嘅位 $92龍鳳松茸雙餃8隻 配湯 呢個係雙拼口味，但都係重重嘅口味，超級好食，超香松茸味，皮薄餡靚，男朋友勁快就食晒。仲要配咗碗湯，好滋潤，個湯嘅材料有蘋果等等嘅配料。 $58 香煎軟心芝士餃 煎餃 我就鍾意食煎餃，就揀咗呢個芝士煎餃，一食入去，勁多芝士，仲有超多粟米。 $33 涼皮 經典菜式，揀咗小辣，底下有超多青瓜絲配菜，涼皮滑溜。 $35 上湯松茸時蔬 食煎餃好似有啲邪惡，所以要叫返個菜，配咗上湯，青青地。菜心煮得啱啱好，有口感。 $20（凍）蜂蜜檸檬薏米水 超足料，甜甜地，新津解渴 $10 可樂

📍新蒲崗 陳儀興玫瑰火鍋小廚 今日天氣凍咗，又想食返個雞煲，喺新蒲崗見到呢一間，俾佢個新菜式吸引咗。 魔鬼牛雜雞煲$288 叫咗半隻，份量都好多，叫咗小辣，越食越辣，辣得好過癮。雞煲啲雞好嫩滑，仲有唔少配料，第一次食到呢個配搭，兩樣嘢都好夾，啲牛雜煮得好腍。又有牛肚，腸，超多嘢食。 之後仲加咗小小配菜，油麥菜，餃子，雲吞，手切牛肉，米粉。 松露餃子，超香松露味，出乎意料，冇諗過可以喺呢度食到，份量都好大隻。另外加$5雙拼配咗要鮮蝦雲吞，都係粒粒都好大隻，皮薄餡靚。 手切牛肉冇得頂，就咁都睇到啲油脂分布好平均，紋路好靚，有口感。呢個價錢食到都好抵。 另外叫咗個米粉，因為覺得吸晒啲汁個米粉就好好食，如果所料真係好滋味。 仲有呢度嘅服務態度， 出乎意料嘅好👍🏻

朋友生日，揀咗呢間食。 見個名記得意，上到去原來大小朋友都啱玩。除咗有board game，仲有超多恐龍玩具，啱晒一家大細。 $588 2人餐 勁誇張，個份量兩個女仔係食唔晒🤭建議大家可以三個人share。應該做會員仲有得再平啲。 西班牙火腿蕎麥麵沙律 忌廉蘑菇湯 圖班卡納三文魚 蜜糖烤雞Prizza 鹽酥雞粒拼魷魚圈 杏仁牛角窩夫配雪糕 Tiramisu 抹茶拿鐵 荔枝茉莉茶 好多個選擇，叫咗個沙律，仲要有埋蕎麥麵，超大份，配黑醋汁。 見到個名幾得意，就叫咗個三文魚，三文魚整得啱啱好，唔會過熟，仲有好多汁， creamy。 蜜蜂烤雞pizza，仲有勁多芝士，pizza嗰邊勁脆，薄薄地，好有口感。 小食揀咗雙拼，份量都好多，全部都脆卜卜。 仲包埋嘢飲，朋友叫咗杯抹茶拿鐵，我就飲荔枝茉莉茶，仲有兩粒荔枝喺度超足臉料。 甜品方面，揀左牛角包窩夫，同埋Tiramisu。牛角包窩夫超正，又唔會太大份食唔晒，配埋士多啤梨雪糕一流。Tiramisu都好Creamy，但又唔會太甜。 仲有得夾公仔🧸

以前成日食呢間，見到喺旺角開咗一定要食! $62 薯條配黑松霧醬 薯條份量都好多，每一條都炸到好脆，黑松露上不得了。 $65單骨雞翼配配蜜糖芥末醬 呢個價錢以為細份，點知一上枱份量多到嚇親，勁大隻雞翼，仲要炸到脆波波，入邊都仲係好Juicy，勁邪惡。 $158月見燒牛肉丼 估唔到呢個丼飯，係炒飯底，炒飯用咗珍珠米，唔會乾珍珍，仲有蟹籽，翠玉瓜，粟米，蛋做配料。牛肉整得啱啱好，有焦香感，入面嘅肉仲係軟腍腍，牛尾都好濃郁。仲配埋生雞蛋，一流。 $66 特濃5.0牛乳芭菲 - 朱古力 甜品店可以唔叫，軟雪糕超滑身，香濃牛奶味，配埋朱古力。仲有Oreo，脆米，nuts ，慕絲朱古力醬。好少喺出邊食到咁好食嘅軟雪糕。 $48 Coconut Pandan Latte 好特別嘅飲，斑斕椰子拿鐵，成杯都好靚，好啱打卡，斑斕味都好濃郁，兩樣嘢都好夾。 $88 原味梳乎厘班 疏乎厘班戟點可以唔食，叫咗原味，超凍，濃郁蛋味，同埋漿超正。 成場都爆場，想食記得要book位。仲要途中見到超多人買外賣雪糕。

$178 醉烤三黃雞 喺呢度嘅招牌菜式，外脆內嫩，juicy爆汁，三黃雞配上花雕酒醃製兩日，再烤焗，勁大份，仲提供埋手套。 $48焦糖雞翼 炸雞翼配上焦糖漿，好似都係第一次食到，原來兩樣嘢都可以夾到😍，感覺似食另一種甜美嘅蜜糖雞翼。 $38夜市粟米棒 個名勁搞鬼，香甜嘅鮑汁粟米，配上台式燒烤醬，好似去咗台灣夜市咁。 $58 法式多士 法式多士唔係周圍都有，用牛奶同雞蛋浸泡再用牛油煎香，配埋糖漿，口感鬆軟。 $68 開心果奶昔 係近期大熱嘅開心果，都係第一次飲到開心果奶昔，好香濃嘅開心果味道，又唔會太甜，仲有邪惡忌廉。 $68 粉紅西柚梳 粉紅西柚，配上日本柚子雪葩，仲有泰國梳打，勁滿足，打卡又靚，朋友好鍾意飲呢杯。

今日嚟到呢間撐枱腳，拍拖。 成個環境都好優雅，又唔少嘅乾花裝飾，裝修篇木吊風，啱晒打卡。仲提供埋濕紙巾，喺觀塘呢一區其實真係冇見到👍🏻 $78赤蝦他他 出邊他他多數都係牛肉或者係魚，見到呢度有隻蝦，一定要嗌。呢個價錢食到超抵，超多蝦，彈牙，又靚，配埋上面檸檬忌廉汁🤭🤭 $148油封鴨腿 喺外面好少見到會有鴨腿食，見佢價錢都好平，所以就叫咗呢一個。鴨肉整得好嫩滑，好容易就可以起晒啲肉。最估唔到係仲配咗糖心蛋。薯蓉好滑。 $138大蝦海膽醬忌廉意大利麵 海膽醬意粉見到係招牌菜之一，creamy 醬汁，都有唔少嘅大蝦，每一隻都煎香咗，每一條意粉都掛滿咗海膽醬，仲有紫菜，呢個價錢食到真係超抵。 $58千層窩夫酥配雜莓芝士奶蓋 呢個其實就係牛角包窩夫，出邊好少配雜莓芝士奶蓋，所以就叫咗呢個試吓，超鬆脆，配埋奶蓋一流。 $58雜莓乳酪沙冰 見到都係招牌之一，寫住100%先果肉製作，忍唔住叫咗杯，成杯都好色彩繽紛， 100%果肉好鮮甜，啱晒女仔打卡，酸酸甜甜。 $48朱古力奶泡 另一杯招牌特飲，用法國可可粉配埋3.5%牛奶製造嘅凍奶泡，成杯Cappuccino咁，超濃郁朱古力味，仲要配埋燒棉花糖，勁正

行街行到攰，見到呢間幾多人，就入咗去試吓 $198 酸菜魚 呢個份量三至四個人食都得，超大份。魚片好滑溜，冇骨，揀咗少辣，啱晒食唔到辣嘅朋友。 勁多配料，有芽菜，萵筍，酸菜，蓮藕。唔夠飽仲可以加個飯或者米線。 $14 雞軟骨 雞軟骨好惹味，好多孜然粉，有口感。 $18 和牛串燒 和牛串燒，好濃郁嘅牛味，配上孜然粉，正！ $10燒魚片頭 燒魚片頭都幾正，好似出咗去燒嘢食咁🤤 $28 錫紙娃娃菜 叫個娃娃菜，好似冇咁邪惡，勁多蒜蓉，朋友超鍾意🤭 $32荔枝茉莉綠茶 叫串燒一定唔少得要叫埋嘢飲，解渴，荔枝冰茶清爽，仲有菠蘿同蜜桃做配料。 $38志明奶茶 見到個名幾吸引，睇真啲係泰式奶茶，叫咗少甜少冰，感覺啱啱好，唔會太甜🤤