Beerliner German Bar & Restaurant (已結業)

午餐時間預先book定，約左舊同事食飯，餐廳位置偏遠，但是餐廳裡面環境很安靜，氣氛好好，傾計食下野一流，前菜有湯，沙律拼盤已經夠飽肚，德國咸豬手十分美味，又超級大份，值得推薦。

A very good place to enjoy German food at an affordable price. Although the decoration is somewhat standard, the environment was clean and cozy. The Pork knuckle and the sausages taste great, and the beer selection will delight even seasoned drinkers.The apple strudel was also quite good and makes a great complement to any meal. The service itself was good and the staff was attentive to our needs. This might have been because we arrived at an hour where very few customers were present, but it le

訂位之後 都要等一等再等食餐飯 又話訂8點半 早左到7點開始接受walk in一班兄弟姊妹十人由7點但到8點九 先入得切餅又收$150唔收$150就叫兩個甜品咁樣不如食北京樓無咁嬲仲要10點半就截單 咁早關門 無晒意思叫左3set 3L生啤 真係麻中麻生日飯諗住下場啦 附近係無選擇

承接上次係朗豪坊食過chill過既經驗，今次生日飯揀左葵芳新都會廣場尼間就咁睇menu，野食選擇無異，唯獨是酒類選擇少左。上菜速度有效率，5算等好耐上次食過豬手，一如以往既好味，送啤一流，但有點要提下就係分切既店員，上次雖然店員分得比較吃力，但都盡量分到細塊d大家比較好分，今次葵芳店員就只係將佢分成3大塊，但我地有6個人，其實咁樣真係感覺麻麻，不過都見佢地比較忙，而且自己又5係做5到就算啦另外第一次試既有燒春雞，好味，肉汁多，肉質嫩口小食拼盤都好食，送酒happy hour就爽爽了整體餐飯食得都開心，食物味道good good good, 尼到氣氛真係比較近正餐，年輕人可能會比較中意朗豪坊果邊把酒食野多d各有千秋

同事生日，所以lunch落左樓下Beerliner 食德國菜慶祝。本身都以為呢間餐廳幾貴，原來而家有lunch set，望落menu都幾吸引。我地book左12:45，只可以hold檯5分鐘，好快都安排左張檯俾我地。秘製德國鹹豬手配酸椰菜及薯蓉 $238 雖然呢個唔係set lunch，但食德國野點可以冇豬手呢？豬皮炸得好脆，好邪惡呀～肉質都幾Juicy，配埋酸菜薯蓉，唔錯。香草燒春雞（半隻）配甘荀椰菜絲沙律 $108 燒春雞雞肉好嫩，燒得岩岩好。再配埋甘荀椰菜絲，好清新。跟餐有頭盤，餐湯，餐飲及甜品。

同朋友celebrate birthday 黎左葵芳呢間德國餐廳食，openrice 訂座有discount, 所以我地都早過黎 有8折😍跟住我地好快有位坐低左。order 左德國鹹豬手同埋原隻燒春雞。因為有個朋友未到 但d 野食黎哂，店員都好好service 咁提醒我地要快d 切左個豬手，如果唔係硬左就好難切同埋唔食。咁我地都食左先 冇等個朋友到 haha味道係唔錯既 同埋原隻燒春雞 雞肉都幾好食 唔錯！環境又舒適好適合朋友聚會！

望晒d 食評，又話態度好好，所以難得的Ladies Talk 先選呢間。新都會停車場雖然多車位，但要塞入去，分分鐘要等15min，所以是次 Booking 我遲了，我好慌張打去講我會遲15min ，但冷漠的回應是，我們只會hold 10min 。所以我泊完車就跑上去，去到都冇人，點解話唔留檯wor 😑入去，waiter 第一句就係話:「用膳時間90分鐘」唉…試問一餐飯，未食就不停被潑冷水似的，咁又點會開胃。幸好，我們屋肚餓，快速點了乳豬，青口，沙律，意粉，味道不過不失。最開心既係，係無酒精的啤酒...... 飲飲下，時間又夠了，waiter 係好首尾呼應地用一句 :「用膳時間到了，請埋單」作結 😶

第一次試食Beerliner German Bar & Restaurant，餐廳位置自成一角，與其他新都會內的食肆相隔甚遠，可能因而錯失部分上班族客人。慶幸顧客人數較少，上菜速度很快，亦較容易找服務人員幫忙。叫了一客德國腸($108)，四款前菜中選了三文魚薯仔沙律。拼盤一共有5款香腸，其中芝士腸味道最為突出，多汁皮脆，一試難忘。食物份量足，酸菜甚至未能吃完。隨餐尚有冷熱飲品及雪糕，非常滿足。另外服務員非常有禮，我們點餐後五分鐘希望更改前菜選擇，服務員亦盡力幫忙，更會主動加水，服務貼心。

選這裡是因爲男朋友喜歡吃豬手，我又想試下德國菜。男店員超級有禮貌，我點的酒剛好售完推薦的另一款也挺好喝。 男朋友覺得有點淡但意外地我超級喜歡的脆皮豬手，飯我覺得有點苦澀而且很「濟」，我吃了一半就吃不下。甜品芭菲不太合我味道吃了cream的部分就停手了。總結是男朋友覺得普通但我被豬手驚艷到，以後應該要自己去吃了哈哈。

I will love to visit again as well as bring my friends with me, the foods in the restaurant are great and delicious. 😋😋😋😋😋

成日係ig story見到好多fd reu都係食呢間，話份量大又好味又抵食，但多數都要多人先食得多野🥺今日難得撞正指定時間單點有半價😍緊係要黎試下佢最出名既豬手🍖🤤一到埗，晏就五點半，隔離又係掃街既葵廣，所以完全冇人，好似包場咁😂坐低之前經理已經講左話邊啲唔包半價優惠，態度都好友善，唔會話因爲我地用優惠就黑面咁👍之後全程都係咁斟水比我地，又會問話好冇味、啱唔啱食咁😊服務真心唔錯～野食方面，因為得兩個人，所以整係試左佢既豬😍🤤有三款㨂：烤/水煮豬手、黑啤烤乳豬，食德國菜一定要食既！本身想試佢個豬手，但侍應話乳豬出面好少有，所以豬手就留返下次啦😋再加多杯Huna hoop😉佢地既豬手/乳豬全部都係即烤，所以上菜個陣個皮超！級！脆🤩🤩🤩完全唔會硬，但入面既肉完全唔hi😝好juicy好嫩👍依家諗起都回味無窮～而且跟既酸菜同洋蔥都幾開胃，又唔會濟😋正！必試佢個黑啤烤乳豬啊❤️野飲其實係荔枝特飲，但個名好特別，唔知點解呢🙈😂😂幾好飲，唔死甜，中和豬既飽😆呢間真係好好味～下次要約多啲fd先可以試更多既野食啊🤤

其實今次去聚舊嘅，唔係我，而係小妹嘅丈夫！一行八個大男人，加埋我⋯⋯本來係一件好odd嘅事但為左食⋯我都可以同大家打成一片（所以女士們唔洗怕醜，都可以一齊去聚舊）點解咁想黎？原因之一係老公話有friend食過呢間德國餐廳！所以encore！其實基本上，所有德國餐廳都係千篇一律——豬手、德國腸同埋啤酒⋯等等原本都係諗住試下你有幾好味嘅心態，點知都真係有d驚喜！首先，餐廳環境唔錯！好乾淨！燈光都算夠光，唔算太暗！所以有feel得黎又唔洗同班friend摸黑傾計食德國野，啤酒當然唔少得！咁多人索性嗌個3-Litre Draught Barrel⋯我真係好少咁嗌，如果唔係同班男人一齊食，都無機會見識呢個場面我得出三個形容詞：豪氣，好玩，有風味！最後大概有6-7人飲，自己都飲左兩杯😝食物方面，叫德國咸豬手當然唔少得！夠脆，有肉地！另外牛扒味道同口感都唔錯，份量足夠！燒春雞其實好香，皮脆，肉又嫩滑，可惜食嘅時候太飽！無食得太多~重點讚一！首先我幾欣賞佢個特色拼盤，有煙三文魚卷、香菇撻、豬手肉絲卷味道好豐富！好好味！其實拼盤仲有魷魚圈同炸雞，不過我就覺得正常水準，唔算特別。(可惜忘了影相)重點讚二！

成年冇見拉，大家靚女都話唔想食咁飽，不想吃自助餐！咁一於去葵芳食西餐。食物大份又好味！girl talk一流架環境！交通又方便在葵芳地鐵隔離新都會商場内，對屯門人來講十分方便！沙津好特別紅菜頭做的，酸酸甜甜，健康又有益！咸豬手皮唔太脆有dd 硬！有些位真的硬左d! 切個個朋友堅切到手軟，下次唔會叫呢個！特飲先最正，只記得有荔枝，酸中帶甜！4位女仕飲後一致好評！雜腸份量超大，食唔曬！冇5個人以上都唔好叫！炸物并盤咩都有d, 仲樣樣都好食！

幾個朋友約埋一齊食，地方唔太嘈，服務正常，食物一般，最好食既係隻豬手。我地叫左豬手，腸拼盤，燒雞，薄餅。好食至唔好食排列由左至右。豬手外脆內軟腸拼冇咩驚喜，有啲單調，反而配菜嘅薯泥仲好食。老實說雞真係好一般，除左雞腿🍗少少滑，其餘部份都係柴。。。😪依個薄餅攞到岀黎係凍既，到走既時候都食唔哂😔好彩，啤酒🍻夠凍，好飲！

這餐飯想用鹹字黎形容，調味重手，蓋過了本身道菜的味道，需要不停地飲水先可食下一道菜。開頭以為是我嘅味覺出事，但同檯的友人有相同嘅評價，味道確是偏濃。叫了德國咸豬手和香腸拼盤，剛好足夠分給六個人食的份量後加了龍蝦海鮮牛扒羊架配薯蓉，最好味是薯蓉！青口帶子意大利飯，鹹到好似食緊粒粗鹽可選擇的食物款式不算很多，本來想清淡一些叫一個蔬菜或沙律🥗 但可惜只有配三文魚，而我本身不吃三文魚，沒有選擇整體餐廳員工嘅服務很好，提醒了我們要在Happy Hour時段內點飲品會抵好多!!!