自從朋友帶我食過一次金豪之後，間唔時都想重溫吓😋趁住長假期約班fd食飯吹下水～ 今晚有特價海鮮孖寶：清蒸沙巴龍躉+蒜蓉粉絲蒸蟶子王4隻👍🏻條魚都好大條，蒸得啱啱好，唔會太熟啲肉粗糙，又唔會有粉紅色夾唔起啲魚肉💯蟶子都大大條，成條筷子咁長😳啲肉配埋辣椒蒜蓉非常惹味👍🏻👍🏻 小食今次揀咗椒鹽豆腐，即炸！超香酥，豆腐又好嫩滑，次次都好心急食，結果焫親個嘴😂😂推介✅ 芥辣牛柳粒勁大碟，勁多牛粒，7-8成熟，所以唔會好硬，粒粒都有芥辣醬薄薄包裹住，個醬經過特別調製，唔係日料魚生點個種青bb washabi，係甜甜地👍🏻好開胃，食多多都唔濟 炸蝦球熱辣辣🔥好大隻蝦，個粉又唔會厚，仲食到蝦嘅鮮味，點沙律醬幾好～ 最後食多個蒜蓉通菜，好少有，炒得清脆爽口✅食咗咁多餸，款款都大碟，份量夠多👍🏻唔洗食飯都夠飽😆 個個都飽到捧住個肚走，價錢又抵食，坐成晚都唔趕人走，啱曬一班友仔聚會🍺🍻

每次想揀返間餐廳chill下既時候，第一時間都會諗起去食鐵板燒，我鍾意鐵板燒嘅視覺加嗅覺享受，而且食材都會有一定水準。所以每次想犒賞自己辛勤工作既日子都會考慮左食鐵板燒先。 今次是天后嘅呢間宴 鐵板燒，其實係因為之前都去過佢哋同集團嘅瀧宴，覺得水準好高，跟住留意到呢邊嘅宴 喺餐牌上邊有少少嘅改動，加上呢度可以睇到日落，所以決定過泥試下！ 首先上左前菜，用左爽甜既日本白粟米配一粒螺肉，師父已經好貼心咁拮起左粒漬煮既螺肉！ 跟住一人一隻日本生蠔，配左啲類似柑橘啫喱係的確帶出到生蠔既鮮味同時可以突顯到生蠔既creamy 之後有季節刺身同埋一份手卷，今次我唔食魚生，師傅亦都安排咗全部火炙處理俾我，逼出咗魚油更加香。手卷嗰度用咗漢字金黃香脆嘅鱈魚乾取代一般嘅紫菜，好有新鮮感！ 之後師傅俾咗今日嘅食材我哋打卡～整體都好有光澤，睇落好新鮮❤️同時亦都俾咗一個醃漬物拼盤俾我哋鮮膩，當中我特別推介山藥同埋沖繩苦瓜🤣 首先上咗帆立貝配海苔高湯 帆立貝生熟到控制得剛剛好突顯咗師傅嘅功架，而且我特別想稱讚上面嘅三文魚籽，師傅話特別醃製過，所以更加鮮甜，而且唔會過咸，口感亦都係好彈L彈L咁😝 沙巴虎蝦 大虎蝦用咗牛油黑椒同埋鹽去煎香，睇住師傅三幾下就可以將大虎蝦起肉，然後用蝦頭膏煮汁，成件事行雲流水，真係視覺享受！蝦肉爽甜彈牙，回味呀😘 香煎鵝肝多士伴黑醋汁 呢個都係發揮到高水準，芳香肥沃，另外我特別鍾意呢度配咗兩粒黑蜜豆，好綿密，亦都同鵝肝入口則用嘅口感有啲對比，好得意！ 美國牛柳 呢度滿足咗貪心嘅我，因為佢有齊厚燒薄燒，2款都可以食晒🤣 厚燒5成熟剛剛好，配埋炸蒜片一齊食！不過我個人更加鍾意薄燒，配埋入面嘅香蔥蒜咬入口係可以做到爆汁！ 黑松露蟹肉炒飯 炒飯亦都唔係一貫平時常見嘅和牛炒飯，呢度係用咗一絲絲嘅蟹肉配埋黑松露去炒，一上枱真係香到一個點，炒得粒粒乾身，好食！ 炒雜菜可以幫到大家清下味蕾，爽脆嘅口感，亦都可以幫助解膩。魚湯入口溫順，濃郁得嚟唔會腥，而且食完咁多嘢飲一碗暖笠笠嘅湯暖胃係好舒服！甜品係抹茶奶凍Nice ending! 呢度嘅廚師同埋staff都10分專業，亦都好有禮貌，每次上菜都會介紹菜式有咩特別之處同埋食用嘅方法次序，整體係食得好舒服同埋味道好出色嘅晚餐，推介大家都嚟試吓！

呢間串燒店嘅前身係「隱町」，食過覺得好好食，後來轉咗手，都係做串燒，裝修冇乜變，食物多左種類，所以想試下好冇食～ 係openrice見到訂座有9折，而且夜晚10點後有深宵套餐，好抵食，$198有一杯生啤+七串串燒，咁緊係食啦🤣我同朋友都勁期待 點知係惡夢既開始⋯⋯⋯😵‍💫😵‍💫😵‍💫 我地準時去到餐廳，發現勁多人坐滿曬，一問原來係有人包場⋯我地已經心諗：下？！book咗枱又confirm咗，黎到先講？？😰😰 店員即刻問老細點算，然後就offer我地去隔離火鍋店到食😰完全冇咗食串燒既心情，係火鍋店食串燒，笑😂😂 個陣已經夜晚10點幾，附近餐廳都閂晒，係完全冇得揀嘅情況下，我哋被迫接受 上到去，我地㨂左深宵套餐，諗住自選串燒既時候，先通知我地話係廚師發辦⋯⋯我地大失預算，勁失望🙍🏻‍♀️餐牌又冇寫清楚 仲要話冇生啤機，就咁比啲支裝啤酒🍻大佬，兩個級數同價錢啦☹️☹️☹️ 等食物都等左好耐，估到店員偷懶，一定係等齊7串先拎上黎比我地，凍曬又硬曬，串燒食既係火侯❗️熱辣辣先好食架嘛😵‍💫😵‍💫😵‍💫 上完2碟都冇介紹係啲咩就一走了之，留低我同朋友係火鍋店，之後就冇人serve過我地😰 食唔夠半個鐘，就話要埋單先😮‍💨😮‍💨😮‍💨明明個深宵套餐做到凌晨2點，會唔會咁早要埋數呀？？ 真心食到成肚火，食完就走人，一秒都唔想留係到🥵🥵平係平，但如果咁既服務同體驗，不了不了🫠 Openrice食評個個都大讚，一間新開既餐廳有咁多好評，0負評，大家知咩料啦🤗🤗🤗 PS 最過分係我明明出席咗，餐廳話我缺席，好彩我有keep住張單據，以証清白！先打到呢個食評警世❗️

二月係生日月，所以差唔多晚晚都食好西😛 但印象最深刻嘅一定係呢餐omakase✅ 因為唔單止食物質素幾好，而且服務態度好nice⭐️今時今日食飯其實餐廳服務好影響成個體驗🫡 因為我比較細聲，所以就揀$1980套餐：主要係有三件魚生、七件壽司、一啲煮物、甜品，我見到隔籬枱叫咗$2580套餐（應該就係多咗三樣嘢左右，其他都一模一樣😋所以覺得自己賺咗😆） 師傅好後生，一腳踢冇助手，所以過程比較急趕🙈但佢好好態度，每款食材都好詳盡解釋👍🏻會因應我哋嘅要求去作出微調👍🏻 首先有一碗好暖嘅帶子蝦湯，帶子戒到好似花咁靚，味道鮮甜✅ 然後就有用春天做主題嘅平目魚魚生，好清甜，加埋青檸汁好開胃⭐️仲有赤貝、白松貝，每款都有2-3件，爽口彈牙，完全冇腥味👍🏻 炙燒地金目鯛非常出色，皮脆魚生，有龍蝦嘅感覺😯幾特別 中途有一碗熱湯，是用鮑魚、昆布和蘿蔔煮五個鐘嘅湯，好濃味，沒有味精😋竹筍爽脆 等咗一陣仲有伊勢龍蝦🦞黃金汁，好嫩好滑嘅肉質，烹調時間啱啱好 食完就入戲肉！！每款壽司都好好味🥰😋幸福的感覺（朋友完全唔夠喉🤣 有牡丹蝦、鳥貝魚、北海道海膽、白蝦、池魚、沙甸魚、吞拿魚 赤身、左口魚魚邊（油脂香😍）、青魚，都好新鮮好大件，足料☺️🧡 去到尾聲，師傅拎咗個好似一大件蛋糕出嚟，點知原來是江戶前玉子燒🤣👍🏻質感似海綿蛋糕，細細件，好想要多件🥹 最後就係水果靜岡皇后蜜瓜🍈超爆甜😳完美！ 師傅去到最尾先得閒講返～原來之前嘅日本師傅暫時返咗家鄉，所以變咗佢就好忙🫣但佢忙中有序✅體驗完全冇受到影響☺️辛苦晒🙏🏻

今年係同bestie相識既第十五個年頭🥹要好好慶祝🍾呢份得來不易既友誼🫶🏻周年紀念既呢一晚一於食豪啲！食bestie最愛既omakase😍suzuno剩係得一個dinner set $1880🌟記得一定要book位唔接受Walk in❌而且要俾訂金的～因為廚師會早一日order食材，所以每日去食都有少少唔同😋👍🏻 套餐分為七個部份：前菜、季節限定食材、五款刺身、料理兩客、10件手握壽司、味噌湯、甜品❤️好欣賞鄧師傅喺過程當中給予適當嘅介紹，認識食材及當中嘅文化，好愉快咁渡過呢四個鐘嘅晚飯時間🙏🏻 因為接近農曆新年，所以師傅準備咗日本傳統新年會食嘅賀年食品，個人認為有啲似懷石料理：昆布漬物、海老（代表長壽嘅祝福）、黑豆、栗子、魚蛋等等，都有唔同嘅新年祝福嘅意味🥰非常有心思 然後會上一個熱湯，本來以為只係普通嘅味噌湯，點知一打開，係車海老👍🏻雞肉蘿蔔新鮮熬製嘅湯😋非常有鮮味，而且可以先暖一暖胃打底❤️ 好幸運地，今日有赤矢柄（我形容為一條好似鴨嘴獸嘅魚🙈）師傅即席拎咗一條出嚟，先介紹，然後就切出魚背上的肉，其他部份都唔會食用，非常矜貴🌟🌟 一開始先是鰝鰺刺身，口感爽脆彈牙，感覺很fresh🆗唔需要額外嘅豉油，完全冇腥味 今晚有三道菜都同蝦有關，白蝦刺身好出色，啖啖肉，口感有啲似食緊燕窩粥😋之後有一個係炸白蝦蝦球，都幾彈牙✅ 出乎意料地有蟹食😍😍😍仲要係原隻起晒肉，香箱蟹😋有膏好香，而且肉質鮮甜，加埋檸檬🍋汁一流！值回票價😆 中途上咗一個油揚白蝦，原隻蝦連殼都炸得非常香口，配埋sake真係忍唔住一隻接一隻😚 同時師傅準備咗貝殼類：白見貝和赤貝，擺盤非常有心思，美得像畫🥹打卡💯💯 全晚嘅MVP一定一定是三文魚籽❣️❣️❣️原本以為和平時吃的一樣，點知一食入口係超級彈牙，完全冇鹹腥味，一咬落去爆汁口腔充滿甜味❤️❤️❤️大愛！ 原本我係唔食白子刺身，但係師傅燒過之後，顛覆咗我嘅認知😳原來可以咁creamy，口感rich🆒 去到刺身嘅環節，就係師傅表演嘅環節🤩🤩師傅好貼心地幫我哋整到最細嘅飯🙈 赤矢柄口感食落去清甜嫩滑👍🏻幾特別 金目鯛、寒鰤魚（富山特產）、關鯖魚（唯一一款唔需要醃製）係師傅最鍾意嘅三大魚刺身👍🏻個人都非常喜歡😋😋欣賞師傅嘅安排令到一餐飯可以食到日本不同地區的特產🙏🏻 仲有福岡槍魷魚、北海道沙甸魚、中吞拿、赤身，色澤非常鮮艷，一睇就非常有食慾😍👍🏻👍🏻味道更加唔使講咁好食！🤣🤣最後仲有北海道馬糞海膽🥹入口即溶唔使多講💯💯 食咗咁多生嘢之後，師傅安排咗一碗熱嘅麵豉湯，非常貼心✅ 最後嘅最後當然唔少得甜品～就係日本羊羹加新鮮士多啤梨🍓為呢餐晚飯畫上完美嘅句號。 成餐飯食咗差唔多四個鐘，快樂不知時日過😆🥰師傅非常健談，控制時間都非常好，令到我同朋友都有一個視覺味覺聽覺既頂級享受💯期待下一次嘅光臨，再食到其他新鮮食材，呢間餐廳係慶祝紀念日子的不二選擇❣️❣️❣️

嚟親deli都一定係食燒烤堂😋個人係串燒big fans🤣🤣睇ig見到佢開咗姊妹店：陀地燒，價錢仲要平一半🤭一定要試試佢啦😎 好方便地都係有得WhatsApp book位👍🏻職員嘉嘉勁nice🥰本身得90分鐘，我同佢講話係慶生又多人食，佢都肯extend比我❤️❤️❤️ 去到現場，好熱鬧，平日都多人食🙌🏻我覺得環境舒服過樓上🤣張枱大張，同隔離有一定距離，可以叫勁多野食😋😋 最正嘅係！佢有二人餐，先$288/2位用😨😨震驚咗全枱人，套餐唔hea，有齊帶子生蠔牛舌粟米蒜蓉包等等～～🌟🌟真心抵玩🤭🤭 單點都好抵，樣樣都只係$1x-2x，不過最少2串起，我地4人行fit曬🤓🤓啤酒🍻仲買一送一🥹好良心❤️❤️❤️ 中間嘉嘉仲有黎同我地吹下水🍻氣氛好好😌不知不覺食咗超多🤣🤣 呢到切餅費先$50！好良心呀又係😚😚出面閑閑地200🥵而且職員都好醒水，真係比到surprise😆😆😎💪🏻💪🏻 我同朋友sss都話正，聚會串燒一流，好開心既一晚，thanks😋😋👍🏻🙌🏻一定再嚟～再多啲款就更好😆（期待～

尖沙咀真係好多韓國餐廳 機緣巧合下喺IG見到呢間咯咯🐔雞，見到佢啲嘢食好吸引，食過一次返尋味，今晚叫咗另一個朋友介紹佢試😛 一開始見佢個餐廳名，以為佢淨係賣炸雞🍗點知原來佢都有好多唔同嘅嘢食😍飯卷部隊鍋牛肋骨炸雞煎餅😋應有盡有！而且都好出色 今次我兩個女仔都比較細食，但又想比朋友試曬佢嘅招牌🥹所以我哋決定叫個二人餐😎套餐先四百幾蚊，但已經有齊炸雞部隊鍋牛肋骨同兩杯飲品👍🏻👍🏻 炸雞我哋揀咗甜辣口味，雞外脆內軟，一啲都唔會厚粉，而且我估佢應該係即叫即炸，熱辣辣勁脆身👍🏻淋醬又唔會好多啱啱好，唔會好辣，大人細路都啱食～ 部隊鍋唔使多介紹，午餐肉芝士腸仔辛辣麵必須有！套餐先有呢個迷你鍋，但其實我覺得一啲都唔細🤣🤣兩個人食都夠晒飽 牛肋骨簡直係臥虎藏龍🤩完全估唔到佢咁好食😍佢用咗石頭鍋飯嘅煲去裝住，所以好保溫👍🏻入面有六七嚿大大嚿嘅牛肋骨😋煮得好腍好入味好惹味，仲有啲蘿蔔，又係煲到勁腍😋送飯一流！可以食2碗🤣🤣 飲品都好正，好大杯，唔會死甜，配埋炸雞💯💯推介士多啤梨乳酪飲🤭 餐廳喺馬路旁邊好易搵，門面都幾大間又光猛，坐得都好舒服，唔會同隔籬枱手踭碰手踭🙈🙈服務態度都好友善，主動加水收走啲碟💪🏻同朋友聚會揀呢度就啱晒😎

冬天去韓國🇰🇷真係會凍到傻🫠🫠但又好想食韓國飯卷、捲蛋、芝士部隊鍋🥹🥹所以揾左呢間餐廳一戰！ 一入餐廳真係比佢surprised到😨😨以為時空穿梭，去左街邊啲舖仔，裝修勁有心👍🏻👍🏻👍🏻用埋啲枱櫈、汽水箱，播歌，全場hyper🎶🎶好似去咗韓國街頭咁有feel好熱鬧🤣 天氣凍冰冰，一定要食返串魚糕🍥先！湯底清甜，有兩舊好淋好入味嘅蘿蔔😆半鍋份量已經有成5串大魚糕，有個煲滾住食，個人暖返曬😋😋 小食仲叫左個薯仔煎餅🫓煎得好香口，熱辣辣脆邊100分，點埋自家醬，一個人都食得晒一碟！ 去韓國點可以冇炸雞🍗啤酒🍻我哋揀咗甜辣口味半份，已經有五件大大件雞！肉質一啲都唔hi，幾嫩👍🏻👍🏻啲醬夠多，好味道👅 紫菜包飯好大碟，有8件，件件都足料又大舊，午餐肉酸蘿蔔青瓜🥒清新又飽肚😄 中間叫左好多飲品，試左菠蘿🍍soda荔枝soda同埋粒粒提子🍇汁👍🏻👍🏻解渴fresh又大杯，同朋友吹水口乾飲就fit了🤣🤣💪🏻

去咗一個禮拜日本返嚟香港，真係好唔捨得🥹都仲係好想食日本嘢😋😋 瀧宴嘅鐵板燒一直都係我個list to eat😂😂難得佢做八折優惠🤩一於豪一次😛 一入個餐廳左邊就係高枱面對住chef，右邊就係四人枱，食鐵板燒一定要同廚師交流先係精粹㗎嘛😌😌餐廳有個勁大嘅落地玻璃，身處高樓，望香港夜景真係好靚，加分❣️❣️ 八折之後11道菜埋單每人都係1300左右🙈 首先會有一小碟前菜，係一啲醃酸蘿蔔和蓮藕，同埋鮟鱇魚肝，好開胃👌🏻 第一道係香煎銀鱈魚🐟廚師將魚皮煎到勁脆勁香口😋而魚肉嘅肉質好鮮甜一口即溶👍🏻熱辣辣勁好食 食完魚之後就食野生大虎蝦🦐廚師好細心將蝦腸跳走🥰然後用少少鹽吊味，蝦肉嘅鮮甜出晒嚟，蝦頭啲蝦膏都好容易一啜就食晒😋😋 第三道菜就係牛油帆立貝，超級大粒❣️又厚身，煎到出面好脆入面嘅肉質好有口感，連啲湯汁都飲埋😂😂 南非鮑魚都非常出色，食之前會俾我哋影相🤭見到佢好生猛咁郁嚟郁去🙈然後煎成薄片，入口濃嘅海水味，好似成個海喺個口入面👌🏻😄 食完海鮮就到頂級牛肉🤩🙌🏻牛肉可以揀幾成熟，識食一定係五成😌非常香重牛肉味👍🏻薄燒都做得好好，因為我同朋友都唔食生葱，但佢呢度整得好好😋解咗牛肉既肥膩感💯 最後一道一定係櫻花蝦炒飯🤣🤣好難得地我成碗食晒🙈廚師好好會因應每個人嘅口味調校，個人定制，好貼心🙏🏻每道菜式都解釋得簡而精，有問必答，但又唔會打擾客人之間的傾談💯☺️😊欣賞 最後一定要有甜品啦🍮今日係佢哋餐廳自己整嘅抹茶布甸，加十勝紅豆🫘唔會太甜👍🏻出色 開心🥳 喺香港都可以食到咁有質素嘅鐵板燒🥹🥹一解我思日本之愁🩷🩷🩷

Soho區真係有好多隱世小店，形形色色咩菜式都有🤩難得出港島，緊係要去覓食下😋😋 呢間holy eats一直係我既eating list，佢裝修風格係我個人幾鍾意嘅黑暗又帶點文化色彩👍🏻出面望係幾有feel🙌🏻而嘢食就係墨西哥x港式，幾特別，於是就捉左個朋友一齊試吓～ 小食叫左beef taco 🌮一人一件兩分食好開胃，好輕微既辣加生洋蔥芫荽，出奇地夾🤩good! 主食㨂左fish&chips，炸得剛好，唔厚粉，不過偏咸，點佢自家他他醬和莎莎醬就好惹味👍🏻👍🏻唔記得講佢個avocado spinach salad 🥗👍🏻👍🏻大大碟，足料比半個牛油果🥑好fresh又飽肚😋我哋仲好偶然地試左個pasta，不是平時認知中的麵，係creamy spinach fettuccine 🤣🤣感覺係薯仔蓉，有啲肉，好多香料，搞拌而成，配埋法包🥖食係好味🤤😆 最後提提大家，餐廳較細，想食就記得book位！🥰🥰