All Day Coffee (圍方)

營業中

休息中

☕All Day Coffee️🍰今日自己出去銀行，係圍方商場裏面，有啲趕時間但又未食早餐，見到有咖啡店想飲番杯醒神☕️行行下就發現咗呢間隱世咖啡店🔸Cappuccino (hot) $45 - 使用現磨咖啡豆。新鮮研磨咖啡豆能夠保留更多風味&香氣，提取過程中釋放出更多咖啡油，口感同風味都非常濃郁順口。配合新鮮牛奶打成奶泡，絲滑牛奶質地對於Cappuccino整體質量非常重要。好飲👍🏻🔸Caramel and nuts cake $38 - 蛋糕既口感非常豐富。蛋糕體鬆軟而濕潤，帶有一點點彈性。焦糖醬在口中融化，為蛋糕增添了濃郁甜味黏稠既質地。果仁有額外既口感層次，使整個蛋糕更加香脆有嚼勁。焦糖醬帶來濃厚焦糖風味。甜而不膩。蛋糕本身帶有淡淡既香草口味，與焦糖甜味相得益彰。果仁香氣，味道與焦糖完美融合，為整個蛋糕增添了豐富風味。最欣賞係餐廳既裝修，打卡一流❤️環境對住玻璃窗，開揚十足。好滿足食物同環境都咁正👍🏻

係大圍圍方有個歎啡好地方隱藏於 Louder 入面，座位沿住玻璃窗開揚、寧靜、騷擾較少環境舒適，飲杯本地咖啡休息一下☕️🔅Cappuccino $35 (限時優惠)🔅Mocha Hazelnut Cake $38咖啡入口微微帶酸，係小編喜歡嘅味道後段再飲，酸味不見了但就覺得多咗陣烘焙味道，好有趣配搭一件Mocha Hazelnut Cake，味道清清地作為下午茶唔會有負擔臨走時大膽去問咖啡師，咖啡豆其實係fruity定nutty？原來係自家house blend 咖啡豆平衡係fruity同nutty中間初入口帶酸，來自紅提子同citrus，味道明顯後段就會變成roasted味道

放工或者放假想享受片刻一個人𝙢𝙚 𝙩𝙞𝙢𝙚 圍方呢間𝘼𝙡𝙡 𝘿𝙖𝙮 𝘾𝙤𝙛𝙛𝙚𝙚 應該滿足到你🤗放工經過圍方，見到呢間小店門口有宣傳，我先知入邊有一間咁隱蔽嘅𝙘𝙤𝙛𝙛𝙚𝙚 𝙨𝙝𝙤𝙥 😏雖然一個小小𝙘𝙤𝙧𝙣𝙚𝙧位，咖啡嘅種類不少、仲有一個蛋糕櫃😊 大概因為放工時間先去，蛋糕差唔多賣晒😆見佢寫日本蛋糕🍰，忍唔住叫左一件🔅摩卡果仁蛋糕 $38 + 🔅 𝙈𝙖𝙩𝙘𝙝𝙖 𝙇𝙖𝙩𝙩𝙚 $48兩樣食物都唔算甜～👍蛋糕細細件，上面係榛子𝙃𝙖𝙯𝙚𝙡𝙣𝙪𝙩, 果仁口感夠晒𝙘𝙧𝙞𝙨𝙥𝙮， 最鐘意淡淡咖啡☕️香，忌廉同蛋糕層次分明，比例平均，食起來不會過甜同飽濟！ 對於晚上飲左咖啡會訓唔著嘅朋友，呢件𝙘𝙖𝙠𝙚 或者可以止止咖啡癮😆至於杯𝙈𝙖𝙩𝙘𝙝𝙖 𝙇𝙖𝙩𝙩𝙚,抹茶味🍵好甘好濃，奶泡入口綿滑，拉花又靚～ 同𝙘𝙖𝙠𝙚 呢個組合好唔錯～ 🤭 我見佢地仲有抹茶𝘾𝙝𝙚𝙚𝙨𝙚 𝙘𝙖𝙠𝙚, 睇嚟下次可以試埋

♬•*¨*•.¸¸ 𝘛𝘢𝘬𝘦 𝘢 𝘤𝘰𝘧𝘧𝘦𝘦 𝘣𝘳𝘦𝘢𝘬..話說系大圍hea時間..竟然系圍方搵到間勁隱蔽既本地咖啡店..佢系系間叫Louder..賣本地品牌野既舖頭裡面..座位吾多..佢系一排既window seat可以望到下面平台公園。比較少人行入黎..所以系裡面嘆啡傾計非常舒適🤡同埋而家做緊discount..black & white都系$30杯🥹呢度咖啡系用上精品咖啡豆..飲落甘香..我覺得又有微微既果酸味..latte整體幾順滑👍🏻蛋糕都系日本直送..用日本材料🇯🇵揀左朱古力蛋糕..蛋糕食落都鬆軟..加上忌廉都吾會好漏..𖤘 𝘓𝘢𝘵𝘵𝘦 | ᴴᴷᴰ𝟹𝟶𖤘 𝘓𝘰𝘯𝘨 𝘉𝘭𝘢𝘤𝘬 | ᴴᴷᴰ𝟹𝟶𖤘 𝘗𝘶𝘳𝘦 𝘊𝘩𝘰𝘤𝘰𝘭𝘢𝘵𝘦 𝘊𝘢𝘬𝘦 | ᴴᴷᴰ𝟹𝟾

今天我來到一間位於大圍圍方商場3/F 的咖啡店。咖啡店相當隱蔽，它藏在一間賣本地品牌的店鋪角落裏，也因如此，一到達店內感到特別的寧靜舒適。而且，咖啡店更有落地大玻璃可以看觀賞到商場的平台花園和大圍樓景。我叫了一杯熱cappuccino （$45) 和一件朱古力蛋糕($38)。在等餐期間，可以看到店員在沖調咖啡，店員介紹說這間咖啡店都是用精品咖啡豆。一瞬間的時間，我點的cappuccino已製作完成。Cappuccino上的拉花非常漂亮，聞起來有陣陣咖啡香味，而且甜度剛剛好，咖啡和奶泡結合得恰到好處。朱古力蛋糕賣相吸引，吃下去有濃郁的巧克力味道，蛋糕鬆軟濕潤，入口即化。

📍Who needs coffee all day!? Me! 無論日與夜 咖啡都成為我的精神伙伴🙈 Coffeeshop置身於本地手作店角落 環境隱蔽寧靜 走日式木系簡約路線 設有靠窗梳化椅 輕輕透入自然光～🌀DIRTY & 朱古力蛋糕今次已經係二訪 又是選擇我最喜愛的Dirty🙆🏻‍♀️ 表層嘅espresso帶強烈咖啡香氣 烘焙度高 咖啡慢慢流入凍奶之中 由濃到淡 形成豐富嘅分層口感 口感更加細緻順滑蛋糕全部係日本直送 用上日本麵粉 海綿蛋糕部分口感鬆軟輕盈 配上忌廉都唔會覺得太甜膩! 蛋糕都好好賣 每日供應4-5款 當日下午去到已經只係淨返幾件😂

係真。隱世嘅cafe🤣係間LOUNDER嘅store再行到最入 就有個corner聞到隱約嘅咖啡香💨行到攰時可以入黎偷個閒！座位雖少 但一列嘅window seats望住出面嗰公園仔反而幾開揚 亦啱哂我呢啲I人避世下。。。🦔✢ ʟᴀᴛᴛᴇ $45收工絕對需要杯經典latte！有拉花即刻開心番🥰飲落香醇嘅咖啡香 質感幾順滑👍🏿✢ ᴍᴏᴄʜᴀ ʜᴀᴢᴇʟɴᴜᴛ ᴄᴀᴋᴇ $38凍櫃可以睇到佢剩低邊啲蛋糕款~ 件件都幾精緻 細細件啱哂tea食🍰呢件幾突出mocha嘅甜 面頭唔少果仁碎 中間忌廉層唔厚 所以唔會太膩 但蛋糕體無咁乾的話 口味會更理想

今日放假自己一個人得閒係大圍新起既廣場路行下，想shopping下，比我見到係鋪頭入面有一間隱藏既cafe☕️又可以坐係度食下，休息下，又可以順便望係出面既鋪頭賣緊咩，成個感覺好特別，同個咖啡師傾左幾句先知佢地係用Speciality grade coffee beans🫘粒粒都係挑選後既精品，唔怪得咁好飲🌟Matcha Latte一下就比個拉花吸印左☕️個抹茶味係勁濃，上面仲帶點淡淡既鮮奶味🥛我叫左熱既，飲落去係好滑，好清香🌟士多啤梨芝士蛋糕個蛋糕係淺粉紅色，入面可見係有士多啤梨粒🍓個皮都比較薄，食落去好滑，唔會好甜，淡淡既芝士味加少少士多啤梨既酸甜🍰好真材實料

2024年4月8日 星期一終於放完復活節假，要重拾心情投入工作，所以全日都做到冇停手，一放工就決定對自己好啲，於是就去到大圍圍方嘅商場行吓街調節下喺商場3樓嘅Louder呢度，竟然發現裏面仲有一間咖啡店，真係完全估唔到餐廳雖然唔係好大，不過有落地大玻璃，所以有自然光滲透入去，可以一邊飲咖啡，一邊睇到出面嘅風景，感覺好chill餐廳分別提供咖啡餐牌同蛋糕餐牌，每款咖啡都寫咗咖啡同牛奶嘅比例，啱晒我呢一種初學咖啡嘅人士，一睇就睇得明，而蛋糕餐牌就剔咗是日提供嘅五款蛋糕，最後我要咗一杯latte同士多啤梨芝士蛋糕等咗幾分鐘，店員就已經整好latte，見到拉花拉得好靚，用嚟打卡一流，由於我要左oat milk，味道應該冇牛奶咁濃烈，但係飲落去仍然飲到奶味，十分幼滑，加上咖啡味幾香濃，整體味道好平衡至於件士多啤梨芝士蛋糕口感好細滑，每啖都食到士多啤梨既香甜，而且個蛋糕食完都唔覺好膩，配埋latte簡直係一流！！

今日難得放假，去咗大圍嘅新商場--圍方行下街。去到三樓一間賣本地貨品嘅店鋪時，發現裡面有一間coffee shop！Coffee shop有落地大玻璃，望住大圍樓景。店鋪嘅咖啡都係用不同嘅精品咖啡豆沖調，我決定一於試下呢間鋪嘅咖啡同蛋糕！朱古力芝士蛋糕 $35芝士蛋糕質地順滑，食落有濃郁芝士口感，朱古力味香濃Espresso Combo $65Espresso combo 係有一杯Espresso 同一杯Latte。Espresso 濃郁，充滿咖啡豆嘅香味！店員話係用 'Ethiopia tamiru tadesse bona 74110' 嚟沖調，呢隻豆果香味濃。而Latte有香滑嘅奶香味，同咖啡嘅清香相得益彰。

☕️大圍一人友善日系Cafe☕️-有時約朋友出街食飯 但又未夠鐘集合 通常都一係行下街或者揾個一人友善咖啡店坐一陣🤫 今次呢間位於大圍新商場嘅coffee shop就幫咗我解決要揾地方hea嘅煩惱💡佢位置喺一間小店嘅入面 有一排背住落地大玻璃嘅坐位 望到商場嘅戶外中庭 天氣好嘅時候可以係有冷氣嘅地方享受下日光浴🫶🏻-☕️Espresso Tonic $58呢排咁熱當然要叫番杯飲😽 濃縮咖啡加上氣泡水做成漸層好靚 咖啡味道平衡 加上氣泡水酸酸甜甜 好消暑☀️-🍰朱古力蛋糕 $38咖啡店主打賣日系蛋糕 所以係行好鬆軟好輕盈 零罪惡感嘅果種感覺😉 朱古力味會越食越出 份量好適合下午茶🥰-📍All Day Coffee (圍方) (大圍)大圍車公廟路18號圍方3樓328號舖

#foodstepsinhk_大圍呢間coffee shop太隱蔽了 要由louder行入去先見到🚶🏻‍♀️不過入面幾舒服！落地玻璃窗邊有唔少枱凳 店舖主要供應咖啡 日式蛋糕 同其他甜品🍰➸Earl Grey Rare Cheese Cake 伯爵茶芝士蛋糕 | $38➸Cold Brew | $55蛋糕好順滑 食落幾重伯爵茶味 包括它嘅佛手柑香仲食到茶葉碎嘅口感😌咖啡正正常常👌🏻

大圍圍方商場係我平時返放工必經嘅路。今日放工後，想行下商場，window shopping一陣先返屋企。我去到三樓一間精品店時，意外發現裡面竟然有間cafe店，真係好隱世！Cafe店雖然細細間，但環境好靜好舒服，仲有落地大玻璃可以望到大圍樓景。我叫咗一杯凍朱古力($48) 同一個Muffin ($28)坐低慢慢品嚐。凍朱古力：朱古力味道濃郁，飲落去有順滑口感，而且甜度適中，完全唔怕過於甜膩~ Muffin：點餐後，店員會即場再用焗爐焗返熱個Muffin，所以食嘅時候可以食到Muffin外層脆內層軟！Muffin係藍梅味道，店員話有時候會有朱古力味，期期唔同。

All Day Coffee • 大圍係大圍全新商場圍方行到攰下，搵到呢間coffee shop，於是入去搵個位坐低。Coffee shop位置靠窗，可以望到花園景，幾舒服😋😋..✅ 士多啤梨芝士蛋糕 🍰 淡淡嘅士多啤梨味，帶啲酸酸嘅感覺，清新好味，佢又唔似平時濃厚士多啤梨味嘅甜品，反而食落近似淡雪士多啤梨嘅味道，平淡得黎帶啲微微嘅甜味。蛋糕質地細膩軟滑，唔錯😙..✅ 焙茶Latte ☕️焙茶佔比比較重，飲起會帶少少茶本身少少澀嘅感覺，甜味唔算突出，幾特別嘅配搭。感覺焙茶同Latte嘅感覺又新鮮又大膽，本身我個人比較少見呢種配搭，兩者嘅味道混和一齊之後帶來少少澀得黎微甜嘅感覺，平時鐘意焙茶味甜品嘅朋友可以一試😙

鍾意去圍方泊車行街睇戲，今日行到一間潮流服飾店，原來盡頭入面有一間Cafe輕食小店，除咗有咖啡飲，仲有蛋糕、cheese cake。窗邊一排凳都可以坐，真係一個好好嘅共享空間，一邊shopping，一邊可以食嘢。今日叫咗一杯熱Mocha、一件Tiramisu cake。簡簡單單食個下午茶，享受陽光浴。☕️ Mocha $45味道剛好，唔會好甜，唔會好苦。🍰 Tiramisu cake $38 味道少甜，朱古力味重