Beerliner German Bar & Restaurant (已結業)

同事生日，所以lunch落左樓下Beerliner 食德國菜慶祝。本身都以為呢間餐廳幾貴，原來而家有lunch set，望落menu都幾吸引。我地book左12:45，只可以hold檯5分鐘，好快都安排左張檯俾我地。秘製德國鹹豬手配酸椰菜及薯蓉 $238 雖然呢個唔係set lunch，但食德國野點可以冇豬手呢？豬皮炸得好脆，好邪惡呀～肉質都幾Juicy，配埋酸菜薯蓉，唔錯。香草燒春雞（半隻）配甘荀椰菜絲沙律 $108 燒春雞雞肉好嫩，燒得岩岩好。再配埋甘荀椰菜絲，好清新。跟餐有頭盤，餐湯，餐飲及甜品。