Burgeroom (美麗華廣場1期)

營業中

休息中

喺美麗華商場一期嘅2樓，原來沿着廁所方向行入去仲有一個小角落，平時都冇乜為意。入邊有幾間餐廳同幾間買鞋服飾嘅舖頭。鄭伊健發現有一間burger店，見佢裝修非常有美式風味，所以一於入去試吓佢嘅食物。價錢同其他burger店差唔多，都係$100左右一個，但呢度嘅份量相對地就比較大。叫咗一個黑松露大啡菇芝士牛肉漢堡，非常足料，麵包中間夾住牛肉漢堡扒，芝士，蕃茄，生菜，煙肉，同大啡菇。一個人淨係食個包就已經好飽。漢堡扒煎至九成熟，所以口感唔會太乾柴，而且牛肉味道香濃。黑松露醬都好香，令到成個包嘅味道升咗一個層次。另外仲叫咗牛油果醬芝士薯條，芝士落得毫不手軟，非常之多，而且薯條係粗身，唔會炸得好乾好硬。